ਹੈਦਰਾਬਾਦ (ਏਜੰਸੀ)- ਤੇਲੰਗਾਨਾ ਦੇ ਹੈਦਰਾਬਾਦ 'ਚ ਇਕ ਵਿਅਕਤੀ ਲਿਫਟ 'ਚੋਂ ਬਾਹਰ ਨਿਕਲਦੇ ਸਮੇਂ ਹਾਦਸੇ ਦਾ ਸ਼ਿਕਾਰ ਹੋ ਗਿਆ। ਹੈਦਰਾਬਾਦ ਡਿਜ਼ਾਸਟਰ ਰਿਸਪਾਂਸ ਐਂਡ ਐਸੇਟ ਪ੍ਰੋਟੇਕਸ਼ਨ ਏਜੰਸੀ (HYDRAA) ਨੇ ਮੂਸਾਪੇਟ ਦੇ ਅੰਜਨੇਯ ਨਗਰ 'ਚ ਇਕ ਤਿੰਨ ਮੰਜ਼ਿਲਾ ਇਮਾਰਤ 'ਚ ਹੋਈ ਘਟਨਾ ਤੋਂ ਬਾਅਦ ਲਿਫ਼ਟ ਅਤੇ ਕੰਧ 'ਚ ਫਸੇ ਇਕ ਵਿਅਕਤੀ ਨੂੰ ਜਾਨਲੇਵਾ ਸਥਿਤੀ ਤੋਂ ਬਚਾਇਆ।
ਇਹ ਘਟਨਾ ਐਤਵਾਰ ਨੂੰ ਹੋਈ, ਜਦੋਂ ਮੁਰਲੀ (40) ਗਰਿੱਲ ਵਾਲੀ ਇਕ ਪੁਰਾਣੀ ਲਿਫਟ 'ਚ ਫਸ ਗਿਆ। ਲਿਫਟ ਦੇ ਸੈਂਸਰ 'ਚ ਖਰਾਬੀ ਕਾਰਨ ਉਹ ਉੱਪਰ ਵੱਲ ਚੱਲਣ ਲੱਗੀ, ਜਦੋਂ ਕਿ ਮੁਰਲੀ ਦੂਜੀ ਮੰਜ਼ਲ 'ਤੇ ਉਤਰਨ ਦੀ ਕੋਸ਼ਿਸ਼ ਕਰ ਰਿਹਾ ਸੀ। ਜਾਣਕਾਰੀ ਅਨੁਸਾਰ ਮੁਰਲੀ ਆਪਣੀ ਪਤਨੀ ਨਾਲ ਗਰਾਊਂਡ ਫਲੋਰ ਤੋਂ ਦੂਜੀ ਮੰਜ਼ਲ ਤੱਕ ਲਿਫਟ ਰਾਹੀਂ ਗਿਆ ਸੀ। ਜਿਵੇਂ ਹੀ ਉਹ ਦੂਜੀ ਮੰਜ਼ਲ 'ਤੇ ਪਹੁੰਚੇ, ਮੁਰਲੀ ਨੇ ਬਾਹਰ ਨਿਕਲਣ ਦੀ ਕੋਸ਼ਿਸ਼ ਕੀਤੀ ਪਰ ਉਸੇ ਸਮੇਂ ਕਿਸੇ ਨੇ ਤੀਜੀ ਮੰਜ਼ਿਲ 'ਤੇ ਲਿਫਟ ਦਾ ਬਟਨ ਦਬਾ ਦਿੱਤਾ, ਜਿਸ ਨਾਲ ਲਿਫਟ ਕੁਝ ਹੀ ਸਕਿੰਟ 'ਚ ਉੱਪਰ ਵੱਲ ਚੱਲਣ ਲੱਗੀ, ਜਦੋਂ ਕਿ ਉਸ ਦਾ ਇਕ ਪੈਰ ਲਿਫਟ ਦੇ ਅੰਦਰ ਅਤੇ ਦੂਜਾ ਦੂਜੀ ਮੰਜ਼ਲ ਦੀ ਲੈਂਡਿੰਗ 'ਤੇ ਸੀ। ਉਸ ਦਾ ਪੈਰ ਲਿਫਟ ਦੀ ਗਰਿੱਲ 'ਚ ਫਸ ਗਿਆ, ਜਿਸ ਕਾਰਨ ਉਹ ਦੂਜੀ ਅਤੇ ਤੀਜੀ ਮੰਜ਼ਿਲ ਵਿਚ ਫੱਸ ਕੇ ਲਟਕ ਗਿਆ।
ਉਸ ਦੀ ਪਤਨੀ, ਜੋ ਅਜੇ ਵੀ ਲਿਫਟ ਦੇ ਅੰਦਰ ਸੀ, ਮਦਦ ਲਈ ਚੀਕੀ। ਜਿਸ ਤੋਂ ਬਾਅਦ ਅਪਾਰਟਮੈਂਟ ਦੇ ਲੋਕਾਂ ਨੇ ਉਸ ਨੂੰ ਬਚਾਉਣ ਦੀ ਕੋਸ਼ਿਸ਼ ਕੀਤੀ। ਜਦੋਂ ਉਨ੍ਹਾਂ ਦੀਆਂ ਕੋਸ਼ਿਸ਼ਾਂ ਅਸਫ਼ਲ ਰਹੀਆਂ ਤਾਂ ਉਨ੍ਹਾਂ ਨੇ HYDRAA ਕੰਟਰੋਲ ਰੂਮ ਨੂੰ ਸੂਚਨਾ ਦਿੱਤੀ। ਕੁਕਟਪੱਲੀ ਕੋਲ ਹੀ ਤਾਇਨਾਤ HYDRAA ਡਿਜ਼ਾਸਟਰ ਰਿਸਪਾਂਸ ਫੋਰਸ (ਡੀਆਰਐੱਫ) ਦੀ ਟੀਮ ਮੌਕੇ 'ਤੇ ਪਹੁੰਚੀ ਅਤੇ ਬਚਾਅ ਮੁਹਿੰਮ ਸ਼ੁਰੂ ਕੀਤੀ।
ਜੇਡੀਪੀ ਪ੍ਰਸਾਦ ਨੇ ਦੱਸਿਆ ਕਿ ਮੁਰਲੀ ਨੂੰ ਬਾਹਰ ਕੱਢਣ ਲਈ ਟੀਮ ਨੂੰ ਲਿਫਟ ਦੀ ਕੰਧ ਦਾ ਕੁਝ ਹਿੱਸਾ ਤੋੜਣਾ ਪਿਆ। ਨਾਲ ਹੀ ਸਨਤਨਗਰ ਫਾਇਰ ਸਟਾਫ਼ ਨੂੰ ਵੀ ਜਾਣਕਾਰੀ ਦਿੱਤੀ ਗਈ, ਜਿਨ੍ਹਾਂ ਨੇ ਹਾਈਡ੍ਰੋਲਿਕ ਕਟਰ ਦਾ ਇਸਤੇਮਾਲ ਕਰ ਕੇ ਆਪਰੇਸ਼ਨ ਪੂਰਾ ਕਰਨ 'ਚ ਮਦਦ ਕੀਤੀ। ਲਗਭਗ 90 ਮਿੰਟਾਂ ਦੀ ਕੋਸ਼ਿਸ਼ ਤੋਂ ਬਾਅਦ ਸਵੇਰੇ ਠੀਕ 10.50 ਵਜੇ ਮੁਰਲੀ ਨੂੰ ਬਚਾਇਆ ਗਿਆ ਅਤੇ ਕੋਲ ਦੇ ਹਸਪਤਾਲ ਲਿਜਾਇਆ ਗਿਆ। ਘਟਨਾ ਦੌਰਾਨ ਲਿਫਟ ਅਤੇ ਕੰਧ ਵਿਚਾਲੇ ਦੱਬਣ ਕਾਰਨ ਉਨ੍ਹਾਂ ਦਾ ਪੈਰ ਟੁੱਟ ਗਿਆ ਸੀ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਮੁੰਬਈ ਦੇ ਮਹਿੰਗੇ 5 ਤਾਰਾ ਹੋਟਲ 'ਚ ਡਾਕਟਰ ਦੀ ਪਲੇਟ ਨੇੜੇ ਘੁੰਮਦਾ ਦਿਖਿਆ ਕਾਕਰੋਚ, ਵੀਡੀਓ ਆਈ ਸਾਹਮਣੇ
NEXT STORY 
