ਨਵੀਂ ਦਿੱਲੀ — ਟੈਲੀਕਾਮ ਸੈਕਟਰ ਦੀ ਪ੍ਰਮੁੱਖ ਮੋਬਾਇਲ ਸਰਵਿਸ ਪ੍ਰੋਵਾਈਡਰ ਕੰਪਨੀ ਵੋਡਾਫੋਨ ਭਾਰਤ 'ਚੋਂ ਆਪਣਾ ਕਾਰੋਬਾਰ ਸਮੇਟਣ ਲਈ ਮਜ਼ਬੂਰ ਹੈ। ਕਰਜ਼ੇ ਦੇ ਭਾਰ ਥੱਲ੍ਹੇ ਦੱਬੀ ਵੋਡਾਫੋਨ-ਆਈਡੀਆ ਲਿਮਟਿਡ ਦੇ ਹਜ਼ਾਰਾਂ ਕਰਮਚਾਰੀਆਂ ਦੇ ਸਿਰ 'ਤੇ ਨੌਕਰੀ ਜਾਣ ਦਾ ਖਤਰਾ ਮੰਡਰਾ ਰਿਹਾ ਹੈ। ਕੰਪਨੀ ਦੇ ਸੀ. ਈ. ਓ. ਨਿਕ ਰੀਡ ਨੇ ਕੰਪਨੀ ਦੀ ਖਸਤਾਹਾਲ ਦਾ ਹਵਾਲਾ ਦਿੰਦੇ ਹੋਏ ਇਹ ਚਿਤਾਵਨੀ ਦਿੱਤੀ ਹੈ ਕਿ ਜੇਕਰ ਭਾਰਤ ਸਰਕਾਰ ਦੇਣਦਾਰੀ ਚੁਕਾਉਣ ’ਚ ਰਿਆਇਤ ਨਹੀਂ ਦਿੰਦੀ ਹੈ ਤਾਂ ਕੰਪਨੀ ਕੋਲ ਕਾਰੋਬਾਰ ਸਮੇਟਣ ਤੋਂ ਇਲਾਵਾ ਕੋਈ ਬਦਲ ਨਹੀਂ ਰਹਿ ਜਾਵੇਗਾ। ਸੁਪਰੀਮ ਕੋਰਟ ਨੇ ਵੋਡਾਫੋਨ ਨੂੰ ਕਿਹਾ ਹੈ ਕਿ ਉਹ ਲਾਇਸੈਂਸ ਫੀਸ ਦਾ 4 ਅਰਬ ਡਾਲਰ ਬਕਾਇਆ ਸਰਕਾਰ ਨੂੰ ਚੁਕਾਏ। ਇਹ ਦੇਣਦਾਰੀ 10 ਸਾਲਾਂ ਤੋਂ ਵੀ ਜ਼ਿਆਦਾ ਪੁਰਾਣੀ ਹੈ।
ਕਰਮਚਾਰੀਆਂ ਦੇ ਨਾਲ-ਨਾਲ ਆਮ ਲੋਕਾਂ ਦੀਆਂ ਵਧਣਗੀਆਂ ਮੁਸ਼ਕਲਾਂ
1. ਵੋਡਾਫੋਨ-ਆਈਡੀਆ ਦਾ ਕੰਮਕਾਜ ਬੰਦ ਹੋਣ ਨਾਲ ਆਪਣੇ ਸੁਨਹਿਰੀ ਭੁਵਿੱਖ ਦਾ ਸੁਪਨਾ ਦੇਖ ਰਹੇ ਹਜ਼ਾਰਾਂ ਨੌਜਵਾਨਾਂ ਦੀ ਨੌਕਰੀ ਜਾ ਸਕਦੀ ਹੈ।
2. ਕੰਪਨੀ ਦੇ ਕਾਰੋਬਾਰ 'ਚੋਂ ਹਟਣ ਨਾਲ ਇੰਡਸਟਰੀ 'ਚ ਮੁਕਾਬਲਾ ਘਟੇਗਾ ਅਤੇ ਕਾਲ ਰੇਟ ਦੀਆਂ ਦਰਾਂ 'ਚ ਵਾਧੇ ਦਾ ਰਾਹ ਪੱਧਰਾ ਹੋ ਸਕੇਗਾ। ਜਿਸ ਦੇ ਨਤੀਜੇ ਵਜੋਂ ਸਸਤੀਆਂ ਦਰਾਂ ਦੇ ਆਦੀ ਹੋ ਚੁੱਕੇ ਗਾਹਕਾਂ ਨੂੰ ਆਉਣ ਵਾਲੇ ਭਵਿੱਖ 'ਚ ਭਾਰੀ ਮੁਸ਼ਕਲ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।
3. ਵਿਦੇਸ਼ਾਂ ਤੋਂ ਨਿਵੇਸ਼ ਲਿਆਉਣ ਲਈ ਜ਼ੋਰ ਲਗਾ ਰਹੀ ਸਰਕਾਰ ਦੀਆਂ ਕੋਸ਼ਿਸ਼ਾਂ ਨੂੰ ਧੱਕਾ ਲੱਗ ਸਕਦਾ ਹੈ।
4. ਅਗਲੇ ਸਪੈਕਟ੍ਰਮ ਆਕਸ਼ਨ ਤੋਂ ਮਿਲਣ ਵਾਲੇ ਮਾਲੀਏ ਨੂੰ ਵੀ ਧੱਕਾ ਲੱਗ ਸਕਦਾ ਹੈ।
5. ਇਸ ਸੈਕਟਰ 'ਚ ਨਿਵੇਸ਼ ਪ੍ਰਭਾਵਿਤ ਹੋਣ ਨਾਲ ਨੈੱਟਵਰਕ ਕੁਆਲਿਟੀ 'ਤੇ ਅਸਰ ਪੈ ਸਕਦਾ ਹੈ।
13,520 ਲੋਕਾਂ ਦੀਆਂ ਨੌਕਰੀਆਂ 'ਤੇ ਖਤਰਾ
ਕੰਪਨੀ ਦਾ ਕਾਰੋਬਾਰ ਬੰਦ ਹੁੰਦਾ ਹੈ ਤਾਂ 13,520 ਕਰਮਚਾਰੀਆਂ ਦੀ ਨੌਕਰੀ ਜਾ ਸਕਦੀ ਹੈ। ਟੈਲੀਕਾਮ ਇੰਡਸਟਰੀ ਦੇ ਕੰਸਾਲੀਡੇਸ਼ਨ ਮੋਡ 'ਚ ਜਾਣ ਤੋਂ ਪਹਿਲਾਂ ਹੀ ਕਰੀਬ 1 ਲੱਖ ਲੋਕਾਂ ਦੀਆਂ ਨੌਕਰੀਆਂ ਜਾ ਚੁੱਕੀਆਂ ਹਨ। ਕੰਸਾਲੀਡੇਸ਼ਨ ਤੋਂ ਪਹਿਲਾਂ ਟੈਲੀਕਾਮ ਸੈਕਟਰ 'ਚ 8 ਪ੍ਰਾਈਵੇਟ ਕੰਪਨੀਆਂ ਸਨ ਜਿੰਨ੍ਹਾਂ ਦੀ ਸੰਖਿਆ ਹੁਣ ਘੱਟ ਕੇ ਤਿੰਨ 'ਤੇ ਆ ਗਈ ਹੈ। ਐਡਜਸਟਿਡ ਗ੍ਰਾਸ ਰੈਵੇਨਿਊ(AGR) 'ਤੇ ਸੁਪਰੀਮ ਕੋਰਟ ਦੇ ਫੈਸਲੇ ਦੇ ਬਾਅਦ ਵੋਡਾਫੋਨ-ਆਈਡੀਆ 'ਤੇ 39,000 ਕਰੋੜ ਰੁਪਏ ਤੋਂ ਜ਼ਿਆਦਾ ਦੀ ਵਾਧੂ ਦੇਣਦਾਰੀ ਬਣੀ ਹੈ। ਕੰਪਨੀ ਪਹਿਲਾਂ ਤੋਂ 14 ਅਰਬ ਡਾਲਰ ਦੇ ਕਰਜ਼ੇ ਹੇਠ ਦੱਬੀ ਹੈ। ਕੰਪਨੀ ਕੋਲ 3 ਅਰਬ ਡਾਲਰ ਦਾ ਕੈਸ਼ ਹੈ।
ਸਬਰੀਮਾਲਾ ਕੇਸ : ਸੁਪਰੀਮ ਕੋਰਟ ਨੇ ਵੱਡੀ ਬੈਂਚ ਨੂੰ ਸੌਂਪਿਆ ਮਾਮਲਾ
NEXT STORY 
