ਨੈਸ਼ਨਲ ਡੈਸਕ : ਇਨ੍ਹੀਂ ਦਿਨੀਂ ਸੋਸ਼ਲ ਮੀਡੀਆ 'ਤੇ ਇੱਕ ਖ਼ਬਰ ਵਾਇਰਲ ਹੋ ਰਹੀ ਹੈ, ਜਿਸ 'ਚ ਇੱਕ ਵਿਅਕਤੀ ਦੇ ਸ਼ੌਕ ਬਾਰੇ ਬਹੁਤ ਚਰਚਾ ਹੋ ਰਹੀ ਹੈ। ਕਿਹਾ ਜਾ ਰਿਹਾ ਹੈ ਕਿ ਇੱਕ ਵਾਰ ਫਿਰ ਸ਼ੌਂਕ ਨੇ ਕੀਮਤ ਦੀਆਂ ਹੱਦਾਂ ਪਾਰ ਕਰ ਦਿੱਤੀਆਂ ਹਨ। ਪੂਰਾ ਮਾਮਲਾ ਹਿਮਾਚਲ ਪ੍ਰਦੇਸ਼ ਦੇ ਹਮੀਰਪੁਰ ਜ਼ਿਲ੍ਹੇ ਦਾ ਹੈ। ਇੱਥੋਂ ਦੇ ਰਹਿਣ ਵਾਲੇ ਸੰਜੀਵ ਕੁਮਾਰ ਨੇ ਆਪਣੀ ਸਕੂਟੀ ਲਈ 14 ਲੱਖ ਰੁਪਏ ਦੀ VIP ਗੱਡੀ ਨੰਬਰ HP21C-0001 ਖਰੀਦੀ ਹੈ, ਜਿਸਦੀ ਕੀਮਤ ਸਿਰਫ਼ ਇੱਕ ਲੱਖ ਰੁਪਏ ਹੈ।
ਇਹ ਵੀ ਪੜ੍ਹੋ...ਬੰਦ ਹੋ ਜਾਵੇਗਾ ਤੁਹਾਡਾ ਪੈਨ ਕਾਰਡ ! ਸਰਕਾਰ ਵੱਲੋਂ ਵੱਡਾ ਅਪਡੇਟ ਜਾਰੀ
ਆਨਲਾਈਨ ਬੋਲੀ ਪ੍ਰਕਿਰਿਆ ਤਹਿਤ ਪ੍ਰਾਪਤ VIP ਨੰਬਰ
ਤੁਹਾਨੂੰ ਦੱਸ ਦੇਈਏ ਕਿ ਇਹ ਨੰਬਰ ਟਰਾਂਸਪੋਰਟ ਵਿਭਾਗ ਦੀ ਆਨਲਾਈਨ ਬੋਲੀ ਪ੍ਰਕਿਰਿਆ ਤਹਿਤ ਬਦਸਰ SDM ਦਫ਼ਤਰ ਤੋਂ ਪ੍ਰਾਪਤ ਕੀਤਾ ਗਿਆ ਹੈ। ਇਸ ਆਨਲਾਈਨ ਬੋਲੀ ਪ੍ਰਕਿਰਿਆ 'ਚ ਸਿਰਫ਼ ਦੋ ਲੋਕਾਂ ਨੇ ਹਿੱਸਾ ਲਿਆ। ਬੋਲੀ ਦੌਰਾਨ ਸੋਲਨ ਜ਼ਿਲ੍ਹੇ ਦੇ ਬੱਦੀ ਇਲਾਕੇ ਦੇ ਇੱਕ ਵਿਅਕਤੀ ਨੇ ਇਸ ਨੰਬਰ ਲਈ 13.5 ਲੱਖ ਰੁਪਏ ਦੀ ਬੋਲੀ ਲਗਾਈ ਸੀ ਪਰ ਸੰਜੀਵ ਕੁਮਾਰ ਨੇ ਇਸ ਤੋਂ ਵੀ ਵੱਧ ਬੋਲੀ ਲਗਾਈ ਤੇ ਇਹ VIP ਗੱਡੀ ਨੰਬਰ 14 ਲੱਖ ਰੁਪਏ 'ਚ ਆਪਣੇ ਨਾਮ ਕਰਵਾ ਲਿਆ।
ਇਹ ਵੀ ਪੜ੍ਹੋ...ਟੌਹਰਾਂ ਕੱਢ ਬਾਜ਼ਾਰ 'ਚ ਭੀਖ਼ ਮੰਗ ਰਹੀਆਂ ਸੋਹਣੀਆਂ-ਸੁਨੱਖੀਆਂ ਮੁਟਿਆਰਾਂ ! ਹੈਰਾਨ ਕਰ ਦੇਵੇਗਾ ਮਾਮਲਾ
"ਸ਼ੌਂਕ ਦੀ ਕੋਈ ਕੀਮਤ ਨਹੀਂ ਹੁੰਦੀ"
ਹਮੀਰਪੁਰ ਦੇ ਵਸਨੀਕ ਬਨਾਰਸੀ ਦਾਸ ਦੇ ਪੁੱਤਰ ਸੰਜੀਵ ਕੁਮਾਰ ਨੇ ਕਿਹਾ ਕਿ ਉਸਨੂੰ ਖਾਸ ਅਤੇ ਵਿਲੱਖਣ ਨੰਬਰਾਂ ਦਾ ਸ਼ੌਂਕ ਹੈ। ਉਸਨੇ ਇਹ ਨੰਬਰ ਆਪਣੀ ਨਵੀਂ ਸਕੂਟੀ ਲਈ ਖਰੀਦਿਆ ਹੈ ਅਤੇ ਉਹ ਕਹਿੰਦਾ ਹੈ ਕਿ "ਸ਼ੌਕ ਦੀ ਕੋਈ ਕੀਮਤ ਨਹੀਂ ਹੁੰਦੀ, ਅਤੇ ਜਦੋਂ ਤੁਸੀਂ ਕੁਝ ਖਾਸ ਚਾਹੁੰਦੇ ਹੋ, ਤਾਂ ਤੁਸੀਂ ਨਹੀਂ ਰੁਕਦੇ।" ਟਰਾਂਸਪੋਰਟ ਵਿਭਾਗ ਦੇ ਅਨੁਸਾਰ, ਇਹ ਹਿਮਾਚਲ ਪ੍ਰਦੇਸ਼ ਵਿੱਚ ਹੁਣ ਤੱਕ ਦਾ ਸਭ ਤੋਂ ਮਹਿੰਗਾ ਦੋਪਹੀਆ ਵਾਹਨ ਨੰਬਰ ਹੋ ਸਕਦਾ ਹੈ। ਸੰਜੀਵ ਕੁਮਾਰ ਦੇ ਇਸ ਫੈਸਲੇ ਦੀ ਚਰਚਾ ਸੋਸ਼ਲ ਮੀਡੀਆ ਤੋਂ ਲੈ ਕੇ ਚਾਹ ਦੀਆਂ ਦੁਕਾਨਾਂ ਤੱਕ ਹੋ ਰਹੀ ਹੈ। ਜਿੱਥੇ ਇੱਕ ਪਾਸੇ ਲੋਕ ਉਸਦੀ ਸੋਚ 'ਤੇ ਹੈਰਾਨ ਹਨ, ਉੱਥੇ ਹੀ ਬਹੁਤ ਸਾਰੇ ਲੋਕ ਇਸਨੂੰ ਆਧੁਨਿਕ ਸੋਚ ਅਤੇ ਡਿਜੀਟਲ ਪ੍ਰਕਿਰਿਆ ਦੀ ਸਫਲਤਾ ਦੀ ਇੱਕ ਉਦਾਹਰਣ ਵੀ ਮੰਨ ਰਹੇ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਟੱਬਰ ਨੂੰ ਨਸ਼ੀਲੀ ਲੱਸੀ ਪਿਲਾ ਸਾਇਕਲ 'ਤੇ ਪ੍ਰੇਮੀ ਨਾਲ ਭੱਜ ਗਈ ਨਵ-ਵਿਆਹੀ ਲਾੜੀ
NEXT STORY 
