ਨਵੀਂ ਦਿੱਲੀ (ਏਜੰਸੀ)- 'ਸਟੈਂਡ-ਅੱਪ ਕਾਮੇਡੀਅਨ' ਕੁਨਾਲ ਕਾਮਰਾ ਨੇ ਕਿਹਾ ਹੈ ਕਿ ਉਹ ਮਹਾਰਾਸ਼ਟਰ ਦੇ ਉਪ ਮੁੱਖ ਮੰਤਰੀ ਏਕਨਾਥ ਸ਼ਿੰਦੇ ਬਾਰੇ ਆਪਣੀਆਂ ਵਿਵਾਦਪੂਰਨ ਟਿੱਪਣੀਆਂ ਲਈ ਮੁਆਫ਼ੀ ਨਹੀਂ ਮੰਗਣਗੇ। ਇਸ ਦੇ ਨਾਲ ਹੀ, ਉਨ੍ਹਾਂ ਨੇ ਮੁੰਬਈ ਵਿੱਚ ਉਸ ਜਗ੍ਹਾ 'ਤੇ ਹੋਈ ਭੰਨਤੋੜ ਦੀ ਆਲੋਚਨਾ ਕੀਤੀ ਜਿੱਥੇ 'ਕਾਮੇਡੀ ਸ਼ੋਅ' ਰਿਕਾਰਡ ਕੀਤਾ ਗਿਆ ਸੀ। ਐਤਵਾਰ ਨੂੰ ਸ਼ਿਵ ਸੈਨਾ ਦੇ ਵਰਕਰਾਂ ਨੇ ਕਥਿਤ ਤੌਰ 'ਤੇ ਮੁੰਬਈ ਦੇ ਖਾਰ ਇਲਾਕੇ ਵਿੱਚ ਹੈਬੀਟੈਟ ਕਾਮੇਡੀ ਕਲੱਬ ਦੀ ਭੰਨਤੋੜ ਕੀਤੀ, ਜਿੱਥੇ ਕਾਮਰਾ ਦੇ ਸ਼ੋਅ ਦੀ ਸ਼ੂਟਿੰਗ ਕੀਤੀ ਗਈ ਸੀ। ਇਸ ਪ੍ਰੋਗਰਾਮ ਵਿੱਚ, ਉਸਨੇ "ਗੱਦਾਰ" ਸ਼ਬਦ ਦੀ ਵਰਤੋਂ ਕਰਕੇ ਸ਼ਿੰਦੇ 'ਤੇ ਨਿਸ਼ਾਨਾ ਸਾਧਿਆ ਸੀ।
ਇਹ ਵੀ ਪੜ੍ਹੋ: ਪੰਜਾਬੀ ਫਿਲਮ ਇੰਡਸਟਰੀ 'ਚ ਸੋਗ ਦੀ ਲਹਿਰ, ਇਸ ਮਸ਼ਹੂਰ ਡਾਇਰੈਕਟਰ ਨੇ ਦੁਨੀਆ ਨੂੰ ਕਿਹਾ ਅਲਵਿਦਾ
ਕਾਮਰਾ ਨੇ ਸੋਮਵਾਰ ਦੇਰ ਰਾਤ ਸੋਸ਼ਲ ਮੀਡੀਆ ਪਲੇਟਫਾਰਮ 'ਐਕਸ' 'ਤੇ ਸਾਂਝੇ ਕੀਤੇ ਇੱਕ ਬਿਆਨ ਵਿੱਚ ਕਿਹਾ ਕਿ ਜੋ ਲੋਕ ਸੋਸ਼ਲ ਮੀਡੀਆ 'ਤੇ ਉਸ ਦਾ ਨੰਬਰ ਲੀਕ ਕਰਨ ਜਾਂ ਉਸਨੂੰ ਲਗਾਤਾਰ ਕਾਲ ਕਰਨ ਵਿੱਚ ਰੁੱਝੇ ਹੋਏ ਹਨ, ਉਨ੍ਹਾਂ ਨੂੰ ਪਤਾ ਹੋਣਾ ਚਾਹੀਦਾ ਹੈ ਕਿ ਸਾਰੀਆਂ ਅਣਜਾਣ ਫੋਨ ਕਾਲਾਂ ਉਸਦੀ ਵੌਇਸਮੇਲ 'ਤੇ ਜਾ ਰਹੀਆਂ ਹਨ ਅਤੇ ਉਨ੍ਹਾਂ ਨੂੰ "ਉਹੀ ਗਾਣਾ" ਸੁਣੇਗਾ, ਜਿਸ ਤੋਂ ਉਹ ਨਫ਼ਰਤ ਕਰਦੇ ਹਨ। ਕਾਮਰਾ ਨੇ ਲਿਖਿਆ, "ਮੈਂ ਮੁਆਫ਼ੀ ਨਹੀਂ ਮੰਗਾਂਗਾ... ਮੈਂ ਇਸ ਭੀੜ ਤੋਂ ਨਹੀਂ ਡਰਦਾ ਅਤੇ ਮੈਂ ਆਪਣੇ ਬਿਸਤਰੇ ਹੇਠ ਨਹੀਂ ਲੁਕਾਂਗਾ ਅਤੇ ਇਸਦੇ ਸ਼ਾਂਤ ਹੋਣ ਦੀ ਉਡੀਕ ਨਹੀਂ ਕਰਾਂਗਾ।"
ਇਹ ਵੀ ਪੜ੍ਹੋ: ਰਸ਼ਮਿਕਾ ਨਾਲ 31 ਸਾਲ ਦੇ Age ਗੈਪ 'ਤੇ ਬੋਲੇ ਸਲਮਾਨ ਖਾਨ, ਜਦੋਂ Heroine ਨੂੰ...
ਕਾਮਰਾ ਨੇ ਕਿਹਾ ਕਿ ਸਮਾਗਮ ਵਾਲੀ ਥਾਂ 'ਤੇ ਭੰਨਤੋੜ "ਮੂਰਖਤਾਪੂਰਨ" ਹੈ। ਹੈਬੀਟੇਟ (ਜਾਂ ਕੋਈ ਹੋਰ ਸਥਾਨ) ਮੇਰੀ 'ਕਾਮੇਡੀ' ਲਈ ਜ਼ਿੰਮੇਵਾਰ ਨਹੀਂ ਹੈ ਅਤੇ ਮੈਂ ਕੀ ਕਹਿੰਦਾ ਹਾਂ, ਉਸ 'ਤੇ ਨਾ ਤਾ ਕਿਸੇ ਦਾ ਕੰਟਰੋਲ ਹੈ ਅਤੇ ਨਾ ਹੀ ਕਿਸੇ ਕੋਲ ਤਾਕਤ ਹੈ। ਕਾਮਰਾ ਦਾ ਇਹ ਬਿਆਨ ਸ਼ਿਵ ਸੈਨਾ ਵਰਕਰਾਂ ਦੇ ਵਿਰੋਧ ਪ੍ਰਦਰਸ਼ਨਾਂ ਅਤੇ ਊਧਵ ਠਾਕਰੇ ਦੀ ਅਗਵਾਈ ਵਾਲੀ ਮਹਾਰਾਸ਼ਟਰ ਵਿਕਾਸ ਅਘਾੜੀ (MVA) ਸਰਕਾਰ ਵਿਰੁੱਧ ਸ਼ਿੰਦੇ ਦੀ 2022 ਦੀ ਬਗਾਵਤ 'ਤੇ ਉਨ੍ਹਾਂ ਦੀ ਟਿੱਪਣੀ ਤੋਂ ਬਾਅਦ ਦਰਜ ਕੀਤੇ ਗਏ ਪੁਲਸ ਕੇਸ ਤੋਂ ਬਾਅਦ ਆਇਆ ਹੈ।
ਇਹ ਵੀ ਪੜ੍ਹੋ: 'ਮੈਂ ਵੈਨ 'ਚ ਕੱਪੜੇ ਬਦਲ ਰਹੀ ਸੀ ਉਦੋਂ ਇੱਕ ਡਾਇਰੈਕਟਰ...', ਇਸ ਮਸ਼ਹੂਰ ਅਦਾਕਾਰਾ ਨੇ ਕੀਤਾ ਹੈਰਾਨੀਜਨਕ ਖੁਲਾਸਾ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨਾਗਪੁਰ ਹਿੰਸਾ ਦੇ ਮਾਸਟਰਮਾਈਂਡ 'ਫਹੀਮ' ਦੇ ਘਰ ਚੱਲਿਆ ਬੁਲਡੋਜ਼ਰ
NEXT STORY 
