ਨਵੀਂ ਦਿੱਲੀ- ਜੇਕਰ ਤੁਸੀਂ ਦਿੱਲੀ ਪੁਲਸ ਤੋਂ ਸੇਵਾਮੁਕਤ ਹੋ ਗਏ ਹੋ ਪਰ ਫਿਰ ਵੀ ਆਪਣੀ ਕੰਮ ਵਾਲੀ ਜ਼ਿੰਦਗੀ ਅਤੇ ਆਪਣੀ ਵਰਦੀ ਨੂੰ ਯਾਦ ਕਰ ਰਹੇ ਹੋ ਤਾਂ ਤੁਹਾਡੇ ਲਈ ਦਿੱਲੀ ਮੈਟਰੋ 'ਚ ਇਕ ਸਰਕਾਰੀ ਨੌਕਰੀ ਉਪਲਬਧ ਹੈ। ਦਿੱਲੀ ਮੈਟਰੋ ਰੇਲ ਕਾਰਪੋਰੇਸ਼ਨ (DMRC) ਨੇ ਸਕਿਓਰਿਟੀ ਇੰਸਪੈਕਟਰ ਦੇ ਅਹੁਦਿਆਂ ਲਈ ਭਰਤੀਆਂ ਕੱਢੀਆਂ ਹਨ। ਭਰਤੀ ਦਾ ਅਧਿਕਾਰਤ ਨੋਟੀਫਿਕੇਸ਼ਨ ਜਾਰੀ ਕਰ ਦਿੱਤਾ ਗਿਆ ਹੈ। ਅਧਿਕਾਰਤ ਵੈੱਬਸਾਈਟ 'ਤੇ ਜਾ ਕੇ ਚਾਹਵਾਨ ਉਮੀਦਵਾਰ ਅਪਲਾਈ ਕਰ ਸਕਦੇ ਹਨ। ਉਮੀਦਵਾਰ ਆਖਰੀ ਤਾਰੀਖ਼ 8 ਮਈ 2025 ਤੱਕ ਅਰਜ਼ੀ ਫਾਰਮ ਭਰ ਸਕਦੇ ਹਨ।
ਪੋਸਟ ਦੇ ਵੇਰਵੇ
ਦਿੱਲੀ ਮੈਟਰੋ ਵਿਚ ਸਕਿਓਰਿਟੀ ਇੰਸਪੈਕਟਰ ਦੀ ਅਸਾਮੀ ਇਕ ਚੰਗੀ ਅਸਾਮੀ ਹੈ। ਇਹ ਨੌਕਰੀ ਪ੍ਰਾਪਤ ਕਰਨ ਦਾ ਇਕ ਵਧੀਆ ਮੌਕਾ ਹੈ।
ਯੋਗਤਾ
ਦਿੱਲੀ ਮੈਟਰੋ 'ਚ ਸਕਿਓਰਿਟੀ ਇੰਸਪੈਕਟਰ ਬਣਨ ਲਈ ਉਮੀਦਵਾਰ ਨੂੰ ਮੌਜੂਦਾ ਸਮੇਂ 'ਚ ਦਿੱਲੀ ਪੁਲਸ ਵਿਚ ਸੇਵਾ ਨਿਭਾ ਰਿਹਾ ਜਾਂ ਸੇਵਾਮੁਕਤ ਹੋਣਾ ਚਾਹੀਦਾ ਹੈ ਅਤੇ ਉਸ ਕੋਲ ਸਬ-ਇੰਸਪੈਕਟਰ ਜਾਂ ਇੰਸਪੈਕਟਰ ਦਾ ਅਹੁਦਾ ਹੋਣਾ ਚਾਹੀਦਾ ਹੈ। ਇਸ ਤੋਂ ਇਲਾਵਾ ਉਸ ਕੋਲ ਪਿਛਲੇ 5 ਸਾਲਾਂ ਵਿਚ ਕੰਮ ਦਾ ਤਜਰਬਾ ਹੋਣਾ ਚਾਹੀਦਾ ਹੈ, ਜਿਵੇਂ ਕਿ ਖੇਤਰ ਵਿਚ ਕੰਮ ਕੀਤਾ ਹੋਵੇ, ਭਾਵ ਕਿ ਪੁਲਸ ਸਟੇਸ਼ਨਾਂ ਜਾਂ ਟ੍ਰੈਫਿਕ ਵਿਭਾਗ 'ਚ - ਸਹਾਇਕ ਸਬ-ਇੰਸਪੈਕਟਰ, ਸਬ-ਇੰਸਪੈਕਟਰ ਜਾਂ ਇੰਸਪੈਕਟਰ ਵਜੋਂ।
ਉਮਰ ਹੱਦ
ਘੱਟੋ-ਘੱਟ 55 ਸਾਲ ਅਤੇ ਵੱਧ ਤੋਂ ਵੱਧ 62 ਸਾਲ ਦੇ ਉਮੀਦਵਾਰ ਫਾਰਮ ਭਰ ਸਕਦੇ ਹਨ।
ਤਨਖਾਹ
ਇਸ ਅਹੁਦੇ ਲਈ ਚੁਣੇ ਗਏ ਉਮੀਦਵਾਰਾਂ ਨੂੰ ਉਨ੍ਹਾਂ ਦੇ ਪਿਛਲੇ ਤਨਖਾਹ ਸਕੇਲ ਦੇ ਆਧਾਰ 'ਤੇ 51,100 ਰੁਪਏ ਤੋਂ 59,800 ਰੁਪਏ ਪ੍ਰਤੀ ਮਹੀਨਾ ਤਨਖਾਹ ਦਿੱਤੀ ਜਾਵੇਗੀ।
ਚੋਣ ਪ੍ਰਕਿਰਿਆ
ਨਿੱਜੀ ਇੰਟਰਵਿਊ ਅਤੇ ਮੈਡੀਕਲ ਫਿਟਨੈਸ ਪ੍ਰੀਖਿਆ
ਨਤੀਜਾ ਕਦੋਂ ਆਵੇਗਾ?
ਅੰਤਿਮ ਨਤੀਜਾ ਮਈ ਦੇ 5ਵੇਂ ਹਫ਼ਤੇ ਆਰਜ਼ੀ ਤੌਰ 'ਤੇ ਜਾਰੀ ਕੀਤਾ ਜਾ ਸਕਦਾ ਹੈ।
ਵਧੇਰੇ ਜਾਣਕਾਰੀ ਲਈ ਇਸ ਨੋਟੀਫ਼ਿਕੇਸ਼ਨ ਲਿੰਕ 'ਤੇ ਕਲਿੱਕ ਕਰੋ।
ਸ਼ਿਮਲਾ ਸਮਝੌਤੇ ਦੇ ਇਤਿਹਾਸਕ ਮੇਜ਼ ਤੋਂ ਹਟਾਇਆ ਗਿਆ ਪਾਕਿਸਤਾਨੀ ਝੰਡਾ
NEXT STORY 
