ਗੁਰੂਗ੍ਰਾਮ- ਦਿੱਲੀ-ਜੈਪੁਰ ਰਾਜਮਾਰਗ 'ਤੇ ਸ਼ੁੱਕਰਵਾਰ ਤੜਕੇ ਆਈਐੱਮਟੀ ਮਾਨੇਸਰ ਫਲਾਈਵੋਰ 'ਤੇ ਇਕ ਟਰੱਕ ਦੀ ਦੂਜੇ ਟਰੱਕ ਨਾਲ ਟੱਕਰ ਹੋਣ ਕਾਰਨ ਤਿੰਨ ਲੋਕਾਂ ਦੀ ਮੌਤ ਹੋ ਗਈ। ਪੁਲਸ ਨੇ ਦੱਸਿਆ ਕਿ ਸੜਕ ਦੇ ਕਿਨਾਰੇ ਇਕ ਟਰੱਕ ਬਿਨਾਂ 'ਇੰਡੀਕੇਟਰ' ਦੇ ਖੜ੍ਹਾ ਸੀ, ਜਿਸ ਕਾਰਨ ਇਕ ਚੱਲਦੇ ਹੋਏ ਟਰੱਕ ਨੇ ਟੱਕਰ ਮਾਰ ਦਿੱਤੀ। ਉਸ ਨੇ ਦੱਸਿਆ ਕਿ ਤਿੰਨੋਂ ਮ੍ਰਿਤਕ ਗਤੀਮਾਨ ਟਰੱਕ 'ਚ ਸਵਾਰ ਸਨ। ਖੜ੍ਹੀ ਟਰੱਕ ਦੇ ਡਰਾਈਵਰ ਖ਼ਿਲਾਫ਼ ਐੱਫਆਈਆਰ ਦਰਜ ਕੀਤੀ ਗਈ ਹੈ ਅਤੇ ਪੋਸਟਮਾਰਟਮ ਤੋਂ ਬਾਅਦ ਪੁਲਸ ਨੇ ਲਾਸ਼ਾਂ ਨੂੰ ਪਰਿਵਾਰ ਵਾਲਿਆਂ ਨੂੰ ਸੌਂਪ ਦਿੱਤਾ। ਉੱਤਰ ਪ੍ਰਦੇਸ਼ ਦੇ ਜੌਨਪੁਰ ਵਾਸੀ ਮ੍ਰਿਤਕ ਟਰੱਕ ਡਰਾਈਵਰ ਦੇ ਭਰਾ ਦੁਰਗਾ ਪ੍ਰਸਾਦ ਨੇ ਸ਼ਿਕਾਇਤ ਦਰਜ ਕਰਵਾਈ।
ਸ਼ਿਕਾਇਤਕਰਤਾ ਨੇ ਦੱਸਿਆ ਕਿ ਉਹ ਅਤੇ ਉਸ ਦਾ ਭਰਾ ਸ਼ੰਕਰ ਬਿੰਦ (ਦੋਵੇਂ ਟਰੱਕ ਡਰਾਈਵਰ) ਵੀਰਵਾਰ ਰਾਤ ਨੂੰ ਭਿਵਾੜੀ ਤੋਂ ਦਿੱਲੀ ਜਾ ਰਹੇ ਸਨ। ਸ਼ੰਕਰ ਦਾ ਟਰੱਕ ਅੱਗੇ ਸੀ, ਜਦੋਂ ਕਿ ਉਹ ਪਿੱਛੇ ਸੀ। ਵਾਹਨ ਜਦੋਂ ਰਾਤ ਕਰੀਬ 2 ਵਜੇ ਆਈਐੱਮਟੀ ਮਾਨੇਸਰ ਫਲਾਈਓਵਰ 'ਤੇ ਪਹੁੰਚੇ ਤਾਂ ਸ਼ੱਕਰ ਦੇ ਟਰੱਕ ਦੇ ਅੱਗੇ ਚੱਲ ਰਹੇ ਇਕ ਵਾਹਨ ਨੇ ਅਚਾਨਕ ਲੇਨ ਬਦਲ ਦਿੱਤੀ ਅਤੇ ਸ਼ੰਕਰ ਦਾ ਟਰੱਕ ਸੜਕ 'ਤੇ ਖੜ੍ਹੇ ਇਕ ਟਰੱਕ ਦੇ ਪਿਛਲੇ ਹਿੱਸੇ ਨਾਲ ਟਕਰਾ ਗਿਆ। ਦੁਰਗਾ ਪ੍ਰਸਾਦ ਨੇ ਆਪਣੀ ਸ਼ਿਕਾਇਤ 'ਚ ਕਿਹਾ,''ਟਰੱਕ 'ਚ ਨਾ ਤਾਂ ਟਰਨ ਸਿਗਨਲ ਸਨ ਅਤੇ ਨਾ ਹੀ ਰਿਫਲੈਕਟਰ। ਟੱਕਰ 'ਚ ਮੇਰੇ ਭਰਾ ਸ਼ੰਕਰ ਬਿੰਦ ਅਤੇ ਸਹਾਇਕ ਸੁਨੀਲ ਕੁਮਾਰ ਅਤੇ ਰਾਮਰਾਜ ਪ੍ਰਸਾਦ ਗੰਭੀਰ ਰੂਪ ਨਾਲ ਜ਼ਖ਼ਮੀ ਹੋ ਗਏ। ਸੂਚਨਾ ਮਿਲਦੇ ਹੀ ਪੁਲਸ ਦੀ ਇਕ ਟੀਮ ਮੌਕੇ 'ਤੇ ਪਹੁੰਚੀ ਅਤੇ ਤਿੰਨਾਂ ਜ਼ਖਮੀਆਂ ਨੂੰ ਹਸਪਤਾਲ ਲੈ ਗਈ, ਜਿੱਥੇ ਡਾਕਟਰਾਂ ਨੇ ਉਨ੍ਹਾਂ ਨੂੰ ਮ੍ਰਿਤਕ ਐਲਾਨ ਦਿੱਤਾ।'' ਜਾਂਚ ਅਧਿਕਾਰੀ ਏਐੱਸਆਈ ਵਿਕਾਸ ਕੁਮਾਰ ਨੇ ਕਿਹਾ,''ਇਹ ਪਤਾ ਲਗਾਉਣ ਲਈ ਜਾਂਚ ਜਾਰੀ ਹੈ ਕਿ ਟਰੱਕ ਰਾਜਮਾਰਗ ਲੇਨ 'ਤੇ ਕਿਉਂ ਖੜ੍ਹਾ ਕੀਤਾ ਗਿਆ। ਟਰੱਕ ਨੰਬਰ ਦੇ ਆਧਾਰ 'ਤੇ ਮਾਲਕ ਨੂੰ ਨੋਟਿਸ ਭੇਜਿਆ ਜਾਵੇਗਾ, ਜਿਸ 'ਚ ਡਰਾਈਵਰ ਨੂੰ ਪੇਸ਼ ਕਰਨ ਲਈ ਕਿਹਾ ਜਾਵੇਗਾ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਸਜ-ਧਜ ਬਰਾਤ ਲਿਜਾਂਦੇ ਲਾੜੇ ਨੂੰ ਗੋਲ਼ੀ ਮਾਰ ਕਰ'ਤਾ ਕਤਲ ! ਸ਼ਗਨਾਂ 'ਚ ਵਿਛ ਗਏ ਸੱਥਰ
NEXT STORY 
