ਨੈਸ਼ਨਲ ਡੈਸਕ : ਮਹਾਰਾਸ਼ਟਰ ਦੇ ਠਾਣੇ ਜ਼ਿਲ੍ਹੇ 'ਚ ਇੱਕ ਪਰਿਵਾਰ ਨੂੰ 'ਦੁਸ਼ਟ ਆਤਮਾਵਾਂ' ਤੋਂ ਛੁਟਕਾਰਾ ਦਿਵਾਉਣ ਦੇ ਬਹਾਨੇ 2.7 ਲੱਖ ਰੁਪਏ ਦੀ ਨਕਦੀ ਅਤੇ ਸੋਨੇ ਦੇ ਗਹਿਣਿਆਂ ਦੀ ਠੱਗੀ ਮਾਰਨ ਦੇ ਦੋਸ਼ ਵਿੱਚ ਇੱਕ ਬਾਬੇ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਮੀਰਾ ਰੋਡ ਦੇ ਕਾਸ਼ੀਗਾਓਂ ਦੀ ਇੱਕ 45 ਸਾਲਾ ਔਰਤ ਨੇ 1 ਜੁਲਾਈ, 2025 ਨੂੰ ਇਸ ਸਬੰਧ 'ਚ ਪੁਲਸ ਸ਼ਿਕਾਇਤ ਦਰਜ ਕਰਵਾਈ ਸੀ। ਪੁਲਸ ਡਿਪਟੀ ਕਮਿਸ਼ਨਰ ਪ੍ਰਕਾਸ਼ ਗਾਇਕਵਾੜ ਨੇ ਕਿਹਾ ਕਿ ਸ਼ਿਕਾਇਤਕਰਤਾ ਨੇ ਉਨ੍ਹਾਂ ਨੂੰ ਦੱਸਿਆ ਕਿ ਅਪ੍ਰੈਲ 'ਚ ਦੋਸ਼ੀ ਸੁਸ਼ੀਲ ਕੁਮਾਰ ਪਾਟੀਦਾਸ ਉਰਫ਼ ਅਯੁੱਧਿਆਪ੍ਰਸਾਦ ਗਿਰੀ ਉਨ੍ਹਾਂ ਦੇ ਘਰ ਦੇ ਸਾਹਮਣੇ ਵਾਲੇ ਘਰ 'ਚ ਰਹਿਣ ਆਇਆ ਸੀ।
ਇਹ ਵੀ ਪੜ੍ਹੋ...ਸਾਵਧਾਨ ! ਅੱਜ ਤੇ ਕੱਲ੍ਹ ਭਾਰੀ ਮੀਂਹ ਦੀ ਚਿਤਾਵਨੀ, 29 ਜ਼ਿਲ੍ਹਿਆਂ 'ਚ ਅਲਰਟ ਜਾਰੀ
ਉਸਨੇ ਔਰਤ ਦੇ ਪਰਿਵਾਰ ਨਾਲ ਦੋਸਤੀ ਕੀਤੀ ਅਤੇ ਦਾਅਵਾ ਕੀਤਾ ਕਿ ਉਹ ਅਜਿਹੀਆਂ ਰਸਮਾਂ ਕਰ ਸਕਦਾ ਹੈ ਜੋ ਉਸਦੇ (ਸ਼ਿਕਾਇਤਕਰਤਾ ਦੇ) ਪਤੀ ਅਤੇ ਜੀਜੇ ਨੂੰ ਸ਼ਰਾਬ ਦੀ ਲਤ ਤੋਂ ਠੀਕ ਕਰਨ, ਘਰੋਂ ਦੁਸ਼ਟ ਆਤਮਾਵਾਂ ਨੂੰ ਭਜਾਉਣ ਅਤੇ ਲੁਕਵੇਂ ਖਜ਼ਾਨੇ ਲੱਭਣ 'ਚ ਮਦਦ ਕਰਨ। ਬਾਬੇ ਨੇ ਪੀੜਤਾ ਨੂੰ ਦੱਸਿਆ ਕਿ ਉਸਦੇ ਪਤੀ ਨੂੰ ਦੁਸ਼ਟ ਆਤਮਾ ਨੇ ਘੇਰਿਆ ਹੋਇਆ ਹੈ ਅਤੇ ਉਹ ਅੱਠ ਦਿਨਾਂ ਦੇ ਅੰਦਰ ਮਰ ਜਾਵੇਗਾ। ਉਸਨੇ ਪੀੜਤਾ ਨੂੰ ਦੱਸਿਆ ਕਿ ਇਸ ਤੋਂ ਬਚਣ ਲਈ ਰਸਮਾਂ ਅਤੇ ਪੂਜਾ ਜ਼ਰੂਰੀ ਹੈ ਅਤੇ ਇਸ 'ਤੇ 5 ਲੱਖ ਰੁਪਏ ਖਰਚ ਹੋਣਗੇ, ਉਸਨੇ ਨੇ 14 ਮਈ ਦੀ ਰਾਤ ਨੂੰ ਆਪਣੇ ਘਰ ਇੱਕ ਰਸਮ ਕੀਤੀ, ਜਿਸ ਵਿੱਚ ਪੀੜਤਾ ਅਤੇ ਉਸਦੇ ਪਤੀ ਨੇ ਸ਼ਿਰਕਤ ਕੀਤੀ। ਪੁਲਸ ਨੇ ਕਿਹਾ ਕਿ ਪੀੜਤਾ ਨੇ ਆਪਣੇ ਪਰਿਵਾਰ ਅਤੇ ਰਿਸ਼ਤੇਦਾਰਾਂ ਤੋਂ ਇਕੱਠੇ ਕੀਤੇ 2.7 ਲੱਖ ਰੁਪਏ ਨਕਦ ਅਤੇ 84 ਗ੍ਰਾਮ ਸੋਨੇ ਦੇ ਗਹਿਣੇ ਦੋਸ਼ੀ ਨੂੰ ਸੌਂਪ ਦਿੱਤੇ। ਮੁਲਜ਼ਮ ਨੇ ਫਿਰ ਪੀੜਤਾ ਨੂੰ ਦੱਸਿਆ ਕਿ ਪੈਸੇ ਅਤੇ ਗਹਿਣੇ ਇੱਕ ਡੱਬੇ ਵਿੱਚ ਸੁਰੱਖਿਅਤ ਹਨ ਅਤੇ ਇਸਨੂੰ 45 ਦਿਨਾਂ ਲਈ ਬੰਦ ਰੱਖਣਾ ਪਵੇਗਾ। ਅਧਿਕਾਰੀ ਨੇ ਕਿਹਾ ਕਿ ਉਸਨੇ ਬਾਅਦ ਵਿੱਚ ਉਨ੍ਹਾਂ ਨੂੰ ਦੱਸਿਆ ਕਿ ਉਹ ਆਪਣੇ 'ਗੁਰੂ' ਦੇ ਘਰ ਜਾ ਰਿਹਾ ਹੈ ਅਤੇ ਇੱਕ ਨਿਰਧਾਰਤ ਸਮੇਂ ਬਾਅਦ ਵਾਪਸ ਆਵੇਗਾ ਅਤੇ ਉਨ੍ਹਾਂ ਦਾ ਸਮਾਨ ਵਾਪਸ ਕਰ ਦੇਵੇਗਾ।
ਇਹ ਵੀ ਪੜ੍ਹੋ... ਦੁਕਾਨਦਾਰਾਂ ਲਈ ਅਹਿਮ ਖ਼ਬਰ ! 15 ਦਿਨਾਂ 'ਚ ਕਰ ਲਓ ਇਹ ਕੰਮ, ਨਹੀਂ ਤਾਂ...
ਹਾਲਾਂਕਿ, ਬਾਅਦ ਵਿੱਚ ਪੀੜਤਾ ਨੂੰ ਸ਼ੱਕ ਹੋਇਆ ਅਤੇ ਉਹ ਮੁਲਜ਼ਮ ਦੇ ਘਰ ਗਈ ਜਿੱਥੇ ਉਸਨੇ ਡੱਬਾ ਖਾਲੀ ਪਾਇਆ। ਉਸਦੀ ਸ਼ਿਕਾਇਤ ਦੇ ਆਧਾਰ 'ਤੇ ਪੁਲਸ ਨੇ ਜਾਂਚ ਸ਼ੁਰੂ ਕੀਤੀ ਅਤੇ ਸ਼ੁੱਕਰਵਾਰ ਨੂੰ ਨਵੀਂ ਮੁੰਬਈ ਦੇ ਤੁਰਭੇ ਤੋਂ ਮੁਲਜ਼ਮ ਨੂੰ ਗ੍ਰਿਫਤਾਰ ਕਰ ਲਿਆ। ਮੁਲਜ਼ਮ 'ਤੇ ਭਾਰਤੀ ਦੰਡਾਵਲੀ ਦੀ ਧਾਰਾ 318(4) (ਧੋਖਾਧੜੀ) ਅਤੇ 316(2) (ਅਪਰਾਧਿਕ ਵਿਸ਼ਵਾਸ ਉਲੰਘਣਾ) ਅਤੇ ਮਹਾਰਾਸ਼ਟਰ ਮਨੁੱਖੀ ਬਲੀਦਾਨ ਰੋਕਥਾਮ ਅਤੇ ਖਾਤਮੇ, ਹੋਰ ਅਣਮਨੁੱਖੀ ਅਤੇ ਅਘੋਰੀ ਅਭਿਆਸ ਅਤੇ ਕਾਲਾ ਜਾਦੂ ਐਕਟ ਦੇ ਉਪਬੰਧਾਂ ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਹੈ। ਪੁੱਛਗਿੱਛ ਦੌਰਾਨ ਇਹ ਖੁਲਾਸਾ ਹੋਇਆ ਕਿ ਮੁਲਜ਼ਮ ਦਾ ਅਸਲੀ ਨਾਮ ਸੁਸ਼ੀਲ ਕੁਮਾਰ ਪਾਟੀਦਾਸ ਸੀ ਅਤੇ ਉਹ ਮੂਲ ਰੂਪ ਵਿੱਚ ਉੱਤਰ ਪ੍ਰਦੇਸ਼ ਦੇ ਝਾਂਸੀ ਦਾ ਰਹਿਣ ਵਾਲਾ ਸੀ।
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਨਸ਼ੇੜੀ ਪਿਓ ਦਾ ਕਾਰਾ ! 45 ਸਾਲਾ 'ਬੰਦੇ' ਦੇ ਲੜ ਲਾ ਤੋਰ'ਤੀ 13 ਸਾਲ ਦੀ ਧੀ
NEXT STORY 
