ਜੰਮੂ- ਜੰਮੂ-ਕਸ਼ਮੀਰ ਜ਼ਿਲ੍ਹਾ ਵਿਕਾਸ ਕੌਂਸਲ (ਡੀ.ਡੀ.ਸੀ.) ਚੋਣਾਂ 'ਚ ਗੁੱਜਰ ਭਾਈਚਾਰੇ ਦੇ 38 ਲੋਕਾਂ ਨੂੰ ਜਿੱਤ ਮਿਲੀ ਹੈ, ਜਿਨ੍ਹਾਂ 'ਚੋਂ 15 ਜਨਜਾਤੀ ਭਾਈਚਾਰੇ ਦੀਆਂ ਬੀਬੀਆਂ ਹਨ। ਗੁਪਕਾਰ ਐਲਾਨ ਪੱਤਰ ਗਠਜੋੜ ਨੇ ਪਹਿਲਾਂ ਡੀ.ਡੀ.ਸੀ. ਚੋਣਾਂ 'ਚ 110 ਸੀਟਾਂ 'ਤੇ ਜਿੱਤ ਹਾਸਲ ਕੀਤੀ। ਉੱਥੇ ਹੀ ਭਾਜਪਾ 75 ਸੀਟਾਂ ਜਿੱਤ ਸੂਬੇ ਦੀ ਸਭ ਤੋਂ ਵੱਡੀ ਪਾਰਟੀ ਦੇ ਰੂਪ 'ਚ ਉੱਭਰੀ ਹੈ। ਇੱਥੇ ਚੋਣ ਨਤੀਜਿਆਂ ਦਾ ਐਲਾਨ ਮੰਗਲਵਾਰ ਨੂੰ ਹੋਇਆ। ਗੁੱਜਰ ਭਾਈਚਾਰੇ ਦੇ ਸੰਗਠਨ ਟ੍ਰਾਈਬਲ ਰਿਸਰਚ ਐਂਡ ਕਲਚਰਲ ਫਾਊਂਡੇਸ਼ਨ ਦੇ ਅੰਕੜਿਆਂ ਅਨੁਸਾਰ ਜੰਮੂ ਡਵੀਜ਼ਨ 'ਚ ਗੁੱਜਰ-ਬਕਰਵਾਲ ਭਾਈਚਾਰੇ ਦੇ ਸਭ ਤੋਂ ਵੱਧ 26 ਉਮੀਦਵਾਰਾਂ ਨੂੰ ਜਿੱਤ ਮਿਲੀ ਹੈ। ਅੰਕੜਿਆਂ ਅਨੁਸਾਰ ਇਹ ਸਾਰੇ ਜੇਤੂ ਉਮੀਦਵਾਰ ਵੱਖ-ਵੱਖ ਪਾਰਟੀਆਂ ਦੇ ਹਨ ਪਰ ਜਿੱਤਣ ਵਾਲਿਆਂ 'ਚ ਅਨੁਸੂਚਿਤ ਜਨਜਾਤੀ ਨਾਲ ਤਾਲੁਕ ਰੱਖਣ ਵਾਲੇ ਜ਼ਿਆਦਾਤਰ ਉਮੀਦਵਾਰ ਆਜ਼ਾਦ ਹਨ।
ਇਹ ਵੀ ਪੜ੍ਹੋ : ਸਰਕਾਰ ਨੇ ਕਿਸਾਨਾਂ ਨੂੰ ਫਿਰ ਲਿਖੀ ਚਿੱਠੀ, ਕਿਹਾ- ਗੱਲਬਾਤ ਲਈ ਖੁੱਲ੍ਹੇ ਹਨ ਰਸਤੇ
ਅਨੁਸੂਚਿਤ ਜਨਜਾਤੀ 'ਤੇ ਸੋਧ ਕਰਨ ਵਾਲੇ ਡਾਕਟਰ ਜਾਵੇਦ ਰਾਹੀ ਨੇ ਕਿਹਾ ਕਿ ਗੁੱਜਰ ਭਾਈਚਾਰੇ ਦੇ ਪੜ੍ਹੇ-ਲਿਖੇ ਨੌਜਵਾਨ ਚੁਣੇ ਗਏ ਹਨ। ਉਨ੍ਹਾਂ ਨੇ ਕਿਹਾ ਕਿ ਜੰਮੂ-ਕਸ਼ਮੀਰ 'ਚ ਪਿਛਲੇ ਸਾਲ ਰਾਨਜੀਤਕ ਰਾਖਵਾਂਕਰਨ ਲਾਗੂ ਹੋਣ ਨਾਲ ਪੇਂਡੂ ਪੱਧਰ ਦੀਆਂ ਇਕਾਈਆਂ 'ਚ ਅਨੁਸੂਚਿਤ ਜਨਜਾਤੀ (ਗੁੱਜਰ-ਬਕਰਵਾਲ) ਭਾਈਚਾਰੇ ਦੇ ਜ਼ਿਆਦਾ ਲੋਕਾਂ ਨੂੰ ਚੁਣਿਆ ਜਾਣਾ ਯਕੀਨੀ ਹੋਇਆ। ਅੰਕੜਿਆਂ ਅਨੁਸਾਰ, ਗੁੱਜਰ ਭਾਈਚਾਰੇ ਤੋਂ ਜਿੱਤ ਹਾਸਲ ਕਰਨ ਵਾਲਿਆਂ 'ਚ 82 ਫੀਸਦੀ ਨੌਜਵਾਨ ਹਨ ਅਤੇ ਪਹਿਲੀ ਵਾਰ ਚੁਣੇ ਗਏ ਹਨ। ਉੱਥੇ ਹੀ 37 ਫੀਸਦੀ ਜਨਜਾਤੀ ਬੀਬੀਆਂ ਹਨ ਅਤੇ ਪਰਬਤੀ ਅਤੇ ਦੂਰ ਦੇ ਇਲਾਕਿਆਂ ਤੋਂ ਹਨ।
ਇਹ ਵੀ ਪੜ੍ਹੋ : ਜਨਮ ਦਿਨ ਵਿਸ਼ੇਸ਼ : ਜਾਣੋਂ ਕਿਵੇਂ ਇਕ ਪੱਤਰਕਾਰ ਤੋਂ ਰਾਜਨੇਤਾ ਬਣੇ ਸਨ ਅਟਲ ਬਿਹਾਰੀ
ਨੋਟ : ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ 'ਚ ਦਿਓ ਆਪਣੀ ਰਾਏ
4 ਕਰੋੜ ਵਿਦਿਆਰਥੀਆਂ ਦੇ ਬੈਂਕ ਖਾਤਿਆਂ ’ਚ ਆਵੇਗਾ ਵਜ਼ੀਫ਼ਾ, ਜਾਣੋ ਸਰਕਾਰ ਦੀ ਇਸ ਯੋਜਨਾ ਬਾਰੇ
NEXT STORY 
