ਅੰਮ੍ਰਿਤਸਰ (ਇੰਦਰਜੀਤ)-ਸਰਕਾਰੀ ਕੀਮਤ ਤੋਂ ਵੱਧ ਵਸੂਲਣ ਵਾਲੇ ਸ਼ਰਾਬ ਠੇਕੇਦਾਰਾਂ ਵਿਰੁੱਧ ਆਬਕਾਰੀ ਵਿਭਾਗ ਨੂੰ ਤੁਰੰਤ ਕਾਰਵਾਈ ਕਰਨੀ ਪਈ। ਇਸ ’ਤੇ ਦੋ ਦਿਨਾਂ ਦੇ ਅੰਦਰ ਕਈ ਰਿਜ਼ੋਰਟਾਂ ’ਤੇ ਚੈਕਿੰਗ ਕੀਤੀ ਗਈ, ਨਤੀਜੇ ਵਜੋਂ ਸਰਕਾਰੀ ਦਰਾਂ ਲਾਗੂ ਕੀਤੀਆਂ ਗਈਆਂ। ਦੂਜੇ ਪਾਸੇ, ਇਸ ਸਬੰਧੀ ਇਕ ਸ਼ਿਕਾਇਤ ਪੀ. ਪੀ. ਐੱਸ. ਅਧਿਕਾਰੀ ਵਵਿੰਦਰ ਮਹਾਜਨ ਨੇ ਖੁਦ ਆਪਣੇ ਬਾਰੇ ਪੁਲਸ ਕਮਿਸ਼ਨਰ ਹਾਊਸ ਨੂੰ ਕਾਰਵਾਈ ਲਈ ਭੇਜੀ। ਦੂਜੇ ਪਾਸੇ ਪੁਲਸ ਕਮਿਸ਼ਨਰ ਦੇ ਨਿਰਦੇਸ਼ਾਂ ’ਤੇ ਥਾਣਾ ਸਦਰ ਪੁਲਸ ਦਾ ਇਕ ਥਾਣੇਦਾਰ ਵੀ ਕੰਮ ਕਰਨ ਨੂੰ ਤਿਆਰ ਨਹੀਂ ਹੈ। ਡੀ. ਐੱਸ. ਪੀ. ਮਹਾਜਨ ਨੇ ਸ਼ਰਾਬ ਦੇ ਠੇਕੇਦਾਰ ਦੀ ਇਕ ਪਾਸੇ ਪੁਲਸ ਨੂੰ ਸੂਚਨਾ ਅਤੇ ਦੂਸਰੇ ਪਾਸੇ ਉਸੇ ਠੇਕੇਦਾਰ ਦੀ ਆਬਕਾਰੀ ਵਿਭਾਗ ਨੂੰ ਸ਼ਿਕਾਇਤ ਵੀ ਕੀਤੀ ਸੀ।
ਉੱਥੇ ਆਬਕਾਰੀ ਵਿਭਾਗ ਦਾ ਜ਼ਿਕਰ ਕੀਤਾ ਜਾਵੇ ਤਾਂ ਅਧਿਕਾਰੀਆਂ ਨੇ ਸ਼ਿਕਾਇਤ ਮਿਲਦੇ ਹੀ ਤੁਰੰਤ ਕਾਰਵਾਈ ਕਰਦੇ ਹੋਏ ਪੂਰੇ ਸ਼ਹਿਰ ਵਿਚ ਹੋਣ ਵਾਲੇ ਪ੍ਰੋਗਰਾਮਾਂ ਵਿਚ ਸ਼ਰਾਬ ਦੇ ਸਰਕਾਰੀ ਰੇਟ ਤਾਂ ਲਾਗੂ ਕਰਵਾ ਹੀ ਦਿੱਤੇ, ਦੂਜੇ ਪਾਸੇ ਪੂਰੇ ਸ਼ਹਿਰ ਵਿਚ ਇਕ ਦਰਜਨ ਤੋਂ ਵੱਧ ਰਿਜੋਰਟਾਂ ’ਤੇ ਚੈਕਿੰਗ ਵੀ ਕੀਤੀ ਤਾਂ ਕਿ ਕਿਸੇ ਖਰੀਦਦਾਰ ਨੂੰ ਸ਼ਿਕਾਇਤ ਦਾ ਮੌਕਾ ਨਾ ਮਿਲ ਸਕੇ। ਦੂਜੇ ਪਾਸੇ ਠੇਕੇਦਾਰਾਂ ਦੀ ਜੋਰ ਜ਼ਬਰਦਸਤੀ, ਪ੍ਰੋਗਰਾਮਾਂ ਵਿਚ ਖਲਬਲੀ ਪਾ ਕੇ, ਸ਼ਰਾਬ ਦੀਆਂ ਪੇਟੀਆਂ ਚੁੱਕ ਲੈ ਜਾਣ ਤੇ ਪੁਲਸ ਦੀ ਕਾਰਵਾਈ ਅਜੇ ਠੰਡੇ ਬਸਤੇ ਵਿਚ ਹੈ। ਇਹ ਉਸੇ ਘਟਨਾਕਰਮ ਦੀਆਂ ਕੜੀਆਂ ਹਨ, ਜਿਸ ਵਿਚ ਸ਼ਰਾਬ ਦੇ ਠੇਕੇਦਾਰ ਵੱਲੋਂ ਇਕ ਪ੍ਰੋਗਰਾਮ ਦੌਰਾਨ ਸਰਕਾਰੀ ਰੇਟਾਂ ਤੋਂ ਵੱਧ ਸ਼ਰਾਬ ਦੀਆਂ ਕੀਮਤਾਂ ਵਸੂਲ ਕਰਨ ’ਤੇ ਡੀ. ਐੱਸ. ਪੀ. ਵਵਿੰਦਰ ਕੁਮਾਰ (ਪੀ. ਪੀ. ਐੱਸ.) ਨੇ ਵੱਧ ਕੀਮਤ ਨਾ ਦੇ ਕੇ ਦੂਜੀ ਜਗ੍ਹਾ ਤੋਂ ਸਹੀ ਰੇਟ ’ਤੇ ਸਾਮਾਨ ਖਰੀਦਿਆ ਸੀ।
ਇਹ ਵੀ ਪੜ੍ਹੋ- ਸਰਕਾਰੀ ਬਾਬੂ ਜ਼ਰਾ ਹੋ ਜਾਓ ਹੁਸ਼ਿਆਰ, ਜਾਰੀ ਹੋ ਗਏ ਅਹਿਮ ਹੁਕਮ
ਉੱਧਰ ਠੇਕੇਦਾਰ ਦੇ ਕਰਿੰਦਿਆਂ ਨੇ ਬਿਨਾਂ ਆਬਕਾਰੀ ਅਧਿਕਾਰੀ ਦੇ ਆ ਕੇ ਇਕ ਤਾਂ ਉਥੋਂ ਦਾ ਮਾਹੌਲ ਖਰਾਬ ਕੀਤਾ, ਇਥੋਂ ਤੱਕ ਕਿ ਚਲਦੇ ਪ੍ਰੋਗਰਾਮ ਵਿਚ ਖਰੀਦੀ ਹੋਈ ਸ਼ਰਾਬ ਦੀਆਂ ਪੇਟੀਆਂ ਵੀ ਚੁੱਕ ਕੇ ਚਲਦੇ ਬਣੇ। ਹੁਣ ਆਬਕਾਰੀ ਵਿਭਾਗ ਠੇਕੇਦਾਰਾਂ ਤੇ ਆਬਕਾਰੀ ਐਕਟ ਅਧੀਨ ਨਿਗਰਾਨੀ ਕਰ ਰਿਹਾ ਹੈ। ਦੂਜੇ ਪਾਸੇ ਪੁਲਸ ਕੋਲ ਠੇਕੇਦਾਰ/ਕਰਿੰਦਿਆਂ ’ਤੇ ਅਪਰਾਧਿਕ ਮਾਮਲੇ ਦੀ ਸ਼ਿਕਾਇਤ ਕੀਤੀ ਗਈ ਹੈ।
ਕੀ ਸੀ ਮਾਮਲੇ ਦਾ ਫਲੈਸ਼ਬੈਕ!
ਪੁਲਸ ਨੂੰ ਦਿੱਤੀ ਸ਼ਿਕਾਇਤ ਵਿਚ ਡੀ. ਐੱਸ. ਪੀ. ਵਵਿੰਦਰ ਮਹਾਜਨ ਨੇ ਦੱਸਿਆ ਕਿ 27 ਜਨਵਰੀ ਨੂੰ ਜਦੋਂ ਉਹ ਵੈਸਟਰਨ-ਏਰਾ ਰਿਜ਼ੌਰਟਸ ਵਿਖੇ ਇਕ ਸਮਾਗਮ ਵਿਚ ਸ਼ਾਮਲ ਹੋ ਰਿਹਾ ਸੀ, ਤਾਂ ਫਰੈਂਡਜ਼ ਵਾਈਨ ਸ਼ਾਪ ਦੇ ਪ੍ਰਤੀਨਿਧੀ ਮੋਹਿਤ ਚੋਪੜਾ ਨੇ ਉਸ ਨੂੰ ਸ਼ਰਾਬ ਦੀ ਇਕ ਪੇਟੀ ਲਈ 21,600 ਰੁਪਏ ਦੇਣ ਲਈ ਕਿਹਾ। ਇਸ ’ਤੇ ਉਸ ਨੇ ਕਿਹਾ ਕਿ ਇਸ ਪੇਟੀ ਦੀ ਕੀਮਤ 12,500 ਰੁਪਏ ਹੈ, ਫਿਰ ਉਸ ਨੇ ਕਿਹਾ ਕਿ ਅਸੀਂ ਸਰਕਾਰੀ ਕੀਮਤਾਂ ’ਤੇ ਸ਼ਰਾਬ ਨਹੀਂ ਵੇਚ ਸਕਦੇ। ਇਸ ’ਤੇ ਪ੍ਰੋਗਰਾਮ ਦੇ ਆਯੋਜਨ ਵਿੱਚ ਉਨ੍ਹਾਂ ਸ਼ਰਾਬ ਸਹੀ ਸਰਕਾਰੀ ਰੇਟ ’ਤੇ 12500 ਵਿਚ ਮਿਲ ਗਈ। ਬਦਲੇ ਦੀ ਭਾਵਨਾ ਨਾਲ ਠੇਕੇਦਾਰ ਦੇ ਕਰਿੰਦੇ ਚਲਦੇ ਫੰਕਸ਼ਨ ਵਿਚ ਬਿਨਾਂ ਕਿਸੇ ਐਕਸਾਈਜ਼ ਇੰਸਪੈਕਟਰ ਦੇ ਆ ਕੇ ਧਮਕੇ। ਇਨ੍ਹਾਂ ਲੋਕਾਂ ਨੇ ਉੱਥੇ ਜਾ ਕੇ ਹੋ ਹੱਲਾ ਮਚਾ ਦਿੱਤਾ ਅਤੇ ਪ੍ਰੋਗਰਾਮ ਦੀ ਮਰਿਆਦਾ ਨੂੰ ਭੰਗ ਕੀਤਾ, ਜਿਸ ਨਾਲ ਉਥੇ ਹਾਜ਼ਰ ਮਹਿਮਾਨਾਂ ’ਤੇ ਬੁਰਾ ਅਸਰ ਪਿਆ। ਡੀ. ਐੱਸ. ਪੀ. ਮਹਾਜਨ ਨੇ ਨਰਾਜ਼ਗੀ ਪ੍ਰਗਟਾਉਂਦੇ ਹੋਏ ਕਿਹਾ ਕਿ ਅੰਮ੍ਰਿਤਸਰ ਪੁਲਸ ਕਮਿਸ਼ਨਰ ਨੂੰ ਸ਼ਿਕਾਇਤ ਦੇਣ ਦੇ ਬਾਵਜੂਦ ਵੀ ਅੱਜ 20 ਦਿਨ ਬੀਤਣ ’ਤੇ ਵੀ ਸੰਬੰਧਤ ਥਾਣਾ ਸਦਰ ਵਿਚ ਕੋਈ ਕਾਰਵਾਈ ਨਹੀਂ ਹੋਈ।
ਇਹ ਵੀ ਪੜ੍ਹੋ- ਪੰਜਾਬ 'ਚ ਬੁੱਧਵਾਰ ਨੂੰ ਸਰਕਾਰੀ ਛੁੱਟੀ ਦਾ ਐਲਾਨ
ਆਬਕਾਰੀ ਵਿਭਾਗ ਦੇ ‘ਕੁਇਕ-ਐਕਸ਼ਨ’ ਦੀ ਡੀ. ਐੱਸ. ਪੀ. ਵਵਿੰਦਰ ਮਹਾਜਨ ਵੱਲੋ ਪ੍ਰਸ਼ੰਸਾ-ਡੀ. ਐੱਸ. ਪੀ. ਵਵਿੰਦਰ ਮਹਾਜਨ ਨੇ ਅੰਮ੍ਰਿਤਸਰ ਦੇ ਆਬਕਾਰੀ ਵਿਭਾਗ ਦੀ ਸਰਕਾਰੀ ਕੀਮਤ ਤੋਂ ਵੱਧ ਸ਼ਰਾਬ ਵੇਚਣ ਵਿਰੁੱਧ ਸਖ਼ਤ ਕਾਰਵਾਈ ਕਰਨ ਲਈ ਪ੍ਰਸ਼ੰਸਾ ਕੀਤੀ ਹੈ। ਉਨ੍ਹਾਂ ਕਿਹਾ ਕਿ ਆਬਕਾਰੀ ਵਿਭਾਗ ਨੇ ਇਕ ਅਜਿਹੀ ਮਿਸਾਲ ਕਾਇਮ ਕੀਤੀ ਹੈ ਜੋ ਪ੍ਰਸ਼ੰਸਾ ਦੇ ਯੋਗ ਹੈ। 2 ਦਿਨਾਂ ਦੇ ਅੰਦਰ, ਟੀਮਾਂ ਨੂੰ ਸ਼ਹਿਰ ਦੇ 25 ਤੋਂ ਵੱਧ ਮੈਰਿਜ ਪੈਲੇਸਾਂ ਅਤੇ ਰਿਜ਼ੋਰਟਾਂ ਵਿਚ ਭੇਜਿਆ ਗਿਆ ਤਾਂ ਜੋ ਇਹ ਪਤਾ ਲਗਾਇਆ ਜਾ ਸਕੇ ਕਿ ਕੀ ਕੋਈ ਨਿਰਧਾਰਤ ਦਰ ਤੋਂ ਵੱਧ ਸਾਮਾਨ ਵੇਚ ਰਿਹਾ ਹੈ। ਇਸ ਤੋਂ ਇਲਾਵਾ, ਬਿੱਲਾਂ ਦਾ ਮੇਲ ਕੀਤਾ ਗਿਆ।
ਦੂਜੇ ਪਾਸੇ, ਇਸ ਸਬੰਧ ਵਿਚ ਆਬਕਾਰੀ ਵਿਭਾਗ ਨੇ ਸਰਕਾਰੀ ਦਰਾਂ ਨੂੰ ਜਨਤਕ ਕਰ ਕੇ ਸਾਰੀ ਗੈਰ-ਕਾਨੂੰਨੀ ਕਮਾਈ ’ਤੇ ਰੋਕ ਲਗਾ ਦਿੱਤੀ ਹੈ। ਡੀ. ਐੱਸ. ਪੀ. ਮਹਾਜਨ ਨੇ ਕਿਹਾ ਕਿ ਲਾਪ੍ਰਵਾਹੀ ਹਰ ਜਗ੍ਹਾ ਅਤੇ ਹਰ ਵਿਭਾਗ ਵਿੱਚ \"ਕਿਸੇ ਨਾ ਕਿਸੇ ਥਾਂ\" ਹੁੰਦੀ ਹੈ ਪਰ ਇਸਦੀ ਅਸਲ ਸ਼ਕਤੀ ਉਦੋਂ ਪ੍ਰਗਟ ਹੁੰਦੀ ਹੈ ਜਦੋਂ ਇਸ ਨੂੰ ਤੁਰੰਤ ਕਾਰਵਾਈ ਕਰ ਕੇ ਰੋਕਿਆ ਜਾਂਦਾ ਹੈ।
ਇਹ ਵੀ ਪੜ੍ਹੋ- ਵੱਡੀ ਖ਼ਬਰ: ਸ੍ਰੀ ਦਰਬਾਰ ਸਾਹਿਬ 'ਚ ਸੇਵਾ ਕਰ ਰਹੇ ਸੇਵਾਦਾਰ ਦੀ ਮੌਤ
ਇਨ੍ਹਾਂ ਰਿਜ਼ੋਰਟਾਂ ਵਿਚ ਆਬਕਾਰੀ ਵਿਭਾਗ ਨੇ ਕੀਤੀ ਚੈਕਿੰਗ
ਆਬਕਾਰੀ ਵਿਭਾਗ ਦੀਆਂ ਟੀਮਾਂ ਨੇ ਅੱਜ ਵੀ ਰਿਜ਼ੋਰਟਾਂ ਵਿਚ ਜਾਂਚ ਜਾਰੀ ਰੱਖੀ। ਵਿਭਾਗੀ ਟੀਮਾਂ ਨੇ ਐੱਚ. ਐੱਸ. ਰਿਜ਼ੋਰਟ, ਚੈਲੇਟ ਰਿਜ਼ੋਰਟ, ਲਿਲੀ ਰਿਜ਼ੋਰਟ, ਵੈਸਟਰਨ ਵਿਲਾ, ਦਿ ਫਰਸਟ ਰਿਜੋਰਟ ਆਦਿ ਵਿਚ ਚੈਕਿੰਗ ਕੀਤੀ। ਇਸ ਸਮੇਂ ਦੌਰਾਨ, ਆਬਕਾਰੀ ਵਿਭਾਗ ਦੀਆਂ ਟੀਮਾਂ ਨੂੰ ਕਿਸੇ ਵੀ ਥਾਂ ਤੋਂ ਕੋਈ ਜਾਣਕਾਰੀ ਨਹੀਂ ਮਿਲੀ ਕਿ ਠੇਕੇਦਾਰ ਵਿਆਹ/ਸਮਾਗਮ/ਰਿਸੈਪਸ਼ਨ ਆਦਿ ਲਈ ਖਪਤਕਾਰਾਂ ਨੂੰ ਵੇਚੀ ਜਾਣ ਵਾਲੀ ਸ਼ਰਾਬ ਲਈ ਸਰਕਾਰੀ ਦਰ ਤੋਂ ਵੱਧ ਵਸੂਲ ਰਹੇ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਬਠਿੰਡਾ 'ਚ ਇੱਟਾਂ ਮਾਰ-ਮਾਰ ਵਿਅਕਤੀ ਦਾ ਕਤਲ, ਹਾਲਤ ਦੇਖ ਕੰਬ ਗਿਆ ਭਰਾ
NEXT STORY 
