ਹਰਿਆਣਾ— ਹਰਿਆਣਾ 'ਚ ਮੰਗਲਖਾਨ ਅਤੇ ਪੀਰਾਂਵਾਲੀ ਪੂਥੀ ਦੇ ਦੋ ਪਿੰਡਾਂ ਦੇ ਲੋਕਾਂ ਵਿਚਕਾਰ ਨਹਿਰ ਦੇ ਪਾਣੀ ਦੀ ਵੰਡ ਨੂੰ ਲੈ ਕੇ ਝੜਪ ਹੋ ਗਈ, ਜਿਸ 'ਚ 12 ਲੋਕ ਜ਼ਖਮੀ ਹੋ ਗਏ। ਪੁਲਸ ਨੇ ਦੱਸਿਆ ਕਿ ਮੰਗਲਵਾਰ ਹੋਈ ਇਸ ਘਟਨਾ ਦੇ ਸੰਬੰਧ 'ਚ ਕਰੀਬ 300 ਲੋਕਾਂ ਵਿਰੁੱਧ ਮਾਮਲਾ ਦਰਜ ਕੀਤਾ ਗਿਆ ਹੈ। ਇਸ ਝੜਪ ਦੌਰਾਨ 8 ਮੋਟਰਸਾਈਕਲ ਅਤੇ ਹਰਿਆਣਾ ਲੋਕ ਸਿਹਤ ਵਿਭਾਗ ਦੇ ਇਕ ਪੰਪ ਸੈੱਟ ਨੂੰ ਅੱਗ ਦੇ ਹਵਾਲੇ ਕਰ ਦਿੱਤਾ ਗਿਆ। ਪੁਲਸ ਮੁਤਾਬਕ ਪੀਰਾਂਵਾਲੀ ਪਿੰਡ ਨੂੰ ਪਾਣੀ ਛੋਟੀ ਨਹਿਰ ਤੋਂ ਦੇਣ ਲਈ ਜਨ ਸਿਹਤ ਵਿਭਾਗ ਨੇ ਮੋਟਰ ਪੰਪ ਲਗਾਈ ਗਈ ਸੀ। ਪਾਣੀ ਸਰੋਤ ਤੋਂ ਪਾਣੀ ਵੰਡਣ ਦਾ ਦੂਜੇ ਪਿੰਡ ਵਾਲਿਆਂ ਦੇ ਲੋਕਾਂ ਨੇ ਵਿਰੋਧ ਜਤਾਇਆ। ਦੋਵਾਂ ਪੱਖਾਂ ਵਿਚਕਾਰ ਝਗੜਾ ਹੋਣ 'ਤੇ ਹਜ਼ਾਰਾਂ ਦੀ ਗਿਣਤੀ 'ਚ ਲੋਕ ਇਕੱਠੇ ਹੋ ਗਏ। ਇਨ੍ਹਾਂ ਲੋਕਾਂ ਵਿਚਕਾਰ ਹੋਈ ਝੜਪ 'ਚ 12 ਲੋਕ ਜ਼ਖਮੀ ਹੋ ਗਏ। ਸਾਰੇ ਜ਼ਖਮੀਆਂ ਨੂੰ ਹਾਂਸੀ ਅਤੇ ਹਿਸਾਰ ਦੇ ਹਸਪਤਾਲਾਂ 'ਚ ਦਾਖਲ ਕਰਵਾਇਆ ਗਿਆ ਹੈ।
ਸਰਕਾਰੀ ਬੈਂਕਾਂ ਦਾ ਕਰਜ਼ਾ ਵਾਪਸ ਨਾ ਕਰਨ ਦੀ ਵਿਜੇ ਮਾਲਿਆ ਨੇ ਦੱਸੀ ਵਜ੍ਹਾ
NEXT STORY 
