ਨੋਇਡਾ — ਭਿਆਨਕ ਗਰਮੀ ਦੇ ਵਿਚਕਾਰ ਗੌਤਮ ਬੁੱਧ ਨਗਰ ਜ਼ਿਲ੍ਹਾ ਸਿਹਤ ਵਿਭਾਗ ਨੂੰ 18 ਤੋਂ 20 ਜੂਨ ਦਰਮਿਆਨ ਤਿੰਨ ਦਿਨਾਂ ਦੌਰਾਨ ਪੋਸਟਮਾਰਟਮ ਲਈ ਘੱਟੋ-ਘੱਟ 75 ਲਾਸ਼ਾਂ ਮਿਲੀਆਂ ਹਨ। ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿੱਤੀ। ਗੌਤਮ ਬੁੱਧ ਨਗਰ ਦੇ ਸੀਨੀਅਰ ਸਿਹਤ ਅਧਿਕਾਰੀਆਂ ਨੇ ਦੱਸਿਆ ਕਿ ਆਮ ਤੌਰ 'ਤੇ ਇੱਕ ਦਿਨ ਵਿੱਚ ਪੋਸਟਮਾਰਟਮ ਲਈ ਲਿਆਂਦੀਆਂ ਲਾਸ਼ਾਂ ਦੀ ਔਸਤ ਗਿਣਤੀ ਸੱਤ ਤੋਂ ਅੱਠ ਹੁੰਦੀ ਹੈ। ਉਨ੍ਹਾਂ ਨੇ ਇਨ੍ਹਾਂ ਮੌਤਾਂ ਨੂੰ "ਅਚਾਨਕ" ਦੱਸਿਆ।
ਇਹ ਵੀ ਪੜ੍ਹੋ- ਜਾਦੂ-ਟੂਣੇ ਦੇ ਸ਼ੱਕ 'ਚ ਸਾਬਕਾ ਸਰਪੰਚ ਦਾ ਬੇਰਹਿਮੀ ਨਾਲ ਕਤਲ
ਹਾਲਾਂਕਿ ਵਿਭਾਗ ਨੇ ਇਹ ਸਪੱਸ਼ਟ ਨਹੀਂ ਕੀਤਾ ਕਿ ਕੀ ਇਨ੍ਹਾਂ ਮੌਤਾਂ ਦਾ ਕਾਰਨ ਲੂ ਲੱਗਣਾ ਸੀ। ਗੌਤਮ ਬੁੱਧ ਨਗਰ ਦੇ ਮੁੱਖ ਮੈਡੀਕਲ ਅਫਸਰ (ਸੀ.ਐਮ.ਓ.), ਡਾ. ਸੁਨੀਲ ਕੁਮਾਰ ਸ਼ਰਮਾ ਨੇ ਕਿਹਾ, “ਪੋਸਟਮਾਰਟਮ ਦੇ ਮਾਮਲਿਆਂ ਵਿੱਚ ਵਾਧਾ ਹੋਇਆ ਹੈ ਅਤੇ ਇਹ ਵਾਧਾ ਕਾਫ਼ੀ ਅਚਨਚੇਤ ਹੈ। ਆਮ ਤੌਰ 'ਤੇ ਰੋਜ਼ਾਨਾ 7-8 ਕੇਸ ਸਾਹਮਣੇ ਆਉਂਦੇ ਹਨ। 18 ਜੂਨ ਨੂੰ ਸਾਨੂੰ 28 ਲਾਸ਼ਾਂ ਮਿਲੀਆਂ। 19 ਜੂਨ ਨੂੰ ਸਾਨੂੰ 25 ਲਾਸ਼ਾਂ ਮਿਲੀਆਂ ਅਤੇ 20 ਜੂਨ ਦੀ ਸ਼ਾਮ ਤੱਕ ਸਾਨੂੰ 22 ਲਾਸ਼ਾਂ ਮਿਲੀਆਂ।
ਇਹ ਵੀ ਪੜ੍ਹੋ- ਜਜ਼ਬੇ ਨੂੰ ਸਲਾਮ, 105 ਸਾਲ ਦੀ ਉਮਰ 'ਚ ਔਰਤ ਨੇ ਹਾਸਲ ਕੀਤੀ ਮਾਸਟਰ ਡਿਗਰੀ
ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਵਿੱਚੋਂ 20 ਲੋਕਾਂ ਨੂੰ ਹਸਪਤਾਲਾਂ ਵਿੱਚ "ਮ੍ਰਿਤਕ" ਲਿਆਂਦਾ ਗਿਆ ਸੀ, ਅਤੇ ਉਨ੍ਹਾਂ ਵਿੱਚੋਂ 10 "ਅਣਪਛਾਤੇ" ਸਨ। ਸ਼ਰਮਾ ਨੇ ਕਿਹਾ ਕਿ ਕੇਸਾਂ ਵਿੱਚ "ਅਚਾਨਕ" ਵਾਧੇ ਦੇ ਮੱਦੇਨਜ਼ਰ ਪੋਸਟਮਾਰਟਮ ਡਿਊਟੀਆਂ ਲਈ ਸਟਾਫ ਦੀ ਤਾਇਨਾਤੀ ਵੀ ਵਧਾ ਦਿੱਤੀ ਗਈ ਹੈ। ਲੂ ਲੱਗਣ ਦੇ ਪ੍ਰਭਾਵ 'ਤੇ, ਸੀਐਮਓ ਨੇ ਕਿਹਾ ਕਿ ਇਸ ਵਿੱਚ ਕੋਈ ਸ਼ੱਕ ਨਹੀਂ ਹੈ ਕਿ ਮੌਸਮ ਦੇ ਹਾਲਾਤ ਗੰਭੀਰ ਹਨ ਅਤੇ ਇਹ "ਆਮ ਗਰਮੀ ਨਹੀਂ ਹੈ।" ਉਨ੍ਹਾਂ ਕਿਹਾ, “ਇਹ ਭਿਆਨਕ ਗਰਮੀ ਹੈ ਅਤੇ ਮੌਤ ਦਾ ਖਤਰਾ ਵੱਧ ਜਾਂਦਾ ਹੈ।”
ਇਹ ਵੀ ਪੜ੍ਹੋ- 25 ਤੋਂ 27 ਜੂਨ ਦਰਮਿਆਨ ਹੋਣ ਵਾਲੀ CSIR-UGC-NET ਪ੍ਰੀਖਿਆ ਮੁਲਤਵੀ
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਯੋਗੀ ਦੀ ਰਾਹ ’ਤੇ ਚੱਲੀ ਮੋਹਨ ਸਰਕਾਰ, ਬਦਮਾਸ਼ ਬੋਲੇ ‘ਗੁੰਡਾਗਰਦੀ ਪਾਪ ਹੈ, ਪੁਲਸ ਹਮਾਰੀ ਬਾਪ ਹੈ’
NEXT STORY 
