ਨੈਸ਼ਨਲ ਡੈਸਕ : ਉੱਤਰਾਖੰਡ ਵਿੱਚ ਪਵਿੱਤਰ ਚਾਰ ਧਾਮ ਯਾਤਰਾ ਅੱਜ ਤੋਂ ਸਮਾਪਤ ਹੋ ਗਈ ਹੈ। ਇਸ ਸਾਲ ਦੀ ਯਾਤਰਾ ਨੇ ਸ਼ਰਧਾਲੂਆਂ ਦੀ ਗਿਣਤੀ ਦਾ ਇੱਕ ਨਵਾਂ ਰਿਕਾਰਡ ਬਣਾ ਦਿੱਤਾ ਹੈ। ਕੁਦਰਤੀ ਆਫ਼ਤਾਂ ਦੇ ਬਾਵਜੂਦ, 50 ਲੱਖ ਤੋਂ ਵੱਧ ਸ਼ਰਧਾਲੂ ਯਾਤਰਾ ਲਈ ਉਤਰਾਖੰਡ ਪਹੁੰਚੇ। ਇਸ ਤੋਂ ਇਲਾਵਾ ਉਤਰਾਖੰਡ ਸਰਕਾਰ ਦੁਆਰਾ ਕੀਤੇ ਗਏ ਵਿਸ਼ੇਸ਼ ਪ੍ਰਬੰਧਾਂ ਦਾ ਅਸਰ ਵੀ ਯਾਤਰਾ ਦੀ ਸਫਲਤਾ ਦਾ ਇੱਕ ਮੁੱਖ ਕਾਰਕ ਰਿਹਾ।
ਪੜ੍ਹੋ ਇਹ ਵੀ : ਇਨ੍ਹਾਂ ਔਰਤਾਂ ਨੂੰ ਮਿਲੇਗੀ ਪੱਕੀ ਨੌਕਰੀ, ਹੋਵੇਗੀ 30000 ਰੁਪਏ ਤਨਖਾਹ! ਹੋ ਗਿਆ ਵੱਡਾ ਐਲਾਨ
ਜਾਣਕਾਰੀ ਮੁਤਾਬਕ ਉਤਰਾਖੰਡ ਦੇ ਉੱਚ ਗੜ੍ਹਵਾਲ ਹਿਮਾਲਿਆਈ ਖੇਤਰ ਵਿੱਚ ਸਥਿਤ ਚਾਰ ਧਾਮ ਮੰਦਰਾਂ ਵਿੱਚੋਂ ਇੱਕ ਗੰਗੋਤਰੀ ਧਾਮ ਦੇ ਕਿਵਾੜ ਬੁੱਧਵਾਰ ਨੂੰ ਅੰਨਕੂਟ ਦੇ ਤਿਉਹਾਰ ਮੌਕੇ ਸ਼ਰਧਾਲੂਆਂ ਲਈ ਬੰਦ ਕਰ ਦਿੱਤੇ ਗਏ। ਸਰਦੀਆਂ ਦੇ ਛੇ ਮਹੀਨਿਆਂ ਦੇ ਮੰਦਰ ਬੰਦ ਹੋਣ ਦੌਰਾਨ ਸ਼ਰਧਾਲੂ ਮਾਂ ਗੰਗਾ ਦੀ ਮੁਖਬਾ ਪਿੰਡ ਵਿੱਚ ਉਨ੍ਹਾਂ ਦੇ ਸਰਦੀਆਂ ਦੇ ਨਿਵਾਸ ਸਥਾਨ 'ਤੇ ਪੂਜਾ ਕਰ ਸਕਣਗੇ। ਗੰਗੋਤਰੀ ਮੰਦਰ ਕਮੇਟੀ ਦੇ ਸਕੱਤਰ ਸੁਰੇਸ਼ ਸੇਮਵਾਲ ਨੇ ਦੱਸਿਆ ਕਿ ਵੈਦਿਕ ਮੰਤਰਾਂ ਨਾਲ ਮਾਤਾ ਗੰਗਾ ਦੀ ਰਸਮੀ ਪੂਜਾ ਤੋਂ ਬਾਅਦ ਮੰਦਰਾਂ ਦੇ ਕਿਵਾੜ ਸਰਦੀਆਂ ਦੇ ਮੌਸਮ ਲਈ ਸਵੇਰੇ 11:36 ਵਜੇ ਬੰਦ ਕਰ ਦਿੱਤੇ ਗਏ।
ਪੜ੍ਹੋ ਇਹ ਵੀ : ਹੱਦੋ ਪਾਰ ਹੋਏ ਸੋਨੇ-ਚਾਂਦੀ ਦੇ ਰੇਟ, 1.31 ਲੱਖ ਰੁਪਏ ਹੋਈ ਅੱਜ ਦੀ ਕੀਮਤ, ਜਾਣੋ ਚਾਂਦੀ ਦਾ ਭਾਅ
ਇਸ ਮੌਕੇ ਗੰਗੋਤਰੀ ਦੇ ਵਿਧਾਇਕ ਸੁਰੇਸ਼ ਚੌਹਾਨ, ਮੰਦਰ ਦੇ ਧਾਰਮਿਕ ਮੁਖੀ ਅਤੇ ਸੈਂਕੜੇ ਸ਼ਰਧਾਲੂ ਮੌਜੂਦ ਸਨ। ਇਸ ਦੌਰਾਨ ਤੀਰਥ ਪੁਜਾਰੀਆਂ ਨੇ ਲਗਾਤਾਰ ਗੰਗਾ ਲਹਿਰੀ ਦਾ ਪਾਠ ਕੀਤਾ। ਕਿਵਾੜ ਬੰਦ ਹੋਣ ਤੋਂ ਬਾਅਦ ਪਾਲਕੀ ਵਿਚ ਸਵਾਰ ਹੋ ਕੇ ਗੰਗਾ ਦੀ ਮੂਰਤੀ ਮੰਦਰ ਕੰਪਲੈਕਸ ਤੋਂ ਜਿਵੇਂ ਬਾਹਰ ਲਿਆਂਦੀ ਗਈ, ਸਾਰਾ ਮਾਹੌਲ ਸ਼ਰਧਾ-ਭਾਵਨਾ ਨਾਲ ਭਰ ਗਿਆ। ਫੌਜ ਦੇ ਬੈਂਡ ਦੀਆਂ ਧੁਨਾਂ ਅਤੇ ਰਵਾਇਤੀ ਢੋਲ ਦਮੌ ਸਾਜ਼ ਦੀਆਂ ਤਾਲਾਂ ਨਾਲ ਤੀਰਥ ਪੁਜਾਰੀ ਗੰਗਾ ਡੋਲੀ ਨੂੰ ਪੈਦਲ ਹੀ ਉਸਦੇ ਸਰਦੀਆਂ ਦੇ ਨਿਵਾਸ ਮੁਖਬਾ ਪਿੰਡ ਲੈ ਕੇ ਰਵਾਨਾ ਹੋਏ। ਰਾਤ ਵਿਸ਼ਰਾਮ ਲਈ ਗੰਗਾ ਦੀ ਡੋਲੀ ਮਾਰਕੰਡੇਯ ਦੇ ਦੇਵੀ ਮੰਦਰ ਪਹੁੰਚੇਗੀ, ਜਿੱਥੋਂ ਇਸਨੂੰ ਵੀਰਵਾਰ ਨੂੰ ਮੁਖਬਾ ਦੇ ਗੰਗਾ ਮੰਦਰ ਲਿਜਾਇਆ ਜਾਵੇਗਾ।
ਪੜ੍ਹੋ ਇਹ ਵੀ : ਵਾਲ-ਵਾਲ ਬਚੇ ਰਾਸ਼ਟਰਪਤੀ ਮੁਰਮੂ! ਲੈਂਡ ਹੁੰਦਿਆਂ ਹੀ ਹੈਲੀਪੈਡ 'ਚ ਧਸ ਗਿਆ ਹੈਲੀਕਾਪਟਰ
ਵੀਰਵਾਰ ਨੂੰ ਭਈਆ ਦੂਜ ਦੇ ਮੌਕੇ 'ਤੇ ਕੇਦਾਰਨਾਥ ਅਤੇ ਯਮੁਨੋਤਰੀ ਦੇ ਕਿਵਾੜ ਵੀ ਸਰਦੀਆਂ ਦੇ ਮੌਸਮ ਲਈ ਬੰਦ ਕਰ ਦਿੱਤੇ ਜਾਣਗੇ, ਜਦੋਂ ਕਿ ਬਦਰੀਨਾਥ ਦੇ ਕਿਵਾੜ 25 ਨਵੰਬਰ ਨੂੰ ਬੰਦ ਹੋਣਗੇ। ਸਰਦੀਆਂ ਵਿੱਚ ਬਰਫ਼ਬਾਰੀ ਅਤੇ ਕੜਾਕੇ ਦੀ ਠੰਢ ਕਾਰਨ ਹਰ ਸਾਲ ਅਕਤੂਬਰ-ਨਵੰਬਰ ਵਿੱਚ ਚਾਰਧਾਮ ਦੇ ਕਿਵਾੜ ਸ਼ਰਧਾਲੂਆਂ ਲਈ ਬੰਦ ਕਰ ਦਿੱਤੇ ਜਾਂਦੇ ਹਨ, ਜੋ ਅਗਲੇ ਸਾਲ ਅਪ੍ਰੈਲ-ਮਈ ਵਿੱਚ ਦੁਬਾਰਾ ਖੋਲ੍ਹ ਦਿੱਤੇ ਜਾਂਦੇ ਹਨ। ਹਰ ਸਾਲ ਲੱਖਾਂ ਦੀ ਗਿਣਤੀ ਵਿਚ ਸ਼ਰਧਾਲੂ ਚਾਰਧਾਮ ਯਾਤਰਾ 'ਤੇ ਜਾਂਦੇ ਹਨ, ਜਿਸਨੂੰ ਗੜ੍ਹਵਾਲ ਖੇਤਰ ਦੀ ਆਰਥਿਕਤਾ ਦੀ ਰੀੜ੍ਹ ਦੀ ਹੱਡੀ ਮੰਨਿਆ ਜਾਂਦਾ ਹੈ। ਸਰਕਾਰੀ ਅੰਕੜਿਆਂ ਅਨੁਸਾਰ, ਇਸ ਸਾਲ 21 ਅਕਤੂਬਰ ਤੱਕ ਲਗਭਗ 49.5 ਲੱਖ ਸ਼ਰਧਾਲੂ ਚਾਰਧਾਮ ਦਰਸ਼ਨ ਲਈ ਆਏ ਹਨ, ਜਿਨ੍ਹਾਂ ਵਿੱਚੋਂ ਗੰਗੋਤਰੀ ਆਉਣ ਵਾਲੇ ਸ਼ਰਧਾਲੂਆਂ ਦੀ ਗਿਣਤੀ 7,57,762 ਸੀ।\
ਪੜ੍ਹੋ ਇਹ ਵੀ : ਰੂਹ ਕੰਬਾਊ ਹਾਦਸਾ: 3 ਮੋਟਰਸਾਈਕਲ ਨੂੰ ਮਾਰੀ ਜ਼ੋਰਦਾਰ ਟੱਕਰ, ਇਕੋ ਪਰਿਵਾਰ ਦੇ 4 ਮੈਂਬਰਾਂ ਦੀ ਮੌਤ
ਬੇਕਾਬੂ ਹੋ ਪਲਟੀ ਸਵਾਰੀਆਂ ਨਾਲ ਭਰੀ ਬੱਸ, ਨੌਜਵਾਨ ਕੁੜੀ ਦੀ ਮੌਤ, 20 ਜ਼ਖਮੀ
NEXT STORY 
