ਨਵੀਂ ਦਿੱਲੀ — ਫੂਡ ਰੈਗੂਲੇਟਰ FSSAI ਨੇ ਸਕੂਲ ਦੀ ਕੰਟੀਨ 'ਚ ਮਿਲਣ ਵਾਲੇ ਭੋਜਨ ਪਦਾਰਥਾਂ ਸੰਬੰਧੀ ਨਿਯਮ ਤਿਆਰ ਕੀਤੇ ਹਨ। ਇਹ ਅਗਲੇ ਕੁਝ ਦਿਨਾਂ ਵਿਚ ਜਾਰੀ ਕਰ ਦਿੱਤੇ ਜਾਣਗੇ। ਇਹ ਮਹੱਤਵਪੂਰਨ ਹੈ ਕਿ ਬੱਚਿਆਂ ਨੂੰ ਬਚਪਨ ਤੋਂ ਹੀ ਸਿਹਤਮੰਦ ਖੁਰਾਕ ਖਾਣ ਦੀ ਆਦਤ ਪਾਈ ਜਾਣੀ ਚਾਹੀਦੀ ਹੈ। ਸਿਹਤਮੰਦ ਅਤੇ ਸੰਤੁਲਿਤ ਖੁਰਾਕ ਬੱਚਿਆਂ ਦਾ ਸਰੀਰਕ ਅਤੇ ਮਾਨਸਿਕ ਵਿਕਾਸ ਕਰਦੀ ਹੈ। ਸਕੂਲੀ ਬੱਚਿਆਂ ਲਈ ਸੁਰੱਖਿਅਤ ਅਤੇ ਪੌਸ਼ਟਿਕ ਭੋਜਨ ਨੂੰ ਯਕੀਨੀ ਬਣਾਉਣ ਲਈ, ਐਫਐਸਐਸਏਆਈ ਨੇ ਫੂਡ ਸੇਫਟੀ ਐਂਡ ਸਟੈਂਡਰਡਸ (ਸਕੂਲ ਵਿਚ ਬੱਚਿਆਂ ਲਈ ਸੁਰੱਖਿਅਤ ਭੋਜਨ ਅਤੇ ਸੰਤੁਲਿਤ ਖੁਰਾਕ) ਨਿਯਮਾਂ 2020 ਨੂੰ ਅੰਤਮ ਰੂਪ ਦੇ ਦਿੱਤਾ ਹੈ।
ਅਗਲੇ ਸੈਸ਼ਨ ਤੋਂ ਜੰਕ ਫੂਡ ਦੇਸ਼ ਭਰ ਦੇ ਕਿਸੇ ਵੀ ਸਕੂਲ ਵਿਚ ਉਪਲਬਧ ਨਹੀਂ ਹੋਵੇਗਾ।
ਸਕੂਲ ਕੈਂਪਸ ਦੇ 50 ਮੀਟਰ ਦਾਇਰੇ ਤੱਕ ਜੰਕ ਫੂਡ ਦੀ ਮਸ਼ਹੂਰੀ ਨਹੀਂ ਕੀਤੀ ਜਾਏਗੀ
ਹਰ ਸਕੂਲ ਕੰਟੀਨ ਲਈ ਲਾਇਸੈਂਸ ਲੈਣਾ ਲਾਜ਼ਮੀ ਹੋਵੇਗਾ
ਸੂਬਿਆਂ ਨੂੰ ਇੱਕ ਸਲਾਹਕਾਰ ਕਮੇਟੀ ਬਣਾਉਣ ਲਈ ਕਿਹਾ ਜਾਵੇਗਾ ਜੋ ਸਕੂਲਾਂ ਦੇ ਕੈਟਰਿੰਗ ਦੀ ਨਿਗਰਾਨੀ ਕਰੇਗੀ।
FSSAI ਨੇ ਸਕੂਲਾਂ 'ਚ ਮਿਲਣ ਵਾਲੇ ਭੋਜਨ ਪਦਾਰਥਾਂ ਲਈ ਦਿੱਤੇ ਇਹ ਪ੍ਰਸਤਾਵ
1. ਸਕੂਲਾਂ ਵਿਚ ਦੁਪਹਿਰ ਦਾ ਖਾਣਾ(ਮਿਡ ਡੇ ਮੀਲ) ਜਾਂ ਕੈਂਟੀਨ 'ਚ ਭੋਜਨ ਦੇਣ ਵਾਲੇ ਵਿਅਕਤੀ ਜਾਂ ਸੰਗਠਨ ਨੂੰ ਆਪਣੇ ਆਪ ਨੂੰ ਐਫ.ਬੀ.ਓ. ਵਜੋਂ ਰਜਿਸਟਰ ਕਰਨਾ ਪਏਗਾ ਅਤੇ ਇਸ ਦਾ ਲਾਇਸੈਂਸ ਲੈਣਾ ਪਏਗਾ। ਉਨ੍ਹਾਂ ਨੂੰ ਭੋਜਨ ਸੁਰੱਖਿਆ ਦੇ ਮਾਪਦੰਡਾਂ ਤਹਿਤ ਸਾਫ਼-ਸਫ਼ਾਈ ਅਤੇ ਹਾਈਜਿਨ ਦੇ ਨਿਯਮਾਂ ਦੀ ਪਾਲਣਾ ਕਰਨੀ ਪਏਗੀ।
2. ਸਕੂਲ ਦੇ ਕੈਂਪਸ ਦੇ 50 ਮੀਟਰ ਦੇ ਦਾਇਰ ਕੀਤੇ ਗਏ ਜੰਕ ਫੂਡ, ਭਾਵ ਉਨ੍ਹਾਂ ਖਾਣਿਆਂ ਦੀ ਵਿਕਰੀ 'ਤੇ ਪਾਬੰਦੀ ਲਗਾਈ ਜਾਏਗੀ ਜਿਸ ਵਿਚ ਵਧੇਰੇ ਲੂਣ, ਖੰਡ ਜਾਂ ਚਰਬੀ ਹੁੰਦੀ ਹੈ।
3. ਸਕੂਲੀ ਬੱਚਿਆਂ ਵਿਚ ਸੁਰੱਖਿਅਤ ਖਾਣ-ਪੀਣ ਅਤੇ ਸੰਤੁਲਿਤ ਖੁਰਾਕ ਨੂੰ ਉਤਸ਼ਾਹਤ ਕਰਨ ਲਈ ਸਕੂਲ ਕੈਂਪਸ ਨੂੰ ਈਟ ਰਾਈਟ ਕੈਂਪਸ ਵਿਚ ਬਦਲਣ ਲਈ ਉਤਸ਼ਾਹਤ ਕੀਤਾ ਜਾਵੇਗਾ।
4. ਨੈਸ਼ਨਲ ਇੰਸਟੀਚਿਊਟ ਆਫ਼ ਪੋਸ਼ਣ (ਐਨ.ਆਈ.ਐਨ.) ਵਲੋਂ ਜਾਰੀ ਦਿਸ਼ਾ-ਨਿਰਦੇਸ਼ਾਂ ਅਨੁਸਾਰ ਸਕੂਲ ਵਿਚ ਸੁਰੱਖਿਅਤ ਅਤੇ ਸੰਤੁਲਿਤ ਖੁਰਾਕ ਨੂੰ ਉਤਸ਼ਾਹਤ ਕੀਤਾ ਜਾਵੇਗਾ। ਸਮੇਂ-ਸਮੇਂ 'ਤੇ ਸਕੂਲ ਅਧਿਕਾਰੀ ਬੱਚਿਆਂ ਲਈ ਮੀਨੂ ਤਿਆਰ ਕਰਨ ਲਈ ਡਾਇਟੀਸ਼ੀਅਨ ਦੀ ਮਦਦ ਲੈ ਸਕਦੇ ਹਨ।
ਇਹ ਵੀ ਦੇਖੋ : ਘਰੇਲੂ ਫਲਾਈਟ ਕੰਪਨੀਆਂ ਨੂੰ ਸਰਕਾਰ ਦਾ ਤੋਹਫ਼ਾ! ਫਲਾਈਟ 'ਚ ਵਧਾਈ ਯਾਤਰੀਆਂ ਦੀ ਸਮਰੱਥਾ
5. ਸਕੂਲ ਦੇ ਪ੍ਰਵੇਸ਼ ਦੁਆਰ 'ਤੇ ਕੈਂਪਸ ਅਤੇ ਇਸ ਦੇ ਆਸ-ਪਾਸ ਜੰਕ ਫੂਡ ਨਾ ਵੇਚਣ ਦੀ ਚੇਤਾਵਨੀ ਲਿਖੀ ਜਾਏਗੀ।
6. ਸਕੂਲ ਅਥਾਰਟੀ ਇਹ ਸੁਨਿਸ਼ਚਿਤ ਕਰੇਗੀ ਕਿ ਉਨ੍ਹਾਂ ਦੇ ਕੰਪਲੈਕਸ ਵਿਚ ਤਿਆਰ ਭੋਜਨ ਦੀ ਸਪਲਾਈ ਕਰਨ ਵਾਲੇ ਐਫ.ਬੀ.ਓ., ਭੋਜਨ ਸੁਰੱਖਿਆ ਨਿਯਮਾਂ ਅਨੁਸਾਰ ਕੰਮ ਕਰ ਰਹੇ ਹਨ।
7. ਜੰਕ ਫੂਡ ਦੇ ਵਿਗਿਆਪਨ (ਲੋਗੋ, ਬ੍ਰਾਂਡ ਨਾਮ, ਪੋਸਟਰ, ਪਾਠ ਪੁਸਤਕ ਕਵਰ ਆਦਿ ਰਾਹੀਂ) ਸਕੂਲ ਦੇ ਕੰਪਲੈਕਸ ਅਤੇ ਇਸ ਦੇ 50 ਮੀਟਰ ਘੇਰੇ ਵਿਚ ਪਾਬੰਦਿਤ ਹੋਣਗੇ।
8. ਨਗਰ ਨਿਗਮ, ਸਥਾਨਕ ਸੰਸਥਾ ਜਾਂ ਪੰਚਾਇਤ ਅਤੇ ਸੂਬਾ ਖੁਰਾਕ ਅਥਾਰਟੀ ਵਰਗੇ ਅਦਾਰੇ ਇਨ੍ਹਾਂ ਨਿਯਮਾਂ ਦੀ ਪਾਲਣਾ ਨੂੰ ਯਕੀਨੀ ਬਣਾਉ।
9. ਸੂਬਾ ਪੱਧਰੀ ਸਲਾਹਕਾਰ ਕਮੇਟੀ ਇਨ੍ਹਾਂ ਨਿਯਮਾਂ ਨੂੰ ਲਾਗੂ ਕਰਨ 'ਤੇ ਨਜ਼ਰ ਰੱਖੇਗੀ।
ਇਹ ਵੀ ਦੇਖੋ : PNB ਨੇ ਖਾਤਾਧਾਰਕਾਂ ਨੂੰ ਦਿੱਤਾ ਵੱਡਾ ਝਟਕਾ, ਅੱਜ ਤੋਂ ਇਹ ਨਿਯਮ ਹੋਇਆ ਲਾਗੂ
ਇਨ੍ਹਾਂ ਨਿਯਮਾਂ ਨੂੰ ਲਾਗੂ ਕਰਨ ਤੋਂ ਪਹਿਲਾਂ ਇਨ੍ਹਾਂ ਸਾਰੇ ਹਿੱਸੇਦਾਰਾਂ ਨੂੰ ਤਿਆਰੀ ਲਈ ਲੋੜੀਂਦਾ ਸਮਾਂ ਦਿੱਤਾ ਜਾਵੇਗਾ। ਐਫਐਸਐਸਏਆਈ ਵੀ ਸੂਬੇ ਦੇ ਖੁਰਾਕ ਅਧਿਕਾਰੀਆਂ / ਸਕੂਲ ਸਿੱਖਿਆ ਵਿਭਾਗ ਨੂੰ ਇਨ੍ਹਾਂ ਨਿਯਮਾਂ ਅਨੁਸਾਰ ਸਕੂਲ ਵਿਚ ਬੱਚਿਆਂ ਲਈ ਇੱਕ ਸੁਰੱਖਿਅਤ ਅਤੇ ਸੰਤੁਲਿਤ ਖੁਰਾਕ ਤਿਆਰ ਕਰਨ ਲਈ ਨਿਰਦੇਸ਼ ਦੇਵੇਗਾ।
ਇਹ ਵੀ ਦੇਖੋ :ਕੋਰੋਨਾ ਕਾਲ ’ਚ ਬਦਲੀ ਲੋਕਾਂ ਦੀ ਪਸੰਦ, ਫੁੱਟਵੀਅਰ ਇੰਡਸਟਰੀ ਨੂੰ ਮਿਲਿਆ 'ਚੱਪਲਾਂ' ਦਾ ਸਹਾਰਾ
LPG ਸਿਲੰਡਰ 'ਤੇ ਖਤਮ ਹੋਵੇਗਾ ਹੁਣ ਸਬਸਿਡੀ ਦਾ ਦੌਰ
NEXT STORY 
