ਮੁੰਬਈ- ਟੀਵੀ ਅਭਿਨੇਤਰੀ ਦੀਪਸ਼ਿਖਾ ਦਾ ਆਪਣੇ ਦੂਜੇ ਪਤੀ ਨਾਲ ਵੀ ਤਲਾਕ ਹੋਣ ਜਾ ਰਿਹਾ ਹੈ। ਦੀਪਸ਼ਿਕਾ ਦੀ ਆਪਣੇ ਦੂਜੇ ਪਤੀ ਕੇਸ਼ਵ ਅਰੋੜਾ ਨਾਲ ਬਿਲਕੁਲ ਵੀ ਨਹੀਂ ਬਣਦੀ ਹੈ। ਦੀਪਸ਼ਿਖਾ ਨੇ ਇਕ ਅੰਗਰੇਜੀ ਅਖਬਾਰ ਨੂੰ ਦੱਸਿਆ, ''ਕੇਸ਼ਵ ਨਾਲ ਹੁਣ ਮੈਂ ਨਹੀਂ ਰਹਿਣਾ ਚਾਹੁੰਦੀ ਅਤੇ ਮੇਰੇ ਤੇ ਕੇਸ਼ਵ 'ਚ ਕਾਫੀ ਅੰਤਰ ਹੈ। ਮੈਂ ਕੇਸ਼ਵ ਨਾਲ ਆਪਣੀ ਅੱਗੇ ਦੀ ਜ਼ਿੰਦਗੀ ਨਹੀਂ ਬਿਤਾ ਸਕਦੀ। ਮੈਂ ਆਪਣੀ ਜ਼ਿੰਦਗੀ 'ਚ ਕਾਫੀ ਉਤਰਾਅ-ਚੜਾਅ ਦੇਖੇ ਹਨ ਪਰ ਪਿਛਲੇ 8 ਮਹੀਨਿਆਂ 'ਚ ਕੇਸ਼ਵ ਨਾਲ ਰਹਿੰਦੇ ਹੋਏ ਮੈਨੂੰ ਨਰਕ ਲੱਗਦਾ ਹੈ।''
ਦੀਪਸ਼ਿਖਾ ਨੇ ਦੱਸਿਆ, ''ਇਕ ਦਿਨ ਮੈਂ ਪਰੇਸ਼ਾਨ ਹੋ ਕੇ ਕੇਸ਼ਵ ਨੂੰ ਕਿਹਾ ਕਿ ਹੁਣ ਮੈਂ ਤੁਹਾਡੇ ਨਾਲ ਨਹੀਂ ਰਹਿ ਸਕਦੀ, ਮੈਨੂੰ ਤਲਾਕ ਚਾਹੀਦਾ ਹੈ। ਤਲਾਕ ਦੀ ਗੱਲ 'ਤੇ ਹੈਰਾਨ ਹੋਣ ਦੀ ਬਜਾਏ ਕੇਸ਼ਵ ਨੇ ਮੈਨੂੰ ਕਿਹਾ ਕਿ ਮੇਰੇ ਪੈਸੇ ਮੈਨੂੰ ਚਾਹੀਦੇ ਹਨ। ਮੈਂ ਦੋ ਸਾਲ ਤੱਕ ਤੇਰੇ ਸ਼ੋਅ 'ਚ ਕੰਮ ਕੀਤਾ ਹੈ। ਇਹ ਸ਼ੋਅ ਮੈਂ ਆਪਣੇ ਇਕ ਦੋਸਤ ਨਾਲ ਮਿਲ ਕੇ ਬਣਾਇਆ ਹੈ। ਇਸ 'ਤੇ ਮੈ ਕਿਹਾ ਸੀ ਕਿ ਅਸੀਂ ਹਿਸਾਬ ਕਰ ਲਵਾਂਗੇ ਪਰ ਉਹ ਇਸ ਦੇ ਲਈ ਤਿਆਰ ਨਹੀਂ ਹੈ।''
ਦੀਪਸ਼ਿਖਾ ਨੇ ਦੱਸਿਆ, ''ਕੇਸ਼ਵ ਮੇਰੇ ਤੋਂ ਡੇਢ ਕਰੋੜ ਮੰਗ ਰਿਹਾ ਹੈ। ਮੈਂ ਅਜਿਹੀ ਮਹਿਲਾ ਹਾਂ ਜੋ ਆਪਣੇ ਘਰ ਲਈ ਖੁਦ ਕਮਾਉਂਦੀ ਹਾਂ। ਮੈਂ ਆਪਣੇ ਪਤੀ ਤੋਂ ਇਕ ਪੈਸਾ ਨਹੀਂ ਲੈਂਦੀ ਅਤੇ ਨਾ ਹੀ ਆਪਣੇ ਘਰ ਵਾਲਿਆਂ ਤੋਂ ਕੁਝ ਮੰਗਦੀ ਹਾਂ। ਜੇਕਰ ਮੈਂ ਕੇਸ਼ਵ ਨੂੰ ਡੇਢ ਕਰੋੜ ਰੁਪਏ ਦੇ ਦਿੱਤੇ ਤਾਂ ਮੈਂ ਸੜਕ 'ਤੇ ਆ ਜਾਵਾਂਗੀ।'' ਤੁਹਾਨੂੰ ਦੱਸ ਦਈਏ ਪਹਿਲੇ ਪਤੀ ਤੋਂ ਤਲਾਕ ਲੈਣ ਤੋਂ ਬਾਅਦ ਤਿੰਨ ਸਾਲ ਤੱਕ ਕੇਸ਼ਵ ਨਾਲ ਲਿਵ-ਇਨ-ਰਿਲੇਸ਼ਨ 'ਚ ਰਹਿਣ ਤੋਂ ਬਾਅਦ ਉਸ ਨਾਲ ਵਿਆਹ ਕਰ ਲਿਆ ਸੀ।
ਸਲਮਾਨ ਖਾਨ ਦੀ ਅਦਾਕਾਰਾ ਬਣਾਉਣ ਦੇ ਨਾਂ 'ਤੇ ਕੀਤਾ ਲੜਕੀ ਨਾਲ ਬਲਾਤਕਾਰ
NEXT STORY 
