ਪਠਾਨਕੋਟ (ਸ਼ਾਰਦਾ) : ਬੇਸ਼ੱਕ ਲੋਕ ਸਭਾ ਚੋਣਾਂ ਦੇਸ਼ 'ਚ ਸੰਪੰਨ ਹੋ ਚੁੱਕੀਆਂ ਹਨ ਅਤੇ ਭਾਜਪਾ ਨੂੰ ਜਿੱਤ ਮਿਲ ਗਈ ਹੈ। ਮੋਦੀ ਦੀ ਚਲੀ ਸੁਨਾਮੀ ਨੇ ਕਈ ਸੂਬਿਆਂ 'ਚ ਵਿਰੋਧੀ ਦਲਾਂ ਵਿਚ ਰਾਜਨੀਤਕ ਤਬਾਹੀ ਮਚਾਈ ਹੈ। ਕਈ ਸੂਬਿਆਂ 'ਚ ਤਾਂ ਕਾਂਗਰਸ ਪਾਰਟੀ ਦਾ ਖਾਤਾ ਤੱਕ ਨਹੀਂ ਖੁੱਲ੍ਹ ਸਕਿਆ। ਇਸ ਕਰ ਕੇ ਕਾਂਗਰਸ ਪਾਰਟੀ 'ਚ ਹੁਣ ਹਾਰ ਨੂੰ ਲੈ ਕੇ ਬਣੀ ਹੋਈ 'ਰਾਰ' ਨਾਲ ਅਸਤੀਫਿਆਂ ਦਾ ਦੌਰ ਜਾਰੀ ਹੈ। ਸੂਬੇ 'ਚ ਚਾਹੇ ਕਾਂਗਰਸ ਦੀ ਕੈਪਟਨ ਸਰਕਾਰ 13 'ਚੋਂ 8 ਸੀਟਾਂ ਜਿੱਤ ਕੇ ਵਾਹ-ਵਾਹ ਲੁੱਟ ਰਹੀ ਹੈ ਅਤੇ ਦੇਸ਼-ਵਿਦੇਸ਼ 'ਚੋਂ ਕਾਂਗਰਸ ਨੂੰ ਵਧਾਈ ਸੰਦੇਸ਼ ਆ ਰਹੇ ਹਨ ਪਰ ਸਿਆਸੀ ਮਾਹਿਰ ਕਾਂਗਰਸ ਦੀ ਅੰਦਰ ਦੀ ਰਾਜਨੀਤੀ ਨੂੰ ਲੈ ਕੇ ਚਿੰਤਤ ਹਨ ਕਿ ਭਵਿੱਖ 'ਚ ਕਾਂਗਰਸ ਦੀ ਰਾਜਨੀਤਕ ਸਥਿਤੀ ਇਕ ਅਜਿਹੇ ਸ਼ਾਂਤ ਨਜ਼ਰ ਆ ਰਹੇ ਜਵਾਲਾਮੁਖੀ ਦੀ ਤਰ੍ਹਾਂ ਹੈ ਜੋ ਅੰਦਰੋਂ ਤੇਜ਼ੀ ਨਾਲ ਧਧਕ ਰਹੀ ਹੈ ਅਤੇ ਇਸਦਾ ਲਾਵਾ ਕਦੇ ਵੀ ਫਟ ਕੇ ਪਾਰਟੀ ਨੂੰ ਤਹਿਸ-ਨਹਿਸ ਕਰ ਸਕਦਾ ਹੈ।
ਇਸ ਗੱਲ ਦਾ ਇਸ਼ਾਰਾ ਦਿੱਤਾ ਜਾ ਰਿਹਾ ਹੈ ਕਿ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਇਕ ਧਾਕੜ ਨੇਤਾ ਹਨ, ਜਿਨ੍ਹਾਂ ਦਾ ਸੂਬੇ ਦੀ ਕਾਂਗਰਸ ਪਾਰਟੀ 'ਤੇ ਪੂਰਾ ਕੰਟਰੋਲ ਹੈ ਪਰ ਲੋਕ ਸਭਾ ਚੋਣਾਂ 'ਚ ਜਿਸ ਤਰ੍ਹਾਂ ਦੇ ਸੰਦੇਸ਼ ਕਾਂਗਰਸ ਦੀ ਰਾਜਨੀਤੀ ਤੋਂ ਨਿਕਲੇ ਹਨ, ਉਹ ਨਾ ਤਾਂ ਪਾਰਟੀ ਲਈ ਸੁਖਦ ਹਨ ਅਤੇ ਨਾ ਹੀ ਸੂਬੇ ਲਈ ਚੰਗੇ। 10 ਸਾਲ ਤੱਕ ਸੂਬੇ 'ਚ ਵਿਰੋਧੀ ਧਿਰ ਰਹਿਣ 'ਤੇ ਰਾਜਨੀਤਕ ਬਨਵਾਸ ਕੱਟਣ ਦੇ ਬਾਅਦ ਕਾਂਗਰਸ ਪਾਰਟੀ ਪਿਛਲੀਆਂ ਵਿਧਾਨ ਸਭਾ ਚੋਣਾਂ ਤੋਂ ਬਾਅਦ ਸੱਤਾ 'ਚ ਪਰਤੀ ਹੈ। ਲੋਕਾਂ ਦੇ ਮਨਾਂ 'ਚ ਇਹ ਗੱਲ ਘਰ ਕਰ ਚੁੱਕੀ ਸੀ ਕਿ ਅਕਾਲੀ ਦਲ ਅਤੇ ਕਾਂਗਰਸ ਪਾਰਟੀ 'ਚ ਖਾਸ ਅੰਤਰ ਨਹੀਂ ਹੈ। ਇਸ ਲਈ ਤੀਸਰਾ ਫਰੰਟ ਉਸ ਸਮੇਂ ਠਾਠਾਂ ਮਾਰ ਰਿਹਾ ਸੀ। ਇਹ ਤਾਂ ਆਮ ਆਦਮੀ ਪਾਰਟੀ ਦਾ ਹੀ ਦੁਰਭਾਗ ਸਮਝਿਆ ਜਾਣਾ ਚਾਹੀਦਾ ਹੈ ਕਿ ਰਾਜਨੀਤੀ ਦੇ ਅਨਾੜੀ 'ਆਪ' ਦੇ ਯੁਵਾ ਨੇਤਾਵਾਂ ਨੇ ਮੁਰਗੀ ਦੇ ਜ਼ਿਆਦਾ ਅੰਡੇ ਖਾਣ ਦੇ ਚੱਕਰ 'ਚ ਮੁਰਗੀ ਹੀ ਮਾਰ ਦਿੱਤੀ। ਹੁਣ ਇਸ ਗੱਲ ਦੀ ਆਸ ਬੱਝੀ ਸੀ ਕਿ ਕਾਂਗਰਸ ਪਾਰਟੀ ਹੌਲੀ-ਹੌਲੀ ਆਪਣੀ ਸਥਿਤੀ ਨੂੰ ਮਜ਼ਬੂਤ ਕਰੇਗੀ ਅਤੇ ਜਨਤਾ ਦਾ ਵਿਸ਼ਵਾਸ ਜਿੱਤ ਕੇ ਲੰਬੇ ਸਮੇਂ ਤੱਕ ਆਪਣੀ ਪਾਰੀ ਖੇਡੇਗੀ।
ਪਿਛਲੇ 2 ਸਾਲਾਂ ਦੌਰਾਨ ਪਾਰਟੀ ਚਾਹੇ ਕਈ ਤਰ੍ਹਾਂ ਦੀਆਂ ਚੋਣਾਂ ਜਿੱਤ ਗਈ ਹੋਵੇ ਪਰ ਧਨ ਦੀ ਘਾਟ ਅਤੇ ਹੋਰ ਕਾਰਣਾਂ ਨਾਲ ਕਾਂਗਰਸ ਆਪਣੇ ਰਾਜਨੀਤਕ ਵਾਅਦਿਆਂ ਅਤੇ ਸੂਬੇ ਦੇ ਵਿਕਾਸ ਨੂੰ ਨਵੀਂ ਦਿਸ਼ਾ ਦੇਣ 'ਚ ਜ਼ਿਆਦਾ ਸਫਲ ਨਹੀਂ ਹੋ ਸਕੀ। ਹੌਲੀ-ਹੌਲੀ ਲੋਕ ਵਿਸ਼ਲੇਸ਼ਣ ਕਰ ਕੇ ਆਪਣਾ ਮਨ ਬਦਲਣਾ ਸ਼ੁਰੂ ਕਰ ਦਿੰਦੇ ਹਨ। ਲੋਕ ਸਭਾ ਚੋਣਾਂ ਤੋਂ ਇਕ ਮਹੀਨਾ ਪਹਿਲਾਂ ਕਾਂਗਰਸ ਪਾਰਟੀ ਲਈ ਸੂਬੇ ਦਾ ਮਿਸ਼ਨ 13-13 ਆਸਾਨ ਨਜ਼ਰ ਆ ਰਿਹਾ ਸੀ। ਸਿਰਫ਼ ਚੋਣਾਂ ਤੋਂ ਡੇਢ ਮਹੀਨਾ ਪਹਿਲਾਂ ਹੀ ਅਜਿਹੀ ਰਾਜਨੀਤੀ ਹੋਈ ਕਿ ਚੋਣਾਂ ਦਾ ਨਤੀਜਾ 8-5 ਹੋ ਗਿਆ, ਉਥੇ ਹੀ ਕਾਂਗਰਸ ਦੀ ਗੁੱਟਬੰਦੀ ਲਗਭਗ ਸਾਰੀਆਂ ਸੰਸਦੀ ਖੇਤਰਾਂ (ਸਾਰੇ ਜ਼ਿਲਿਆਂ) 'ਚ ਖੁੱਲ੍ਹ ਕੇ ਸਾਹਮਣੇ ਆਈ। ਪ੍ਰਦੇਸ਼ ਕਾਂਗਰਸ ਦੇ ਸਾਬਕਾ ਪ੍ਰਧਾਨ ਸ਼ਮਸ਼ੇਰ ਸਿੰਘ ਅਤੇ ਲਾਲ ਸਿੰਘ ਦੀ ਲੜਾਈ ਨੂੰ ਲੋਕਾਂ ਨੇ ਖੂਬ ਚਟਕਾਰੇ ਲੈ ਕੇ ਸੁਣਿਆ ਅਤੇ ਸਮਝਿਆ। ਇਹ ਦੋਵੇਂ ਕਾਂਗਰਸ ਦੇ ਸੀਨੀਅਰ ਨੇਤਾਵਾਂ ਦੀ ਸੂਚੀ 'ਚ ਸ਼ਾਮਲ ਹਨ। ਜੇਕਰ ਉਨ੍ਹਾਂ ਦੀ ਇਹ ਰਾਜਨੀਤਕ ਲੜਾਈ ਸੜਕਾਂ ਅਤੇ ਮੀਡੀਆ ਵਿਚ ਆ ਗਈ ਤਾਂ ਬਾਕੀਆਂ ਨੂੰ ਕੀ ਕਹਿਣਾ ਹੈ?
ਜਿਸ ਤਰ੍ਹਾਂ ਸੂਬੇ ਵਿਚ ਅਕਾਲੀ ਦਲ ਅਤੇ ਕੇਂਦਰ ਵਿਚ ਮੋਦੀ ਖਿਲਾਫ਼ ਕੰਪੇਨ ਚਲਾਉਣ ਵਾਲੇ ਪ੍ਰਦੇਸ਼ ਕਾਂਗਰਸ ਪ੍ਰਧਾਨ ਸੁਨੀਲ ਜਾਖੜ ਨੇ ਆਪਣੇ ਮਨ ਦੀ ਆਵਾਜ਼ 'ਤੇ ਰਾਹੁਲ ਗਾਂਧੀ ਨੂੰ ਆਪਣਾ ਅਸਤੀਫਾ ਭੇਜਿਆ ਹੈ। ਨਿਸ਼ਚਿਤ ਤੌਰ 'ਤੇ 8 ਸੀਟਾਂ ਜਿੱਤਣ ਦੇ ਬਾਵਜੂਦ ਉਹ ਗੁਰਦਾਸਪੁਰ ਵਿਚ ਹੋਈ ਕਾਂਗਰਸ ਦੀ ਹਾਰ ਨਾਲ ਪੂਰੀ ਤਰ੍ਹਾਂ ਵਿਅਥਿਤ ਹਨ। ਮੁੱਖ ਮੰਤਰੀ ਕੈ. ਅਮਰਿੰਦਰ ਸਿੰਘ ਦਾ ਇਹ ਕਹਿਣਾ ਹੈ ਕਿ ਜਾਖੜ ਨੇ ਆਪਣਾ ਅਸਤੀਫ਼ਾ ਦੇਣ ਤੋਂ ਪਹਿਲਾਂ ਉਨ੍ਹਾਂ ਦੇ ਪ੍ਰਭਾਰੀ ਆਸ਼ਾ ਕੁਮਾਰੀ ਨਾਲ ਵਿਚਾਰ-ਵਟਾਂਦਰਾ ਨਹੀਂ ਕੀਤਾ। ਕਾਂਗਰਸ ਦੀ ਪਣਪ ਰਹੀ ਰਾਜਨੀਤੀ ਬਾਰੇ ਬਹੁਤ ਕੁਝ ਬਿਆਨ ਕਰ ਜਾਂਦਾ ਹੈ। ਚੋਣਾਂ ਵਿਚ ਵੋਟਾਂ ਤੋਂ ਬਾਅਦ ਰਾਜ ਸਭਾ ਮੈਂਬਰ ਪ੍ਰਤਾਪ ਸਿੰਘ ਬਾਜਵਾ ਦਾ ਇਹ ਕਹਿਣਾ ਸੀ ਕਿ ਮੌਜੂਦਾ ਮੁੱਖ ਮੰਤਰੀ ਅਤੇ ਆਉਣ ਵਾਲੇ ਮੁੱਖ ਮੰਤਰੀ ਗੁਰਦਾਸਪੁਰ ਸੰਸਦੀ ਸੀਟ ਵਿਚ ਚੋਣਾਂ ਵਿਚ ਡਟੇ ਹੋਏ ਹਨ ਤਾਂ ਅਜਿਹੇ ਵਿਚ ਉਨ੍ਹਾਂ ਦੀ ਜ਼ਰੂਰਤ ਕਿੱਥੇ ਹੈ?
ਕਾਂਗਰਸ ਕੋਲ ਖੁਦ ਨੂੰ ਦਰੁਸਤ ਕਰਨ ਦਾ ਅੱਗੇ ਲੰਬਾ ਸਮਾਂ ਹੈ ਪਰ ਰਾਜਨੀਤੀ ਵਿਚ ਡੇਢ ਦੋ ਸਾਲ ਪਲਕ ਝਪਕਾਉਂਦੇ ਹੀ ਨਿਕਲ ਜਾਂਦੇ ਹਨ। ਉਪ ਚੋਣਾਂ ਅਗਲੇ 6 ਮਹੀਨਿਆਂ ਵਿਚ ਹੋਣੀਆਂ ਹਨ ਅਤੇ 2020 ਵਿਚ ਨਗਰਪਾਲਿਕਾ ਅਤੇ ਕਾਰਪੋਰੇਸ਼ਨ ਦੀ ਚੋਣ ਹੈ। ਸ਼ਹਿਰੀ ਵੋਟਰਾਂ ਦੀ ਮਾਨਸਿਕ ਸਥਿਤੀ ਜਗ ਜ਼ਾਹਿਰ ਹੈ। ਲੋਕਾਂ ਦੀਆਂ ਨਜ਼ਰਾਂ ਹੁਣ ਪੰਜਾਬ ਦੀ ਕਾਂਗਰਸ 'ਤੇ ਲੱਗੀਆਂ ਰਹਿਣਗੀਆਂ ਅਤੇ ਕਦੋਂ ਕੀ ਅਤੇ ਕਿਥੇ ਰਾਜਨੀਤਕ ਧਮਾਕਾ ਹੋ ਜਾਵੇ, ਕੁਝ ਨਹੀਂ ਕਿਹਾ ਜਾ ਸਕਦਾ।
ਦੋਆਬਾ 'ਚ ਡਿੱਗਿਆ 'ਆਪ' ਦਾ ਗ੍ਰਾਫ, ਡਿੱਗੇਗੀ ਕਈ ਲੋਕਲ ਆਗੂਆਂ 'ਤੇ ਗਾਜ
NEXT STORY