ਪੁਲਸ ਮੁਲਾਜ਼ਮਾਂ ਲਈ ਵੱਡੇ ਖ਼ਤਰੇ ਦੀ ਘੰਟੀ! ਹੈਰਾਨ ਕਰ ਦੇਵੇਗੀ ਇਹ ਰਿਪੋਰਟ

ਚੰਡੀਗੜ੍ਹ (ਪਾਲ) : ਟ੍ਰੈਫਿਕ ਜਾਮ, ਹਾਰਨ ਦਾ ਸ਼ੌਰ ਅਤੇ ਲਗਾਤਾਰ ਵੱਧ ਰਹੀ ਵਾਹਨਾਂ ਦੀ ਗਿਣਤੀ ਨਾ ਸਿਰਫ਼ ਆਮ ਨਾਗਰਿਕਾਂ ਲਈ ਪਰੇਸ਼ਾਨੀ ਦਾ ਕਾਰਨ ਹੈ, ਸਗੋਂ ਸ਼ਹਿਰ ਦੀ ਟ੍ਰੈਫਿਕ ਪੁਲਸ ਦੀ ਸਿਹਤ ’ਤੇ ਵੀ ਇਸਦਾ ਡੂੰਘਾ ਅਸਰ ਪੈ ਰਿਹਾ ਹੈ। ਪੀ. ਜੀ. ਆਈ. ਦੇ ਸਕੂਲ ਆਫ਼ ਪਬਲਿਕ ਹੈਲਥ ਵਲੋਂ ਹਾਲ ਹੀ 'ਚ ਕੀਤੀ ਗਈ ਖੋਜ ’ਚ ਇਹ ਖ਼ੁਲਾਸਾ ਹੋਇਆ ਹੈ ਕਿ ਚੰਡੀਗੜ੍ਹ ਦੇ ਟ੍ਰੈਫਿਕ ਪੁਲਸ ਮੁਲਾਜ਼ਮ ਲਗਾਤਾਰ ਸ਼ੋਰ ਪ੍ਰਦੂਸ਼ਣ ਦੇ ਸ਼ਿਕਾਰ ਹੋ ਰਹੇ ਹਨ, ਜਿਸ ਨਾਲ ਉਨ੍ਹਾਂ ਨੂੰ ਮਾਨਸਿਕ ਤਣਾਅ, ਚਿੜਚਿੜਾਪਨ, ਸਿਰਦਰਦ, ਨੀਂਦ ਦੀ ਘਾਟ, ਹਾਈ ਬਲੱਡ ਪ੍ਰੈਸ਼ਰ ਅਤੇ ਇੱਥੋਂ ਤੱਕ ਕਿ ਦਿਲ ਦੀਆਂ ਬਿਮਾਰੀਆਂ ਦਾ ਖ਼ਤਰਾ ਵੀ ਵੱਧ ਰਿਹਾ ਹੈ। ਇਸ ਅਧਿਐਨ ਦੀ ਅਗਵਾਈ ਪ੍ਰੋ. ਰਵਿੰਦਰ ਖੈਵਾਲ ਨੇ ਕੀਤੀ, ਉਨ੍ਹਾਂ ਦੇ ਨਾਲ ਡਾ. ਅਵਿਨਾਸ਼ ਸ਼ਰੋਫ ਅਤੇ ਡਾ. ਸੁਮਨ ਮੋਰ ਵੀ ਸ਼ਾਮਲ ਸਨ। ਇਹ ਅਧਿਐਨ ਇੰਡੀਅਨ ਜਰਨਲ ਆਫ਼ ਪਬਲਿਕ ਹੈਲਥ ’ਚ ਪ੍ਰਕਾਸ਼ਿਤ ਹੋਇਆ ਹੈ। ਇਸ ’ਚ 422 ਟ੍ਰੈਫਿਕ ਪੁਲਸ ਮੁਲਾਜ਼ਮਾਂ ਨੂੰ ਸ਼ਾਮਲ ਕੀਤਾ ਗਿਆ, ਜਿਨ੍ਹਾਂ ’ਚੋਂ 100 ਪੁਲਸ ਮੁਲਾਜ਼ਮਾਂ ਨੂੰ ਟ੍ਰੈਫਿਕ ਡਿਊਟੀ ਤੋਂ ਅਤੇ 100 ਨੂੰ ਦਫ਼ਤਰ ਡਿਊਟੀ ਤੋਂ ਚੁਣਿਆ ਗਿਆ। ਤੁਲਨਾ ਕਰਨ ’ਤੇ ਸਾਹਮਣੇ ਆਇਆ ਕਿ 96 ਫ਼ੀਸਦੀ ਟ੍ਰੈਫਿਕ ਪੁਲਸ ਮੁਲਾਜ਼ਮ ਰੋਜ਼ਾਨਾ 10 ਘੰਟੇ ਤੋਂ ਵੱਧ ਸਮਾਂ ਸ਼ੋਰ ਵਾਲੇ ਮਾਹੌਲ ’ਚ ਬਿਤਾਉਂਦੇ ਹਨ, ਜਦੋਂ ਕਿ ਦਫ਼ਤਰ ਡਿਊਟੀ ਵਾਲੇ ਪੁਲਸ ਮੁਲਾਜ਼ਮ ’ਚ ਇਹ ਅੰਕੜਾ 69 ਫ਼ੀਸਦੀ ਸੀ।

ਇਹ ਵੀ ਪੜ੍ਹੋ : ਪੰਜਾਬ 'ਚ ਵੀਰਵਾਰ ਨੂੰ ਸਰਕਾਰੀ ਛੁੱਟੀ ਦਾ ਐਲਾਨ! ਮੁਲਾਜ਼ਮਾਂ ਦੀਆਂ ਲੱਗੀਆਂ ਮੌਜਾਂ
ਅਧਿਐਨ ’ਚ ਆਏ ਹੈਰਾਨ ਕਰਨ ਵਾਲੇ ਨਤੀਜੇ
ਅਧਿਐਨ ’ਚ ਪਾਇਆ ਗਿਆ ਕਿ 56 ਫ਼ੀਸਦੀ ਟ੍ਰੈਫਿਕ ਪੁਲਸ ਮੁਲਾਜ਼ਮਾਂ ਨੂੰ ਕੰਨਾਂ ’ਚ ਲਗਾਤਾਰ ਆਵਾਜ਼ (ਟਿਨਿਟਸ) ਦੀ ਸਮੱਸਿਆ ਹੈ, ਜਦੋਂ ਕਿ ਦਫ਼ਤਰ ਡਿਊਟੀ ਵਾਲੇ ਪੁਲਸ ਮੁਲਾਜ਼ਮਾਂ ’ਚ ਇਹ ਸਮੱਸਿਆ ਸਿਰਫ 29 ਫ਼ੀਸਦੀ ਨੂੰ ਹੀ ਸੀ। ਇਸ ਤੋਂ ਇਲਾਵਾ ਤਣਾਅ ਅਤੇ ਚਿੜਚਿੜੇਪਨ ਵਰਗੀ ਮਾਨਸਿਕ ਸਮੱਸਿਆਵਾਂ ਟ੍ਰੈਫਿਕ ਡਿਊਟੀ ਵਾਲੇ ਪੁਲਸ ਮੁਲਾਜ਼ਮਾਂ ’ਚ ਕਾਫ਼ੀ ਜ਼ਿਆਦਾ ਦੇਖੀ ਗਈ। ਡਾ. ਖੈਵਾਲ ਦੱਸਦੇ ਹਨ ਕਿ ਅਧਿਐਨ ’ਚ ਇਹ ਸਪੱਸ਼ਟ ਹੋਇਆ ਕਿ ਸ਼ੋਰ ਪ੍ਰਦੂਸ਼ਣ ਸਿਰਫ਼ ਸੁਣਨ ਦੀ ਸਮਰੱਥਾ ਨੂੰ ਹੀ ਪ੍ਰਭਾਵਿਤ ਨਹੀਂ ਕਰਦਾ, ਸਗੋਂ ਨੀਂਦ ਦੀ ਸਮੱਸਿਆ, ਤਣਾਅ, ਹਾਈਪਰਟੈਨਸ਼ਨ ਅਤੇ ਦਿਲ ਦੀ ਬਿਮਾਰੀ ਵਰਗੀਆਂ ਗੰਭੀਰ ਪਰੇਸ਼ਾਨੀਆਂ ਦਾ ਕਾਰਨ ਵੀ ਬਣ ਰਿਹਾ ਹੈ। 80 ਫ਼ੀਸਦੀ ਤੋਂ ਵੱਧ ਟ੍ਰੈਫਿਕ ਪੁਲਸ ਮੁਲਾਜ਼ਮ ਤਣਾਅ ਤੋਂ ਪੀੜਤ ਹਨ।

ਇਹ ਵੀ ਪੜ੍ਹੋ : ਪੰਜਾਬ 'ਚ ਪਵੇਗੀ ਰਿਕਾਰਡ ਤੋੜ ਠੰਡ! ਜਾਰੀ ਹੋਈ ਨਵੀਂ ਭਵਿੱਖਬਾਣੀ, ਲੋਕ ਪਹਿਲਾਂ ਹੀ ਕਰ ਲੈਣ ਤਿਆਰੀ
ਸ਼ਹਿਰ ਦਾ ਸ਼ੋਰ ਪੱਧਰ ਡਬਲਿਊ. ਐੱਚ. ਓ. ਦੀ ਸੀਮਾ ਤੋਂ ਵੱਧ
ਚੰਡੀਗੜ੍ਹ ਦੇ 11 ਪ੍ਰਮੁੱਖ ਟ੍ਰੈਫਿਕ ਪੁਆਇੰਟਾਂ ’ਤੇ ਸ਼ੋਰ ਪੱਧਰ ਮਾਪਿਆ ਗਿਆ। ਨਤੀਜਿਆਂ ’ਚ ਸਾਹਮਣੇ ਆਇਆ ਕਿ ਸਭ ਤੋਂ ਵੱਧ ਸ਼ੋਰ ਏਅਰਪੋਰਟ ਲਾਈਟ ਪੁਆਇੰਟ ਜੰਕਸ਼ਨ ’ਤੇ ਪਾਇਆ ਗਿਆ, ਜਿੱਥੇ ਸ਼ੋਰ ਦਾ ਪੱਧਰ 79.9-78.8 ਡੈਸੀਬਲ ਤੱਕ ਪਹੁੰਚ ਗਿਆ। ਜਦੋਂਕਿ ਸਭ ਤੋਂ ਘੱਟ ਸ਼ੋਰ ਸੁਖਨਾ ਝੀਲ ਦੇ ਐਂਟਰੀ ਪੁਆਇੰਟ ’ਤੇ ਦਰਜ ਹੋਇਆ, ਜੋ 72.0-69.89 ਡੈਸੀਬਲ ਸੀ। ਔਸਤਨ ਸ਼ਹਿਰ ਦੇ ਸਾਰੇ ਟ੍ਰੈਫਿਕ ਪੁਆਇੰਟਾਂ ’ਤੇ ਸ਼ੋਰ ਦਾ ਪੱਧਰ 76 ਡੈਸੀਬਲ ਤੋਂ ਵੱਧ ਰਿਹਾ, ਜੋ ਕਿ ਵਿਸ਼ਵ ਸਿਹਤ ਸੰਗਠਨ ਵੱਲੋਂ ਤੈਅ ਕੀਤੀ ਗਈ 65 ਡੈਸੀਬਲ ਦੀ ਸੁਰੱਖਿਅਤ ਸੀਮਾ ਤੋਂ ਕਾਫ਼ੀ ਜ਼ਿਆਦਾ ਹੈ।
ਵਾਹਨਾਂ ਦੀ ਭੀੜ ਕਾਰਨ ਵੱਧ ਰਿਹਾ ਸ਼ੋਰ ਪ੍ਰਦੂਸ਼ਣ
ਅਧਿਐਨ ’ਚ ਦੱਸਿਆ ਗਿਆ ਕਿ ਚੰਡੀਗੜ੍ਹ ’ਚ ਵਾਹਨ ਘਣਤਾ 4400 ਵਾਹਨ ਪ੍ਰਤੀ ਕਿਲੋਮੀਟਰ ਹੈ, ਜੋ ਕਿ ਦਿੱਲੀ ਨਾਲੋਂ ਲਗਭਗ ਦੁੱਗਣਾ ਹੈ। ਵਾਹਨਾਂ ਦਾ ਬਹੁਤ ਜ਼ਿਆਦਾ ਹੋਣ ਕਾਰਨ ਟ੍ਰੈਫਿਕ ਜਾਮ ਅਤੇ ਸ਼ੋਰ ਦੋਵੇਂ ਵੱਧ ਰਹੇ ਹਨ। ਡਾ. ਖੈਵਾਲ ਕਹਿੰਦੇ ਹਨ ਕਿ ਟਰੈਫਿਕ ਪੁਲਸ ਮੁਲਾਜ਼ਮ ਲਗਾਤਾਰ ਸ਼ੋਰ ਦੇ ਵਿਚਕਾਰ ਕੰਮ ਕਰਦੇ ਹਨ ਅਤੇ ਉਨ੍ਹਾਂ ਨੂੰ ਇਹ ਇੱਕ ਗੰਭੀਰ ਕਿੱਤਾਮੁਖੀ ਖ਼ਤਰਾ ਮੰਨਣਾ ਚਾਹੀਦਾ। ਦੁੱਖ ਦੀ ਗੱਲ ਹੈ ਕਿ ਜ਼ਿਆਦਾਤਰ ਪੁਲਸ ਮੁਲਾਜ਼ਮ ਇਸ ਨੂੰ ਖ਼ਤਰਾ ਨਹੀਂ ਮੰਨਦੇ ਅਤੇ ਕੰਨ ਢੱਕਣ ਵਾਲੇ ਈਅਰਪਲੱਗ ਜਾਂ ਈਅਰਮਫਸ ਵਰਗੇ ਸੁਰੱਖਿਆ ਉਪਕਰਣਾਂ ਦੀ ਵਰਤੋਂ ਨਹੀਂ ਕਰਦੇ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8