ਟਾਂਡਾ/ਦਸੂਹਾ (ਮੋਮੀ, ਪੰਡਿਤ, ਝਾਵਰ)— ਪਿੰਡ ਮੂਨਕ ਖੁਰਦ ਨਾਲ ਸਬੰਧਤ ਇਕ ਸੇਵਾ ਮੁਕਤ ਡੀ. ਐੱਸ. ਪੀ. ਦੇ ਸ਼ੱਕੀ ਹਾਲਾਤ ਵਿਚ ਘਰੋਂ ਗਾਇਬ ਹੋਣ ਦੀ ਖਬਰ ਮਿਲੀ ਹੈ ਜਦਕਿ ਉਨ੍ਹਾਂ ਦਾ ਸਕੂਟਰ ਬੀਤੀ ਦੇਰ ਸ਼ਾਮ ਉੱਚੀ ਬੱਸੀ ਨਹਿਰ ਕੋਲੋਂ ਬਰਾਮਦ ਹੋਇਆ ਹੈ।
ਇਸ ਸਬੰਧੀ ਜਾਣਕਾਰੀ ਦਿੰਦੇ ਪਰਿਵਾਰਕ ਮੈਂਬਰਾਂ ਨੇ ਦੱਸਿਆ ਕਿ ਸੇਵਾ ਮੁਕਤ ਡੀ. ਐੱਸ. ਪੀ ਗਰੀਬ ਸਿੰਘ (85) ਪੁੱਤਰ ਛੱਜਾ ਸਿੰਘ ਬੀਤੀ ਸ਼ਾਮ ਕਰੀਬ ਘਰੋਂ ਬਾਹਰ ਆਪਣੇ ਸਕੂਟਰ 'ਤੇ ਗਏ ਸਨ ਪਰ ਕਾਫੀ ਸਮਾਂ ਬੀਤਣ ਤੋਂ ਬਾਅਦ ਉਹ ਘਰ ਵਾਪਸ ਨਹੀਂ ਆਏ ਅਤੇ ਪਰਿਵਾਰਕ ਮੈਂਬਰਾਂ ਨੇ ਭਾਲ ਕਰਨੀ ਸ਼ੁਰੂ ਕੀਤੀ।
ਇਸੇ ਦੌਰਾਨ ਹੀ ਪਰਿਵਾਰਕ ਮੈਂਬਰਾਂ ਨੂੰ ਪਤਾ ਲੱਗਾ ਕਿ ਉਨ੍ਹਾਂ ਦਾ ਸਕੂਟਰ ਉੱਚੀ ਬੱਸੀ ਨਹਿਰ ਦੇ ਕੋਲ ਖੜ੍ਹਾ ਮਿਲਿਆ ਹੈ, ਜਿਸ ਕਾਰਨ ਉਨ੍ਹਾਂ ਦੀ ਚਿੰਤਾ ਵੱਧ ਗਈ ਹੈ। ਉਹ ਘਰੋਂ ਕਿਨ੍ਹਾਂ ਹਾਲਤ 'ਚ ਗਏ ਇਸ ਇਸ ਬਾਰੇ ਅਜੇ ਕੁਝ ਵੀ ਨਹੀਂ ਕਿਹਾ ਜਾ ਸਕਦਾ। ਉੱਚੀ ਬੱਸੀ ਨਹਿਰੀ ਵਿਭਾਗ ਅਤੇ ਪੁਲਸ ਵੱਲੋਂ ਉਨ੍ਹਾਂ ਦੀ ਭਾਲ ਕੀਤੀ ਜਾ ਰਹੀ ਹੈ ਜਦਕਿ ਪਰਿਵਾਰਕ ਮੈਂਬਰਾਂ ਨੇ ਉਨ੍ਹਾਂ ਦੇ ਗੁੰਮਸ਼ੁਦਗੀ ਦੀ ਰਿਪੋਰਟ ਥਾਣਾ ਟਾਂਡਾ ਵਿਖੇ ਲਿਖਾ ਦਿਤੀ ਹੈ।
ਲੁਧਿਆਣਾ 'ਚ ਕਰਫਿਊ ਦੌਰਾਨ ਹੁਣ ਤੱਕ 376 ਮਾਮਲੇ ਦਰਜ, 6 ਹਜ਼ਾਰ ਤੋਂ ਵੱਧ ਕੱਟੇ ਗਏ ਚਾਲਾਨ
NEXT STORY 
