ਕੋਚੀ - ਕੇਰਲ ਦੇ ਪੁੰਨਪਰਾ ਦੀ ਇਕ ਔਰਤ ਊਸ਼ਾ ਜੋਸਫ਼ ਦੇ ਪੇਟ ’ਚੋਂ ਸਰਜਰੀ ਤੋਂ 5 ਸਾਲ ਬਾਅਦ ਇਕ ਸਰਜੀਕਲ ਔਜ਼ਾਰ ਆਰਟਰੀ ਫੋਰਸੇਪ ਮਿਲਿਆ। ਊਸ਼ਾ ਨੇ ਮਈ 2021 ’ਚ ਵੰਦਨਮ ਦੇ ਅਲਾਪੁਝਾ ਮੈਡੀਕਲ ਕਾਲਜ ’ਚ ਬੱਚੇਦਾਨੀ ’ਚੋਂ ਫਾਈਬਰਾਇਡ ਨੂੰ ਹਟਾਉਣ ਲਈ ਸਰਜਰੀ ਕਰਵਾਈ ਸੀ।
ਊਸ਼ਾ ਦੇ ਪੁੱਤਰ ਸ਼ਿਬਿਨ ਨੇ ਦੱਸਿਆ ਕਿ ਉਸ ਦੀ ਮਾਂ ਨੂੰ ਸਰਜਰੀ ਤੋਂ ਬਾਅਦ ਪੇਟ ’ਚ ਲਗਾਤਾਰ ਦਰਦ ਹੁੰਦਾ ਰਿਹਾ। ਮਾਂ ਨੇ ਉਸੇ ਹਸਪਤਾਲ ’ਚ ਵਾਰ-ਵਾਰ ਡਾਕਟਰਾਂ ਨਾਲ ਸਲਾਹ ਕੀਤੀ ਪਰ ਦਰਦ ਦਾ ਕਾਰਨ ਪਤਾ ਨਹੀਂ ਲੱਗ ਸਕਿਆ।
ਸ਼ਿਬਿਨ ਨੇ ਕਿਹਾ ਕਿ ਉਸ ਦੀ ਮਾਂ ਨੇ ਇਕ ਹੋਰ ਡਾਕਟਰ ਨਾਲ ਸਲਾਹ ਕੀਤੀ। ਡਾਕਟਰ ਨੇ ਐਕਸ-ਰੇ ਦੀ ਸਿਫਾਰਸ਼ ਕੀਤੀ। ਐਕਸ-ਰੇ ਦੀ ਰਿਪੋਰਟ ’ਚ ਪੇਟ ਅੰਦਰ ਇਕ ਆਰਟਰੀ ਫੋਰਸੇਪ ਦਾ ਖੁਲਾਸਾ ਹੋਇਆ। ਇਸ ਦਾ ਜਵਾਬ ਦਿੰਦੇ ਹੋਏ ਸਿਹਤ ਮੰਤਰੀ ਵੀਨਾ ਜਾਰਜ ਨੇ ਕਿਹਾ ਕਿ ਸਰਜਰੀ ’ਚ ਸ਼ਾਮਲ ਅਧਿਕਾਰੀ ਜੋ ਇਸ ਸਮੇਂ ਸਰਕਾਰੀ ਸੇਵਾ ’ਚ ਹਨ, ਨੂੰ ਜਾਂਚ ਤੱਕ ਮੁਅੱਤਲ ਕਰ ਦਿੱਤਾ ਜਾਵੇਗਾ।
ਹੋਲੀ ਤੋਂ ਪਹਿਲਾਂ ਇਨ੍ਹਾਂ 5 ਰਾਸ਼ੀਆਂ ਦੀ ਹੋਵੇਗੀ 'ਚਾਂਦੀ', 2 ਮਾਰਚ ਨੂੰ ਸ਼ੁੱਕਰ ਦੇ ਗੋਚਰ ਨਾਲ ਹੋਵੇਗੀ ਨੋਟਾਂ ਦੀ ਬਾਰਿਸ਼!
NEXT STORY 
