ਮੁੰਬਈ- ਹਾਲ ਹੀ 'ਚ ਇੱਕ ਹੈਰਾਨ ਕਰਨ ਵਾਲੀ ਖ਼ਬਰ ਨੇ ਸਾਰਿਆਂ ਨੂੰ ਹਿਲਾ ਕੇ ਰੱਖ ਦਿੱਤਾ। ਇੱਕ ਜੋੜੇ ਦੇ ਆਪਣੇ ਇਕਲੌਤੇ ਪੁੱਤਰ ਨੂੰ ਗੁਆਉਣ ਤੋਂ ਮਾੜਾ ਹੋਰ ਕੀ ਹੋ ਸਕਦਾ ਹੈ? ਇਹ ਉਸ ਮਾਂ ਤੋਂ ਪੁੱਛੋ ਜਿਸ ਨੇ ਆਪਣੇ ਪਿਆਰੇ ਬੱਚੇ ਨੂੰ ਪਿਆਰ ਨਾਲ ਪਾਲਿਆ ਹੈ। ਅਜਿਹੀ ਹੀ ਇੱਕ ਘਟਨਾ ਦਿੱਲੀ ਦੀ ਮਸ਼ਹੂਰ ਫੂਡ ਬਲੌਗਰ ਰਜਨੀ ਜੈਨ ਨਾਲ ਵਾਪਰੀ ਹੈ। ਉਹ ਸੋਸ਼ਲ ਮੀਡੀਆ 'ਤੇ ਇੱਕ ਜਾਣਿਆ-ਪਛਾਣਿਆ ਨਾਮ ਹੈ। ਉਸ ਦੇ ਵਲੌਗ ਵਾਇਰਲ ਹੋ ਗਏ ਅਤੇ ਉਸ ਦੀ ਇੱਕ ਟੈਗ ਲਾਈਨ ਕਾਫ਼ੀ ਮਸ਼ਹੂਰ ਹੋ ਗਈ, 'ਅੱਜ ਮੇਰੇ ਪਤੀ ਦੇ ਲੰਚ ਬਾਕਸ 'ਚ ਕੀ ਹੈ?'
ਇਹ ਵੀ ਪੜ੍ਹੋ- ਕਸੂਤੀ ਫਸੀ ਪੰਜਾਬੀ ਗਾਇਕਾ ਜੈਸਮੀਨ ਸੈਂਡਲਸ, ਪਰਚਾ ਦਰਜ
'ਚਟੋਰੀ ਰਜਨੀ' ਦੇ ਨਾਮ ਨਾਲ ਜਾਣੀ ਜਾਂਦੀ ਮਸ਼ਹੂਰ ਵਲੌਗਰ ਦੇ ਇਕਲੌਤੇ ਪੁੱਤਰ ਦਾ ਦਿਹਾਂਤ ਹੋ ਗਿਆ ਹੈ। ਰਜਨੀ ਜੈਨ ਨੇ ਖੁਦ ਇਹ ਦੁਖਦਾਈ ਖ਼ਬਰ ਸੋਸ਼ਲ ਮੀਡੀਆ 'ਤੇ ਸਾਂਝੀ ਕੀਤੀ। ਉਸ ਦੇ 16 ਸਾਲ ਦੇ ਪੁੱਤਰ ਦੀ ਸੜਕ ਹਾਦਸੇ 'ਚ ਮੌਤ ਹੋ ਗਈ। 18 ਫਰਵਰੀ 2025 ਨੂੰ, ਉਸ ਨੇ ਇੰਸਟਾਗ੍ਰਾਮ 'ਤੇ ਆਪਣੇ 16 ਸਾਲ ਦੇ ਪੁੱਤਰ ਤਰਨ ਦੀ ਇੱਕ ਫੋਟੋ ਸਾਂਝੀ ਕੀਤੀ ਅਤੇ ਦੱਸਿਆ ਕਿ ਉਸ ਦੀ ਇੱਕ ਸੜਕ ਹਾਦਸੇ 'ਚ ਮੌਤ ਹੋ ਗਈ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਤਰਨ ਟਿਊਸ਼ਨ ਤੋਂ ਵਾਪਸ ਆ ਰਿਹਾ ਸੀ ਅਤੇ ਫਿਰ ਇੱਕ ਹਾਦਸਾ ਵਾਪਰ ਗਿਆ। ਆਪਣੀ ਪੋਸਟ 'ਚ ਉਸਨੇ "8 ਅਗਸਤ 2008 – 17 ਫਰਵਰੀ 2025" ਲਿਖਿਆ।
ਇਹ ਵੀ ਪੜ੍ਹੋ-ਅਦਾਕਾਰ ਵਰੁਣ ਧਵਨ ਹੋਇਆ ਜ਼ਖਮੀ, ਤਸਵੀਰ ਕੀਤੀ ਸਾਂਝੀ
ਇੰਸਟਾਗ੍ਰਾਮ ਅਤੇ ਯੂਟਿਊਬ 'ਤੇ ਮਸ਼ਹੂਰ ਹੋਣ ਤੋਂ ਇਲਾਵਾ, ਰਜਨੀ ਨੇ ਫੂਡ ਵਾਰੀਅਰ, ਸ਼ੀਰੋਜ਼ ਅਤੇ ਗੋਲਡਨ ਅਚੀਵਰਜ਼ ਵਰਗੇ ਕਈ ਖਿਤਾਬ ਵੀ ਜਿੱਤੇ ਹਨ। ਲੋਕ ਉਸ ਦੇ ਪਕਵਾਨਾਂ ਦੇ ਦੀਵਾਨੇ ਹਨ। ਉਹ ਉੱਤਰੀ ਅਤੇ ਦੱਖਣੀ ਭਾਰਤੀ ਸੁਆਦਾਂ ਨਾਲ ਖਾਣਾ ਪਕਾਉਂਦੀ ਹੈ। ਕੁਝ ਸਮਾਂ ਪਹਿਲਾਂ ਉਸ ਨੇ ਆਪਣਾ ਘਰ ਖਰੀਦਿਆ ਅਤੇ ਨਵੇਂ ਘਰ 'ਚ ਸ਼ਿਫਟ ਹੋ ਗਈ। ਉਹ ਅਕਸਰ ਆਪਣੇ ਵਲੌਗ 'ਚ ਆਪਣੇ ਪੁੱਤਰ ਦੀਆਂ ਝਲਕਾਂ ਦਿਖਾਉਂਦੀ ਸੀ। ਦਰਸ਼ਕਾਂ ਨੂੰ ਮਾਂ ਅਤੇ ਪੁੱਤਰ ਵਿਚਕਾਰ ਪਿਆਰੀ ਮਜ਼ਾਕੀਆ ਗੱਲਬਾਤ ਦੇਖਣਾ ਬਹੁਤ ਪਸੰਦ ਆਇਆ। ਤਰਨ ਨੂੰ ਆਖਰੀ ਵਾਰ 5 ਫਰਵਰੀ 2025 ਨੂੰ ਰਜਨੀ ਦੁਆਰਾ ਸਾਂਝੀ ਕੀਤੀ ਗਈ ਰੀਲ 'ਚ ਦੇਖਿਆ ਗਿਆ ਸੀ।
ਇਹ ਵੀ ਪੜ੍ਹੋ- ਅਦਾਕਾਰ ਸਾਹਿਲ ਖ਼ਾਨ ਨੇ 26 ਸਾਲਾਂ ਪ੍ਰੇਮਿਕਾ ਨਾਲ ਕੀਤਾ ਨਿਕਾਹ, ਦੇਖੋ ਤਸਵੀਰਾਂ
ਰਜਨੀ ਜੈਨ ਉਰਫ਼ 'ਚਟੋਰੀ ਰਜਨੀ' ਇੱਕ ਸਫਲ ਵਲੌਗਰ ਹੈ। ਉਹ ਇੱਕ ਮਾਰਵਾੜੀ ਪਰਿਵਾਰ ਤੋਂ ਹੈ। ਉਸ ਨੇ 2003 'ਚ ਕਾਲਜ ਦੀ ਪੜ੍ਹਾਈ ਪੂਰੀ ਕੀਤੀ। ਫਿਰ ਉਸ ਨੇ ਤਿੰਨ ਮਹੀਨੇ ਕਸਟਮਰ ਕੇਅਰ ਵਜੋਂ ਕੰਮ ਕੀਤਾ। ਫਿਰ ਉਸ ਨੇ ਏਅਰਟੈੱਲ 'ਚ 11 ਮਹੀਨੇ ਕਸਟਮਰ ਕੇਅਰ ਵਜੋਂ ਕੰਮ ਕੀਤਾ। ਉਸ ਨੇ ਇਹ ਵੀ ਦੱਸਿਆ ਕਿ ਉਸ ਦੀ ਮਾਂ ਅਤੇ ਪਰਿਵਾਰ ਉਸ ਨੂੰ ਕੰਮ ਨਹੀਂ ਕਰਨਾ ਦੇਣਾ ਚਾਹੁੰਦੇ ਸਨ ਅਤੇ ਇਸ ਲਈ ਉਸ ਨੇ ਪਰਿਵਾਰਕ ਦਬਾਅ ਹੇਠ ਨੌਕਰੀ ਛੱਡ ਦਿੱਤੀ। ਰਜਨੀ ਦੱਸਦੀ ਹੈ ਕਿ ਉਸ ਨੇ 2004 'ਚ ਖਾਣਾ ਪਕਾਉਣ ਦੀਆਂ ਕਲਾਸਾਂ ਸ਼ੁਰੂ ਕੀਤੀਆਂ ਸਨ। ਉਹ ਇਹ ਕਲਾਸਾਂ ਅਤੇ ਮਹਿੰਦੀ ਦੀਆਂ ਕਲਾਸਾਂ ਆਪਣੇ ਘਰ ਹੀ ਚਲਾਉਂਦੀ ਸੀ। ਉਸ ਨੇ ਇਹ ਕੰਮ ਕਈ ਸਾਲਾਂ ਤੱਕ ਕੀਤਾ।ਰਜਨੀ ਨੇ "ਚਟੋਰੀ ਰਜਨੀ" ਨਾਮ ਦਾ ਆਪਣਾ ਯੂਟਿਊਬ ਚੈਨਲ ਬਣਾਇਆ ਹੈ। ਉਸ ਨੇ ਹੁਣ ਤੱਕ 2,023 ਵੀਡੀਓ ਅਪਲੋਡ ਕੀਤੇ ਹਨ ਅਤੇ ਉਸ ਦੇ 377,000 ਗਾਹਕ ਹਨ। ਇਸ ਦੇ ਨਾਲ ਹੀ, 626K ਯੂਜ਼ਰਸ ਉਸ ਨੂੰ ਇੰਸਟਾਗ੍ਰਾਮ 'ਤੇ ਫਾਲੋ ਕਰਦੇ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਬਾਬਾ ਬਾਲਕ ਨਾਥ ਦੇ ਸ਼ਰਧਾਲੂਆਂ ਲਈ ਅਹਿਮ ਖ਼ਬਰ, 'ਰੋਟ' ਪ੍ਰਸ਼ਾਦ ਬਾਰੇ ਆਈ ਵੱਡੀ ਜਾਣਕਾਰੀ
NEXT STORY 
