ਨਵੀਂ ਦਿੱਲੀ— ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਜੰਮੂ-ਕਸ਼ਮੀਰ ਦੇ ਪੁਲਵਾਮਾ 'ਚ ਕੇਂਦਰੀ ਰਿਜ਼ਰਵ ਪੁਲਸ ਫੋਰਸ (ਸੀ.ਆਰ.ਪੀ.ਐੱਫ.) ਦੇ ਕਾਫਲੇ 'ਤੇ ਆਤਮਘਾਤੀ ਅੱਤਵਾਦੀ ਹਮਲੇ ਤੋਂ ਬਾਅਦ ਬਾਲਾਕੋਟ 'ਚ ਹਵਾਈ ਕਾਰਵਾਈ ਦਾ ਸਬੂਤ ਮੰਗਣ ਵਾਲਿਆਂ ਨੂੰ ਜਵਾਬ ਦਿੰਦੇ ਹੋਏ ਕਿਹਾ ਕਿ ਸਭ ਤੋਂ ਵੱਡਾ ਸਬੂਤ ਪਾਕਿਸਤਾਨ ਨੇ ਖੁਦ ਟਵੀਟ ਕਰ ਕੇ ਦੁਨੀਆ ਨੂੰ ਦਿੱਤਾ ਸੀ। ਸ਼੍ਰੀ ਮੋਦੀ ਨੇ ਇਕ ਨਿਊਜ਼ ਚੈਨਲ ਨੂੰ ਦਿੱਤੇ ਇੰਟਰਵਿਊ 'ਚ ਪਾਕਿਸਤਾਨ ਦੇ ਬਾਲਾਕੋਟ 'ਚ ਭਾਰਤੀ ਹਵਾਈ ਫੌਜ ਦੀ ਹਵਾਈ ਕਾਰਵਾਈ ਦਾ ਸਬੂਤ ਮੰਗੇ ਜਾਣ ਨਾਲ ਸੰਬੰਧਤ ਪੁੱਛੇ ਗਏ ਸਵਾਲ 'ਤੇ ਕਿਹਾ,''ਸਭ ਤੋਂ ਵੱਡਾ ਸਬੂਤ ਪਾਕਿਸਤਾਨ ਨੇ ਖੁਦ ਟਵੀਟ ਕਰ ਕੇ ਦੁਨੀਆ ਨੂੰ ਦਿੱਤਾ। ਅਸੀਂ ਤਾਂ ਕੋਈ ਦਾਅਵਾ ਨਹੀਂ ਕੀਤਾ ਸੀ। ਅਸੀਂ ਤਾਂ ਆਪਣਾ ਕੰਮ ਕਰ ਕੇ ਚੁੱਪ ਬੈਠੇ ਸੀ। ਪਾਕਿਸਤਾਨ ਨੇ ਕਿਹਾ ਕਿ ਆਏ ਸਾਨੂੰ ਮਾਰਿਆ, ਫਿਰ ਉਨ੍ਹਾਂ ਦੇ ਲੋਕਾਂ ਨੇ ਉੱਥੋਂ ਬਿਆਨ ਦਿੱਤਾ। ਇਸ ਸਾਰੇ 'ਚ ਕਿੰਨੇ ਮਰੇ, ਕਿੰਨੇ ਨਹੀਂ ਮਰੇ, ਮਰੇ ਕਿ ਨਹੀਂ ਮਰੇ, ਇਹ ਜਿਸ ਨੂੰ ਵਿਵਾਦ ਕਰਨਾ ਹੈ, ਕਰਦੇ ਰਹੇ।'' ਉਨ੍ਹਾਂ ਨੇ ਕਿਹਾ,''ਜੇਕਰ ਅਸੀਂ ਫੌਜ 'ਤੇ ਕੁਝ ਕੀਤਾ ਹੁੰਦਾ ਤਾਂ ਅਸੀਂ ਗੈਰ-ਫੌਜੀ ਐਕਟੀਵਿਟੀ ਕਰਾਂਗੇ ਅਤੇ ਜਨਤਾ ਦਾ ਕੋਈ ਨੁਕਸਾਨ ਨਾ ਹੋਵੇ, ਇਸ ਦਾ ਧਿਆਨ ਰੱਖਾਂਗੇ। ਇਹ ਪਹਿਲਾ ਸਾਡਾ ਮੂਲਭੂਤ ਸਿਧਾਂਤ ਸੀ ਅਤੇ ਅਸੀਂ ਟਾਰਗੇਟ ਅੱਤਵਾਦ ਨੂੰ ਹੀ ਕਰਾਂਗੇ। ਏਅਰਫੋਰਸ ਨੇ ਜੋ ਕਰਨਾ ਸੀ, ਆਪਣਾ ਬਹੁਤ ਸਫ਼ਲਤਾਪੂਰਵਕ ਕੰਮ ਕੀਤਾ।'' ਪੁਲਵਾਮਾ ਹਮਲੇ ਸਮੇਂ ਉਨ੍ਹਾਂ ਦੇ ਸ਼ੂਟਿੰਗ ਕਰਨ ਦੇ ਵਿਵਾਦ 'ਤੇ ਮੋਦੀ ਨੇ ਕਿਹਾ,''ਪੁਲਵਾਮਾ ਦੀ ਘਟਨਾ ਮੈਨੂੰ ਪਹਿਲਾਂ ਤੋਂ ਪਤਾ ਸੀ ਕੀ? ਮੇਰਾ ਤਾਂ ਰੂਟੀਨ ਪ੍ਰੋਗਰਾਮ ਸੀ ਉਤਰਾਖੰਡ 'ਚ, ਕੁਝ ਚੀਜ਼ਾਂ ਅਜਿਹੀਆਂ ਹੁੰਦੀਆਂ ਹਨ, ਜਿਸ ਦਾ ਹੈਂਡਲ ਕਰਨ ਦਾ ਤਰੀਕਾ ਹੁੰਦਾ ਹੈ।''
ਪਾਕਿ ਦੇ ਪ੍ਰਸ਼ਾਸਨ ਨੂੰ ਚਲਾਉਣ ਦੀ ਮੇਰੀ ਜ਼ਿੰਮੇਵਾਰੀ ਨਹੀਂ
ਉਨ੍ਹਾਂ ਨੇ ਇਸ 'ਤੇ ਟਿੱਪਣੀ ਕਰਨ ਤੋਂ ਇਨਕਾਰ ਕਰ ਦਿੱਤਾ ਕਿ ਭਾਰਤ ਲਈ ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਅਤੇ ਉਨ੍ਹਾਂ ਦੇ ਸਾਬਕਾ ਨਵਾਜ਼ ਸ਼ਰੀਫ 'ਚੋਂ ਕੌਣ ਬਿਹਤਰ ਅਤੇ ਸਰਲ ਹੈ। ਮੋਦੀ ਨੇ ਕਿਹਾ ਕਿ ਇਹ ਸਮਝਣਾ ਬਹੁਤ ਮੁਸ਼ਕਲ ਹੈ ਕਿ ਪਾਕਿਸਤਾਨ 'ਚ ਅਸਲ 'ਚ ਮਾਮਲਿਆਂ ਨੂੰ ਕੌਣ ਸੰਭਾਲਦਾ ਹੈ- ਇਕ ਚੁਣੀ ਗਈ ਸਰਕਾਰ ਜਾਂ ਕੋਈ ਹੋਰ। ਉਨ੍ਹਾਂ ਨੇ ਕਿਹਾ ਕਿ ਇਸ ਦਾ ਫੈਸਲਾ ਪਾਕਿਸਤਾਨ ਦੇ ਲੋਕਾਂ ਨੂੰ ਕਰਨ ਦਿਓ। ਮੇਰਾ ਕੰਮ ਭਾਰਤ ਦੇ ਹਿੱਤਾਂ 'ਤੇ ਧਿਆਨ ਕੇਂਦਰਿਤ ਕਰਨਾ ਹੈ। ਪਾਕਿਸਤਾਨ ਦੇ ਪ੍ਰਸ਼ਾਸਨ ਨੂੰ ਚਲਾਉਣ 'ਚ ਮੇਰੀ ਕੋਈ ਜ਼ਿੰਮੇਵਾਰੀ ਨਹੀਂ ਹੈ।''
ਅੱਤਵਾਦ ਦਾ ਦਰਾਮਦ ਬੰਦ ਕਰੇ ਪਾਕਿ
ਇਹ ਪੁੱਛੇ ਜਾਣ 'ਤੇ ਕਿ ਕੀ ਕ੍ਰਿਕਟਰ ਤੋਂ ਨੇਤਾ ਬਣੇ ਇਮਰਾਨ ਖਾਨ ਨਵਾਜ ਸ਼ਰੀਫ ਤੋਂ ਵਧ ਚਾਲਾਕ ਹਨ, ਪ੍ਰਧਾਨ ਮੰਤਰੀ ਨੇ ਕਿਹਾ,''ਉਹ (ਇਮਰਾਨ ਖਾਨ) ਕੀ ਕਰਦੇ ਹਨ ਜਾਂ ਕੀ ਨਹੀਂ ਕਰਦੇ ਹਨ, ਇਨ੍ਹਾਂ ਸਾਰੀਆਂ ਗੱਲਾਂ ਨੂੰ ਪਾਕਿਸਤਾਨ ਦੇ ਲੋਕਾਂ 'ਤੇ ਛੱਡ ਦਿਓ।'' ਮੋਦੀ ਨੇ ਕਿਹਾ,''ਮੈਂ ਦੁਨੀਆ ਦੇ ਕਈ ਨੇਤਾਵਾਂ ਨਾਲ ਗੱਲ ਕੀਤੀ ਹੈ ਅਤੇ ਉਨ੍ਹਾਂ ਨੇ ਕੀ ਕਿਹਾ ਅਤੇ ਮੈਨੂੰ ਕੀ ਮਹਿਸੂਸ ਹੋਇਆ, ਦੁਨੀਆ ਲਈ ਇਹ ਸਮਝਣਾ ਬਹੁਤ ਮੁਸ਼ਕਲ ਹੈ ਕਿ ਪਾਕਿਸਤਾਨ ਦੇ ਮਾਮਲਿਆਂ ਨੂੰ ਕੌਣ ਸੰਭਾਲਦਾ ਹੈ- ਪਾਕਿਸਤਾਨ ਦੀ ਚੁਣੀ ਹੋਈ ਸਰਕਾਰ ਜਾਂ ਫੌਜ ਜਾਂ ਆਈ.ਐੱਸ.ਆਈ. ਜਾਂ ਪਾਕਿਸਤਾਨ ਤੋਂ ਦੌੜ ਕੇ ਪੱਛਮ 'ਚ ਰਹਿ ਰਹੇ ਕੁਝ ਲੋਕ।'' ਇਹ ਪੁੱਛੇ ਜਾਣ 'ਤੇ ਕਿ ਪਾਕਿਸਤਾਨ ਨੂੰ ਭਾਰਤ ਨਾਲ ਰਿਸ਼ਤੇ 'ਚ ਸੁਧਾਰ ਕਰਨ ਲਈ ਕੀ ਕਰਨਾ ਚਾਹੀਦਾ, ਉਨ੍ਹਾਂ ਨੇ ਕਿਹਾ,''ਇਹ ਬਹੁਤ ਸੌਖਾ ਹੈ, ਇਹ ਬਹੁਤ ਸਰਲ ਹੈ, ਪਾਕਿਸਤਾਨ ਨੂੰ ਸਭ ਤੋਂ ਪਹਿਲਾਂ ਅੱਤਵਾਦ ਦਾ ਦਰਾਮਦ ਬੰਦ ਕਰ ਦੇਣਾ ਚਾਹੀਦਾ ਹੈ।''
ਅਪ੍ਰੈਲ ਦੇ ਸ਼ੁਰੂ 'ਚ ਹੀ ਮੌਸਮ ਨੇ ਦਿਖਾਏ ਤਿੱਖੇ ਤੇਵਰ, ਪਾਰਾ 40 ਦੇ ਕਰੀਬ
NEXT STORY 
