ਕਟੜਾ/ਜੰਮੂ (ਭਾਸ਼ਾ) : ਤ੍ਰਿਕੁਟਾ ਪਹਾੜੀਆਂ 'ਤੇ ਸਥਿਤ ਮਾਤਾ ਵੈਸ਼ਨੋ ਦੇਵੀ ਮੰਦਰ ਦੀ ਯਾਤਰਾ ਬੁੱਧਵਾਰ ਨੂੰ ਨੌਵੇਂ ਦਿਨ ਵੀ ਮੁਅੱਤਲ ਰਹੀ ਅਤੇ ਪਿਛਲੇ 24 ਘੰਟਿਆਂ ਦੌਰਾਨ ਇਸਦੇ ਬੇਸ ਕੈਂਪ ਵਿੱਚ 200 ਮਿਲੀਮੀਟਰ ਤੋਂ ਵੱਧ ਬਾਰਿਸ਼ ਦਰਜ ਕੀਤੀ ਗਈ, ਜੋ ਕਿ ਜੰਮੂ ਖੇਤਰ 'ਚ ਸਭ ਤੋਂ ਵੱਧ ਹੈ।
ਵੈਸ਼ਨੋ ਦੇਵੀ ਦੀ ਯਾਤਰਾ 26 ਅਗਸਤ ਨੂੰ ਮੁਅੱਤਲ ਕਰ ਦਿੱਤੀ ਗਈ ਸੀ। ਕੁਝ ਘੰਟਿਆਂ ਬਾਅਦ, ਅਰਧਕੁਮਾੜੀ ਨੇੜੇ ਪੁਰਾਣੇ ਰਸਤੇ 'ਤੇ ਮੀਂਹ ਕਾਰਨ ਜ਼ਮੀਨ ਖਿਸਕ ਗਈ, ਜਿਸ ਵਿੱਚ 34 ਸ਼ਰਧਾਲੂਆਂ ਦੀ ਮੌਤ ਹੋ ਗਈ ਅਤੇ 20 ਹੋਰ ਜ਼ਖਮੀ ਹੋ ਗਏ। ਯਾਤਰਾ ਮੁਅੱਤਲ ਹੈ, ਫਿਰ ਵੀ ਮੰਦਰ ਖੁੱਲ੍ਹਾ ਹੈ ਤੇ ਇਸਦੇ ਪੁਜਾਰੀ ਰੋਜ਼ਾਨਾ ਪ੍ਰਾਰਥਨਾ ਅਤੇ ਰਸਮਾਂ ਕਰ ਰਹੇ ਹਨ। ਯਾਤਰਾ ਮੁਅੱਤਲ ਹੋਣ ਕਾਰਨ, ਕਟੜਾ ਪਹੁੰਚੇ ਕੁਝ ਸ਼ਰਧਾਲੂ 'ਦਰਸ਼ਨ ਡਿਓੜੀ' (ਮੰਦਰ ਦੇ ਰਸਤੇ ਦਾ ਮੁੱਖ ਪ੍ਰਵੇਸ਼ ਦੁਆਰ) 'ਤੇ ਪੂਜਾ ਕਰ ਰਹੇ ਹਨ। ਦਰਸ਼ਨ ਡਿਓੜੀ ਮੰਦਰ ਦੇ ਪਹਿਲੇ 'ਦਰਸ਼ਨ' ਦਾ ਪ੍ਰਤੀਕ ਹੈ।
ਮਹਾਰਾਸ਼ਟਰ ਦੇ ਨਾਗਪੁਰ ਦੇ ਇੱਕ ਸ਼ਰਧਾਲੂ ਪ੍ਰਮੋਦ ਨੇ ਦੱਸਿਆ ਕਿ "ਮੈਂ ਮੰਦਰ ਵਿੱਚ ਪ੍ਰਾਰਥਨਾ ਕਰਨ ਲਈ ਲਗਭਗ ਤਿੰਨ ਮਹੀਨੇ ਪਹਿਲਾਂ ਉਡਾਣ, ਰੇਲਗੱਡੀ ਅਤੇ ਹੋਟਲ ਦੀਆਂ ਟਿਕਟਾਂ ਬੁੱਕ ਕੀਤੀਆਂ ਸਨ। ਪਰ ਯਾਤਰਾ ਮੁਅੱਤਲ ਹੈ, ਇਸ ਲਈ ਮੈਂ ਘਰ ਵਾਪਸ ਜਾਣ ਤੋਂ ਪਹਿਲਾਂ ਇੱਥੇ (ਦਰਸ਼ਨ ਡਿਓੜੀ) ਪ੍ਰਾਰਥਨਾ ਕਰ ਰਿਹਾ ਹਾਂ। ਹਾਲਾਂਕਿ, ਉਸਨੇ ਕਿਹਾ ਕਿ ਉਹ ਨਿਰਾਸ਼ ਨਹੀਂ ਹੋਇਆ ਅਤੇ ਵਾਪਸ ਆਉਣ ਅਤੇ "ਮਾਂ ਦੇ ਸੱਦੇ ਦੀ ਉਡੀਕ ਕਰਨ" ਦੀ ਸਹੁੰ ਖਾਧੀ। ਲਗਾਤਾਰ ਬਾਰਸ਼ ਕਾਰਨ ਨਦੀਆਂ ਅਤੇ ਨਾਲਿਆਂ ਵਿੱਚ ਪਾਣੀ ਦਾ ਪੱਧਰ ਵਧ ਗਿਆ ਹੈ, ਖਾਸ ਕਰਕੇ ਜੰਮੂ ਵਿੱਚੋਂ ਲੰਘਦੀ ਬਾਣਗੰਗਾ ਨਦੀ 'ਚ।
ਅਧਿਕਾਰੀਆਂ ਨੇ ਕਿਹਾ ਕਿ ਯਾਤਰਾ ਮੁੜ ਸ਼ੁਰੂ ਕਰਨ ਦਾ ਫੈਸਲਾ ਸਥਿਤੀ 'ਚ ਸੁਧਾਰ ਹੋਣ ਅਤੇ ਪਹਾੜੀ ਚੋਟੀ ਦੇ ਮੰਦਰ ਨੂੰ ਜਾਣ ਵਾਲੀ 12 ਕਿਲੋਮੀਟਰ ਲੰਬੀ ਦੋਹਰੀ ਸੜਕ 'ਤੇ ਸ਼ਰਧਾਲੂਆਂ ਲਈ ਰੁਕਾਵਟ ਦੂਰ ਹੋਣ 'ਤੇ ਲਿਆ ਜਾਵੇਗਾ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
8-9 ਘੰਟੇ ਪੈਦਲ ਯਾਤਰਾ ਤੋਂ ਮਿਲੇਗੀ ਰਾਹਤ: ਹੁਣ ਸਿਰਫ਼ 36 ਮਿੰਟਾਂ 'ਚ ਕੇਦਾਰਨਾਥ ਪਹੁੰਚ ਜਾਣਗੇ ਸ਼ਰਧਾਲੂ
NEXT STORY 
