ਨਵੀਂ ਦਿੱਲੀ - ਪੀ.ਐੱਨ.ਬੀ. ਤੋਂ 14 ਹਜ਼ਾਰ ਕਰੋੜ ਰੁਪਏ ਦੇ ਘਪਲੇ ਵਿੱਚ ਇਨਫੋਰਸਮੈਂਟ ਡਾਇਰੈਕਟੋਰੇਟ ਭਗੌੜੇ ਹੀਰਾ ਕਾਰੋਬਾਰੀ ਮੇਹੁਲ ਚੌਕਸੀ ਦੀ ਪਤਨੀ ਪ੍ਰੀਤੀ ਚੌਕਸੀ ਦਾ ਨਾਮ ਪੂਰਕ ਚਾਰਜਸ਼ੀਟ ਵਿੱਚ ਸ਼ਾਮਲ ਕਰੇਗਾ।
ਇਹ ਵੀ ਪੜ੍ਹੋ- ਚੋਰੀ ਦੀ ਸਭ ਤੋਂ ਵੱਡੀ ਵਾਰਦਾਤ ਦਾ ਖੁਲਾਸਾ, 8 ਕਰੋੜ ਤੋਂ ਜ਼ਿਆਦਾ ਦਾ ਸੋਨਾ ਅਤੇ ਕੈਸ਼ ਬਰਾਮਦ
ਸੂਤਰਾਂ ਮੁਤਾਬਕ ਪ੍ਰੀਤੀ ਹਿਲਿੰਗਡਨ ਹੋਲਡਿੰਗਸ ਨਾਮ ਦੀ ਕੰਪਨੀ ਦੀ ਲਾਭਕਾਰੀ ਮਾਲਕਣ ਹੈ। ਈ.ਡੀ. ਨੇ ਜਾਂਚ ਵਿੱਚ ਪਾਇਆ ਕਿ ਇਹ ਇੱਕ ਮਖੌਟਾ ਕੰਪਨੀ ਹੈ ਜਿਸ ਦਾ ਪੰਜੀਕਰਣ ਯੂ.ਏ.ਈ. ਦੇ ਜਾਬੇਲ ਅਲੀ ਫ੍ਰੀ ਜ਼ੋਨ ਵਿੱਚ ਨਵੰਬਰ 2013 ਵਿੱਚ ਕਰਾਇਆ ਗਿਆ ਸੀ। ਇਸ ਕੰਪਨੀ ਦੇ ਖਾਤੇ ਵਿੱਚ ਗੀਤਾਂਜਲੀ ਗਰੁੱਪ ਕੰਪਨੀ ਦੀ ਰੁਪਏ ਏਸ਼ੀਅਨ ਡਾਇਮੰਡ ਜਵੈਲਰੀ ਐੱਫ.ਜ਼ੈਡ.ਈ. ਤੋਂ ਕਰੀਬ 1.19 ਕਰੋੜ ਰੁਪਏ ਟਰਾਂਸਫਰ ਕੀਤੇ ਗਏ ਸਨ।
ਇਹ ਵੀ ਪੜ੍ਹੋ- ਮੁੰਬਈ ਲਈ ਜਾਰੀ ਕੀਤਾ ਗਿਆ ਹਾਈ ਅਲਰਟ, ਐਤਵਾਰ-ਸੋਮਵਾਰ ਨੂੰ ਬਾਰਿਸ਼ ਦੀ ਚਿਤਾਵਨੀ
ਇਸ ਤੋਂ ਇਲਾਵਾ ਹਿਲਿੰਗਡਨ ਹੋਲਡਿੰਗਸ ਦੇ ਕੋਲ ਗੋਲਡਹਾਕ ਡੀ.ਐੱਮ.ਸੀ.ਸੀ. ਕੰਪਨੀ ਦੇ ਜ਼ਰੀਏ ਦੁਬਈ ਵਿੱਚ ਤਿੰਨ ਅਚੱਲ ਜਾਇਦਾਦ ਵੀ ਹਨ। ਇਨ੍ਹਾਂ ਜਾਇਦਾਦਾਂ ਦੀ ਕੁਲ ਕੀਮਤ 22.50 ਕਰੋੜ ਰੁਪਏ ਹੈ। ਹਾਲਾਂਕਿ ਈ.ਡੀ. ਇਨ੍ਹਾਂ ਜਾਇਦਾਦਾਂ ਨੂੰ ਪਹਿਲਾਂ ਹੀ ਅਟੈਚ ਕਰ ਚੁੱਕੀ ਹੈ। ਇਸ ਵਿੱਚ ਅਸਲ ਮਾਲਕ ਦੀ ਪਛਾਣ ਲੁਕਾਉਣ ਲਈ ਕੋਲਿਨਡੇਲ ਹੋਲਡਿੰਗਸ ਅਤੇ ਚੇਅਰਿੰਗ ਕ੍ਰਾਸ ਹੋਲਡਿੰਗਸ ਨਾਮ ਤੋਂ ਵਿਦੇਸ਼ ਵਿੱਚ ਦੋ ਹੋਰ ਕੰਪਨੀਆਂ ਖੋਲ੍ਹੀਆਂ ਗਈਆਂ। ਇਨ੍ਹਾਂ ਨੂੰ ਗੀਤਾਂਜਲੀ ਸਮੂਹ ਦੇ ਕਰਮਚਾਰੀਆਂ ਡਿਆਨ ਲਿਲਿਵਹਾਇਟ, ਸੀ.ਡੀ. ਸ਼ਾਹ ਅਤੇ ਨੇਹਾ ਸ਼ਿੰਦੇ ਦੀ ਮਦਦ ਨਾਲ ਖੋਲ੍ਹਿਆ ਗਿਆ ਸੀ।
ਨੋਟ- ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ? ਕੁਮੈਂਟ ਕਰਕੇ ਦਿਓ ਜਵਾਬ।
ਪੱਛਮੀ ਬੰਗਾਲ ਦੇ ਬੀਜੇਪੀ ਸੰਸਦ ਮੈਂਬਰ ਦਾ ਦੋਸ਼- 'TMC ਦੇ ਗੁੰਡਿਆਂ ਨੇ ਕੀਤਾ ਹਮਲਾ'
NEXT STORY 
