ਨਵੀਂ ਦਿੱਲੀ : ਅੱਜ-ਕੱਲ੍ਹ ਨੌਜਵਾਨ ਮੁੰਡੇ-ਕੁੜੀਆਂ ਵਿੱਚ ਵਿਆਹ ਅਤੇ ਪ੍ਰੀ-ਵੈਡਿੰਗ ਸ਼ੂਟ ਦੌਰਾਨ 'ਪਰਫੈਕਟ' ਦਿਖਣ ਦਾ ਕ੍ਰੇਜ਼ ਇੰਨਾ ਵਧ ਗਿਆ ਹੈ ਕਿ ਉਹ ਆਪਣੀ ਸਿਹਤ ਨੂੰ ਦਾਅ 'ਤੇ ਲਾਉਣ ਤੋਂ ਵੀ ਗੁਰੇਜ਼ ਨਹੀਂ ਕਰ ਰਹੇ। ਘੱਟ ਸਮੇਂ ਵਿੱਚ ਵਜ਼ਨ ਘਟਾਉਣ ਲਈ ਵਰਤੇ ਜਾ ਰਹੇ 'ਇੰਸਟੈਂਟ ਟ੍ਰਾਂਸਫਾਰਮੇਸ਼ਨ' ਅਤੇ 'ਬਾਇਓਹੈਕਿੰਗ' ਵਰਗੇ ਤਰੀਕੇ ਜਾਨਲੇਵਾ ਸਾਬਤ ਹੋ ਸਕਦੇ ਹਨ। ਮਾਹਰਾਂ ਨੇ ਚੇਤਾਵਨੀ ਦਿੱਤੀ ਹੈ ਕਿ ਬਿਨਾਂ ਡਾਕਟਰੀ ਸਲਾਹ ਦੇ ਲਈਆਂ ਜਾਣ ਵਾਲੀਆਂ ਵੇਟ-ਲੌਸ ਦਵਾਈਆਂ ਅਤੇ ਇੰਜੈਕਸ਼ਨ ਸਰੀਰ ਦੇ ਅੰਦਰੂਨੀ ਅੰਗਾਂ ਨੂੰ ਗੰਭੀਰ ਨੁਕਸਾਨ ਪਹੁੰਚਾ ਸਕਦੇ ਹਨ।
ਇਹ ਵੀ ਪੜ੍ਹੋ - ਨਸ਼ੇ 'ਚ ਟੱਲੀ ਮੁਟਿਆਰ ਦਾ ਟੋਲ ਪਲਾਜ਼ੇ 'ਤੇ ਹੰਗਾਮਾ: ਤੋੜ 'ਤੇ ਬੈਰੀਅਰ, ਵੀਡੀਓ ਵਾਇਰਲ
ਸੋਸ਼ਲ ਮੀਡੀਆ ਦਾ ਦਬਾਅ ਤੇ 'ਕੁਵਿੱਕ ਫਿਕਸ' ਕਲਚਰ
ਇੱਕ ਸਰਵੇਖਣ ਮੁਤਾਬਕ 70 ਫ਼ੀਸਦੀ ਹੋਣ ਵਾਲੇ ਲਾੜੇ-ਲਾੜੀਆਂ ਮੰਨਦੇ ਹਨ ਕਿ ਸੋਸ਼ਲ ਮੀਡੀਆ 'ਤੇ ਸੁੰਦਰ ਦਿਖਣ ਦੇ ਦਬਾਅ ਕਾਰਨ ਉਹ ਮਹਿੰਗੇ ਅਤੇ ਜੋਖ਼ਮ ਭਰੇ ਟ੍ਰੀਟਮੈਂਟ ਕਰਵਾਉਂਦੇ ਹਨ। ਦਿੱਲੀ, ਮੁੰਬਈ ਅਤੇ ਬੈਂਗਲੁਰੂ ਵਰਗੇ ਮਹਾਨਗਰਾਂ ਵਿੱਚ 'ਵੈਡਿੰਗ ਵੇਟ ਲੌਸ ਪੈਕੇਜ' ਦੀ ਮੰਗ 40 ਫ਼ੀਸਦੀ ਤੱਕ ਵਧ ਗਈ ਹੈ। ਨੌਜਵਾਨ ਕੁਦਰਤੀ ਤਰੀਕਿਆਂ ਦੀ ਬਜਾਏ 6-8 ਹਫ਼ਤਿਆਂ ਵਿੱਚ ਵਜ਼ਨ ਘਟਾਉਣ ਵਾਲੇ ਸ਼ਾਰਟਕੱਟ ਲੱਭ ਰਹੇ ਹਨ। ਰਿਪੋਰਟ ਅਨੁਸਾਰ, ਟਾਈਪ-2 ਡਾਇਬੀਟੀਜ਼ ਲਈ ਬਣੀਆਂ ਦਵਾਈਆਂ (GLP-1) ਦੀ ਵਰਤੋਂ ਵਜ਼ਨ ਘਟਾਉਣ ਲਈ ਤੇਜ਼ੀ ਨਾਲ ਵਧੀ ਹੈ। ਇਹ ਦਵਾਈਆਂ ਭੁੱਖ ਨੂੰ ਕੰਟਰੋਲ ਕਰਦੀਆਂ ਹਨ, ਪਰ ਇਹਨਾਂ ਦੇ ਮਾੜੇ ਪ੍ਰਭਾਵ ਬੇਹੱਦ ਖ਼ਤਰਨਾਕ ਹਨ।
ਇਹ ਵੀ ਪੜ੍ਹੋ - ਦਿੱਲੀ 'ਚ ਖੂਨੀ ਖੇਡ: 400 ਰੁਪਏ ਲਈ ਦੌੜਾ-ਦੌੜਾ ਕੇ ਚਾਕੂਆਂ ਨਾਲ ਵਿੰਨ੍ਹਿਆ ਨੌਜਵਾਨ, ਹੋਈ ਦਰਦਨਾਕ ਮੌਤ
ਜਾਣੋ ਕਿਹੜੇ ਹੋਣਗੇ ਵੱਡੇ ਨੁਕਸਾਨ:
ਓਜ਼ੈਂਪਿਕ ਫੇਸ (Ozempic Face): ਤੇਜ਼ੀ ਨਾਲ ਵਜ਼ਨ ਘਟਣ ਕਾਰਨ ਚਿਹਰੇ ਦੀ ਚਰਬੀ ਖ਼ਤਮ ਹੋ ਜਾਂਦੀ ਹੈ, ਚਮੜੀ ਲਟਕ ਜਾਂਦੀ ਹੈ ਅਤੇ ਵਿਅਕਤੀ ਆਪਣੀ ਉਮਰ ਨਾਲੋਂ ਕਿਤੇ ਵੱਧ ਬੁੱਢਾ ਦਿਖਣ ਲੱਗਦਾ ਹੈ।
ਕਿਡਨੀ ਅਤੇ ਲਿਵਰ 'ਤੇ ਅਸਰ: ਬਿਨਾਂ ਸਲਾਹ ਦੇ ਲਏ ਗਏ ਫੈਟ-ਬਰਨਿੰਗ ਸਪਲੀਮੈਂਟਸ ਅਤੇ ਸਟੀਰੌਇਡਜ਼ ਕਿਡਨੀ ਫੇਲ੍ਹ ਹੋਣ ਅਤੇ ਲਿਵਰ ਡੈਮੇਜ ਦਾ ਕਾਰਨ ਬਣ ਸਕਦੇ ਹਨ।
ਪਾਚਨ ਤੰਤਰ ਦੀ ਖਰਾਬੀ: ਦਵਾਈਆਂ ਨਾਲ ਗੰਭੀਰ ਕਬਜ਼, ਉਲਟੀ, ਪੇਟ ਦਰਦ ਅਤੇ ਪੈਨਕ੍ਰੀਅਸ ਵਿੱਚ ਸੋਜ ਦੀ ਸਮੱਸਿਆ ਹੋ ਸਕਦੀ ਹੈ।
ਰੀਬਾਉਂਡ ਵੇਟ ਗੇਨ: ਦਵਾਈਆਂ ਬੰਦ ਕਰਦੇ ਹੀ ਵਜ਼ਨ ਪਹਿਲਾਂ ਨਾਲੋਂ ਵੀ ਜ਼ਿਆਦਾ ਤੇਜ਼ੀ ਨਾਲ ਵਧਣ ਲੱਗਦਾ ਹੈ, ਜੋ ਮੈਟਾਬੋਲਿਜ਼ਮ ਨੂੰ ਸਥਾਈ ਤੌਰ 'ਤੇ ਖਰਾਬ ਕਰ ਦਿੰਦਾ ਹੈ।
ਇਹ ਵੀ ਪੜ੍ਹੋ - 11 ਰੁਪਏ ਮਹਿੰਗਾ ਹੋ ਗਿਆ ਪੈਟਰੋਲ-ਡੀਜ਼ਲ
ਮਾਹਰਾਂ ਦੀ ਰਾਏ
ਐਂਡੋਕ੍ਰਾਈਨੋਲੋਜਿਸਟ ਡਾ. ਬਲਰਾਮ ਸ਼ਰਮਾ ਦਾ ਕਹਿਣਾ ਹੈ ਕਿ ਇਹ ਦਵਾਈਆਂ ਸਿਰਫ਼ ਕਲੀਨਿਕਲ ਕੰਡੀਸ਼ਨ ਵਿੱਚ ਹੀ ਲੈਣੀਆਂ ਚਾਹੀਦੀਆਂ ਹਨ, ਨਾ ਕਿ ਕਾਸਮੈਟਿਕ ਦਿੱਖ ਲਈ। ਆਪਣੀ ਮਰਜ਼ੀ ਨਾਲ ਦਵਾਈਆਂ ਲੈਣ ਨਾਲ ਮਾਸਪੇਸ਼ੀਆਂ ਕਮਜ਼ੋਰ ਹੋ ਸਕਦੀਆਂ ਹਨ। ਸਮਾਜ ਸ਼ਾਸਤਰੀ ਰਾਜੀਵ ਗੁਪਤਾ ਅਨੁਸਾਰ, ਫਿਲਟਰ ਐਪਸ ਨੇ ਸੁੰਦਰਤਾ ਦੇ ਅਜਿਹੇ ਨਕਲੀ ਮਾਪਦੰਡ ਬਣਾ ਦਿੱਤੇ ਹਨ, ਜਿਨ੍ਹਾਂ ਨੂੰ ਕੁਦਰਤੀ ਤਰੀਕੇ ਨਾਲ ਪਾਉਣਾ ਅਸੰਭਵ ਹੈ। ਵਿਆਹ ਦੀ ਚਮਕ ਚਿਹਰੇ 'ਤੇ ਕੁਦਰਤੀ ਹੋਣੀ ਚਾਹੀਦੀ ਹੈ। ਨਕਲੀ ਤਰੀਕਿਆਂ ਨਾਲ ਪਾਈ ਗਈ ਫਿਟਨੈੱਸ ਵਿਆਹ ਦੀਆਂ ਖੁਸ਼ੀਆਂ ਨੂੰ ਸਿਹਤ ਦੀਆਂ ਮੁਸੀਬਤਾਂ ਵਿੱਚ ਬਦਲ ਸਕਦੀ ਹੈ।
ਇਹ ਵੀ ਪੜ੍ਹੋ - ਸਕੂਲੀ ਪੜ੍ਹਾਈ 'ਚ ਵੱਡਾ ਫੇਰਬਦਲ! 6ਵੀਂ ਤੋਂ 10ਵੀਂ ਜਮਾਤ ਤੱਕ ਹੁਣ ਪੜ੍ਹਨੀਆਂ ਪੈਣਗੀਆਂ 3 ਭਾਸ਼ਾਵਾਂ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਅਸਾਮ 'ਚ 10 ਸਾਲਾਂ ਬਾਅਦ 'ਪੰਜੇ' ਕਰੇਗਾ ਵਾਪਸੀ ਜਾਂ ਮੁੜ ਖਿੜੇਗਾ 'ਕਮਲ' ? 23 ਸੀਟਾਂ ਕਰਨਗੀਆਂ ਫ਼ੈਸਲਾ
NEXT STORY 
