ਰੋਡਵੇਜ਼ ਬੱਸਾਂ 'ਚ ਸਫ਼ਰ ਕਰਨ ਵਲਿਆਂ ਲਈ ਅਹਿਮ ਖ਼ਬਰ, ਦੋ ਦਿਨ ਠੱਪ ਰਹੇਗੀ ਇਹ ਸੇਵਾ

Edited By Tanu,
Updated: 25 Jan, 2025 04:14 PM

e ticket service of roadways buses will remain closed

ਅੰਬਾਲਾ- ਸਰਕਾਰ ਦੀ ਆਨਲਾਈਨ ਸੇਵਾਵਾਂ ਦੇ ਦੋ ਦਿਨ ਤੱਕ ਠੱਪ ਰਹਿਣਗੀਆਂ, ਜਿਸ ਕਾਰਨ ਰੋਡਵੇਜ਼ ਬੱਸਾਂ 'ਚ ਈ-ਟਿਕਟਿੰਗ ਵੀ ਪ੍ਰਭਾਵਿਤ ਰਹੇਗੀ। ਖ਼ਬਰ ਹਰਿਆਣਾ ਤੋਂ ਸਾਹਮਣੇ ਆਈ ਹੈ। ਹਰਿਆਣਾ ਸਰਕਾਰ ਦੀ ਆਨਲਾਈਨ ਸੇਵਾਵਾਂ ਦੇ ਦੋ ਦਿਨ ਤੱਕ ਠੱਪ ਰਹਿਣ ਦੌਰਾਨ ਰੋਡਵੇਜ਼ ਬੱਸਾਂ 'ਚ ਈ-ਟਿਕਟਿੰਗ ਵੀ ਪ੍ਰਭਾਵਿਤ ਰਹੇਗੀ। ਇਸ ਦੌਰਾਨ ਕੰਡਕਟਰਾਂ ਨੂੰ ਮੈਨੂਅਲ ਟਿਕਟ ਕੱਟਣ ਦੇ ਨਿਰਦੇਸ਼ ਦਿੱਤੇ ਗਏ ਹਨ। ਇਸ ਦੇ ਨਾਲ ਹੀ ਈ-ਦਿਸ਼ਾ ਕੇਂਦਰਾਂ ਵਿਚ ਵੀ ਕੰਮਕਾਜ ਠੱਪ ਰਹੇਗਾ। ਸਰਲ ਪੋਰਟਲ ਤੋਂ ਲੈ ਕੇ ਰਜਿਸਟਰੀ ਪੋਰਟਲ ਤੱਕ ਬੰਦ ਰਹਿਣਗੇ।

ਮਿਲੀ ਜਾਣਕਾਰੀ ਅਨੁਸਾਰ ਰੋਡਵੇਜ਼ ਪ੍ਰਸ਼ਾਸਨ ਵੱਲੋਂ ਮੁਲਾਜ਼ਮਾਂ ਨੂੰ ਸੰਦੇਸ਼ ਦਿੱਤਾ ਗਿਆ ਹੈ ਕਿ ਹੁਕਮਾਂ ਅਨੁਸਾਰ 24 ਤੋਂ 27 ਤਰੀਕ ਤੱਕ ਕਿਸੇ ਵੀ ਮੁਲਾਜ਼ਮ ਦੀ ਡਿਊਟੀ ਵਿਚ ਕੋਈ ਤਬਦੀਲੀ ਨਹੀਂ ਕੀਤੀ ਜਾਵੇਗੀ ਕਿਉਂਕਿ ਸਰਵਰ ਡਾਊਨ ਰਹੇਗਾ। ਹਰ ਯਾਤਰਾ ਦੇ ਅਖ਼ੀਰ ਤੋਂ ਬਾਅਦ ਟ੍ਰਿਪ ਐਂਡ ਸਲਿੱਪ ਨੂੰ ਨੂੰ ਸੰਭਾਲ ਕੇ ਰੱਖਣਾ ਪਵੇਗਾ। ਹੈਪੀ ਕਾਰਡ 25-1-2025 ਤੋਂ 26-1-2025 ਤੱਕ ਦੋ ਦਿਨ ਨਹੀਂ ਚੱਲਣਗੇ। ਕਿਰਪਾ ਕਰਕੇ ਯਾਤਰੀ ਆਪਣੇ ਨਾਲ ਨਕਦੀ ਲੈ ਕੇ ਆਉਣ। ਈ-ਟਿਕਟਿੰਗ ਮਸ਼ੀਨ ਕੰਮ ਨਹੀਂ ਕਰੇਗੀ।

ਰੋਡਵੇਜ਼ ਪ੍ਰਸ਼ਾਸਨ ਦੇ ਹੁਕਮਾਂ ਅਨੁਸਾਰ ਕੋਈ ਵੀ ਕੰਡਕਟਰ 25 ਅਤੇ 26 ਜਨਵਰੀ ਨੂੰ ਕਿਸੇ ਵੀ ਹਾਲਤ ਵਿਚ ਆਪਣੀ ਡਿਊਟੀ ਖਤਮ ਨਹੀਂ ਕਰੇਗਾ। ਜੇਕਰ ਕੋਈ ਕੰਡਕਟਰ ਇਸ ਸਮੇਂ ਦੌਰਾਨ ਆਪਣੀ ਡਿਊਟੀ ਖਤਮ ਕਰਦਾ ਹੈ ਤਾਂ ਉਹ ਆਪਣੀ ਰਿਪੋਰਟ ਲਈ ਖੁਦ ਜ਼ਿੰਮੇਵਾਰ ਹੋਵੇਗਾ। ਇਸ ਦੌਰਾਨ ਕਿਸੇ ਵੀ ਬੱਸ ਵਿਚ ਡਰਾਈਵਰ-ਕੰਡਕਟਰ ਨਹੀਂ ਬਦਲਿਆ ਜਾਵੇਗਾ। ਕੰਡਕਟਰਾਂ ਨੂੰ ਵੀ ਹਦਾਇਤ ਕੀਤੀ ਗਈ ਹੈ ਕਿ ਉਹ ਮੈਨੂਅਲ ਟਿਕਟ ਆਪਣੇ ਕੋਲ ਰੱਖਣ।

ਗਣਤੰਤਰ ਦਿਵਸ 2025 : ਵੱਖ-ਵੱਖ ਸੇਵਾਵਾਂ ਦੇ 942 ਕਰਮਚਾਰੀਆਂ ਨੂੰ ਦਿੱਤੇ ਗਏ ਬਹਾਦਰੀ ਅਤੇ ਸੇਵਾ ਮੈਡਲ