ਚੰਡੀਗੜ੍ਹ/ਜਲੰਧਰ (ਅੰਕੁਰ, ਧਵਨ) : ਪੰਜਾਬ ’ਚ ਜ਼ਮੀਨ ਅਤੇ ਜਾਇਦਾਦ ਦੀ ਖਰੀਦੋ-ਫ਼ਰੋਖ਼ਤ ਦੌਰਾਨ ਰਜਿਸਟਰੀ ਲਈ ਵਰਤੀ ਜਾਣ ਵਾਲੀ ਭਾਸ਼ਾ ਨੂੰ ਹੋਰ ਸਰਲ ਬਣਾਉਣ ਲਈ ਮਹੱਤਵਪੂਰਨ ਕਦਮ ਚੁੱਕਿਆ ਗਿਆ ਹੈ। ਮਾਲ ਵਿਭਾਗ ’ਚ ਲੰਬੇ ਸਮੇਂ ਤੋਂ ਵਰਤੇ ਜਾ ਰਹੇ 35 ਔਖੇ ਸ਼ਬਦਾਂ ਦੀ ਥਾਂ ਹੁਣ ਅਜਿਹੇ ਆਸਾਨ ਪੰਜਾਬੀ ਸ਼ਬਦ ਵਰਤੇ ਜਾਣਗੇ, ਜਿਨ੍ਹਾਂ ਨੂੰ ਆਮ ਨਾਗਰਿਕ ਆਸਾਨੀ ਨਾਲ ਸਮਝ ਸਕਣ। ਸਰਕਾਰੀ ਸੇਵਾਵਾਂ ਨੂੰ ਲੋਕਾਂ ਲਈ ਹੋਰ ਸਰਲ, ਪਾਰਦਰਸ਼ੀ ਅਤੇ ਸੁਗਮ ਬਣਾਉਣ ਦੇ ਮਕਸਦ ਨਾਲ ਇਹ ਫ਼ੈਸਲਾ ਲਿਆ ਗਿਆ ਹੈ ਕਿਉਂਕਿ ਜਾਇਦਾਦ ਰਜਿਸਟ੍ਰੇਸ਼ਨ ਨਾਲ ਸਬੰਧਿਤ ਦਸਤਾਵੇਜ਼ਾਂ ’ਚ ਵਰਤੀ ਜਾਂਦੀ ਔਖੀ ਭਾਸ਼ਾ ਕਾਰਨ ਆਮ ਲੋਕਾਂ ਨੂੰ ਅਕਸਰ ਦਿੱਕਤਾਂ ਦਾ ਸਾਹਮਣਾ ਕਰਨਾ ਪੈਂਦਾ ਸੀ।
ਇਹ ਵੀ ਪੜ੍ਹੋ : ਪੰਜਾਬ 'ਚ 3, 4 ਤੇ 5 ਅਗਸਤ ਨੂੰ ਸਫ਼ਰ ਕਰਨ ਵਾਲੇ ਸਾਵਧਾਨ! PRTC ਮੁਲਾਜ਼ਮਾਂ ਨੇ ਕਰ 'ਤਾ ਵੱਡਾ ਐਲਾਨ
ਇਨ੍ਹਾਂ ’ਚੋਂ ਬਹੁਤੇ ਸ਼ਬਦ ਉਰਦੂ ਅਤੇ ਫ਼ਾਰਸੀ ਨਾਲ ਸਬੰਧਿਤ ਸਨ, ਜਿਹੜੇ ਕਿ ਪੀੜ੍ਹੀ ਦਰ ਪੀੜ੍ਹੀ ਵਰਤੇ ਜਾ ਰਹੇ ਸਨ। ਇਨ੍ਹਾਂ ਦੀ ਥਾਂ ਸੌਖੇ ਸ਼ਬਦ ਲਿਆਉਣ ਲਈ ਮਾਲ ਅਤੇ ਮੁੜ-ਵਸੇਬਾ ਵਿਭਾਗ ਵੱਲੋਂ ਕਮੇਟੀ ਬਣਾਈ ਗਈ ਸੀ। ਕਮੇਟੀ ਵੱਲੋਂ ਜਾਇਦਾਦ ਦੀ ਰਜਿਸਟ੍ਰੇਸ਼ਨ ਦੀ ਭਾਸ਼ਾ ਨੂੰ ਸੁਖਾਲਾ ਬਣਾਉਣ ਲਈ ਪੁਰਾਣੇ 35 ਔਖੇ ਸ਼ਬਦਾਂ ਦੀ ਥਾਂ ਪੰਜਾਬੀ ਦੇ 35 ਨਵੇਂ ਸੌਖੇ ਸ਼ਬਦਾਂ ਦੀ ਸਿਫ਼ਾਰਸ਼ ਕੀਤੀ ਗਈ ਹੈ। ਇਸ ਸਬੰਧੀ ਸਾਰੇ ਡਿਪਟੀ ਕਮਿਸ਼ਨਰਾਂ ਨੂੰ ਪੱਤਰ ਜਾਰੀ ਕਰ ਕੇ ਪੁਰਾਣੇ ਅਤੇ ਨਵੇਂ ਸਿਫ਼ਾਰਸ਼ੀ ਸ਼ਬਦਾਂ ਦੀ ਸੂਚੀ ਭੇਜ ਦਿੱਤੀ ਗਈ ਹੈ ਤਾਂ ਜੋ ਲੋਕਾਂ ਦੀ ਸਹੂਲਤ ਲਈ ਜਾਇਦਾਦ ਰਜਿਸਟ੍ਰੇਸ਼ਨ ਨਾਲ ਸਬੰਧਿਤ ਦਸਤਾਵੇਜ਼ਾਂ ’ਚ ਨਵੇਂ ਅਤੇ ਸਰਲ ਸ਼ਬਦਾਂ ਦੀ ਵਰਤੋਂ ਨੂੰ ਤਰਜ਼ੀਹ ਦੇ ਆਧਾਰ ’ਤੇ ਯਕੀਨੀ ਬਣਾਇਆ ਜਾ ਸਕੇ।
ਇਹ ਵੀ ਪੜ੍ਹੋ : ਪੰਜਾਬ 'ਚ ਸ਼ੁੱਕਰਵਾਰ ਨੂੰ ਸਰਕਾਰੀ ਛੁੱਟੀ, ਸਕੂਲ-ਕਾਲਜ ਅਤੇ ਦਫ਼ਤਰ ਰਹਿਣਗੇ ਬੰਦ
ਇਨ੍ਹਾਂ ਸ਼ਬਦਾਂ ਦੀ ਥਾਂ ਹੁਣ ਇਹ ਸ਼ਬਦ ਵਰਤੇ ਜਾਣਗੇ
ਪੁਰਾਣਾ ਸ਼ਬਦ : ਨਵਾਂ ਸ਼ਬਦ
ਉਜਰ : ਇਤਰਾਜ਼, ਉਜਰਤ : ਫ਼ੀਸ, ਅਰਾਜ਼ੀ : ਜ਼ਮੀਨ, ਸਾਕਿਨ : ਵਸਨੀਕ, ਸਾਕਿਨ ਦੇਹ : ਪਿੰਡ ਦਾ ਵਸਨੀਕ, ਹਸਬ ਜ਼ਾਬਤਾ : ਕਾਨੂੰਨ ਅਨੁਸਾਰ, ਹਿੱਬਾ : ਦਾਨ, ਕੈਫ਼ੀਅਤ : ਵਿਸ਼ੇਸ਼ ਕਥਨ, ਗੈਰ ਮਜ਼ਰੂਆ : ਅਣਵਾਹਿਆ ਖੇਤ, ਗਰਿੰਦਾ : ਲੈਣ ਵਾਲਾ, ਜ਼ਰ : ਰਕਮ, ਤਾਬੇਅਨੁਸਾਰ : ਮੁਤਾਬਕ / ਅਧੀਨ, ਤਕਾਵੀ : ਖੇਤੀ ਕਰਜ਼ਾ, ਤਰਮੀਮ : ਸੋਧ / ਦਰੁਸਤੀ, ਤਸੱਵੁਰ : ਮੰਨ ਲੈਣਾ, ਤਲਬਾਨਾ : ਖ਼ਰਚਾ, ਦੇਹ : ਪਿੰਡ, ਦਾਖ਼ਲ : ਖ਼ਾਰਜਇੰਤਕਾਲ, ਫ਼ਕ-ਉਲ-ਰਹਿਨ : ਗਹਿਣੇ ਰੱਖੀ ਜਾਇਦਾਦ ਛੁਡਾਉਣਾ, ਫ਼ੌਤ : ਮੌਤ, ਫ਼ਰਦ : ਨਕਲ ਜਮ੍ਹਾਂਬੰਦੀ, ਫ਼ਰੀਕ : ਧਿਰ, ਫ਼ਰੀਕ : ਪਹਿਲੀ ਧਿਰ, ਫ਼ਰੀਕ ਦੋਮ : ਦੂਜੀ ਧਿਰ, ਬਾਦਸਤੂਰ : ਪਹਿਲਾਂ ਦੀ ਤਰ੍ਹਾਂ, ਬੈਨਾਮਾ : ਵਿਕਰੀਨਾਮਾ, ਬਜ਼ਰੀਆ : ਰਾਹੀਂ, ਬਾਇਆ : ਵੇਚਣ ਵਾਲਾ, ਮਖ਼ਸੂਸ : ਖ਼ਾਸ, ਮੁਸ਼ਤਰਕਾ : ਸੰਯੁਕਤ, ਮੁੰਤਕਿਲ : ਤਬਦੀਲ, ਮਜ਼ਕੂਰ : ਉਪਰੋਕਤ, ਮਨਸੂਖ਼ ਕਰਨਾ : ਰੱਦ ਕਰਨਾ / ਖ਼ਾਰਜ ਕਰਨਾ, ਮੁਸ਼ਤਰੀ ਹੁਸ਼ਿਆਰਬਾਸ਼ : ਖ਼ਰੀਦਦਾਰ ਸਾਵਧਾਨ ਰਹੇ, ਮੁਰਤਹਿਨਕੀ : ਜ਼ਮੀਨ ਗਹਿਣੇ ਲੈਣ ਵਾਲਾ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਪੰਜਾਬ 'ਚ 3, 4 ਤੇ 5 ਅਗਸਤ ਨੂੰ ਸਫ਼ਰ ਕਰਨ ਵਾਲੇ ਸਾਵਧਾਨ! PRTC ਮੁਲਾਜ਼ਮਾਂ ਨੇ ਕਰ 'ਤਾ ਵੱਡਾ ਐਲਾਨ
NEXT STORY 
