ਪੰਜਾਬ-ਹਰਿਆਣਾ ਦੀਆਂ ਜੇਲ੍ਹਾਂ 'ਚ ਸਮਰੱਥਾ ਤੋਂ ਵੱਧ ਕੈਦੀ, NCRB ਵੱਲੋਂ ਅੰਕੜੇ ਜਾਰੀ

ਬਠਿੰਡਾ: ਪੰਜਾਬ, ਹਰਿਆਣਾ, ਹਿਮਾਚਲ ਪ੍ਰਦੇਸ਼ ਅਤੇ ਕੇਂਦਰ ਸ਼ਾਸਤ ਪ੍ਰਦੇਸ਼ ਚੰਡੀਗੜ੍ਹ ਦੀਆਂ ਜੇਲ੍ਹਾਂ ਵਿੱਚ ਕੈਦੀਆਂ ਦੀ ਗਿਣਤੀ ਵਧਣ ਕਾਰਨ ਜੇਲ੍ਹਾਂ ਵਿੱਚ ਭੀੜ ਵਧਦੀ ਜਾ ਰਹੀ ਹੈ ਹਾਲਾਂਕਿ ਇਹ ਰਾਸ਼ਟਰੀ ਔਸਤ ਤੋਂ ਘੱਟ ਹੈ। ਰਾਸ਼ਟਰੀ ਪੱਧਰ 'ਤੇ ਜੇਲ੍ਹ ਦੀ ਸਮਰੱਥਾ ਤੋਂ 131.4% ਆਬਾਦੀ (ਕੈਦੀ) ਵਧੇਰੇ ਹੈ। ਇਸ ਦੇ ਮੁਕਾਬਲੇ ਹਰਿਆਣਾ ਦੀਆਂ ਜੇਲ੍ਹਾਂ ਵਿੱਚ ਸਮਰੱਥਾ ਤੋਂ 121.6% ਕੈਦੀ ਵਧੇਰੇ ਹਨ, ਇਸ ਤੋਂ ਬਾਅਦ ਪੰਜਾਬ ਵਿੱਚ 116%, ਹਿਮਾਚਲ ਪ੍ਰਦੇਸ਼ ਵਿੱਚ 114%, ਅਤੇ ਚੰਡੀਗੜ੍ਹ ਵਿੱਚ 106.7% ਕੈਦੀ ਸਮਰੱਥਾ ਤੋਂ ਵਧੇਰੇ ਹਨ। ਨੈਸ਼ਨਲ ਕ੍ਰਾਈਮ ਰਿਕਾਰਡ ਬਿਊਰੋ (NCRB) ਨੇ ਸੋਮਵਾਰ ਨੂੰ 2022 ਲਈ ਇਹ ਅੰਕੜੇ ਜਾਰੀ ਕੀਤੇ।

ਪੰਜਾਬ ਦੀਆਂ 26 ਜੇਲ੍ਹਾਂ 'ਚ 10 ਕੇਂਦਰੀ ਜੇਲ੍ਹਾਂ, 7 ਜ਼ਿਲ੍ਹਾ ਜੇਲ੍ਹਾਂ, 5 ਸਬ-ਜੇਲ੍ਹਾਂ, 2 ਮਹਿਲਾ ਜੇਲ੍ਹਾਂ, 1 ਬੋਰਸਟਲ ਅਤੇ 1 ਓਪਨ ਜੇਲ੍ਹ ਸ਼ਾਮਲ ਹਨ। ਹਰਿਆਣਾ ਦੀਆਂ 20 ਜੇਲ੍ਹਾਂ 'ਚ 3 ਕੇਂਦਰੀ ਜੇਲ੍ਹਾਂ ਅਤੇ 17 ਜ਼ਿਲ੍ਹਾ ਜੇਲ੍ਹਾਂ ਹਨ, ਜਦਕਿ ਹਿਮਾਚਲ ਪ੍ਰਦੇਸ਼ ਦੀਆਂ 16 ਜੇਲ੍ਹਾਂ 'ਚ 2 ਕੇਂਦਰੀ ਜੇਲ੍ਹਾਂ, 9 ਜ਼ਿਲ੍ਹਾ ਜੇਲ੍ਹਾਂ, 3 ਸਬ-ਜੇਲ੍ਹਾਂ, 1 ਬੋਰਸਟਲ ਅਤੇ 1 ਓਪਨ ਜੇਲ੍ਹ ਸ਼ਾਮਲ ਹਨ। ਚੰਡੀਗੜ੍ਹ 'ਚ ਬੁੜੈਲ 'ਚ ਸਿਰਫ਼ ਇਕ ਕੇਂਦਰੀ ਜੇਲ੍ਹ ਹੈ, ਜਦੋਂ ਕਿ ਦੇਸ਼ 'ਚ 1,330 ਜੇਲ੍ਹਾਂ ਹਨ।

ਇਹ ਵੀ ਪੜ੍ਹੋ- ਛੇੜਛਾੜ ਤੋਂ ਤੰਗ ਆ ਕੇ ਸਰਪੰਚ ਦੀ 16 ਸਾਲਾ ਧੀ ਨੇ ਗਲ਼ ਲਾਈ ਮੌਤ, ਪਿੰਡ 'ਚ ਪਸਰਿਆ ਸੋਗ

ਜੇਲ੍ਹਾਂ ਦੀ ਸਮਰੱਥਾ

ਪੰਜਾਬ ਦੀ ਜੇਲ੍ਹ ਦੀ ਸਮਰੱਥਾ 26,556 ਹੈ ਜਿਸ 'ਚ 24,083 ਪੁਰਸ਼ ਅਤੇ 2,473 ਔਰਤਾਂ ਰਹਿ ਸਕਦੀਆਂ ਹਨ, ਜਦੋਂ ਕਿ ਮੌਜੂਦਾ ਸਮੇਂ ਕੈਦੀਆਂ ਦੀ ਗਿਣਤੀ 30,801 ਹੈ ਜਿਨ੍ਹਾਂ 'ਚ 29,239 ਪੁਰਸ਼, 1,560 ਔਰਤਾਂ ਅਤੇ 2 ਟਰਾਂਸਜੈਂਡਰ ਸ਼ਾਮਲ ਹਨ। ਹਰਿਆਣਾ ਦੀ 20,953 ਜੇਲ੍ਹ ਦੀ ਸਮਰੱਥਾ 19,193 ਪੁਰਸ਼ ਅਤੇ 1,760 ਔਰਤਾਂ ਨੂੰ ਰੱਖ ਸਕਦੀ ਹੈ, ਜਦੋਂ ਕਿ ਮੌਜੂਦਾ 25,471 ਕੈਦੀਆਂ ਵਿੱਚ 24,647 ਪੁਰਸ਼, 819 ਔਰਤਾਂ ਅਤੇ 5 ਟਰਾਂਸਜੈਂਡਰ ਸ਼ਾਮਲ ਹਨ। ਹਿਮਾਚਲ ਪ੍ਰਦੇਸ਼ ਦੀ 2,528 ਦੀ ਜੇਲ੍ਹ ਸਮਰੱਥਾ 2,365 ਪੁਰਸ਼ ਅਤੇ 163 ਔਰਤਾਂ ਨੂੰ ਰੱਖ ਸਕਦੀ ਹੈ, ਜਦੋਂ ਕਿ ਮੌਜੂਦਾ 2,881 ਕੈਦੀਆਂ ਵਿੱਚ 2,769 ਪੁਰਸ਼, 109 ਔਰਤਾਂ ਅਤੇ 3 ਟਰਾਂਸਜੈਂਡਰ ਸ਼ਾਮਲ ਹਨ।

ਇਹ ਵੀ ਪੜ੍ਹੋ- ਪਤੀ ਦੇ ਨਾਜਾਇਜ਼ ਸਬੰਧਾਂ ਕਾਰਨ ਉੱਜੜਿਆ ਪਰਿਵਾਰ, ਪਤਨੀ ਨੇ ਲਾਈਵ ਹੋ ਕੇ ਗਲ ਲਾਈ ਮੌਤ

ਇਸੇ ਤਰ੍ਹਾਂ ਚੰਡੀਗੜ੍ਹ ਦੀ ਇਕੱਲੀ ਜੇਲ੍ਹ ਵਿੱਚ 1,120 ਕੈਦੀਆਂ ਦੀ ਸਮਰੱਥਾ ਹੈ, ਜਿਸ ਵਿੱਚ 1,000 ਪੁਰਸ਼ ਅਤੇ 120 ਔਰਤਾਂ ਰਹਿ ਸਕਦੀਆਂ ਹਨ, ਜਦੋਂ ਕਿ ਮੌਜੂਦਾ ਸਮੇਂ ਕੈਦੀਆਂ ਦੀ ਗਿਣਤੀ 1,195 ਹੈ, ਜਿਸ ਵਿੱਚ 1,138 ਪੁਰਸ਼ ਅਤੇ 57 ਔਰਤਾਂ ਸ਼ਾਮਲ ਹਨ। ਦੇਸ਼ 'ਚ ਜੇਲ੍ਹਾਂ ਦੀ ਸਮਰੱਥਾ 4,36,266 ਹੈ ਪਰ ਕੈਦੀਆਂ ਦੀ ਗਿਣਤੀ 5,73,220 ਹੈ, ਜੋ ਕਿ ਸਮਰੱਥਾ ਦਾ 131.4% ਹੈ। ਪੰਜਾਬ ਦੀਆਂ ਜੇਲ੍ਹਾਂ 'ਚ 6,543 ਦੋਸ਼ੀ, 24,198 ਅੰਡਰ ਟਰਾਇਲ ਅਤੇ 60 ਕੈਦੀ ਹਨ, ਜਦੋਂ ਕਿ ਹਰਿਆਣਾ ਦੀਆਂ ਜੇਲ੍ਹਾਂ 'ਚ 5,957 ਦੋਸ਼ੀ, 19,279 ਅੰਡਰ ਟਰਾਇਲ ਅਤੇ 235 ਕੈਦੀ ਹਨ। ਹਿਮਾਚਲ ਪ੍ਰਦੇਸ਼ 'ਚ 955 ਦੋਸ਼ੀ ਅਤੇ 1,926 ਅੰਡਰ ਟਰਾਇਲ ਹਨ, ਜਦੋਂ ਕਿ ਚੰਡੀਗੜ੍ਹ 'ਚ 363 ਦੋਸ਼ੀ ਅਤੇ 832 ਅੰਡਰ ਟ੍ਰਾਇਲ ਹਨ।

ਇਹ ਵੀ ਪੜ੍ਹੋ- ਫੋਕਲ ਪੁਆਂਇਟਾਂ ਨੂੰ ਲੈ ਕੇ ਪੰਜਾਬ ਸਰਕਾਰ ਨੇ ਬਣਾਈ ਵਿਸ਼ੇਸ਼ ਯੋਜਨਾ, 1150 ਕਰੋੜ ਨਾਲ ਬਦਲੇਗੀ ਨੁਹਾਰ

ਪੰਜਾਬ ਦੀਆਂ ਕੇਂਦਰੀ ਜੇਲ੍ਹਾਂ ਜਿਨ੍ਹਾਂ 'ਚ 20,393 ਕੈਦੀਆਂ ਦੀ ਸਮਰੱਥਾ ਹੈ, ਜਿਸ 'ਚ 114.3% ਸਮਰੱਥਾ ਨਾਲ 23,319 ਕੈਦੀ ਹਨ, ਜਦੋਂ ਕਿ ਜ਼ਿਲ੍ਹਾ ਜੇਲ੍ਹਾਂ ਜਿੱਥੇ 4,203 ਕੈਦੀਆਂ ਦੀ ਸਮਰੱਥਾ ਹੈ, ਜਿਸ 'ਚ 133.5% ਸਮਰੱਥਾ ਨਾਲ 5,611 ਕੈਦੀ ਹਨ। ਸਬ-ਜੇਲਾਂ ਜਿਨ੍ਹਾਂ ਦੀ ਸਮਰੱਥਾ 777 ਹੈ, ਵਿਚ 126.5% ਦੀ ਦਰ ਨਾਲ 983 ਕੈਦੀ ਹਨ, ਜਦੋਂ ਕਿ ਇਸ ਦੀਆਂ ਮਹਿਲਾ ਜੇਲ੍ਹਾਂ ਜਿਨ੍ਹਾਂ ਦੀ ਸਮਰੱਥਾ 608 ਹੈ, ਵਿੱਚ 71.2% ਦੀ ਦਰ ਨਾਲ 433 ਕੈਦੀ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8