ਲੁਧਿਆਣਾ (ਹਿਤੇਸ਼) : ਨਵੀਂ ਕਮਿਸ਼ਨਰ ਨੀਰੂ ਕਤਿਆਲ ਨੇ ਚਾਰਜ ਸੰਭਾਲਣ ਦੇ 3 ਦਿਨਾਂ ਦੇ ਅੰਦਰ ਹੀ ਨਗਰ ਨਿਗਮ ਨੂੰ ਡਿਜੀਟਲ ਕਰਨ ਦਾ ਫੈਸਲਾ ਲਿਆ ਹੈ। ਇਸ ਸਬੰਧੀ ਜਾਰੀ ਆਰਡਰ ’ਚ ਸਾਰੇ ਵਿਭਾਗਾਂ ਨੂੰ 16 ਫਰਵਰੀ ਤੋਂ ਈ-ਆਫਿਸ ਸਿਸਟਮ ਲਾਗੂ ਕਰਨ ਦੇ ਨਿਰਦੇਸ਼ ਦਿੱਤੇ ਗਏ ਹਨ, ਜਿਸ ਲਈ ਸਰਕਾਰ ਵੱਲੋਂ ਡਿਜੀਟਲ ਗਰਵਨੈਂਸ ਨੂੰ ਲੈ ਕੇ ਜਾਰੀ ਕੀਤੀ ਗਾਈਡ ਲਾਈਨ ਦਾ ਹਵਾਲਾ ਦਿੱਤਾ ਗਿਆ ਹੈ, ਜਿਸ ਦੇ ਆਧਾਰ ’ਤੇ ਸਾਫ ਕਰ ਦਿੱਤਾ ਗਿਆ ਹੈ ਕਿ 16 ਫਰਵਰੀ ਤੋਂ ਬਾਅਦ ਨਗਰ ਨਿਗਮ ’ਚ ਕੋਈ ਵੀ ਫਾਈਲ ਮੈਨੂਅਲ ਤਰੀਕੇ ਨਾਲ ਸਵੀਕਾਰ ਨਹੀਂ ਕੀਤੀ ਜਾਵੇਗੀ ਅਤੇ ਹਰ ਦਸਤਾਵੇਜ਼ ਨੂੰ ਈ-ਆਫਿਸ ਸਿਸਟਮ ਜ਼ਰੀਏ ਅਪਲੋਡ ਕਰਨ ਦੀ ਹਦਾਇਤ ਦਿੱਤੀ ਗਈ ਹੈ।
ਇਹ ਵੀ ਪੜ੍ਹੋ : ਭਗਵੰਤ ਮਾਨ ਤੇ ਕੇਜਰੀਵਾਲ ਨੇ ਪੰਜਾਬ ਨੂੰ ਬਣਾਇਆ ਪੁਲਸ ਸਟੇਟ : ਸੁਖਪਾਲ ਖਹਿਰਾ
ਇਸ ਤਰ੍ਹਾਂ ਲਾਗੂ ਹੋਵੇਗਾ ਈ-ਆਫਿਸ ਸਿਸਟਮ
ਹੁਣ ਤੱਕ ਨਗਰ ਨਿਗਮ ’ਚ ਸਾਰੀਆਂ ਅਰਜ਼ੀਆਂ ਸੁਵਿਧਾ ਸੈਂਟਰ ਜ਼ਰੀਏ ਸਵੀਕਾਰ ਕੀਤੀਆਂ ਜਾਣਗੀਆਂ ਪਰ ਉਨ੍ਹਾਂ ’ਚੋਂ ਨਕਸ਼ਾ ਪਾਸ ਕਰਨ, ਜਨਮ ਮੌਤ ਸਰਟੀਫਿਕੇਟ, ਟਰੇਡ ਲਾਇਸੈਂਸ ਜਾਰੀ ਕਰਨ ਨੂੰ ਛੱਡ ਕੇ ਪ੍ਰਾਪਰਟੀ, ਪਾਣੀ ਸੀਵਰੇਜ ਨਾਲ ਸਬੰਧਤ ਸਾਰੇ ਕੰਮ ਮੈਨੂਅਲ ਤਰੀਕੇ ਨਾਲ ਹੋ ਰਹੇ ਹਨ ਪਰ ਈ-ਆਫਿਸ ਸਿਸਟਮ ਲਾਗੂ ਹੋਣ ਤੋਂ ਬਾਅਦ ਹਰ ਫਾਈਲ ਨੂੰ ਆਨਲਾਈਨ ਅਪਲੋਡ ਕਰਨਾ ਹੋਵੇਗਾ ਅਤੇ ਉਹ ਇਸ ਪੈਟਰਨ ’ਚ ਉਪਰ ਤੋਂ ਹੇਠਾਂ ਤੱਕ ਜਾਵੇਗੀ, ਜਿਨ੍ਹਾਂ ਨੂੰ ਮਨਜ਼ੂਰੀ ਲਈ ਬਕਾਇਦਾ ਡੈੱਡਲਾਈਨ ਫਿਕਸ ਕੀਤੀ ਗਈ ਹੈ।
ਇਹ ਵੀ ਪੜ੍ਹੋ : ਸਪਾਈਸਜੈੱਟ 10 ਫਰਵਰੀ ਤੋਂ ਇੰਫਾਲ ਲਈ ਸ਼ੁਰੂ ਕਰੇਗੀ ਆਪਣੀ ਪਹਿਲੀ ਉਡਾਣ ਸੇਵਾ
ਜਨਤਾ ਨੂੰ ਮਿਲੇਗੀ ਵੱਡੀ ਰਾਹਤ, ਕੁਰੱਪਸ਼ਨ ’ਤੇ ਵੀ ਲੱਗੇਗੀ ਲਗਾਮ
ਨਗਰ ਨਿਗਮ ’ਚ ਈ-ਆਫਿਸ ਸਿਸਟਮ ਲਾਗੂ ਹੋਣ ਤੋਂ ਬਾਅਦ ਪਬਲਿਕ ਨੂੰ ਵੱਡੀ ਰਾਹਤ ਮਿਲੇਗੀ ਅਤੇ ਕੁਰੱਪਸ਼ਨ ’ਤੇ ਵੀ ਲਗਾਮ ਲੱਗੇਗੀ, ਕਿਉਂਕਿ ਆਮ ਤੌਰ ’ਤੇ ਲੋਕਾਂ ਦੀ ਸ਼ਿਕਾਇਤ ਹੁੰਦੀ ਹੈ ਕਿ ਰੁਟੀਨ ਦੇ ਕੰਮ ਲਈ ਵੀ ਸੈਟਿੰਗ ਜਾਂ ਸਿਫਾਰਿਸ਼ ਨਾ ਹੋਣ ’ਤੇ ਨਗਰ ਨਿਗਮ ਮੁਲਾਜ਼ਮਾਂ ਵੱਲੋਂ ਜਾਂ ਤਾਂ ਪਹਿਲਾਂ ਕਾਫੀ ਦਿਨਾਂ ਤੱਕ ਅਰਜ਼ੀਆਂ ਸਵੀਕਾਰ ਨਹੀਂ ਕੀਤੀਆਂ ਜਾਂਦੀਆਂ ਅਤੇ ਫਿਰ ਉਸ ’ਤੇ ਬਿਨਾਂ ਵਜ੍ਹਾ ਇਤਰਾਜ਼ ਲਾ ਕੇ ਪੈਂਡਿੰਗ ਰੱਖਿਆ ਜਾਂਦਾ ਹੈ, ਇਸ ਹਾਲਾਤ ’ਚ ਡਿਜੀਟਲ ਸਿਸਟਮ ਲਾਗੂ ਹੋਣ ਤੋਂ ਬਾਅਦ ਕਾਫੀ ਹੱਦ ਤੱਕ ਸੁਧਾਰ ਹੋਣ ਦੀ ਉਮੀਦ ਹੈ ਕਿਉਂਕਿ ਈ-ਆਫਿਸ ਸਿਸਟਮ ’ਚ ਆਸਾਨੀ ਨਾਲ ਪਤਾ ਲੱਗ ਜਾਵੇਗਾ ਕਿ ਕਿਸ ਮੁਲਾਜ਼ਮ ਕੋਲ ਕਿੰਨੇ ਦਿਨ ਤੱਕ ਫਾਈਲ ਪੈਂਡਿੰਗ ਰਹੀ ਹੈ।
ਪਤੀ ਦੀ ਗੈਰ-ਮੌਜੂਦਗੀ ’ਚ 2 ਬੱਚਿਆਂ ਦੀ ਮਾਂ ਪ੍ਰੇਮੀ ਨਾਲ ਫ਼ਰਾਰ, ਰੋਜ਼ੀ-ਰੋਟੀ ਲਈ ਕੁਵੈਤ ਗਿਆ ਸੀ ਪਤੀ
NEXT STORY 
