ਨੈਸ਼ਨਲ ਡੈਸਕ : ਉੱਤਰ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਯੋਗੀ ਆਦਿਤਿਆਨਾਥ ਦੇ ਹੁਕਮਾਂ 'ਤੇ ਬਹਿਰਾਇਚ ਦੇ ਜੰਗਲਾਂ 'ਚ ਆਦਮਖੋਰ ਬਘਿਆੜਾਂ ਨੂੰ ਮਾਰਨ ਲਈ 9 ਨਿਸ਼ਾਨੇਬਾਜ਼ਾਂ ਦੀ ਵਿਸ਼ੇਸ਼ ਟੀਮ ਤਾਇਨਾਤ ਕੀਤੀ ਗਈ ਹੈ। ਉਸ ਟੀਮ ਵਿਚ ਜੰਗਲਾਤ ਵਿਭਾਗ ਅਤੇ ਪੁਲਸ ਦੇ ਸ਼ੂਟਰਾਂ ਨੂੰ ਵੀ ਸ਼ਾਮਲ ਕੀਤਾ ਗਿਆ ਹੈ। ਸੂਬਾ ਸਰਕਾਰ ਦੇ ਇਕ ਅਧਿਕਾਰੀ ਨੇ ਬੁੱਧਵਾਰ ਨੂੰ ਇਹ ਜਾਣਕਾਰੀ ਦਿੱਤੀ।
ਬਹਿਰਾਇਚ 'ਚ ਪਿਛਲੇ ਕਈ ਦਿਨਾਂ ਤੋਂ ਡੇਰੇ ਲਗਾ ਕੇ ਬਘਿਆੜਾਂ ਦੇ ਆਪ੍ਰੇਸ਼ਨ 'ਤੇ ਨਜ਼ਰ ਰੱਖ ਰਹੇ ਚੀਫ ਫਾਰੈਸਟ ਕੰਜ਼ਰਵੇਟਰ ਰੇਣੂ ਸਿੰਘ ਨੇ ਪੂਰੇ ਆਪ੍ਰੇਸ਼ਨ ਦੀ ਸਮੀਖਿਆ ਮੀਟਿੰਗ ਕੀਤੀ। ਉਸ ਤੋਂ ਬਾਅਦ ਡੀਐੱਫਓ ਅਜੀਤ ਪ੍ਰਤਾਪ ਸਿੰਘ ਦੀ ਅਗਵਾਈ ਵਿਚ ਵਿਭਾਗ ਨੇ ਬਘਿਆੜਾਂ ਨੂੰ ਫੜਨ ਲਈ ਨਵਾਂ ਜਾਲ ਵਿਛਾਉਣ ਦੀਆਂ ਕੋਸ਼ਿਸ਼ਾਂ ਤੇਜ਼ ਕਰ ਦਿੱਤੀਆਂ ਹਨ। ਡੀਐੱਫਓ ਨੇ ਦੱਸਿਆ ਕਿ ਹੁਣ ਸ਼ਿਕਾਰੀ ਬਘਿਆੜ ਜ਼ਿਆਦਾ ਦੇਰ ਤੱਕ ਜੰਗਲਾਤ ਵਿਭਾਗ ਦੀ ਪਹੁੰਚ ਤੋਂ ਦੂਰ ਨਹੀਂ ਰਹਿ ਸਕਦੇ। ਇਨ੍ਹਾਂ ਨੂੰ ਫੜਨ ਲਈ ਪੂਰੇ ਖੇਤਰ ਨੂੰ ਚਾਰ ਸੈਕਟਰਾਂ ਵਿਚ ਵੰਡ ਕੇ ਕੇਂਦਰੀ ਜ਼ੋਨ ਦੇ ਬਹਿਰਾਇਚ, ਬਾਰਾਬੰਕੀ, ਸੁਲਤਾਨਪੁਰ, ਅੰਬੇਡਕਰ ਨਗਰ, ਸ਼ਰਾਵਸਤੀ, ਗੋਂਡਾ, ਰਾਏਬਰੇਲੀ, ਅਯੁੱਧਿਆ ਅਤੇ ਅਮੇਠੀ ਸਮੇਤ 9 ਜ਼ਿਲ੍ਹਿਆਂ ਦੀਆਂ 20 ਟੀਮਾਂ ਤਾਇਨਾਤ ਕੀਤੀਆਂ ਗਈਆਂ ਹਨ। ਇਸ ਤੋਂ ਇਲਾਵਾ ਸਾਰੇ ਸਾਧਨਾਂ ਵਿਚ ਵੀ ਵਾਧਾ ਕੀਤਾ ਗਿਆ ਹੈ।
ਬਹਿਰਾਇਚ ਦੇ ਡੀਐੱਫਓ ਨੇ ਦੱਸਿਆ ਕਿ ਪੰਕਜ ਕੁਮਾਰ ਸ਼ੁਕਲਾ ਡੀਐੱਫਓ ਗੋਂਡਾ, ਧਰਮਿੰਦਰ ਨਾਥ ਸਿੰਘ ਡੀਐੱਫਓ ਸ਼ਰਾਵਸਤੀ, ਕ੍ਰਿਪਾ ਨਾਥ ਸੁਧੀਰ ਐੱਸਡੀਓ ਅਯੁੱਧਿਆ, ਮਯੰਕ ਅਗਰਵਾਲ ਐੱਸਡੀਓ ਰਾਏਬਰੇਲੀ ਨੂੰ ਸੈਕਟਰ ਇੰਚਾਰਜ ਬਣਾਇਆ ਗਿਆ ਹੈ। ਇਸ ਦੇ ਨਾਲ ਹੀ ਬਘਿਆੜਾਂ ਦੇ ਨਜ਼ਰ ਆਉਣ 'ਤੇ ਆਮ ਲੋਕਾਂ ਨੂੰ ਸੂਚਿਤ ਕਰਨ ਲਈ ਸੈਕਟਰ ਇੰਚਾਰਜਾਂ ਦੇ ਮੋਬਾਈਲ ਨੰਬਰ ਪ੍ਰਸਾਰਿਤ ਕੀਤੇ ਗਏ ਹਨ ਜਿਨ੍ਹਾਂ ਵਿਚ ਮੰਡਲ ਵਣ ਅਫਸਰ ਬਹਿਰਾਇਚ ਦਾ ਸੀਯੂਜੀ ਨੰਬਰ 7839435148, ਉਪ ਮੰਡਲ ਜੰਗਲਾਤ ਅਫਸਰ ਨਾਨਪਾਰਾ ਦਾ ਨੰਬਰ 7339434875 ਅਤੇ ਕਮਾਂਡ ਸੈਂਟਰ ਇੰਚਾਰਜ ਉਪ ਮੰਡਲ ਵਣ ਅਫਸਰ ਸ਼ਰਵਸਤੀ ਦਾ ਨੰਬਰ 9454612462, ਰੁਦਰ ਪ੍ਰਤਾਪ ਸਿੰਘ ਸਬ ਏਰੀਆ ਦਾ ਨੰਬਰ ਹੈ। ਦਿਨ ਲਈ ਨੰਬਰ 9453603467 ਅਤੇ ਅਜੈ ਕੁਮਾਰ ਕਸ਼ਯਪ ਵਣ ਇੰਸਪੈਕਟਰ ਮੋਬਾਈਲ ਨੰਬਰ 9170 645939 ਰਾਤ ਲਈ ਪ੍ਰਸਾਰਿਤ ਕੀਤੇ ਜਾਂਦੇ ਹਨ। ਇਨ੍ਹਾਂ 'ਤੇ ਪਿੰਡ ਵਾਸੀ ਬਘਿਆੜਾਂ ਸਬੰਧੀ ਜਾਣਕਾਰੀ ਦੇ ਸਕਦੇ ਹਨ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOSs:- https://itune.apple.com/in/app/id53832 3711?mt=8
ਵਿਆਹ ਦਾ ਝਾਂਸਾ ਦੇ ਕੇ ਨਾਬਾਲਿਗ ਨੂੰ ਅਗਵਾ ਕਰ ਕੀਤਾ ਜਬਰ-ਜ਼ਿਨਾਹ, ਨੌਜਵਾਨ ਗ੍ਰਿਫਤਾਰ
NEXT STORY 
