ਅੰਮ੍ਰਿਤਸਰ (ਸਫਰ) : ਪਤੀ ਨੇ ਦਿੱਤਾ ਪਤਨੀ ਨੂੰ ਅਨੋਖਾ ਤੋਹਫਾ! ਧੀ ਹੋਈ ਤਾਂ ਦੇਵਾਂਗਾ ਤਲਾਕ, ਪੁੱਤਰ ਹੋਇਆ ਤਾਂ ਨੌਕਰਾਣੀ ਬਣ ਕੇ ਪਈ ਰਹੀ ਦਰਵਾਜੇ 'ਤੇ ਅਤੇ ਧੀ ਦੇ ਜਨਮ ਲੈਂਦੇ ਹੀ ਸਹੁਰੇ ਵਾਲਿਆਂ ਨੇ ਤੋੜਿਆ ਨਾਤਾ, ਧੀ ਦੀ ਪਰਵਰਿਸ਼ ਲਈ ਮਹਿਲਾ ਘਰਾਂ ਵਿਚ ਮਾਂਜ ਰਹੀ ਹੈ ਭਾਂਡੇ ਇਹ ਇੱਕ ਹੀ ਕਹਾਣੀ ਦੇ ਦੋ ਪਹਿਲੂ ਹਨ। ਦੋਵੇਂ ਪਹਿਲੂ ਦਾ ਤਾਲੁਕ ਸਮਾਜ ਨਾਲ ਸਿੱਧੇ ਜੁੜਿਆ ਹੈ। ਮਹਿਲਾ ਪੁਲਸ ਥਾਣੇ ਵਿਚ ਜਿੱਥੇ ਅਜਿਹੇ ਮਾਮਲੇ ਰੋਜਾਨਾ ਪਹੁੰਚ ਰਹੇ ਹਨ ਉਥੇ ਹੀ ਅੰਮ੍ਰਿਤਸਰ ਦੀ ਫੈਮਲੀ ਕੋਰਟ ਵਿਚ ਇਨਸਾਫ ਦੇ ਆਸ 'ਚ ਰੋਜਾਨਾ ਅਣਗਿਣਤ ਮਾਮਲੇ ਪਹੁੰਚ ਰਹੇ ਹਨ। ਇੰਜ ਹੀ ਵੱਖ- ਵੱਖ ਮਾਮਲਿਆਂ ਨੂੰ ਲੈ ਕੇ ਜਗਬਾਣੀ ਦੀ ਇਹ ਸਪੈਸ਼ਲ ਰਿਪੋਰਟ ।
ਅੰਮ੍ਰਿਤਸਰ ਦੇ ਖੰਡਵਾਲਾ ਰਹਿਣ ਵਾਲੀਆਂ 4 ਭੈਣਾਂ ਵਿਚ ਸਭ ਤੋਂ ਵੱਡੀ ਧੀ ਦੇ ਵਿਆਹ ਚਾਹ ਦੀ ਦੁਕਾਨ 'ਤੇ ਗਲਾਸ ਧੋਕੇ ਘਰ ਦਾ ਗੁਜਾਰਾ ਕਰਨ ਵਾਲੇ ਮਜਬੂਰ ਪਿਉ ਨੇ ਅਜਨਾਲਾ ਵਿਚ 2014 ਵਿਚ ਕੀਤਾ ਸੀ। ਹੈਸੀਅਤ ਦੇ ਮੁਤਾਬਕ ਲਾੜੀ ਨੂੰ ਤੋਹਫੇ ਦੇ ਕੇ ਲਾੜੇ ਦੇ ਨਾਲ ਵਿਦਾ ਕੀਤਾ ਗਿਆ। ਸੁਹਾਗਰਾਤ ਦੇ ਅਗਲੇ ਦਿਨ ਪਤੀ ਨੇ ਪਤਨੀ ਨੂੰ ਅਨੋਖਾ ਤੋਹਫਾ ਦੇਣ ਦੀ ਗੱਲ ਕਹੀ। ਪਤਨੀ ਖੁਸ਼ ਸੀ। ਪਤੀ ਨੇ ਆਪਣੀ ਮਾਂ ਅਤੇ ਭਰਜਾਈ ਦੇ ਸਾਹਮਣੇ ਪਤਨੀ ਨੂੰ ਸੱਦਕੇ ਕਿਹਾ ਕਿ ਜੇਕਰ ਧੀ ਹੋਈ ਤਾਂ ਤਲਾਕ ਦੇ ਦੇਵਾਂਗੇ ਅਤੇ ਪੁੱਤਰ ਹੋਇਆ ਤਾਂ ਨੌਕਰਾਣੀ ਬਣ ਦਰਵਾਜੇ 'ਤੇ ਪਈ ਰਹਿਣਾ। ਇਸ ਤੋਂ ਜ਼ਿਆਦਾ ਮੇਰੀ ਜ਼ਿੰਦਗੀ ਵਿਚ ਮਤਲਬ ਨਹੀਂ ਰੱਖਣਾ, ਮੈਂ ਤੈਨੂੰ ਨੌਕਰਾਨੀ ਬਣਾਕੇ ਲਿਆਇਆ ਹੈ, ਮੈਨੂੰ ਖ਼ਾਨਦਾਨ ਚਾਹੀਦਾ ਹੈ ਬਸ।
ਇਹ ਗੱਲ ਸੁਣ ਪਤਨੀ ਨੂੰ ਗਹਿਰਾ ਸਦਮਾ ਲਗਾ। ਖੈਰ, ਨਸੀਬ ਨੂੰ ਕੋਸ ਕੇ ਉਹ ਸਹੁਰੇ-ਘਰ ਵਿਚ 3 ਮਹੀਨੇ ਰਹੀ। ਇਨ੍ਹਾਂ 3 ਮਹੀਨਿਆਂ ਵਿਚ ਉਸ ਦੇ ਨਾਲ ਪਸ਼ੂਆਂ ਵਰਗਾ ਰਵੱਈਆ ਹੋਇਆ। ਘਰ ਦਾ ਸਾਰਾ ਕੰਮਧੰਦਾ ਉਸ ਤੋਂ ਕਰਵਾਇਆ ਜਾਂਦਾ ਅਤੇ ਅੱਧਾ ਪੇਟ ਖਾਣਾ ਦਿੱਤਾ ਜਾਂਦਾ। ਗੱਲ-ਗੱਲ 'ਤੇ ਸੱਸ ਅਤੇ ਜਠਾਣੀ ਕੁੱਟਦੀ। ਜੇਠਾਨੀ ਦੇ ਇਸ਼ਾਰੇ 'ਤੇ ਉਸ 'ਤੇ ਕਹਰ ਟੁਟਦਾ। 3 ਮਹੀਨੇ ਬਾਅਦ ਜਦੋਂ ਉਹ ਸਹੁਰੇ-ਘਰ ਤੋਂ ਪਹਿਲੀ ਵਾਰ ਪੇਕੇ ਭੇਜ ਦਿੱਤਾ ਗਿਆ ਉਦੋਂ ਤੋਂ ਸਹੁਰੇ ਵਾਲਿਆਂ ਨੇ ਸਾਰ ਨਹੀਂ ਲਈ ।
ਜਗਬਾਣੀ ਨਾਲ ਗੱਲ ਕਰਦੇ ਹੋਏ ਲੜਕੀ ਕਹਿੰਦੀ ਹੈ ਕਿ ਮੇਰੇ ਨਾਲ ਜੋ ਹੋਇਆ ਉਹ ਵੱਖ ਗੱਲ ਹੈ, ਪਰ ਇਸ ਧੀ ਦਾ ਕੀ ਕਸੂਰ ਹੈ। ਸਹੁਰੇ-ਘਰ ਵਾਲੇ ਇੰਨ੍ਹੇ ਗਿਰੇ ਇਨਸਾਨ ਹਨ ਕਿ ਜਨਮ ਲੈਂਦੇ ਹੀ ਧੀ ਨੂੰ ਬੋਰੀ ਵਿਚ ਬੰਦ ਕਰਕੇ ਰੇਲਵੇ ਲਾਈਨਾਂ ਵਿਚ ਸੁੱਟਣ ਦੀ ਗੱਲ ਕਰ ਰਹੇ ਸਨ। ਇਹ ਗੱਲ ਮੇਰੀ ਨਨਾਣ ਨੇ ਮੈਨੂੰ ਦੱਸੀ ਕਿ ਵੱਡੀ ਭਰਜਾਈ ਅਤੇ ਭਰਾ (ਮੇਰੇ ਪਤੀ) ਮਾਂ ਦੇ ਨਾਲ ਇਸ-ਪਲਾਨਿੰਗ ਵਿਚ ਹਨ। ਮੈਂ ਧੀ ਦੀ ਜਿੰਦਗੀ ਬਚਾਉਣ ਲਈ ਦਰ-ਦਰ ਠੋਕਰਾਂ ਖਾ ਰਹੀ ਹਾਂ। ਧੀ ਦੇ ਫੀਸ ਲਈ ਉਸ ਦੇ ਦੁੱਧ ਲਈ ਪੈਸਿਆਂ ਦੀ ਮੁਹਤਾਜ ਹੋ ਗਈ ਹਾਂ, ਭਾਂਡੇ ਮਾਂਜ ਕੇ ਗੁਜਾਰਾ ਕਰ ਰਹੀ ਹਾਂ। ਮਾਂ-ਬਾਪ ਸਹਾਰਾ ਬਣੇ ਹਨ ਪਰ ਵੱਡਾ ਸਵਾਲ ਇਹ ਹੈ ਕਿ ਕਦੋਂ ਤੱਕ ਉਹ ਸਹਾਰਾ ਦੇਣਗੇ। ਕਿੱਥੇ ਗਿਆ ਸਮਾਜ ਦਾ ਨਾਅਰਾ ਬੇਟੀ ਬਚਾਓ,ਬੇਟੀ ਪੜਾਓ।
ਕੁੜੀ ਨਹੀਂ ਕੂੜਾ ਜੰਮਿਆ ਹੈ ਨੂੰਹ ਨੇ
26 ਅਕਤੂਬਰ 2015 ਵਿਚ ਧੀ ਨੇ ਜਨਮ ਲਿਆ। ਧੀ ਦੇ ਜਨਮ ਲੈਣ ਦੇ ਬਾਅਦ ਤੋਂ ਸਹੁਰੇ ਵਾਲਿਆਂ ਨੇ ਉਸ ਤੋਂ ਕਿਨਾਰਾ ਕਰ ਲਿਆ। ਸੱਸ ਨੇ ਕਿਹਾ ਕਿ ਨੂੰਹ ਨੇ ਕੁੜੀ ਨਹੀਂ ਕੂੜਾ ਜੰਮਿਆ ਹੈ। ਇਸ ਦੇ ਨਾਲ ਹੀ ਸਾਰੇ ਨਾਤੇ ਤੋੜ ਲਏ। 18 ਅਕਤੂਬਰ 2016 ਤੋਂ ਗੋਦ ਵਿਚ ਧੀ ਨੂੰ ਉਸ ਦਾ ਹੱਕ ਦਿਵਾਉਣ ਅਤੇ ਆਪਣੇ ਆਪ ਇਨਸਾਫ ਲਈ ਅਦਾਲਤ 'ਚ ਕੇਸ ਲੜ ਰਹੀ ਹੈ। 17 ਜੁਲਾਈ ਨੂੰ ਅਗਲੀ ਤਾਰੀਖ ਹੈ। ਸਹੁਰੇ-ਘਰ ਵਾਲੇ ਨਾ ਧੀ ਨੂੰ ਖਰਚੇ ਦੇ ਰਹੇ ਹਨ ਅਤੇ ਨਾ ਹੀ ਉਸ ਦਾ ਹੱਕ। ਧਮਕੀਆਂ ਦਿੰਦੇ ਹਨ ਕਿ ਕੇਸ ਵਾਪਸ ਲੈ ਲਓ ਵਰਨਾਜਿੰਦਗੀ ਤੋਂ ਹੱਥ ਮਾਂ-ਧੀ ਧੋ ਬੈਠਣਗੀਆਂ। ਇਸ ਬਾਰੇ ਵਿਚ ਸਹੁਰੇ-ਘਰ ਪੱਖ ਦੇ ਖਿਲਾਫ ਪੁਲਸ ਵਿਚ ਸ਼ਿਕਾਇਤ ਵੀ ਦਿੱਤੀ ਸੀ ਪਰ ਪੁਲਸ ਨੇ ਘਰੇਲੂ ਮਾਮਲਾ ਦੱਸ ਕੇ ਥਾਣੇ ਤੋਂ ਮਹਿਲਾ ਪੱਖ ਨੂੰ ਭੇਜ ਦਿੱਤਾ।
ਮਹਿਲਾ ਥਾਣਾ ਦੀ ਮੁੱਖੀ ਇੰਸਪੈਕਟਰ ਰਾਜਵੀਰ ਕੌਰ ਕਹਿੰਦੀ ਹੈ ਕਿ ਔਰਤਾਂ ਨੂੰ ਆਦਮੀਆਂ ਦੀ ਤੁਲਣਾ 'ਚ ਬਰਾਬਰੀ ਦੀ ਹਿੱਸੇਦਾਰੀ ਅੱਜ ਵੀ ਸਮਾਜ 'ਚ ਸ਼ਾਇਦ ਨਹੀਂ ਦਿੱਤੀ ਜਾ ਰਹੀ ਹੈ। ਔਰਤਾਂ ਦੇ ਉਤਪੀੜਤ ਦੇ ਮਾਮਲੇ ਹਾਈਟੈਕ ਜਮਾਨੇ ਵਿਚ ਤੇਜੀ ਨਾਲ ਵੱਧ ਰਹੇ ਹਨ। ਪਤੀ-ਪਤਨੀ ਦੇ ਝਗੜਿਆਂ ਵਿਚ ਮਾਸੂਮ ਬੇਟੀਆਂ ਰੋਹ ਰਹੀਆਂ ਹਨ। ਜਿਸ ਦੇਸ਼ ਵਿਚ ਔਰਤਾਂ ਨੂੰ ਮਾਂ ਦਾ ਦਰਜਾ ਦੇ ਕੇ ਪੂਜਾ ਲੋਕ ਕਰਦੇ ਹਨ ਉਸ ਦੇਸ਼ ਵਿਚ ਅੱਜ ਵੀ ਬੇਟੀਆਂ ਦੇ ਜਨਮ ਲੈਂਦੇ ਹੀ ਜਨਮ ਦੇਣ ਵਾਲੀਆਂ ਮਾਵਾਂ 'ਤੇ ਸਹੁਰੇ ਵਾਲਿਆਂ ਦਾ ਕਹਿਰ ਟੁੱਟ ਪੈਂਦਾ ਹੈ। ਹੌਲੀ-ਹੌਲੀ ਮਾਮਲਾ ਪਹਿਲਾਂ ਮਹਿਲਾ ਥਾਣੇ ਤੋਂ ਹੁੰਦਾ ਹੋਇਆ ਅਦਾਲਤ ਵਿਚ ਪੁੱਜਦਾ ਹੈ ਅਤੇ ਉਸ ਦੇ ਬਾਅਦ ਇਨਸਾਫ ਦੇ ਰਸਤੇ ਵਿਚ ਔਰਤ ਗੋਦ ਵਿਚ ਚੁੱਕੇ ਬੇਟੀਆਂ ਨੂੰ ਲੈ ਕੇ ਘਰ ਤੋਂ ਅਦਾਲਤ ਦੇ ਵਿਚ ਜਿੰਦਗੀ ਦੇ ਕਈ ਸਾਲ ਬੀਤ ਜਾਂਦੇ ਹਨ। ਨਸ਼ਾ, ਬੇਰੁਜਗਾਰੀ ਅਤੇ ਮੋਬਾਇਲ,ਟੀ.ਵੀ ਸੀਰੀਅਲ ਦੇ ਵੱਧਦੇ ਕਦਮਾਂ ਨੇ ਰਿਸ਼ਤਿਆਂ ਨੂੰ ਤਾਰ-ਤਾਰ ਕਰ ਰਹੇ ਹਨ। ਪਤੀ-ਪਤਨੀ ਦੇ ਝਗੜੇ ਵਿਚ ਬੱਚਿਆਂ ਦਾ ਭਵਿੱਖ ਚੌਪਟ ਹੋ ਰਿਹਾ ਹੈ।
ਅੰਮ੍ਰਿਤਸਰ ਬਾਰ ਐਸੋਸੀਏਸ਼ਨ ਨੇ ਹਾਈਕੋਰਟ ਤੋਂ ਮੰਗਿਆ ਹੈ ਇੱਕ ਹੋਰ ਫੈਮਿਲੀ ਕੋਰਟ
ਅੰਮ੍ਰਿਤਸਰ ਦੀ ਗੱਲ ਕਰੀਏ ਤਾਂ ਇੱਕਮਾਤਰ ਫੈਮਿਲੀ ਕੋਰਟ ਦੀ ਗਿਣਤੀ ਵਧਾਉਣ ਲਈ ਅੰਮ੍ਰਿਤਸਰ ਬਾਰ ਐਸੋਸੀਏਸ਼ਨ ਨੇ ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ ਦੇ ਚੀਫ ਜਸਟਿਸ ਅਤੇ ਪੰਜਾਬ ਵਾਰ ਕੌਂਸਲ ਨੂੰ ਪੱਤਰ ਲਿਖਿਆ ਹੈ। ਅਜਿਹੇ ਵਿਚ ਔਰਤਾਂ ਦੇ ਉਤਪੀੜਤ ਦੇ ਮਾਮਲੇ ਜਿੱਥੇ ਨਸ਼ਾ,ਬੇਰੁਜਗਾਰੀ ਨਾਲ ਵੱਧ ਰਹੇ ਹਨ ਉਥੇ ਹੀ ਮੋਬਾਇਲ ਫੋਨ ਦੇ ਚਲਦੇ ਪਤੀ- ਪਤਨੀ ਦੇ ਵਿਚ ਮਾਮਲੇ ਤੇਜੀ ਨਾਲ ਵਧੇ ਹਨ। ਇਹੀ ਵਜ੍ਹਾ ਹੈ ਕਿ ਅੰਮ੍ਰਿਤਸਰ ਦੀ ਫੈਮਿਲੀ ਕੋਰਟ ਵਿਚ ਕੇਸਾਂ ਦੀ ਸੁਣਵਾਈ ਦੀ ਸੰਖਿਆ 250 ਦੇ ਪਾਰ ਕਦੇ-ਕਦੇ 300 ਤੱਕ ਜਾ ਪੁੱਜਦਾ ਹੈ। ਅੰਮ੍ਰਿਤਸਰ ਬਾਰ ਐਸੋਸੀਏਸ਼ਨ ਦੇ ਪ੍ਰਧਾਨ ਐਡ.ਵੀ.ਕੇ ਢੰਡ ਕਹਿੰਦੇ ਹਨ ਕਿ ਉਂਮੀਦ ਹੈ ਕਿ ਗਰਮੀ ਦੀਆਂ ਛੁੱਟੀ ਦੇ ਬਾਅਦ ਇੱਕ ਹੋਰ ਫੈਮਿਲੀ ਕੋਰਟ ਅੰਮ੍ਰਿਤਸਰ ਦੀ ਅਦਾਲਤ ਨੂੰ ਮਿਲ ਜਾਵੇ। ਔਰਤਾਂ ਦੇ ਵੱਧਦੇ ਮਾਮਲਿਆਂ ਵਿਚ ਇਸ ਤੋਂ ਛੇਤੀ ਸੁਣਵਾਈ ਹੋ ਸਕੇਗੀ।
ਸੂਰਜ ਦੀ ਤਪਿਸ਼ 'ਚ ਤਪਿਆ 'ਚੰਡੀਗੜ੍ਹ', ਟੁੱਟਣਗੇ ਪਿਛਲੇ ਰਿਕਾਰਡ!
NEXT STORY 
