ਨੈਸ਼ਨਲ ਡੈਸਕ- ਵਿਸ਼ਵ ਪੱਧਰੀ ਸਪਲਾਈ ਚੇਨ ਸੰਕਟ ਅਤੇ ਪੱਛਮੀ ਏਸ਼ੀਆ 'ਚ ਜਾਰੀ ਜੰਗ ਦੇ ਤਣਾਅ ਦੇ ਵਿਚਕਾਰ ਭਾਰਤ ਲਈ ਇਕ ਵੱਡੀ ਅਤੇ ਰਾਹਤ ਭਰੀ ਖ਼ਬਰ ਸਾਹਮਣੇ ਆਈ ਹੈ। ਅਮਰੀਕਾ ਦੇ ਟੈਕਸਾਸ ਰਾਜ ਤੋਂ ਲਿਕੁਇਫਾਈਡ ਪੈਟਰੋਲੀਅਮ ਗੈਸ (LPG) ਲੈ ਕੇ ਆ ਰਿਹਾ ਵਿਸ਼ਾਲ ਕਾਰਗੋ ਜਹਾਜ਼ 'ਪਿਕਸਿਸ ਪਾਇਨੀਅਰ' (Pyxis Pioneer) ਸਫ਼ਲਤਾਪੂਰਵਕ ਮੰਗਲੌਰ ਪੋਰਟ 'ਤੇ ਪਹੁੰਚ ਗਿਆ ਹੈ। ਇਸ ਤੋਂ ਇਲਾਵਾ, ਰੂਸੀ ਕੱਚੇ ਤੇਲ ਨਾਲ ਲੱਦਿਆ ਇਕ ਹੋਰ ਜਹਾਜ਼ 'ਐਕੁਆ ਟਾਈਟਨ' (Aqua Titan) ਵੀ ਮੰਗਲੌਰ ਪਹੁੰਚ ਚੁੱਕਾ ਹੈ।
ਰੂਸੀ ਤੇਲ ਦੀ ਖਰੀਦ 'ਚ ਵੱਡਾ ਉਛਾਲ
ਭਾਰਤ ਨੇ ਰੂਸੀ ਤੇਲ ਦੀ ਖਰੀਦ 'ਚ ਤੇਜ਼ੀ ਨਾਲ ਵਾਧਾ ਕੀਤਾ ਹੈ। ਇਹ ਕਦਮ ਅਮਰੀਕਾ ਵੱਲੋਂ ਜਾਰੀ ਕੀਤੇ ਗਏ ਇਕ ਅਸਥਾਈ ਜਨਰਲ ਲਾਇਸੈਂਸ ਤੋਂ ਬਾਅਦ ਚੁੱਕਿਆ ਗਿਆ ਹੈ, ਜਿਸ ਨੇ 12 ਮਾਰਚ ਤੱਕ ਸਮੁੰਦਰ 'ਚ ਫਸੇ ਰੂਸੀ ਤੇਲ ਦੀ ਵਿਕਰੀ ਦੀ ਇਜਾਜ਼ਤ ਦਿੱਤੀ ਸੀ। ਇਸ ਫੈਸਲੇ ਦਾ ਮੁੱਖ ਉਦੇਸ਼ ਮੱਧ ਪੂਰਬ (ਇਜ਼ਰਾਈਲ-ਈਰਾਨ ਸੰਕਟ) 'ਚ ਤਣਾਅ ਕਾਰਨ ਤੇਲ ਦੀਆਂ ਵਧਦੀਆਂ ਕੀਮਤਾਂ ਨੂੰ ਸਥਿਰ ਕਰਨਾ ਹੈ।
ਖ਼ਤਰਨਾਕ ਰਸਤਿਆਂ ਰਾਹੀਂ ਸੁਰੱਖਿਅਤ ਵਾਪਸੀ
ਭਾਰਤੀ ਝੰਡੇ ਵਾਲੇ LPG ਟੈਂਕਰ 'ਨੰਦਾ ਦੇਵੀ' ਅਤੇ 'ਸ਼ਿਵਾਲਿਕ' ਨੇ ਹੋਰਮੁਜ਼ ਦੀ ਖਾੜੀ (Strait of Hormuz) ਵਰਗੇ ਬੇਹੱਦ ਖ਼ਤਰਨਾਕ ਇਲਾਕੇ ਨੂੰ ਪਾਰ ਕਰਕੇ ਗੁਜਰਾਤ ਦੇ ਵਾਡੀਨਾਰ ਅਤੇ ਮੁੰਦਰਾ ਪੋਰਟ 'ਤੇ ਦਸਤਕ ਦਿੱਤੀ। ਇਸ ਇਲਾਕੇ 'ਚ ਅਮਰੀਕਾ, ਇਜ਼ਰਾਈਲ ਅਤੇ ਈਰਾਨ ਵਿਚਾਲੇ ਚੱਲ ਰਹੇ ਟਕਰਾਅ ਕਾਰਨ ਸਮੁੰਦਰੀ ਆਵਾਜਾਈ ਕਾਫ਼ੀ ਪ੍ਰਭਾਵਿਤ ਹੋਈ ਹੈ।
ਮਲਾਹਾਂ ਦੀ ਸੁਰੱਖਿਆ 'ਤੇ ਨਜ਼ਰ
ਡਾਇਰੈਕਟੋਰੇਟ ਜਨਰਲ ਆਫ ਸ਼ਿਪਿੰਗ (DG Shipping) ਅਨੁਸਾਰ, ਫਾਰਸ ਦੀ ਖਾੜੀ 'ਚ ਮੌਜੂਦ 22 ਭਾਰਤੀ ਜਹਾਜ਼ ਅਤੇ ਉਨ੍ਹਾਂ 'ਤੇ ਤਾਇਨਾਤ 611 ਭਾਰਤੀ ਮਲਾਹ ਪੂਰੀ ਤਰ੍ਹਾਂ ਸੁਰੱਖਿਅਤ ਹਨ। ਭਾਰਤੀ ਮਿਸ਼ਨ ਅਤੇ ਸ਼ਿਪਿੰਗ ਏਜੰਸੀਆਂ ਲਗਾਤਾਰ ਸਥਿਤੀ ਦੀ ਨਿਗਰਾਨੀ ਕਰ ਰਹੀਆਂ ਹਨ ਤਾਂ ਜੋ ਦੇਸ਼ ਦੀ ਊਰਜਾ ਸੁਰੱਖਿਆ ਅਤੇ ਨਾਗਰਿਕਾਂ ਦੀ ਸੁਰੱਖਿਆ ਨੂੰ ਯਕੀਨੀ ਬਣਾਇਆ ਜਾ ਸਕੇ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
RSS 'ਤੇ ਪਾਬੰਦੀ ਦੀ ਸਿਫਾਰਸ਼ 'ਤੇ ਭੜਕੇ ਸਾਬਕਾ ਜੱਜ ਤੇ ਅਧਿਕਾਰੀ; USCIRF ਦੀ ਰਿਪੋਰਟ ਨੂੰ ਨਕਾਰਿਆ
NEXT STORY 
