ਅੰਮ੍ਰਿਤਸਰ (ਰਮਨ)- ਸਵੱਛਤਾ ਸਰਵੇਖਣ ਰੈਂਕਿੰਗ-2023 ਦੇ ਨਤੀਜਿਆਂ ’ਚ ਨਗਰ ਨਿਗਮ ਅੰਮ੍ਰਿਤਸਰ ਪੰਜਾਬ ਵਿਚੋਂ ਲੁਧਿਆਣਾ ਸਮੇਤ ਕਈ ਸ਼ਹਿਰਾਂ ਨੂੰ ਪਛਾੜ ਕੇ ਅੱਗੇ ਆ ਗਿਆ ਹੈ। ਦੇਸ਼ ਭਰ ਵਿਚ ਹਰ ਸਾਲ ਸ਼ਵੱਛਤਾ ਸਰਵੇਖਣ ਕਰਵਾਇਆ ਜਾਂਦਾ ਹੈ, ਜਿਸ ਵਿਚ ਹਰ ਸ਼ਹਿਰ ਨੂੰ ਰੈਂਕਿੰਗ ਮਿਲਦੀ ਹੈ। ਪਹਿਲਾਂ ਅੰਮ੍ਰਿਤਸਰ ਨਗਰ ਨਿਗਮ 10 ਲੱਖ ਦੇ ਉਪਰ ਸ਼ਹਿਰਾਂ ਦੀ ਕੈਟਾਗਰੀ ਵਿਚ ਸੀ, ਬਾਅਦ ਵਿਚ ਸਰਕਾਰ ਵੱਲੋਂ ਉਸ ਨੂੰ ਖ਼ਤਮ ਕਰ ਦਿੱਤਾ ਗਿਆ ਅਤੇ ਇਕ ਲੱਖ ਤੋਂ ਉੱਪਰ ਦੇ ਸ਼ਹਿਰਾਂ ਦੀ ਰੈਂਕਿੰਗ ਵਾਲਾ ਗਰੁੱਪ ਬਣਾਇਆ ਗਿਆ, ਜਿਸ ਵਿਚ 446 ਸ਼ਹਿਰਾਂ ਵਿੱਚੋਂ 142ਵਾਂ ਰੈਂਕ ਹਾਸਲ ਕੀਤਾ ਹੈ। ਜੇਕਰ 100 ਵਿੱਚੋਂ ਅੰਕ ਮੰਨੀਏ ਤਾਂ 33 ਅੰਕ ਪ੍ਰਾਪਤ ਕੀਤੇ ਹਨ। ਪਿਛਲੇ ਸਾਲ ਰੈਂਕਿੰਗ ਕਾਫ਼ੀ ਡਿੱਗੀ ਸੀ ਪਰ ਇਸ ਵਾਰ ਰੈਂਕਿੰਗ ਵਿਚ ਕਾਫ਼ੀ ਸੁਧਾਰ ਆਇਆ ਹੈ। ਸਵੱਛਤਾ ਸਰਵੇਖਣ ਨੂੰ ਲੈ ਕੇ ਸਿਹਤ ਅਧਿਕਾਰੀ ਡਾ. ਯੋਗੇਸ਼ ਅਰੋੜਾ ਨੂੰ ਕਮਾਂਡ ਸੌਂਪੀ ਗਈ ਸੀ, ਜਿਸ ਦੌਰਾਨ ਉਨ੍ਹਾਂ ਵੱਲੋਂ ਅਤੇ ਟੀਮ ਦੀ ਮਿਹਨਤ ਨਾਲ ਅੰਮ੍ਰਿਤਸਰ ਨਗਰ ਨਿਗਮ ਨੇ ਪੰਜਾਬ ਦੇ ਕਈ ਸ਼ਹਿਰਾਂ ਨੂੰ ਪਿੱਛੇ ਛੱਡ ਕੇ 142ਵਾਂ ਰੈਂਕ ਹਾਸਲ ਕੀਤਾ ਹੈ।
ਇਹ ਵੀ ਪੜ੍ਹੋ : ਪੰਜਾਬ ’ਚ ਵਾਪਰਿਆ ਵੱਡਾ ਹਾਦਸਾ, ਧਾਰਮਿਕ ਸਥਾਨਾਂ ਤੋਂ ਪਰਤ ਰਹੇ 4 ਨੌਜਵਾਨਾਂ ਦੀ ਮੌਤ
ਪੰਜਾਬ ਦੇ ਸ਼ਹਿਰਾਂ ਵਿੱਚੋਂ ਛੇਵੇਂ ਨੰਬਰ ’ਤੇ
ਪੰਜਾਬ ਵਿਚ ਸਵੱਛਤਾ ਸਰਵੇਖਣ ਦੀ ਰੈਂਕਿੰਗ ਵਿਚ ਨੰ. 1 ਐੱਸ. ਏ. ਐੱਸ. ਨਗਰ ਮੋਹਾਲੀ 82ਵਾਂ ਰੈਂਕ, ਨੰ. 2 ਅਬੋਹਰ 105ਵਾਂ ਰੈਂਕ, ਨੰ.3 ਪਟਿਆਲਾ 120ਵਾਂ, ਨੰ. 4. ਬਠਿੰਡਾ 121ਵਾਂ ਰੈਂਕ, ਨੰ. 5 ਫ਼ਿਰੋਜ਼ਪੁਰ 127ਵਾਂ, ਨੰ.6 ਅੰਮ੍ਰਿਤਸਰ 142ਵਾਂ, ਨੰ.7 ਖੰਨਾ 153ਵਾਂ, ਨੰ.8 ਹੁਸ਼ਿਆਰਪੁਰ 159ਵਾਂ, ਨੰ.9 ਮੁਸਤਸਰ 170ਵਾਂ, ਨੰ.10 ਲੁਧਿਆਣਾ 207ਵਾਂ, ਨੰ.11 ਪਠਾਨਕੋਟ 208ਵਾਂ, ਨੰ.12 ਬਰਨਾਲਾ 233ਵਾਂ, ਨੰ.13. ਜਲੰਧਰ 239ਵਾਂ, ਨੰ. 14 ਮੋਗਾ 246ਵਾਂ, ਨੰ. 15. ਮਾਲੇਰਕੋਟਲਾ 271ਵਾਂ ਅਤੇ ਨੰ. 16. ਬਟਾਲਾ ਨੇ 297ਵਾਂ ਰੈਂਕ ਹਾਸਲ ਕੀਤਾ ਹੈ।
ਇਹ ਵੀ ਪੜ੍ਹੋ : ਸੁਖਬੀਰ ਬਾਦਲ ਨੇ ਮੁੱਖ ਮੰਤਰੀ ਭਗਵੰਤ ਮਾਨ ਖ਼ਿਲਾਫ਼ ਦਾਇਰ ਕੀਤਾ ਮਾਣਹਾਨੀ ਮੁਕੱਦਮਾ
ਸਮਾਰਟ ਸਿਟੀ ਮਸ਼ੀਨਰੀ ਨੇ ਰੈਂਕਿੰਗ ਵਧਾ ਦਿੱਤੀ
ਸ਼ਹਿਰ ਦੀਆਂ ਸੜਕਾਂ ਦੀ ਸਾਫ਼-ਸਫ਼ਾਈ ਸਬੰਧੀ ਸਮਾਰਟ ਸਿਟੀ ਪ੍ਰਾਜੈਕਟ ਰਾਹੀਂ ਖ਼ਰੀਦੀ ਗਈ ਰੋਡ ਸਵੀਪਿੰਗ ਮਸ਼ੀਨਰੀ ਨੇ ਸੜਕਾਂ ਨੂੰ ਸਾਫ਼-ਸੁਥਰਾ ਰੱਖਿਆ ਹੈ, ਜਿਸ ਕਾਰਨ ਦਰਜਾਬੰਦੀ ਵਿੱਚ ਕਾਫ਼ੀ ਸੁਧਾਰ ਹੋਇਆ ਹੈ। ਬੀਤੇ ਦਿਨ ਵੀ ਨਗਰ ਨਿਗਮ ਨੂੰ ਇੱਕ ਹੋਰ ਵਾਹਨ ਮਿਲਿਆ ਹੈ, ਜੋ ਸੜਕਾਂ ’ਤੇ ਜਮ੍ਹਾਂ ਹੋਈ ਧੂੜ ਅਤੇ ਮਿੱਟੀ ਨੂੰ ਸਾਫ਼ ਕਰਨ ਵਿੱਚ ਸਹਾਈ ਹੁੰਦਾ ਹੈ। ਇਸ ਸਬੰਧੀ ਰੋਡ ਰੋਸਟਰ ਬਣਾਏ ਗਏ ਹਨ।
ਇਹ ਵੀ ਪੜ੍ਹੋ : ਡੌਂਕੀ ਲਾ ਕੇ ਅਮਰੀਕਾ ਜਾ ਰਹੇ ਨੌਜਵਾਨ ਨਾਲ ਵਾਪਰਿਆ ਭਾਣਾ, ਪਰਿਵਾਰ ਦਾ ਰੋ-ਰੋ ਬੁਰਾ ਹਾਲ
ਡੋਰ-ਟੂ-ਡੋਰ ਕੂੜਾ ਚੁੱਕਣ ਨਾਲ ਰੈਂਕਿੰਗ ਪ੍ਰਭਾਵਿਤ
ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ ਸ਼ਹਿਰ ਵਿਚ ਸਫ਼ਾਈ ਦਾ ਦਰਜਾ ਘੱਟ ਹੋਣ ਕਾਰਨ ਘਰ-ਘਰ ਜਾ ਕੇ ਕੂੜਾ ਚੁੱਕਣ ਦਾ ਕੰਮ ਚੱਲ ਰਿਹਾ ਹੈ। ਜਦੋਂ ਲੋਕਾਂ ਦੀ ਫੀਡਬੈਕ ਮਿਲੀ ਤਾਂ ਮੁੱਖ ਸਮੱਸਿਆ ਘਰਾਂ ਵਿੱਚੋਂ ਕੂੜਾ ਚੁੱਕਣ ਦੀ ਹੈ। ਸ਼ਹਿਰ ਦੇ 85 ਵਾਰਡਾਂ ਵਿਚ ਕਈ ਅਜਿਹੇ ਵਾਰਡ ਹਨ ਜਿਨ੍ਹਾਂ ਵਿੱਚ ਕਈ ਇਲਾਕਿਆਂ ਵਿੱਚ ਕਈ-ਕਈ ਦਿਨ ਵਾਹਨ ਨਹੀਂ ਜਾਂਦੇ, ਜਿਸ ਕਾਰਨ ਲੋਕ ਸਫ਼ਾਈ ਸਬੰਧੀ ਸਹੀ ਫੀਡਬੈਕ ਨਹੀਂ ਦਿੰਦੇ। ਸਾਬਕਾ ਕਮਿਸ਼ਨਰ ਆਈ. ਏ. ਐੱਸ. ਰਾਹੁਲ ਨੇ ਕੰਪਨੀ ਖ਼ਿਲਾਫ਼ ਵੱਡੀ ਕਾਰਵਾਈ ਕਰਨ ਦੀ ਤਿਆਰੀ ਕੀਤੀ ਸੀ ਪਰ ਉਨ੍ਹਾਂ ਦਾ ਤਬਾਦਲਾ ਕਰ ਦਿੱਤਾ ਗਿਆ। ਜੇ ਉਹ ਇੱਥੇ ਹੁੰਦਾ ਤਾਂ ਕੰਪਨੀ ਦਾ ਬੋਰੀ ਬਿਸਤਰਾ ਹੁਣ ਤੱਕ ਗੋਲ ਹੋ ਚੁੱਕਾ ਹੁੰਦਾ। ਜਦੋਂ ਵੀ ਸ਼ਹਿਰ ਦਾ ਕੋਈ ਕਮਿਸ਼ਨਰ ਕਿਸੇ ਕੰਪਨੀ ’ਤੇ ਕਾਬੂ ਪਾ ਕੇ ਉਸ ਖ਼ਿਲਾਫ਼ ਕਾਰਵਾਈ ਕਰਨ ਦਾ ਫ਼ੈਸਲਾ ਕਰਦਾ ਹੈ ਤਾਂ ਉਸ ਦੀ ਬਦਲੀ ਹੋ ਜਾਂਦੀ ਹੈ। ਹਰ ਕਮਿਸ਼ਨਰ ਕੰਪਨੀ ਦੇ ਕੰਮਕਾਜ ਤੋਂ ਨਾਖੁਸ਼ ਹੈ, ਜਦਕਿ ਸ਼ਹਿਰ ਵਾਸੀ ਇਸ ਨੂੰ ਕੋਸਦੇ ਨਜ਼ਰ ਆ ਰਹੇ ਹਨ।
ਇਹ ਵੀ ਪੜ੍ਹੋ : ਪਾਕਿਸਤਾਨ ਦੀ ਡਰੋਨ ਸਾਜ਼ਿਸ਼ ਨੂੰ ਨਾਕਾਮ ਕਰਨ ਲਈ ਭਾਰਤ-ਪਾਕਿ ਸਰਹੱਦਾਂ ’ਤੇ ਲੱਗਣਗੇ 2 ਹਜ਼ਾਰ cctv ਕੈਮਰੇ
ਕੀ ਕਹਿੰਦੇ ਹਨ ਸਿਹਤ ਅਧਿਕਾਰੀ?
ਨਗਰ ਨਿਗਮ ਅੰਮ੍ਰਿਤਸਰ ਨੇ ਰੈਂਕਿੰਗ ਵਿੱਚ ਕਾਫ਼ੀ ਸੁਧਾਰ ਲਿਆਂਦਾ ਹੈ, ਇਸ ਸਬੰਧੀ ਹੋਰ ਵੀ ਉਪਰਾਲੇ ਕੀਤੇ ਜਾਣਗੇ ਅਤੇ ਰੈਂਕਿੰਗ ਨੂੰ ਪਹਿਲੇ ਨੰਬਰ ’ਤੇ ਲਿਆਂਦਾ ਜਾਵੇਗਾ। ਜਿਹੜੀਆਂ ਗੱਲਾਂ ਪਿੱਛੇ ਰਹਿ ਗਈਆਂ ਹਨ, ਉਨ੍ਹਾਂ 'ਤੇ ਚਰਚਾ ਕੀਤੀ ਜਾਵੇਗੀ। ਸ਼ਹਿਰ ਵਿਚ ਘਰ-ਘਰ ਜਾ ਕੇ ਲਿਫ਼ਟਿੰਗ ਅਤੇ ਸਫ਼ਾਈ ਵੱਲ ਵੀ ਵਿਸ਼ੇਸ਼ ਧਿਆਨ ਦਿੱਤਾ ਜਾਵੇਗਾ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਸਰਹੱਦੀ ਖ਼ੇਤਰ ਬਮਿਆਲ 'ਚ ਲੁੱਟ ਦੀ ਵਾਰਦਾਤ, ਪਿਸਤੌਲ ਦੀ ਨੋਕ 'ਤੇ ਵਿਅਕਤੀ ਕੋਲੋਂ ਹਜ਼ਾਰਾਂ ਦੀ ਨਕਦੀ ਖੋਹੀ
NEXT STORY 
