ਦੋ ਵੱਡੇ ਸੂਬਿਆਂ (ਪੱਛਮੀ ਬੰਗਾਲ ਅਤੇ ਤਾਮਿਲਨਾਡੂ) ’ਚ ਵਿਧਾਨ ਸਭਾ ਚੋਣਾਂ ਦੀ ਪ੍ਰਕਿਰਿਆ ਜਾਰੀ ਹੈ। ਬੰਗਾਲ ਦੀਆਂ 152 ਸੀਟਾਂ ਅਤੇ ਤਾਮਿਲਨਾਡੂ ਦੀਆਂ ਸਾਰੀਆਂ 234 ਸੀਟਾਂ ਲਈ ਵੋਟਾਂ 23 ਅਪ੍ਰੈਲ ਨੂੰ ਪੈਣੀਆਂ ਹਨ। ਪੀ. ਐੱਮ. ਮੋਦੀ ਨੇ ਇਕ ਜ਼ੋਰਦਾਰ ਚੋਣ ਮੁਹਿੰਮ ਛੇੜ ਦਿੱਤੀ ਹੈ। ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਬੰਗਾਲ ’ਚ 15 ਦਿਨਾਂ ਤੱਕ ਜ਼ਮੀਨ ’ਤੇ ਉਤਰ ਕੇ ਪ੍ਰਚਾਰ ਕਰਨ ਦਾ ਐਲਾਨ ਕੀਤਾ ਹੈ।
ਇਸ ਦੇ ਬਿਲਕੁਲ ਉਲਟ, ਰਾਹੁਲ ਗਾਂਧੀ ਹੁਣ ਤੱਕ ਤਾਮਿਲਨਾਡੂ ’ਚ ਪ੍ਰਚਾਰ ਤੋਂ ਕਾਫ਼ੀ ਹੱਦ ਤੱਕ ਦੂਰ ਹੀ ਰਹੇ ਹਨ। ਬੰਗਾਲ ’ਚ ਵੀ ਉਹ ਖ਼ਾਸ ਨਜ਼ਰ ਨਹੀਂ ਆਏ ਹਨ। ਆਖ਼ਰਕਾਰ, ਮੰਗਲਵਾਰ (14 ਅਪ੍ਰੈਲ) ਨੂੰ ਉਨ੍ਹਾਂ ਨੇ ਪੱਛਮੀ ਬੰਗਾਲ ਦਾ ਦੌਰਾ ਕੀਤਾ ਅਤੇ ਹੋ ਸਕਦਾ ਹੈ ਕਿ ਉਹ ਇਕ ਵਾਰ ਹੋਰ ਉੱਥੇ ਜਾਣ। ਪਰ ਪਾਰਟੀ ’ਚ ਕੋਈ ਵੀ ਇਸ ਬਾਰੇ ਪੱਕਾ ਨਹੀਂ ਕਹਿ ਸਕਦਾ।
ਪ੍ਰਿਅੰਕਾ ਗਾਂਧੀ ਵਢੇਰਾ ਦੇ ਨਾਲ ਰਾਹੁਲ ਗਾਂਧੀ ਦਾ ਧਿਆਨ ਕੇਰਲ, ਪੁਡੂਚੇਰੀ ਅਤੇ ਆਸਾਮ ’ਤੇ ਹੀ ਕੇਂਦ੍ਰਿਤ ਰਿਹਾ ਹੈ—ਪਰ ਉੱਥੇ ਵੀ, ਉਹ ਮੋਦੀ ਵਰਗੀ ਜ਼ੋਰਦਾਰ ਸਰਗਰਮੀ ਨਹੀਂ ਦਿਖਾ ਸਕੇ ਹਨ। ਭਾਜਪਾ ਨੇ ਕੇਰਲ, ਤਾਮਿਲਨਾਡੂ ਅਤੇ ਪੁਡੂਚੇਰੀ ’ਚ ਆਪਣੀ ਜਿੱਤ ਦੀਆਂ ਸੰਭਾਵਨਾਵਾਂ ਘੱਟ ਹੋਣ ਦੇ ਬਾਵਜੂਦ ਪੂਰੀ ਤਾਕਤ ਨਾਲ ਚੋਣ ਪ੍ਰਚਾਰ ਕੀਤਾ ਹੈ।
ਉੱਥੇ ਹੀ, ਕਾਂਗਰਸ ਦਾ ਰਵੱਈਆ ਬੱਸ ਖਾਨਾਪੂਰਤੀ ਜਿਹਾ ਲੱਗ ਰਿਹਾ ਹੈ। ਹਾਲਾਂਕਿ ਤਾਮਿਲਨਾਡੂ ’ਚ ਉਹ ਡੀ. ਐੱਮ. ਕੇ. ਨਾਲ ਗੱਠਜੋੜ ’ਚ ਜ਼ਿਆਦਾ ਸੀਟਾਂ ’ਤੇ ਚੋਣ ਲੜ ਰਹੀ ਹੈ, ਪਰ ਉਸ ਦੀ ਉੱਚ ਲੀਡਰਸ਼ਿਪ ਦੀ ਦੇਰ ਨਾਲ ਸ਼ੁਰੂ ਹੋਈ ਸਰਗਰਮੀ ਕਾਫ਼ੀ ਹੱਦ ਤੱਕ ਸਿਰਫ਼ ਦਿਖਾਵਟੀ ਹੀ ਲੱਗ ਰਹੀ ਹੈ। ਬੰਗਾਲ ’ਚ, ਜਿੱਥੇ ਉਹ ਦਹਾਕਿਆਂ ਬਾਅਦ ਇੰਨੇ ਵੱਡੇ ਪੱਧਰ ’ਤੇ ਚੋਣ ਲੜ ਰਹੀ ਹੈ, ਮੁਰਸ਼ਿਦਾਬਾਦ ਅਤੇ ਮਾਲਦਾ ਵਰਗੇ ਕੁਝ ਇਲਾਕਿਆਂ ’ਚ ਉਮੀਦ ਦੀਆਂ ਕਿਰਨਾਂ ਦਿਖਣ ਦੇ ਬਾਵਜੂਦ ਪਾਰਟੀ ਦੀਆਂ ਉਮੀਦਾਂ ਕਾਫ਼ੀ ਘੱਟ ਹੀ ਹਨ।
ਕੁਰਨੂਲ ਹਾਦਸੇ 'ਤੇ PM ਮੋਦੀ ਨੇ ਜਤਾਇਆ ਦੁੱਖ, ਪੀੜਤਾਂ ਲਈ ਸਹਾਇਤਾ ਰਾਸ਼ੀ ਦਾ ਕੀਤਾ ਐਲਾਨ
NEXT STORY 
