ਨਵੀਂ ਦਿੱਲੀ- 'ਗੂਗਲ' ਨੇ ਲੱਦਾਖੀ ਪੋਸ਼ਾਕ ਪਹਿਨੇ ਇਕ ਹਿਮ (ਬਰਫੀਲੇ) ਤੇਂਦੁਏ ਨੂੰ ਰਵਾਇਤੀ ਸੰਗੀਤਕ ਯੰਤਰ ਫੜੇ ਹੋਏ ਅਤੇ ਧੋਤੀ-ਕੁੜਤਾ ਪਹਿਨੇ ਇਕ 'ਬਾਘ' ਅਤੇ ਭਾਰਤ ਦੇ ਵੱਖ-ਵੱਖ ਖੇਤਰਾਂ ਅਤੇ ਇਸ ਦੀ ਵਿਭਿੰਨਤਾ ਨੂੰ ਦਿਖਾਉਣ ਵਾਲੇ ਕੁਝ ਹੋਰ ਪਸ਼ੂ-ਪੰਛੀਆਂ ਨੂੰ ਦਰਸਾਉਣ ਵਾਲਾ 'ਡੂਡਲ' ਬਣਾ ਕੇ ਆਪਣੇ ਅੰਦਾਜ 'ਚ ਦੇਸ਼ ਦੇ 76ਵੇਂ ਗਣਤੰਤਰ ਦਿਵਸ ਦਾ ਜਸ਼ਨ ਮਨਾਇਆ। ਇਸ ਰੰਗੀਨ ਕਲਾਕਾਰੀ 'ਚ ਗੂਗਲ ਦੇ 6 ਅੱਖਰਾਂ ਨੂੰ ਕਲਾਤਮਕ ਢੰਗ ਨਾਲ ਥੀਮ 'ਚ ਇਸ ਤਰੀਕੇ ਨਾਲ ਪਿਰੋਇਆ ਗਿਆ ਹੈ, ਜੋ 'ਜੰਗਲੀ ਜੀਵ ਪਰੇਡ' ਦਾ ਅਹਿਸਾਸ ਦਿੰਦਾ ਹੈ। ਭਾਰਤ ਐਤਵਾਰ ਨੂੰ 76ਵੇਂ ਗਣਤੰਤਰ ਦਿਵਸ ਮੌਕੇ ਇੱਥੇ ਡਿਊਟੀ ਦੌਰਾਨ ਆਪਣੀ ਫੌਜੀ ਤਾਕਤ ਅਤੇ ਅਮੀਰ ਸੱਭਿਆਚਾਰਕ ਵਿਰਾਸਤ ਦਾ ਪ੍ਰਦਰਸ਼ਨ ਕਰੇਗਾ। ਇਸ ਸਾਲ ਦੇ ਜਸ਼ਨਾਂ ਦਾ ਮੁੱਖ ਆਕਰਸ਼ਣ ਸੰਵਿਧਾਨ ਦੇ 75 ਸਾਲ ਪੂਰੇ ਹੋਣ ਦਾ ਦਿਨ ਹੈ, ਪਰ ਝਾਕੀ ਦਾ ਵਿਸ਼ਾ 'ਸੁਨਹਿਰੀ ਭਾਰਤ: ਵਿਰਾਸਤ ਅਤੇ ਵਿਕਾਸ' ਹੈ। ਇਸ ਮੌਕੇ 'ਤੇ, ਵੱਖ-ਵੱਖ ਰਾਜਾਂ ਅਤੇ ਕੇਂਦਰ ਸ਼ਾਸਿਤ ਪ੍ਰਦੇਸ਼ਾਂ ਦੀਆਂ 16 ਝਾਕੀਆਂ ਅਤੇ ਕੇਂਦਰੀ ਮੰਤਰਾਲਿਆਂ, ਵਿਭਾਗਾਂ ਅਤੇ ਸੰਗਠਨਾਂ ਦੀਆਂ 15 ਝਾਕੀਆਂ ਪ੍ਰਦਰਸ਼ਿਤ ਕੀਤੀਆਂ ਜਾਣਗੀਆਂ। ਮੱਧ ਪ੍ਰਦੇਸ਼ ਦੀ ਝਾਕੀ 'ਚ 'ਪ੍ਰਾਜੈਕਟ ਚੀਤਾ' ਅਤੇ ਕੁਨੋ ਨੈਸ਼ਨਲ ਪਾਰਕ ਦਰਸਾਇਆ ਜਾਵੇਗਾ।
ਗੂਗਲ ਦੀ ਵੈੱਬਸਾਈਟ 'ਤੇ 'ਡੂਡਲ' ਦੇ ਵੇਰਵੇ 'ਚ ਕਿਹਾ ਗਿਆ ਹੈ,"ਇਹ 'ਡੂਡਲ' ਭਾਰਤ ਦੇ 76ਵੇਂ ਗਣਤੰਤਰ ਦਿਵਸ ਦਾ ਜਸ਼ਨ ਮਨਾਉਂਦਾ ਹੈ।" ਇਹ ਦਿਨ ਰਾਸ਼ਟਰੀ ਮਾਣ ਅਤੇ ਏਕਤਾ ਦਾ ਮੌਕਾ ਹੈ।'' ਇਹ ਕਲਾਕ੍ਰਿਤੀ ਪੁਣੇ ਦੇ ਕਲਾਕਾਰ ਰੋਹਨ ਦਾਹੋਤਰੇ ਦੁਆਰਾ ਬਣਾਈ ਗਈ ਹੈ। ਵੈੱਬਸਾਈਟ 'ਤੇ ਕਿਹਾ ਗਿਆ ਹੈ ਕਿ ਪਰੇਡ 'ਚ ਪ੍ਰਦਰਸ਼ਿਤ ਜੀਵ ਭਾਰਤ ਦੇ ਵੱਖ-ਵੱਖ ਖੇਤਰਾਂ ਨੂੰ ਦਰਸਾਉਂਦੇ ਹਨ। 'ਡੂਡਲ' 'ਚ ਇਕ ਹਿਮ ਤੇਂਦੁਏ ਨੂੰ ਲੱਦਾਖ ਖੇਤਰ ਦੇ ਰਵਾਇਤੀ ਪਹਿਰਾਵੇ 'ਚ ਦਿਖਾਇਆ ਗਿਆ ਹੈ, ਜੋ ਆਪਣੇ ਹੱਥ 'ਚ ਰਿਬਨ ਫੜ ਕੇ 2 ਪੈਰਾਂ 'ਤੇ ਤੁਰ ਰਿਹਾ ਹੈ। ਇਸ ਦੇ ਅੱਗੇ ਇਕ ਬਾਘ 2 ਪੈਰਾਂ 'ਤੇ ਖੜ੍ਹੇ ਹੋ ਕੇ ਸੰਗੀਤਕ ਸਾਜ਼ ਫੜੇ ਹੋਏ ਨਜ਼ਰ ਆ ਰਿਹਾ ਹੈ। ਉੱਡਦਾ ਹੋਇਆ ਮੋਰ ਰਵਾਇਤੀ ਪਹਿਰਾਵੇ 'ਚ ਇਕ ਹਿਰਨ ਹੱਥ 'ਚ ਰਸਮੀ ਛੜੀ ਲਏ ਹੋਏ ਤੁਰ ਰਹੇ ਹਨ। 'ਡੂਡਲ' ਦੇ ਵਰਣਨ 'ਚ, ਦਾਹੋਤਰੇ ਦੇ ਹਵਾਲੇ ਤੋਂ ਕਿਹਾ ਗਿਆ ਹੈ,"ਗਣਤੰਤਰ ਦਿਵਸ ਭਾਰਤ ਲਈ ਬਹੁਤ ਮਹੱਤਵ ਰੱਖਦਾ ਹੈ ਕਿਉਂਕਿ ਇਹ ਸਾਰੇ ਦੇਸ਼ ਵਾਸੀਆਂ ਨੂੰ ਇਕਜੁੱਟ ਕਰਦਾ ਹੈ ਅਤੇ ਹਰ ਭਾਰਤੀ 'ਚ ਦੇਸ਼ ਭਗਤੀ ਦੀ ਭਾਵਨਾ ਪੈਦਾ ਕਰਦਾ ਹੈ।" ਭਾਰਤ ਦੀ ਅਦਭੁਤ ਵਿਭਿੰਨਤਾ, ਜਿਸ 'ਚ ਇਸ ਦੀਆਂ ਅਣਗਿਣਤ ਭਾਸ਼ਾਵਾਂ, ਸੱਭਿਆਚਾਰ ਅਤੇ ਪਰੰਪਰਾਵਾਂ ਸ਼ਾਮਲ ਹਨ, ਇਸ ਦੀ ਜੀਵਨਸ਼ਕਤੀ ਨੂੰ ਦਰਸਾਉਂਦੀ ਹੈ।"
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਕੁਨਾਲ ਖੇਮੂ ਅਤੇ ਸੋਹਾ ਅਲੀ ਖਾਨ ਦੀ ਪੁਰਾਣੀ ਤਸਵੀਰ ਨੂੰ ਸੈਫ ਅਲੀ ਖਾਨ ਮਾਮਲੇ ਨਾਲ ਜੋੜ ਕੇ ਕੀਤਾ ਵਾਇਰਲ
NEXT STORY 
