ਪੰਨਾ- ਮੱਧ ਪ੍ਰਦੇਸ਼ ਦੇ ਪੰਨਾ ਜ਼ਿਲ੍ਹੇ ਦੀ ਉਪਜਾਊ ਜ਼ਮੀਨ ਨੇ ਇਕ ਗਰੀਬ ਕਿਸਾਨ ਨੂੰ ਫਿਰ ਤੋਂ ਮਾਲਾਮਾਲ ਕਰ ਦਿੱਤਾ ਹੈ। ਹੀਰੇ ਦੀਆਂ ਖਾਣਾਂ ਲਈ ਮਸ਼ਹੂਰ ਪੰਨਾ ਜ਼ਿਲ੍ਹੇ ਦੀ ਉਥਲੀ ਖਾਨ ਤੋਂ ਇਕ ਕਿਸਾਨ ਨੂੰ 17 ਕੈਰੇਟ 11 ਸੈਂਟ ਵਜ਼ਨ ਦਾ ਕੀਮਤੀ ਹੀਰਾ ਮਿਲਿਆ ਹੈ। ਇਹ ਹੀਰਾ ਪੰਨਾ ਸ਼ਹਿਰ ਦੇ ਰਾਣੀਬਾਗ ਵਾਸੀ ਪ੍ਰਕਾਸ਼ ਕੁਸ਼ਵਾਹਾ ਨੂੰ ਕ੍ਰਿਸ਼ਨਾ ਕਲਿਆਣਪੁਰ ਦੀ ਪੱਟੀ ਹੀਰੇ ਦੀ ਖਾਨ 'ਚੋਂ ਮਿਲਿਆ ਹੈ। ਖਾਨ 'ਚੋਂ ਨਿਕਲੇ ਇਸ ਹੀਰੇ ਨੂੰ ਕਿਸਾਨ ਨੇ ਅੱਜ ਹੀ ਹੀਰਾ ਦਫ਼ਤਰ 'ਚ ਜਮ੍ਹਾਂ ਕਰਵਾ ਦਿੱਤਾ ਹੈ। ਹੀਰਾ ਦਫ਼ਤਰ ਪੰਨਾ ਦੇ ਹੀਰਾ ਪਾਰਖੀ ਅਨੁਪਮ ਸਿੰਘ ਨੇ ਦੱਸਿਆ ਕਿ ਰਾਣੀਬਾਗ ਪੰਨਾ ਵਾਸੀ ਪ੍ਰਕਾਸ਼ ਕੁਸ਼ਵਾਹਾ ਨੂੰ 17.11 ਕੈਰੇਟ ਵਜ਼ਨ ਦਾ ਹੀਰਾ ਮਿਲਿਆ ਹੈ, ਜੋ ਕਿ ਜੇਮ ਕੁਆਲਿਟੀ ਦਾ ਹੈ।
ਇਹ ਵੀ ਪੜ੍ਹੋ : ਲਾੜੀ ਦਾ ਦੇਰ ਤੱਕ ਨਹਾਉਣ ਦਾ ਸ਼ੌਂਕ ਸਹੁਰੇ ਪਰਿਵਾਰ ਨੂੰ ਪਿਆ ਮਹਿੰਗਾ, ਪੂਰਾ ਮਾਮਲਾ ਜਾਣ ਹੋ ਜਾਓਗੇ ਹੈਰਾਨ
ਹੀਰਾ ਪਾਰਖੀ ਨੇ ਦੱਸਿਆ ਕਿ ਜਮ੍ਹਾਂ ਹੋਏ ਇਸ ਹੀਰੇ ਨੂੰ ਆਉਣ ਵਾਲੀ ਨੀਲਾਮੀ 'ਚ ਵਿਕਰੀ ਲਈ ਰੱਖਿਆ ਜਾਵੇਗਾ। ਵਿਕਰੀ ਤੋਂ ਪ੍ਰਾਪਤ ਰਾਸ਼ੀ 'ਚੋਂ ਸਰਕਾਰ ਦੀ ਰਾਇਲਟੀ ਕੱਟਣ ਤੋਂ ਬਾਅਦ ਬਾਕੀ ਰਾਸ਼ੀ ਹੀਰਾ ਧਾਰਕ ਨੂੰ ਦਿੱਤੀ ਜਾਵੇਗੀ। ਹੀਰੇ ਦੀ ਅਨੁਮਾਨਤ ਕੀਮਤ ਪੁੱਛੇ ਜਾਣ 'ਤੇ ਹੀਰਾ ਪਾਰਖੀ ਨੇ ਦੱਸਿਆ ਕਿ ਅਜੇ ਉਸ ਦੀ ਕੀਮਤ ਨਹੀਂ ਦੱਸੀ ਜਾ ਸਕਦੀ। ਜਾਣਕਰ ਇਸ ਹੀਰੇ ਦੀ ਅਨੁਮਾਨਤ ਕੀਮਤ 30ਤੋਂ 35 ਲੱਖ ਰੁਪਏ ਦੱਸ ਰਹੇ ਹਨ। ਹੀਰਾ ਧਾਰਕ ਕਿਸਾਨ ਪ੍ਰਕਾਸ਼ ਕੁਸ਼ਵਾਹਾ ਨੇ ਦੱਸਿਆ ਕਿ 7 ਦਿਨ ਪਹਿਲਾਂ ਉਸ ਨੇ ਆਪਣੇ 5 ਹੋਰ ਸਾਥੀਆਂ ਨਾਲ ਕ੍ਰਿਸ਼ਨਾ ਕਲਿਆਣਪੁਰ ਸਥਿਤੀ ਪੱਟੀ ਹੀਰਾ ਖਾਨ ਖੇਤਰ 'ਚ ਆਪਣੀ ਕਿਸਮਤ ਅਜਮਾਉਣ ਲਈ ਮਾਈਨਿੰਗ ਸ਼ੁਰੂ ਕੀਤੀ ਸੀ। ਆਪਣੀ ਖੁਸ਼ੀ ਜ਼ਾਹਰ ਕਰਦੇ ਹੋਏ ਇਸ ਨੌਜਵਾਨ ਕਿਸਾਨ ਨੇ ਕਿਹਾ ਕਿ 7 ਦਿਨਾਂ ਅੰਦਰ ਹੀ ਉਨ੍ਹਾਂ ਨੂੰ ਇਹ ਹੀਰਾ ਮਿਲ ਗਿਆ। ਜਿਸ ਨੂੰ ਅਸੀਂ ਨਿਯਮ ਅਨੁਸਾਰ ਕਲੈਕਟਰੇਟ ਸਥਿਤ ਹੀਰਾ ਦਫ਼ਤਰ 'ਚ ਆ ਕੇ ਜਮ੍ਹਾਂ ਕਰ ਦਿੱਤਾ ਹੈ। ਇਸ ਹੀਰੇ ਦੀ ਵਿਕਰੀ ਤੋਂ ਜੋ ਵੀ ਪੈਸਾ ਮਿਲੇਗਾ, ਉਸ ਨਾਲ ਕੋਈ ਨਵਾਂ ਧੰਦਾ ਸ਼ੁਰੂ ਕਰਾਂਗੇ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਹੈਂ 100 'ਚੋਂ 101 ਨੰਬਰ! ਪ੍ਰੀਖਿਆ ਨਤੀਜੇ ਦੇਖ ਬੇਰੁਜ਼ਗਾਰ ਨੌਜਵਾਨਾਂ ਨੇ ਕਰ'ਤਾ ਹੰਗਾਮਾ
NEXT STORY 
