ਜਲੰਧਰ(ਧਵਨ)—ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਪੰਜਾਬ ਦੀ ਸਰਹੱਦ ਨੇੜੇ ਸਿੱਖ ਰੈਜੀਮੈਂਟ ਦੀਆਂ 3 ਬਟਾਲੀਅਨ ਦੇ ਫੌਜੀਆਂ ਨਾਲ ਆਜ਼ਾਦੀ ਦਿਹਾੜੇ ਦੀ ਪੂਰਬਲੀ ਸ਼ਾਮ 'ਤੇ ਰਾਤ ਬਿਤਾਈ ਤੇ ਰੈਜੀਮੈਂਟ ਦੇ ਵੱਡੇ ਖਾਣੇ ਵਿਚ ਸ਼ਾਮਲ ਹੋਏ। ਕੈਪਟਨ ਅਮਰਿੰਦਰ ਸਿੰਘ ਨੇ ਖੁਦ 3 ਸਿੱਖ ਰੈਜੀਮੈਂਟ ਵਿਚ ਕੰਮ ਕੀਤਾ ਹੋਇਆ ਹੈ। ਜਿਵੇਂ ਹੀ ਰੈਜੀਮੈਂਟ ਦੇ ਫੌਜੀਆਂ ਨੇ ਕੈਪਟਨ ਦੇ ਆਉਣ 'ਤੇ ਖੁਸ਼ੀਆਂ ਮਨਾਉਣੀਆਂ ਸ਼ੁਰੂ ਕੀਤੀਆਂ ਤਾਂ ਕੈਪਟਨ ਪੁਰਾਣੀਆਂ ਯਾਦਾਂ ਵਿਚ ਗੁਆਚ ਗਏ। ਜਦੋਂ ਉਹ ਹੋਰ ਫੌਜੀਆਂ ਨਾਲ ਇਕ ਸਰਗਰਮ ਫੌਜੀ ਸਨ।ਕੈਪਟਨ ਦੇ ਫੌਜ ਪ੍ਰਤੀ ਪ੍ਰੇਮ ਨੇ ਉਨ੍ਹਾਂ ਨੂੰ ਵਾਪਸ ਫੌਜੀਆਂ ਕੋਲ ਜਾਣ ਲਈ ਮਜਬੂਰ ਕੀਤਾ। ਉਨ੍ਹਾਂ ਦਾ ਫੌਜ ਪ੍ਰਤੀ ਪ੍ਰੇਮ ਹੀ ਹੈ ਜੋ ਉਨ੍ਹਾਂ ਨੂੰ ਆਪਣੇ ਘਰ ਤੋਂ ਦੂਰ ਜਾ ਕੇ ਫੋਜੀਆਂ ਦੇ ਨਾਲ ਘੁਲਣ-ਮਿਲਣ ਤੇ ਸਮਾਂ ਬਿਤਾਉਣ ਲਈ ਪ੍ਰੇਰਿਤ ਕਰਦਾ ਹੈ।
ਇਸ ਮੌਕੇ ਕੈਪਟਨ ਨੇ ਕਿਹਾ ਕਿ ਪੂਰੀ ਤਰ੍ਹਾਂ ਫੌਜੀ ਹੋਣ ਦੇ ਨਾਤੇ ਉਹ ਆਪਣੇ-ਆਪ ਨੂੰ ਇਕ ਸੰਪੂਰਨ ਸੈਨਿਕ ਕਹਿੰਦੇ ਹਨ ਤੇ 75 ਸਾਲ ਦੀ ਉਮਰ ਵਿਚ ਕੈਪਟਨ ਭਾਵੇਂ ਹੁਣ ਨੌਜਵਾਨ ਫੌਜੀ ਨਹੀਂ ਹਨ ਪਰ ਦਿਲ ਤੋਂ ਉਹ ਪੂਰੇ ਫੌਜੀ ਹਨ। ਇਸ ਲਈ ਉਨ੍ਹਾਂ ਆਜ਼ਾਦੀ ਦਿਹਾੜੇ ਦੀ ਪੂਰਬਲੀ ਸ਼ਾਮ ਸਿੱਖ ਬਟਾਲੀਅਨ ਦੇ ਫੌਜੀਆਂ ਦੇ ਨਾਲ ਰਹਿਣ ਬਾਰੇ ਫੈਸਲਾ ਲਿਆ। 3 ਸਿੱਖ ਰੈਜੀਮੈਂਟ ਵਿਚ ਜਾਣ ਦਾ ਸਮਾਂ ਕੈਪਟਨ ਲਈ ਇਤਿਹਾਸ ਦੇ ਪੰਨੇ ਫਰੋਲਣ ਜਿਹਾ ਸੀ, ਉਨ੍ਹਾਂ ਨੇ ਦਹਾਕਿਆਂ ਬਾਅਦ ਆਪਣੇ ਨੇਤਾ ਵਾਲੇ ਅਕਸ ਨੂੰ ਦੂਰ ਰੱਖ ਕੇ ਵੱਡੇ ਖਾਣੇ ਵਿਚ ਸ਼ਾਮਲ ਹੋਣਾ ਸਵੀਕਾਰ ਕੀਤਾ। ਹੁਣ ਇਸ ਲਗਾਅ ਕਾਰਨ ਹੀ ਉਹ ਹਮੇਸ਼ਾ ਭਾਰਤੀ ਫੌਜ ਨਾਲ ਜੁੜੇ ਰਹੇ। ਇਕ ਫੌਜੀ ਇਤਿਹਾਸਕਾਰ ਦੇ ਰੂਪ ਵਿਚ ਉਹ ਲਗਾਤਾਰ ਪੁਸਤਕਾਂ ਲਿਖਦੇ ਰਹੇ, ਜਿਸ ਵਿਚ ਉਨ੍ਹਾਂ ਫੌਜੀ ਇਤਿਹਾਸ ਦਾ ਵਰਣਨ ਕੀਤਾ ਹੈ। ਇਸ ਮੌਕੇ ਫੌਜੀਆਂ ਨੇ ਮੁੱਖ ਮੰਤਰੀ ਦੀ ਮੌਜੂਦਗੀ ਵਿਚ ਬੈਂਡ ਦੇ ਨਾਲ ਭੰਗੜਾ ਪਾਇਆ ਤੇ ਮੁੱਖ ਮੰਤਰੀ ਦੇ ਨਾਲ ਹੀ ਖਾਣਾ ਖਾਧਾ। ਇਸ ਤੋਂ ਪਹਿਲਾਂ ਕੈਪਟਨ ਦੀ ਫੌਜ ਦੇ ਅਧਿਕਾਰੀਆਂ ਤੇ ਜਵਾਨਾਂ ਨਾਲ ਜਾਣ-ਪਛਾਣ ਕਰਵਾਈ ਗਈ। ਫੌਜੀ ਜਵਾਨਾਂ ਨੇ ਵੀ ਇਸ ਮੌਕੇ ਕਿਹਾ ਕਿ ਇਹ ਦਿਨ ਸਾਡੇ ਲਈ ਖਾਸ ਹੈ। ਕੈਪਟਨ ਅਮਰਿੰਦਰ ਸਿੰਘ ਨੇ ਇਸਨੂੰ ਯਾਦਗਾਰੀ ਬਣਾ ਦਿੱਤਾ। 3 ਸਿੱਖ ਰੈਜੀਮੈਂਟ ਦੇ ਫੌਜੀਆਂ ਲਈ ਇਹ ਵੱਡਾ ਖਾਣਾ ਬੜਾ ਰੁਝੇਵਿਆਂ ਨਾਲ ਭਰਿਆ ਸੀ। ਸਮਾਰੋਹ ਅਸਲ ਵਿਚ ਆਜ਼ਾਦੀ ਦਿਹਾੜੇ ਦੀ 70ਵੀਂ ਵਰ੍ਹੇਗੰਢ ਨੂੰ ਸਮਰਪਿਤ ਕੀਤਾ ਗਿਆ ਸੀ। ਕੈਪਟਨ ਅਮਰਿੰਦਰ ਸਿੰਘ ਨੇ ਭਾਰਤੀ ਜਵਾਨਾਂ ਖਾਸ ਤੌਰ 'ਤੇ 3 ਸਿੱਖ ਰੈਜੀਮੈਂਟ ਦੀ ਸ਼ਲਾਘਾ ਕੀਤੀ, ਜਿਸ ਦਾ ਬਹਾਦਰੀ ਭਰਿਆ ਇਤਿਹਾਸ ਰਿਹਾ ਹੈ।
ਚੰਡੀਗੜ੍ਹ 'ਚ ਦਹਿਸ਼ਤ ਦਾ ਮਾਹੌਲ, ਅੱਧੀ ਰਾਤੀਂ ਫਿਰ ਕੱਟੀ ਕੁੜੀ ਦੀ ਗੁੱਤ (ਤਸਵੀਰਾਂ)
NEXT STORY 
