ਨਵੀਂ ਦਿੱਲੀ : ਪੱਛਮੀ ਦਿੱਲੀ ਦੇ ਤਾਤਾਰਪੁਰ ਦੀਆਂ ਗਲੀਆਂ ਇਨ੍ਹੀਂ ਦਿਨੀਂ ਦੁਸਹਿਰੇ ਦੇ ਰੰਗਾਂ 'ਚ ਰੰਗੀਆਂ ਨਜ਼ਰ ਆ ਰਹੀਆਂ ਹਨ। ਬਜ਼ਾਰ ਵਿਚ ਕਾਫੀ ਭੀੜ ਹੈ ਅਤੇ ਕਈ ਥਾਵਾਂ 'ਤੇ ਭੂਤਾਂ ਦੇ ਸਿਰ ਅਤੇ ਕਈ ਥਾਵਾਂ 'ਤੇ ਉਨ੍ਹਾਂ ਦੇ ਧੜ ਅਤੇ ਸਰੀਰ ਦੇ ਹੋਰ ਅੰਗ ਕਤਾਰਾਂ ਵਿਚ ਲੱਗੇ ਹੋਏ ਦਿਖਾਈ ਦੇ ਰਹੇ ਹਨ। ਲੋਕ ਪੁਤਲੇ ਖਰੀਦਣ 'ਚ ਰੁੱਝੇ ਹੋਏ ਹਨ, ਉਥੇ ਹੀ ਨਿਰਮਾਤਾ ਆਪਣੇ ਕੰਮ ਨੂੰ ਅੰਤਿਮ ਰੂਪ ਦੇਣ 'ਚ ਲੱਗੇ ਹੋਏ ਹਨ। ਸ਼ਨੀਵਾਰ ਨੂੰ ਜਦੋਂ ਰਾਵਣ, ਕੁੰਭਕਰਨ ਅਤੇ ਮੇਘਨਾਦ ਦੇ ਪੁਤਲੇ ਸਾੜੇ ਜਾਣਗੇ ਤਾਂ ਚਾਰੇ ਪਾਸੇ ਅੱਗ ਅਤੇ ਧੂੰਆਂ ਦਿਖਾਈ ਦੇਣ ਦੇ ਨਾਲ-ਨਾਲ ਪਟਾਕਿਆਂ ਦੀ ਗੂੰਜ ਸੁਣਾਈ ਦੇਵੇਗੀ। ਇਹ ਬੁਰਾਈ 'ਤੇ ਚੰਗਿਆਈ ਦੀ ਜਿੱਤ ਦੇ ਤੌਰ 'ਤੇ ਮਨਾਇਆ ਜਾਣ ਵਾਲਾ ਸਦੀਆਂ ਪੁਰਾਣਾ ਤਿਉਹਾਰ ਹੈ।
ਇਹ ਵੀ ਪੜ੍ਹੋ - ਭਿਆਨਕ ਸੜਕ ਹਾਦਸਾ, 3 ਦੋਸਤਾਂ ਦੀ ਦਰਦਨਾਕ ਮੌਤ, ਕਾਰ ਦੇ ਹੋਏ 3 ਹਿੱਸੇ
ਟੈਗੋਰ ਗਾਰਡਨ ਅਤੇ ਸੁਭਾਸ਼ ਨਗਰ ਦੇ ਵਿਚਕਾਰ ਦਾ ਮਸ਼ਹੂਰ ਖੇਤਰ 10 ਸਿਰ ਵਾਲੇ ਰਾਵਣ ਅਤੇ ਉਸਦੇ ਭਰਾਵਾਂ ਦੇ ਪੁਤਲਿਆਂ ਲਈ ਏਸ਼ੀਆ ਦਾ ਸਭ ਤੋਂ ਵੱਡਾ ਬਾਜ਼ਾਰ ਹੈ। ਇਹ ਪੁਤਲੇ ਇੱਕ ਫੁੱਟ ਤੋਂ ਲੈ ਕੇ 50 ਫੁੱਟ ਤੱਕ ਦੇ ਆਕਾਰ ਵਿੱਚ ਉਪਲਬਧ ਹਨ ਅਤੇ ਇਨ੍ਹਾਂ ਦੀ ਕੀਮਤ ਲਗਭਗ 400 ਤੋਂ 700 ਰੁਪਏ ਪ੍ਰਤੀ ਫੁੱਟ ਹੈ। ਪਹਿਲੀ ਵਾਰ ਪੁਤਲੇ ਬਣਾਉਣ ਦਾ ਕੰਮ ਕਰ ਰਹੇ ਰਮੇਸ਼ ਰਾਠੌਰ ਮੁਤਾਬਕ ਪੈਸਾ ਬਹੁਤਾ ਨਹੀਂ ਹੈ ਪਰ ਕਾਫੀ ਹੈ। ਉਹਨਾਂ ਨੇ ਯੂ-ਟਿਊਬ ਤੋਂ ਪੁਤਲੇ ਬਣਾਉਣੇ ਸਿੱਖੇ ਹਨ ਅਤੇ ਉਹ ਬੈਂਗਲੁਰੂ ਤੋਂ ਇੱਥੇ ਆਏ ਹਨ।
ਇਹ ਵੀ ਪੜ੍ਹੋ - ਬਿਜਲੀ ਦਾ ਬਿੱਲ ਨਹੀਂ ਕਰਵਾਇਆ ਜਮ੍ਹਾਂ, ਹੁਣ ਹੋਵੇਗੀ ਕਾਰਵਾਈ
ਰਮੇਸ਼ ਨੇ ਕਿਹਾ, "ਮੈਂ ਬੇਂਗਲੁਰੂ ਵਿੱਚ ਚੀਨੀ ਮਿੱਟੀ ਦੇ ਭਾਂਡੇ ਬਣਾਉਂਦਾ ਹਾਂ। ਮੈਂ ਇੱਥੇ ਦਿੱਲੀ ਵਿੱਚ ਆਪਣੇ ਪਰਿਵਾਰ ਨੂੰ ਮਿਲਣ ਆਇਆ ਸੀ ਅਤੇ ਕਿਉਂਕਿ ਇੱਥੇ ਬਹੁਤਾ ਕੰਮ ਨਹੀਂ ਸੀ। ਮੈਂ ਸੋਚਿਆ ਕਿ ਮੈਨੂੰ ਕੁਝ ਪੁਤਲੇ ਬਣਾ ਕੇ ਵੀ ਪੈਸਾ ਕਮਾਉਣਾ ਚਾਹੀਦੇ ਹਨ।" ਰਮੇਸ਼ (34) ਨੇ ਕਿਹਾ, "ਮੈਂ ਯੂ-ਟਿਊਬ ਤੋਂ ਇਹ ਕਲਾ ਸਿੱਖੀ ਹੈ ਅਤੇ 150 ਪੁਤਲੇ ਬਣਾਏ ਹਨ। ਪ੍ਰਤੀਕਿਰਿਆ ਬਹੁਤ ਵਧੀਆ ਰਹੀ ਹੈ।" ਉਹ ਪਿਛਲੇ ਢਾਈ ਮਹੀਨਿਆਂ ਤੋਂ ਆਪਣੀ ਪਤਨੀ ਅਤੇ ਭੈਣ ਨਾਲ ਮਿਲ ਕੇ ਪੁਤਲੇ ਬਣਾ ਰਿਹਾ ਹੈ। ਜ਼ਿਆਦਾਤਰ ਕਾਰੀਗਰਾਂ ਅਤੇ ਵਿਕਰੇਤਾਵਾਂ ਨੇ ਕਿਹਾ ਕਿ ਇਸ ਤਿਉਹਾਰੀ ਸੀਜ਼ਨ ਵਿੱਚ ਕਾਰੋਬਾਰ ਨੇ ਸੱਚਮੁੱਚ ਤੇਜ਼ੀ ਫੜੀ ਹੈ, ਜਦੋਂ ਕਿ ਪਿਛਲੇ ਕੁਝ ਸਾਲਾਂ ਵਿੱਚ ਮਹਾਂਮਾਰੀ, ਵਧ ਰਹੇ ਪ੍ਰਦੂਸ਼ਣ ਦੇ ਪੱਧਰ ਅਤੇ ਪਟਾਕਿਆਂ 'ਤੇ ਪਾਬੰਦੀ ਕਾਰਨ ਸਥਿਤੀ ਬਹੁਤ ਮਾੜੀ ਸੀ, ਜਿਸ ਕਾਰਨ ਬਹੁਤ ਸਾਰੇ ਖਰੀਦਦਾਰ ਦੂਰ ਰਹੇ ਹਨ।
ਇਹ ਵੀ ਪੜ੍ਹੋ - '150000 ਰੁਪਏ ਦੇ ਫਿਰ ਕਰਾਂਗਾ ਪਿਓ ਦਾ ਅੰਤਿਮ ਸੰਸਕਾਰ', ਇਕੌਲਤੇ ਪੁੱਤ ਨੇ ਮਾਂ ਅੱਗੇ ਰੱਖੀ ਮੰਗ
ਰਾਵਣ ਦੇ ਮੂੰਹ 'ਤੇ ਚਮਕਦਾਰ ਦੰਦ ਚਿਪਕਾਉਣ 'ਚ ਰੁੱਝੇ ਮੋਨੂੰ ਨੇ ਕਿਹਾ, 'ਪੁਤਲੇ ਦੇ ਕਾਰੋਬਾਰ ਨੂੰ ਕਾਫੀ ਨੁਕਸਾਨ ਹੋਇਆ ਹੈ ਪਰ ਇਸ ਵਾਰ ਮਾਮਲਾ ਵੱਖਰਾ ਹੈ। ਦੁਸਹਿਰੇ ਨੂੰ ਲੈ ਕੇ ਲੋਕਾਂ 'ਚ ਕਾਫੀ ਉਤਸ਼ਾਹ ਹੈ ਅਤੇ ਸਾਨੂੰ ਚਿੱਤਰਕਾਰਾਂ ਨੂੰ ਵੀ ਕਾਫ਼ੀ ਕੰਮ ਮਿਲ ਰਿਹਾ ਹੈ। ਮੈਂ 60 ਤੋਂ ਵੱਧ ਚਿਹਰੇ ਬਣਾਏ ਹਨ ਅਤੇ ਇਹ ਸਿਲਸਿਲਾ ਅਜੇ ਵੀ ਜਾਰੀ ਹੈ।' ਉਹ ਪ੍ਰਤੀ ਸਿਰ 200 ਤੋਂ 500 ਰੁਪਏ ਕਮਾ ਲੈਂਦਾ ਹੈ। ਜ਼ਿਆਦਾਤਰ ਕਾਰੀਗਰ ਰਾਜਸਥਾਨ, ਹਰਿਆਣਾ ਅਤੇ ਬਿਹਾਰ ਦੇ ਦਿਹਾੜੀਦਾਰ ਮਜ਼ਦੂਰ ਹਨ, ਜੋ ਵਾਧੂ ਪੈਸੇ ਕਮਾਉਣ ਲਈ ਦਿੱਲੀ ਚਲੇ ਗਏ ਹਨ। ਇਨ੍ਹਾਂ ਪੁਤਲਿਆਂ ਵਿੱਚ ਰਾਸ਼ਟਰੀ ਪੱਧਰ ਦੇ ਮੁੱਦਿਆਂ ਦੀ ਝਲਕ ਵੀ ਦੇਖਣ ਨੂੰ ਮਿਲਦੀ ਹੈ।
ਇਹ ਵੀ ਪੜ੍ਹੋ - ਵਿਸ਼ਵਾਸ ਜਾਂ ਅੰਧਵਿਸ਼ਵਾਸ! ਦੇਵੀ ਦੀ ਮੂਰਤੀ ਅੱਗੇ ਨੌਜਵਾਨ ਨੇ ਵੱ.ਢ ਲਿਆ ਗਲਾ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਹਾਈਵੇਅ 'ਤੇ ਦੌੜ ਰਹੀ ਸੇਬ ਨਾਲ ਲੱਦੀ ਜੀਪ ਵਿਚਕਾਰੋਂ ਟੁੱਟੀ, ਵੇਖ ਕੇ ਦੰਗ ਰਹਿ ਲੋਕ
NEXT STORY 
