ਜਲੰਧਰ (ਖੁਰਾਣਾ)–ਪਿਛਲੇ ਕੁਝ ਸਮੇਂ ਤੋਂ ਉਂਝ ਤਾਂ ਜਲੰਧਰ ਨਗਰ ਨਿਗਮ ਦੇ ਪੂਰੇ ਸਿਸਟਮ ਦਾ ਭੱਠਾ ਬੈਠ ਚੁੱਕਾ ਹੈ ਪਰ ਸ਼ਹਿਰ ਵਿਚ ਲਗਾਤਾਰ ਵਧ ਰਹੀ ਸੀਵਰੇਜ ਦੀ ਸਮੱਸਿਆ ਨਿਗਮ ਅਧਿਕਾਰੀਆਂ ਅਤੇ ਸਿਆਸੀ ਆਗੂਆਂ ਦੇ ਕੰਟਰੋਲ ਤੋਂ ਬਾਹਰ ਹੋ ਗਈ ਸੀ। ਮੇਅਰ ਵਿਨੀਤ ਧੀਰ ਨੂੰ ਆਪਣਾ ਅਹੁਦਾ ਸੰਭਾਲਿਆਂ ਲੱਗਭਗ 5 ਮਹੀਨੇ ਦਾ ਸਮਾਂ ਹੋ ਚੁੱਕਾ ਹੈ ਅਤੇ ਉਹ ਲਗਭਗ ਹਰ ਰੋਜ਼ ਦਫ਼ਤਰ ਜਾ ਕੇ ਪੂਰੀ ਹਾਜ਼ਰੀ ਦੇ ਰਹੇ ਹਨ। ਮੇਅਰ ਆਫਿਸ ਵਿਚ ਉਨ੍ਹਾਂ ਦਾ ਵਧੇਰੇ ਸਮਾਂ ਕੌਂਸਲਰਾਂ ਅਤੇ ਆਮ ਲੋਕਾਂ ਦੀਆਂ ਸੀਵਰੇਜ ਜਾਮ ਸਬੰਧੀ ਸ਼ਿਕਾਇਤਾਂ ਨੂੰ ਸੁਣਨ ਅਤੇ ਹੱਲ ਕਰਨ ਵਿਚ ਹੀ ਬੀਤ ਜਾਂਦਾ ਹੈ। ਨਗਰ ਨਿਗਮ ਦਾ ਓ. ਐਂਡ ਐੱਮ. ਸੈੱਲ ਸੀਵਰ ਲਾਈਨਾਂ ਦੀ ਸਫਾਈ ਅਤੇ ਸੁਪਰ ਸਕਸ਼ਨ ਆਦਿ ’ਤੇ ਹਰ ਮਹੀਨੇ ਕਰੋੜਾਂ ਰੁਪਏ ਖ਼ਰਚ ਕਰ ਰਿਹਾ ਹੈ ਪਰ ਇਸ ਦੇ ਬਾਵਜੂਦ ਸੀਵਰ ਸਬੰਧੀ ਸਮੱਸਿਆਵਾਂ ਲਗਾਤਾਰ ਵਧ ਰਹੀਆਂ ਸਨ, ਜਿਸ ਕਾਰਨ ਮੇਅਰ ਅਤੇ ਹੋਰ ਆਗੂਆਂ ਨੂੰ ਵੀ ਕੁਝ ਸਮਝ ਨਹੀਂ ਆ ਰਿਹਾ ਸੀ।
ਇਹ ਵੀ ਪੜ੍ਹੋ: ਪੰਜਾਬ ਦੇ ਇਸ ਜ਼ਿਲ੍ਹੇ 'ਚ 10 ਤੇ 11 ਜੂਨ ਨੂੰ ਸ਼ਰਾਬ ਤੇ ਮੀਟ ਦੀ ਵਿਕਰੀ 'ਤੇ ਰਹੇਗੀ ਰੋਕ, ਜਾਣੋ ਕਾਰਨ
ਬੀਤੇ ਦਿਨ ਮੇਅਰ ਵਿਨੀਤ ਧੀਰ ਅਤੇ ਸੀਨੀਅਰ ਡਿਪਟੀ ਮੇਅਰ ਬਲਬੀਰ ਸਿੰਘ ਬਿੱਟੂ ਨੇ ਅਚਾਨਕ ਜੈਤੇਵਾਲੀ ਸੀਵਰੇਜ ਟਰੀਟਮੈਂਟ ਪਲਾਂਟ ਦਾ ਦੌਰਾ ਕੀਤਾ। ਇਸ ਦੌਰਾਨ ਮੇਅਰ ਅਤੇ ਸੀਨੀਅਰ ਡਿਪਟੀ ਮੇਅਰ ਇਸ ਸਮੇਂ ਹੈਰਾਨ ਰਹਿ ਗਏ ਜਦੋਂ ਜੈਤੇਵਾਲੀ ਟਰੀਟਮੈਂਟ ਪਲਾਂਟ ਬਿਲਕੁਲ ਬੰਦ ਮਿਲਿਆ, ਜਦਕਿ ਦੂਜੇ ਪਾਸੇ ਰਾਮਾ ਮੰਡੀ ਦੀਆਂ ਕਈ ਕਾਲੋਨੀਆਂ, ਵਿਸ਼ੇਸ਼ ਕਰਕੇ ਦਕੋਹਾ, ਭੁੱਲਰ ਕਾਲੋਨੀ ਆਦਿ ਵਿਚ ਲੋਕ ਸੀਵਰੇਜ ਜਾਮ ਤੋਂ ਪ੍ਰੇਸ਼ਾਨ ਸਨ ਅਤੇ ਕਈ ਮੁਹੱਲੇ , ਕਾਲੋਨੀਆਂ ਅਤੇ ਗਲੀਆਂ ਗੰਦੇ ਪਾਣੀ ਵਿਚ ਡੁੱਬੀਆਂ ਹੋਈਆਂ ਸਨ।
ਇਹ ਵੀ ਪੜ੍ਹੋ: Punjab: ਡਰਾਈਵਿੰਗ ਕਰਨ ਵਾਲੇ ਦੇਣ ਧਿਆਨ, ਖੜ੍ਹੀ ਹੋਈ ਨਵੀਂ ਮੁਸੀਬਤ!
ਗਾਰ ਵੱਖ ਕਰਨ ਵਾਲੀ ਮੇਨ ਮੋਟਰ ਸਾਲ ਭਰ ਤੋਂ ਖਰਾਬ, ਪਲਾਂਟ ਅੰਦਰ ਜਾ ਹੀ ਨਹੀਂ ਰਿਹਾ ਸੀ ਪਾਣੀ
ਮੇਅਰ ਅਤੇ ਸੀਨੀਅਰ ਡਿਪਟੀ ਮੇਅਰ ਨੇ ਸਭ ਤੋਂ ਪਹਿਲਾਂ ਉਹ ਸਥਾਨ ਦੇਖਿਆ, ਜਿਥੋਂ ਸੀਵਰੇਜ ਦਾ ਗੰਦਾ ਪਾਣੀ ਜੈਤੇਵਾਲੀ ਪਲਾਂਟ ਵਿਚ ਦਾਖਲ ਹੁੰਦਾ ਹੈ। ਉਥੇ ਸੀਵਰੇਜ ਦੇ ਗੰਦੇ ਪਾਣੀ ਤੋਂ ਗਾਰ ਆਦਿ ਵੱਖ ਕਰਨ ਲਈ ਇਕ ਮੋਟਰ ਲੱਗੀ ਹੋਈ ਹੈ, ਜੋ ਪਿਛਲੇ ਇਕ ਸਾਲ ਤੋਂ ਖਰਾਬ ਪਈ ਸੀ। ਉਥੇ ਇੰਨੀ ਗਾਰ ਜੰਮ ਚੁੱਕੀ ਸੀ ਕਿ ਸੀਵਰੇਜ ਦਾ ਪਾਣੀ ਜੈਤੇਵਾਲੀ ਪਲਾਂਟ ਅੰਦਰ ਜਾ ਹੀ ਨਹੀਂ ਰਿਹਾ ਸੀ। ਜਦੋਂ ਦੋਵਾਂ ਨੇ ਪਲਾਂਟ ਅੰਦਰ ਜਾ ਕੇ ਵੇਖਿਆ ਤਾਂ ਸਾਰੇ ਕੰਪਿਊਟਰ, ਮਸ਼ੀਨਰੀ, ਮੋਟਰਾਂ ਆਦਿ ਬੰਦ ਪਈਆਂ ਸਨ। ਠੇਕੇਦਾਰ ਕੰਪਨੀ ਦੇ ਕੁਝ ਆਦਮੀ ਉਥੇ ਮੌਜੂਦ ਸਨ ਪਰ ਕੁਝ ਵੀ ਨਹੀਂ ਕਰ ਰਹੇ ਸਨ। ਜਦੋਂ ਉਨ੍ਹਾਂ ਨੂੰ ਪਲਾਂਟ ਚਲਾਉਣ ਲਈ ਕਿਹਾ ਗਿਆ ਤਾਂ ਸਿਰਫ ਇਕ ਮੋਟਰ ਹੀ ਚੱਲ ਸਕੀ। ਦੌਰੇ ਦੌਰਾਨ ਪਾਇਆ ਗਿਆ ਕਿ ਕੁੱਲ ਲੱਗੀਆਂ 6 ਮੋਟਰਾਂ ਵਿਚੋਂ 3 ਤਾਂ ਬਿਲਕੁਲ ਖਰਾਬ ਪਈਆਂ ਸਨ ਅਤੇ ਉਨ੍ਹਾਂ ਦੇ ਪੈਨਲ ਤਕ ਨਹੀਂ ਸਨ, ਜਦਕਿ ਬਾਕੀ 2 ਮੋਟਰਾਂ ਵੀ ਚੱਲਣ ਵਾਲੀ ਸਥਿਤੀ ਵਿਚ ਨਹੀਂ ਸਨ। ਜਦੋਂ ਮੇਅਰ ਅਤੇ ਬਿੱਟੂ ਨੇ ਪਲਾਂਟ ਦੇ ਕੰਪਿਊਟਰਾਂ ਨੂੰ ਅਪਡੇਟ ਕਰ ਕੇ ਦੇਖਿਆ ਤਾਂ ਹੈਰਾਨੀਜਨਕ ਗੱਲ ਇਹ ਸੀ ਕਿ ਪਲਾਂਟ ਕੋਈ ਵੀ ਕੰਮ ਨਹੀਂ ਕਰ ਰਿਹਾ ਸੀ।
ਇਹ ਵੀ ਪੜ੍ਹੋ: ਪੰਜਾਬ ਸਰਕਾਰ ਦਾ ਵੱਡਾ ਕਦਮ, 6 ਜ਼ਿਲ੍ਹਿਆਂ 'ਚ ਸ਼ੁਰੂ ਕੀਤਾ ਇਹ ਪ੍ਰਾਜੈਕਟ
ਜ਼ਿਕਰਯੋਗ ਹੈ ਕਿ ਨਿਗਮ ਨੇ ਉਥੇ ਇਕ ਸਰਕਾਰੀ ਕਰਮਚਾਰੀ ਨੂੰ ਵੀ ਦੇਖ-ਰੇਖ ਲਈ ਤਾਇਨਾਤ ਕੀਤਾ ਹੋਇਆ ਹੈ ਪਰ ਉਸ ਨੇ ਵੀ ਦੱਸਿਆ ਕਿ ਮੇਨ ਮੋਟਰ ਸਾਲ ਭਰ ਤੋਂ ਖਰਾਬ ਪਈ ਹੈ ਅਤੇ ਕਈ ਮੋਟਰਾਂ ਕੰਮ ਹੀ ਨਹੀਂ ਕਰ ਰਹੀਆਂ ਹਨ। ਉਸ ਸਰਕਾਰੀ ਕਰਮਚਾਰੀ ਨੇ ਮੇਅਰ ਨੂੰ ਦੱਸਿਆ ਕਿ ਠੇਕੇਦਾਰ ਕੰਪਨੀ ਦੇ ਆਦਮੀ ਅਕਸਰ ਉਸ ਨੂੰ ਪਲਾਂਟ ਅੰਦਰ ਨਹੀਂ ਆਉਣ ਦਿੰਦੇ ਅਤੇ ਛੁੱਟੀ ਵਾਲੇ ਦਿਨ ਤਾਂ ਉਸ ਨੂੰ ਬਾਹਰੋਂ ਹੀ ਮੋੜ ਦਿੱਤਾ ਜਾਂਦਾ ਹੈ। ਇਕ ਹੋਰ ਗੱਲ ਸਾਹਮਣੇ ਆਈ ਕਿ ਜੈਨਰੇਟਰ ਨੂੰ ਵੀ ਮੈਨੂਅਲ ਮੋਡ ’ਤੇ ਰੱਖਿਆ ਗਿਆ ਸੀ ਅਤੇ ਉਥੇ ਜਿਸ ਤਰ੍ਹਾਂ ਸੁੱਕੀ ਹੋਈ ਗਾਰ ਅਤੇ ਮਸ਼ੀਨਰੀ ਦੀ ਹਾਲਤ ਸੀ, ਉਸ ਤੋਂ ਸਾਫ ਜਾਪ ਰਿਹਾ ਸੀ ਕਿ ਪਲਾਂਟ ਨੂੰ ਕਦੇ-ਕਦਾਈਂ ਹੀ ਅੱਧਾ-ਅਧੂਰਾ ਚਲਾਇਆ ਜਾਂਦਾ ਹੈ।
ਠੇਕੇਦਾਰ ਨੇ 3.67 ਕਰੋੜ ’ਚ ਲਿਆ ਹੋਇਆ ਹੈ ਮੇਨਟੀਨੈਂਸ ਦਾ ਕੰਮ
ਵਿਨੀਤ ਧੀਰ ਅਤੇ ਬਲਬੀਰ ਬਿੱਟੂ ਨੇ ਦੱਸਿਆ ਕਿ ਲੁਧਿਆਣਾ ਦੀ ਇਕ ਕੰਪਨੀ ਈਕੋਟੈੱਕ ਇੰਜੀਨੀਅਰਿੰਗ ਕੰਪਨੀ ਨੇ 3.67 ਕਰੋੜ ਵਿਚ ਜੈਤੇਵਾਲੀ ਪਲਾਂਟ ਦੀ ਆਪ੍ਰੇਸ਼ਨ ਐਂਡ ਮੇਨਟੀਨੈਂਸ ਦਾ ਕਾਂਟਰੈਕਟ ਲਿਆ ਹੋਇਆ ਹੈ। ਸਿਵਲ, ਇਲੈਕਟ੍ਰੀਕਲ, ਮਕੈਨੀਕਲ ਅਤੇ ਹਾਰਟੀਕਲਚਰ ਮੇਨਟੀਨੈਂਸ ਦੀ ਜ਼ਿੰਮੇਵਾਰੀ ਕੰਪਨੀ ਦੀ ਸੀ ਪਰ ਕੰਪਨੀ ਦਾ ਕੰਮ ਤਸੱਲੀਬਖਸ਼ ਨਹੀਂ ਦਿੱਸਿਆ। ਇਹ ਵੀ ਸਾਹਮਣੇ ਆਇਆ ਕਿ ਜੋ ਐਸਟੀਮੇਟ ਅਤੇ ਟੈਂਡਰ ਪਰਫਾਰਮੈਂਸ ਆਧਾਰਿਤ ਹੋਣੇ ਚਾਹੀਦੇ ਸਨ, ਉਨ੍ਹਾਂ ਨੂੰ ਇਕਮੁਸ਼ਤ ਰੱਖਿਆ ਗਿਆ ਸੀ, ਜਿਸ ਨਾਲ ਸਾਰਾ ਫਾਇਦਾ ਕਾਂਟਰੈਕਟ ਲੈਣ ਵਾਲੀ ਕੰਪਨੀ ਨੂੰ ਹੋ ਰਿਹਾ ਸੀ ਅਤੇ ਨਿਗਮ ਨੂੰ ਕਰੋੜਾਂ ਰੁਪਏ ਦਾ ਨੁਕਸਾਨ ਹੋ ਰਿਹਾ ਸੀ।
ਇਹ ਵੀ ਪੜ੍ਹੋ: ਸੜਕ ਹਾਦਸੇ ਨੇ ਤਬਾਹ ਕੀਤੀਆਂ ਖ਼ੁਸ਼ੀਆਂ, ਮਾਪਿਆਂ ਦੇ ਜਵਾਨ ਪੁੱਤਰ ਦੀ ਦਰਦਨਾਕ ਮੌਤ
ਕੱਚੇ ਐੱਸ. ਡੀ. ਓ. ਗਗਨ ਲੂਥਰਾ ਦੀ ਜਵਾਬਦੇਹੀ ਤੈਅ ਹੋਵੇਗੀ
ਸੀਨੀਅਰ ਡਿਪਟੀ ਮੇਅਰ ਬਲਬੀਰ ਸਿੰਘ ਬਿੱਟੂ ਨੇ ਦੱਸਿਆ ਕਿ ਨਿਗਮ ਦੇ ਵਧੇਰੇ ਐੱਸ. ਟੀ. ਪੀਜ਼ ਦਾ ਚਾਰਜ ਆਊਟਸੋਰਸ ਆਧਾਰ ’ਤੇ ਰੱਖੇ ਗਏ ਐੱਸ. ਡੀ. ਓ. ਗਗਨ ਲੂਥਰਾ ਅਧੀਨ ਹੈ ਪਰ ਜੈਤੇਵਾਲੀ ਪਲਾਂਟ ’ਤੇ ਛਾਪੇਮਾਰੀ ਦੌਰਾਨ ਜੋ ਹਾਲਾਤ ਸਾਹਮਣੇ ਆਏ, ਉਸ ਦੀ ਪੂਰੀ ਜ਼ਿੰਮੇਵਾਰੀ ਗਗਨ ਲੂਥਰਾ ਦੀ ਬਣਦੀ ਹੈ, ਜੋ ਜਾਂ ਤਾਂ ਇਸ ਵੱਲ ਧਿਆਨ ਨਹੀਂ ਦੇ ਰਹੇ ਸਨ ਜਾਂ ਠੇਕੇਦਾਰ ਕੰਪਨੀ ਨਾਲ ਮਿਲੇ ਹੋਏ ਸਨ। ਮੇਅਰ ਅਤੇ ਸੀਨੀਅਰ ਡਿਪਟੀ ਮੇਅਰ ਨੇ ਹੁਕਮ ਜਾਰੀ ਕੀਤਾ ਹੈ ਕਿ ਲਾਪ੍ਰਵਾਹੀ ਲਈ ਕਾਂਟਰੈਕਟ ਲੈਣ ਵਾਲੀ ਕੰਪਨੀ ਅਤੇ ਐੱਸ. ਡੀ. ਓ. ਗਗਨ ਲੂਥਰਾ ਨੂੰ ਨੋਟਿਸ ਜਾਰੀ ਕੀਤਾ ਜਾਵੇ, ਨਾਲ ਹੀ ਅੱਗਿਓਂ ਜੈਤੇਵਾਲੀ ਪਲਾਂਟ ਦੇ ਸੰਚਾਲਨ ਦੇ ਉਚਿਤ ਇੰਤਜ਼ਾਮ ਯਕੀਨੀ ਬਣਾਏ ਜਾਣ। ਉਨ੍ਹਾਂ ਕਿਹਾ ਕਿ ਮਾਨਸੂਨ ਸੀਜ਼ਨ ਨੂੰ ਵੇਖਦੇ ਹੋਏ ਇਹ ਛਾਪੇਮਾਰੀ ਕੀਤੀ ਗਈ ਹੈ ਅਤੇ ਬਾਕੀ ਪਲਾਂਟਸ ਦੀ ਵਰਕਿੰਗ ਨੂੰ ਵੀ ਅਚਾਨਕ ਚੈੱਕ ਕੀਤਾ ਜਾਵੇਗਾ।
ਇਹ ਵੀ ਪੜ੍ਹੋ: Punjab: 26 ਤੋਂ 29 ਜੂਨ ਤੱਕ ਹੋ ਗਿਆ ਵੱਡਾ ਐਲਾਨ, ਬੰਦ ਰਹਿਣਗੀਆਂ ਇਹ ਦੁਕਾਨਾਂ
ਵਿਜੀਲੈਂਸ ਜਾਂਚ ਲਈ ਫਿੱਟ ਕੇਸ
ਇਨ੍ਹੀਂ ਦਿਨੀਂ ਸਟੇਟ ਵਿਜੀਲੈਂਸ ਨੇ ਜਲੰਧਰ ਨਿਗਮ ਦੇ ਬਿਲਡਿੰਗ ਵਿਭਾਗ, ਬੀ. ਐਂਡ ਆਰ. ਅਤੇ ਓ. ਐਂਡ ਐੱਮ. ਸੈੱਲ ’ਤੇ ਸ਼ਿਕੰਜਾ ਕੱਸਿਆ ਹੋਇਆ ਹੈ, ਜਿਥੇ ਗੈਰ-ਕਾਨੂੰਨੀ ਬਿਲਡਿੰਗਾਂ ਅਤੇ ਕਾਲੋਨੀਆਂ ਤੋਂ ਸਿਆਸੀ ਵਸੂਲੀ ਦੇ ਦੋਸ਼ ਸਾਹਮਣੇ ਆ ਰਹੇ ਹਨ, ਉਥੇ ਹੀ ਬਿਨਾਂ ਟੈਂਡਰ ਅਤੇ ਸੈਂਕਸ਼ਨ ਦੇ ਆਧਾਰ ’ਤੇ ਕਰਵਾਏ ਗਏ ਕਰੋਡ਼ਾਂ ਦੇ ਕੰਮ ਵੀ ਜਾਂਚ ਦਾ ਕੇਂਦਰ ਬਿੰਦੂ ਬਣੇ ਹੋਏ ਹਨ। ਸ਼ਹਿਰ ਦੇ ਐੱਸ. ਟੀ. ਪੀਜ਼ ਦੀ ਆਪ੍ਰੇਸ਼ਨ ਐਂਡ ਮੇਨਟੀਨੈਂਸ ਦੇ ਕੰਮ ਵਿਚ ਜਿਸ ਤਰ੍ਹਾਂ ਘਪਲਾ ਹੋ ਰਿਹਾ ਹੈ, ਉਸ ਕਾਰਨ ਇਹ ਕੇਸ ਵੀ ਵਿਜੀਲੈਂਸ ਜਾਂਚ ਲਈ ਫਿੱਟ ਮੰਨਿਆ ਜਾ ਰਿਹਾ ਹੈ।
ਖ਼ਾਸ ਗੱਲ ਇਹ ਹੈ ਕਿ ਨਿਗਮ ਵੱਲੋਂ ਐੱਸ. ਟੀ. ਪੀਜ਼ ਨੂੰ ਚਲਾਉਣ ਅਤੇ ਮੇਨਟੇਨ ਕਰਨ ਲਈ ਕਰੋੜਾਂ ਰੁਪਏ ਹਰ ਮਹੀਨੇ ਅਦਾ ਕੀਤੇ ਜਾਂਦੇ ਹਨ ਪਰ ਕਾਂਟਰੈਕਟ ਲੈਣ ਵਾਲੀਆਂ ਕੰਪਨੀਆਂ ਅਤੇ ਸਬੰਧਤ ਨਿਗਮ ਅਧਿਕਾਰੀਆਂ ਵਿਚ ਇੰਨੀ ਡੂੰਘੀ ਗੰਢ-ਸੰਢ ਹੈ ਕਿ ਨਿਗਮ ਨੂੰ ਹਰ ਮਹੀਨੇ ਤਕੜਾ ਚੂਨਾ ਲੱਗ ਰਿਹਾ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਆਉਣ ਵਾਲੇ ਦਿਨਾਂ ਵਿਚ ਆਮ ਆਦਮੀ ਪਾਰਟੀ ਦੀ ਸਰਕਾਰ ਇਸ ਪਾਸੇ ਵੀ ਧਿਆਨ ਦੇ ਕੇ ਇਕ ਵੱਡਾ ਸਕੈਂਡਲ ਸਾਹਮਣੇ ਲਿਆ ਸਕਦੀ ਹੈ।
ਇਹ ਵੀ ਪੜ੍ਹੋ: 11ਵੀਂ ਤੇ 12ਵੀਂ ਜਮਾਤ ਦੇ ਵਿਦਿਆਰਥੀਆਂ ਲਈ ਪੰਜਾਬ ਸਰਕਾਰ ਦਾ ਵੱਡਾ ਐਲਾਨ
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਪੰਜਾਬ ਪੁਲਸ ਦੀ ਵੱਡੀ ਕਾਰਵਾਈ: 6 ਵਿਦੇਸ਼ੀ ਹਥਿਆਰਾਂ ਸਮੇਤ 3 ਤਸਕਰ ਗ੍ਰਿਫ਼ਤਾਰ, ਜੇਲ੍ਹ 'ਚੋਂ ਚਲ ਰਿਹਾ ਸੀ ਰੈਕੇਟ
NEXT STORY 
