ਮੁੰਬਈ— ਭਾਰੀ ਬਾਰਸ਼ ਨਾਲ ਜੂਝ ਰਹੇ ਮੁੰਬਈ ਵਾਸੀਆਂ ਲਈ ਫਿਲਹਾਲ ਚੰਗੀ ਖਬਰ ਨਹੀਂ ਹੈ। ਮੌਸਮ ਵਿਭਾਗ ਨੇ ਦੇਸ਼ ਦੀ ਆਰਥਿਕ ਰਾਜਧਾਨੀ 'ਚ ਭਾਰੀ ਬਾਰਸ਼ ਦਾ ਮੁੜ ਅਨੁਮਾਨ ਜ਼ਾਹਰ ਕਰਦੇ ਹੋਏ ਰੈੱਡ ਅਲਰਟ ਜਾਰੀ ਕੀਤਾ ਹੈ। ਅਜਿਹੇ 'ਚ ਵੀਰਵਾਰ ਨੂੰ ਮੁੰਬਈ ਤੋਂ ਇਲਾਵਾ ਠਾਣੇ ਅਤੇ ਕੋਂਕਣ 'ਚ ਸਕੂਲ ਅਤੇ ਕਾਲਜਾਂ ਨੂੰ ਬੰਦ ਰੱਖਣ ਦਾ ਐਲਾਨ ਕੀਤਾ ਗਿਆ ਹੈ। ਅਲਰਟ 'ਚ ਮੁੰਬਈ 'ਚ 'ਐਕਸਟ੍ਰੀਮਲੀ ਹੈਵੀ ਰੇਨ' ਦੀ ਗੱਲ ਕਹੀ ਗਈ ਹੈ। ਨਾਲ ਹੀ ਸਥਾਨਕ ਪ੍ਰਸ਼ਾਸਨ ਨੂੰ ਵੀ ਅਲਰਟ 'ਤੇ ਰੱਖਿਆ ਗਿਆ ਹੈ ਤਾਂ ਕਿ ਕਿਸੇ ਵੀ ਤਰ੍ਹਾਂ ਦੀ ਅਣਹੋਣੀ ਨਾਲ ਤੁਰੰਤ ਨਿਪਟਿਆ ਜਾ ਸਕੇ। ਦੂਜੇ ਪਾਸੇ ਸਤੰਬਰ ਮਹੀਨੇ ਦੇ ਪਹਿਲੇ 18 ਦਿਨਾਂ 'ਚ ਹੀ ਬਾਰਸ਼ ਨੇ 65 ਸਾਲ ਪੁਰਾਣਾ ਰਿਕਾਰਡ ਤੋੜ ਿਦੱਤਾ ਹੈ। ਸਾਂਤਾਕਰੂਜ ਆਬਜਰਵੇਟਰੀ ਨੇ ਬੁੱਧਵਾਰ ਤੱਕ ਮੁੰਬਈ 'ਚ 921.3 ਮਿਲੀਮੀਟਰ ਬਾਰਸ਼ ਰਿਕਾਰਡ ਕੀਤੀ ਹੈ। ਪਿਛਲਾ ਰਿਕਾਰਡ 920 ਐੱਮ.ਐੱਮ. (ਸਾਲ 1954) ਦਾ ਸੀ।
ਮੌਸਮ ਵਿਭਾਗ ਨੇ ਭਾਰੀ ਬਾਰਸ਼ ਦਾ ਮੁੜ ਅਨੁਮਾਨ ਜ਼ਾਹਰ ਕਰਦੇ ਹੋਏ ਮੁੰਬਈ ਲਈ ਰੈੱਡ ਅਤੇ ਠਾਣੇ ਲਈ ਓਰੇਂਜ ਅਲਰਟ ਜਾਰੀ ਕੀਤਾ ਹੈ। ਵਿਭਾਗ ਨੇ ਪਾਲਘਰ ਇਲਾਕੇ 'ਚ ਕਾਫ਼ੀ ਤੇਜ਼ ਬਾਰਸ਼ ਹੋਣ ਦਾ ਅਨੁਮਾਨ ਜ਼ਾਹਰ ਕੀਤਾ ਹੈ। ਅਜਿਹੇ 'ਚ ਇਨ੍ਹਾਂ ਇਲਾਕਿਆਂ 'ਚ ਹੜ੍ਹ ਦੀ ਸਥਿਤੀ ਪੈਦਾ ਹੋਣ ਦਾ ਖਦਸ਼ਾ ਹੈ। ਮੌਸਮ ਵਿਭਾਗ ਵਲੋਂ ਜਾਰੀ ਬਿਆਨ 'ਚ ਅਗਲੇ 48 ਘੰਟਿਆਂ 'ਚ ਮੱਧ ਮਹਾਰਾਸ਼ਟਰ ਅਤੇ ਉੱਤਰੀ ਕੋਂਕਣ ਇਲਾਕੇ 'ਚ ਭਾਰੀ ਬਾਰਸ਼ ਹੋਣ ਦੀ ਚਿਤਾਵਨੀ ਦਿੱਤੀ ਗਈ ਹੈ।
ਮੁੰਬਈ 'ਚ ਜੂਨ ਤੋਂ ਸਤੰਬਰ ਤੱਕ ਦੱਖਣ-ਪੱਛਮ ਮਾਨਸੂਨ ਦਾ ਅਸਰ ਰਹਿੰਦਾ ਹੈ। ਅਜਿਹੇ 'ਚ ਮਾਨਸੂਨ ਦੇ ਪ੍ਰਭਾਵੀ ਰਹਿਣ 'ਚ ਹਾਲੇ ਵੀ 12 ਦਿਨਾਂ ਦਾ ਸਮਾਂ ਬਾਕੀ ਹੈ। ਜ਼ਿਕਰਯੋਗ ਹੈ ਕਿ ਪਿਛਲੇ ਮਾਨਸੂਨ 'ਚ ਸਤੰਬਰ ਮਹੀਨੇ 'ਚ ਔਸਤਨ 73.1 ਐੱਮ.ਐੱਮ. ਬਾਰਸ਼ ਹੋਈ ਸੀ, ਜਦੋਂ ਕਿ ਇਸ ਵਾਰ ਸਤੰਬਰ 'ਚ ਔਸਤਨ 327.1 ਐੱਮ.ਐੱਮ. ਤੱਕ ਬਾਰਸ਼ ਹੋ ਚੁਕੀ ਹੈ। ਇਹ ਅੰਕੜਾ ਸਾਲ 1987 'ਚ ਸਭ ਤੋਂ ਘੱਟ (34.7 ਐੱਮ.ਐੱਮ.) ਰਿਕਾਰਡ ਕੀਤਾ ਗਿਆ ਸੀ।
ਇਸ ਵਿਭਾਗ 'ਚ ਨਿਕਲੀਆਂ 8,000 ਤੋਂ ਵੱਧ ਅਹੁਦਿਆਂ 'ਤੇ ਨੌਕਰੀਆਂ, ਜਲਦੀ ਕਰੋ ਅਪਲਾਈ
NEXT STORY