ਹੈਦਰਾਬਾਦ- ਝੂਠੀ ਸ਼ਾਨ ਲਈ ਕਤਲ ਦੇ ਸ਼ੱਕੀ ਮਾਮਲੇ 'ਚ ਸਹੁਰੇ ਪਰਿਵਾਰ ਵਾਲਿਆਂ ਨੇ ਨੌਜਵਾਨ ਨੂੰ ਅਗਵਾ ਕਰਨ ਤੋਂ ਬਾਅਦ ਮਾਰ ਦਿੱਤਾ। ਉਸ ਨੇ ਦੂਜੀ ਜਾਤੀ ਦੀ ਕੁੜੀ ਨਾਲ ਵਿਆਹ ਕੀਤਾ ਸੀ। ਪੁਲਸ ਨੇ ਸ਼ੁੱਕਰਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਪੁਲਸ ਨੇ ਦੱਸਿਆ ਕਿ ਇਸ ਮਾਮਲੇ 'ਚ 9 ਲੋਕਾਂ ਨੂੰ ਹਿਰਾਸਤ 'ਚ ਲਿਆ ਗਿਆ ਹੈ। ਪੁਲਸ ਅਨੁਸਾਰ ਅਵੰਤੀ ਰੈੱਡੀ ਦੇ ਰਿਸ਼ਤੇਦਾਰ ਉਸ ਨੂੰ ਅਤੇ ਉਸ ਦੇ ਪਤੀ ਹੇਮੰਤ ਨੂੰ ਵੀਰਵਾਰ ਨੂੰ ਜ਼ਬਰਨ ਇਕ ਗੱਡੀ 'ਚ ਬਿਠਾ ਕੇ ਲੈ ਗਏ। ਅਵੰਤੀ ਅਤੇ ਹੇਮੰਤ ਨੇ ਪਰਿਵਾਰ ਵਿਰੁੱਧ ਜਾ ਕੇ ਕਰੀਬ 3 ਮਹੀਨੇ ਪਹਿਲਾਂ ਵਿਆਹ ਕੀਤਾ ਸੀ। ਉਨ੍ਹਾਂ ਨੇ ਦੱਸਿਆ ਕਿ ਅਵੰਤੀ ਕਿਸੇ ਤਰ੍ਹਾਂ ਦੌੜ ਨਿਕਲੀ ਪਰ ਉਹ ਲੋਕ ਹੇਮੰਤ ਨੂੰ ਗੱਡੀ 'ਚ ਲੈ ਗਏ। ਉਸ ਦੀ ਲਾਸ਼ ਸ਼ੁੱਕਰਵਾਰ ਤੜਕੇ ਸਾਂਗਾਰੈੱਡੀ ਦੇ ਕੋਲ ਬਰਾਮਦ ਹੋਈ ਸੀ।
ਪੁਲਸ ਦੇ ਇਕ ਅਧਿਕਾਰੀ ਨੇ ਕਿਹਾ,''ਮੁੰਡੇ ਦੇ ਪਿਤਾ ਨੇ ਵੀਰਵਾਰ ਸ਼ਾਮ ਕਰੀਬ 6.30 ਵਜੇ ਸਾਨੂੰ ਸ਼ਿਕਾਇਤ ਕੀਤੀ ਅਤੇ ਅਸੀਂ ਤੁਰੰਤ ਸਾਰੇ ਨਾਕਿਆਂ ਅਤੇ ਟੋਲ 'ਤੇ ਖ਼ਬਰ ਭੇਜ ਦਿੱਤੀ।'' ਉਨ੍ਹਾਂ ਨੇ ਕਿਹਾ,''ਸ਼ਿਕਾਇਤ ਮਿਲਦੇ ਹੀ ਅਸੀਂ ਵਿਸ਼ੇਸ਼ ਦਲਾਂ ਦਾ ਗਠਨ ਵੀ ਕੀਤਾ।'' ਅਵੰਤੀ ਅਨੁਸਾਰ ਪੁਲਸ ਉਸ ਨੂੰ ਅਤੇ ਉਸ ਦੇ ਸਹੁਰੇ ਪਰਿਵਾਰ ਵਾਲਿਆਂ ਨੂੰ ਲਾਸ਼ ਦੀ ਪਛਾਣ ਲਈ ਸਾਂਗਾਰੈੱਡੀ ਲੈ ਗਈ ਸੀ। ਅਵੰਤੀ ਨੇ ਕਿਹਾ,''ਮੇਰੇ ਰਿਸ਼ਤੇਦਾਰ ਮੈਨੂੰ ਅਤੇ ਮੇਰੇ ਪਤੀ ਨੂੰ ਜ਼ਬਰਨ ਇਕ ਵਾਹਨ 'ਚ ਲੈ ਗਏ। ਮੈਂ ਕਿਸੇ ਤਰ੍ਹਾਂ ਉੱਥੇ ਦੌੜ ਨਿਕਲੀ ਅਤੇ ਤੁਰੰਤ ਆਪਣੇ ਸਹੁਰੇ ਪਰਿਵਾਰ ਵਾਲਿਆਂ ਅਤੇ ਪੁਲਸ ਨੂੰ ਘਟਨਾ ਦੀ ਜਾਣਕਾਰੀ ਦਿੱਤੀ।'' ਅਵੰਤੀ ਨੇ ਦੱਸਿਆ ਕਿ ਉਸ ਅਤੇ ਹੇਮੰਤ ਦਰਮਿਆਨ ਕਈ ਸਾਲਾਂ ਤੋਂ ਪ੍ਰੇਮ ਸੰਬੰਧ ਸਨ ਅਤੇ ਦੋਹਾਂ ਨੇ ਜੂਨ 'ਚ ਵਿਆਹ ਕੀਤਾ ਸੀ।
ਭਾਰਤ ਨੇ ਪਾਕਿ ਨੂੰ CICA 'ਚ ਦਿੱਤਾ ਜਵਾਬ, 'ਕਸ਼ਮੀਰ-ਲੱਦਾਖ ਸਾਡਾ ਸੀ ਸਾਡਾ ਰਹੇਗਾ'
NEXT STORY 
