ਤਾਜ਼ਾ ਖੋਜਾਂ ਤੋਂ ਇਹ ਗੱਲ ਸਾਹਮਣੇ ਆਈ ਹੈ ਕਿ ਪਾਲਕ-ਮੇਥੀ ਵਰਗੀਆਂ ਹਰੀਆਂ ਪੱਤੇਦਾਰ ਸਬਜ਼ੀਆਂ ਦੇ ਸੇਵਨ ਨਾਲ ਯਾਦਸ਼ਕਤੀ ਬਿਹਤਰ ਕਰਨ 'ਚ ਮਦਦ ਮਿਲਦੀ ਹੈ। ਇਸ ਖੋਜ ਨਾਲ ਪਾਲਕ-ਮੇਥੀ ਦੇ ਗੁਣਾਂ 'ਚ ਇਕ ਹੋਰ ਗੁਣ ਦਾ ਵਾਧਾ ਹੋ ਗਿਆ ਹੈ। ਇਹ ਖੋਜ ਸ਼ਿਕਾਗੋ ਦੀ ਰਸ਼ ਯੂਨੀਵਰਸਿਟੀ ਦੇ ਖੋਜਕਾਰਾਂ ਵਲੋਂ ਕੀਤੀ ਗਈ ਹੈ। ਉਨ੍ਹਾਂ ਨੇ ਆਪਣੇ ਅਧਿਐਨ 'ਚ ਮੰਨਿਆ ਹੈ ਕਿ ਜੋ ਲੋਕ ਪਾਲਕ ਅਤੇ ਮੇਥੀ ਨੂੰ ਆਪਣੇ ਭੋਜਨ 'ਚ ਘੱਟ ਸ਼ਾਮਲ ਕਰਦੇ ਹਨ, ਉਨ੍ਹਾਂ ਨੂੰ ਉਮਰ ਵਧਣ ਦੇ ਨਾਲ-ਨਾਲ ਯਾਦ ਸ਼ਕਤੀ ਨਾਲ ਜੁੜੀਆਂ ਪਰੇਸ਼ਾਨੀਆਂ ਦਾ ਸਾਹਮਣੇ ਵਧੇਰੇ ਕਰਨਾ ਪੈਂਦਾ ਹੈ। ਇਸ ਖੋਜ 'ਚ 81 ਸਾਲ ਦੀ ਉਮਰ ਦੇ 950 ਵਿਅਕਤੀਆਂ ਦੀ ਮਾਨਸਿਕ ਸਿਹਤ ਦੀ 19 ਤਰੀਕਿਆਂ ਨਾਲ ਜਾਂਚ ਕੀਤੀ ਗਈ ਅਤੇ ਇਸੇ ਅਧਾਰ 'ਤੇ ਇਹ ਨਤੀਜਾ ਕੱਢਿਆ ਗਿਆ ਹੈ। ਉਨ੍ਹਾਂ ਨੇ ਸਿੱਟਾ ਕੱਢਿਆ ਕਿ ਜੋ ਲੋਕ ਰੋਜ਼ਾਨਾ ਆਪਣੇ ਭੋਜਨ 'ਚ ਇਕ ਜਾਂ ਦੋ ਵਾਰ ਪਾਲਕ ਅਤੇ ਮੇਥੀ ਦਾ ਸੇਵਨ ਕਰਦੇ ਹਨ, ਉਨ੍ਹਾਂ ਦੀ ਯਾਦ ਸ਼ਕਤੀ ਹੋਰ 11 ਸਾਲਾਂ ਤੱਕ ਕੰਮ ਕਰ ਸਕਦੀ ਹੈ।
ਖੋਜਕਾਰ ਮਾਰਥਾ ਕਲੇਅਰ ਅਨੁਸਾਰ, ''ਮੇਥੀ ਵਰਗੀ ਹਰੀ ਸਬਜ਼ੀ 'ਚ ਵਿਟਾਮਿਨ ਕਾਫੀ ਮਾਤਰਾ 'ਚ ਹੁੰਦਾ ਹੈ, ਜੋ ਅਲਜ਼ਾਈਮਰ ਅਤੇ ਡਿਮੈਂਸ਼ੀਆ ਵਰਗੇ ਮਾਨਸਿਕ ਰੋਗਾਂ ਨਾਲ ਲੜਨ 'ਚ ਮਦਦ ਕਰਦਾ ਹੈ ਅਤੇ ਦਿਮਾਗ ਨੂੰ ਤੇਜ਼ ਕਰਦਾ ਹੈ।'' ਕਿਉਂਕਿ ਅਕਸਰ ਉਮਰ ਵਧਣ ਦੇ ਨਾਲ-ਨਾਲ ਲੋਕਾਂ ਦੀ ਯਾਦ ਸ਼ਕਤੀ ਵੀ ਜਵਾਬ ਦੇਣ ਲੱਗਦੀ ਹੈ। ਇਸ ਖੋਜ ਨੂੰ ਬੋਸਟਨ ਬਾਇਓਲੌਜੀ ਸੰਮੇਲਨ 'ਚ ਪੇਸ਼ ਕੀਤਾ ਜਾ ਚੁੱਕਾ ਹੈ। ਇਸ ਤੋਂ ਇਲਾਵਾ ਸਾਗ 'ਚ ਵਿਟਾਮਿਨ ਅਤੇ ਮਿਨਰਲਸ ਦੀ ਬਹੁਤਾਤ ਹੁੰਦੀ ਹੈ, ਜੋ ਸਿਹਤ ਸੰਬੰਧੀ ਬਹੁਤ ਸਾਰੀਆਂ ਸਮੱਸਿਆਵਾਂ ਨੂੰ ਦੂਰ ਕਰਨ 'ਚ ਫਾਇਦੇਮੰਦ ਮੰਨੇ ਜਾਂਦੇ ਹਨ।
ਮੱਖਣ ਵਾਂਗ ਪਿਘਲੇਗੀ ਤੁਹਾਡੀ ਫੈਟ ਜੇ...
NEXT STORY 
