ਪ੍ਰਾਈਵੇਟ ਦੀ ਤਰ੍ਹਾਂ ਸਰਕਾਰੀ ਸਕੂਲਾਂ ਦੇ ਅਧਿਆਪਕਾਂ ਲਈ ਵੀ ਆਈ-ਕਾਰਡ ਰੱਖਣਾ ਲਾਜ਼ਮੀ

Edited By Anuradha,
Updated: 30 Jan, 2020 03:39 PM

ਅੰਮ੍ਰਿਤਸਰ (ਦਲਜੀਤ) : ਪ੍ਰਾਈਵੇਟ ਸਕੂਲਾਂ ਦੀ ਤਰ੍ਹਾਂ ਹੁਣ ਸਰਕਾਰੀ ਸਕੂਲਾਂ ਦੇ ਅਧਿਆਪਕਾਂ ਦੇ ਗਲ਼ 'ਚ ਵੀ ਆਈ-ਕਾਰਡ ਨਜ਼ਰ ਆਉਣਗੇ। ਪੰਜਾਬ ਦੇ ਸਿੱਖਿਆ ਵਿਭਾਗ ਵੱਲੋਂ ਸਰਕਾਰੀ ਸਕੂਲਾਂ ਦੇ ਅਧਿਆਪਕਾਂ ਨੂੰ ਆਈ-ਕਾਰਡ ਰੱਖਣਾ ਲਾਜ਼ਮੀ ਕਰ ਦਿੱਤਾ ਗਿਆ ਹੈ। ਵਿਭਾਗ ਵੱਲੋਂ ਜਾਰੀ ਨੋਟੀਫਿਕੇਸ਼ਨ ਅਨੁਸਾਰ ਹੁਣ ਪੰਜਾਬ ਸਮੇਤ ਅੰਮ੍ਰਿਤਸਰ ਦੇ ਸਾਰੇ ਸਰਕਾਰੀ ਸਕੂਲਾਂ ਦੇ ਅਧਿਆਪਕਾਂ ਵੱਲੋਂ ਆਈ-ਕਾਰਡ ਰੱਖਣਾ ਜ਼ਰੂਰੀ ਹੈ। ਇਸ ਲਈ ਸਿੱਖਿਆ ਵਿਭਾਗ ਨੇ ਪ੍ਰਤੀ ਅਧਿਆਪਕ 50 ਰੁਪਏ ਰਾਸ਼ੀ ਦਾ ਫੰਡ ਹਰ ਸਕੂਲ ਨੂੰ ਜਾਰੀ ਕਰ ਦਿੱਤਾ ਹੈ। ਇਸ ਵਿਚ ਐਲੀਮੈਂਟਰੀ, ਮਿਡਲ ਅਤੇ ਸੈਕੰਡਰੀ ਸਕੂਲਾਂ ਦੇ ਅਧਿਆਪਕ ਸ਼ਾਮਿਲ ਹਨ। ਅੰਮ੍ਰਿਤਸਰ ਜ਼ਿਲੇ 'ਚ ਐਲੀਮੈਂਟਰੀ ਟੀਚਰਾਂ ਦੀ ਸੰਖਿਆ 3109 ਹੈ, ਜਿਨ੍ਹਾਂ ਲਈ 15545 ਰੁਪਏ ਦਾ ਫੰਡ, ਜਦੋਂ ਕਿ 4269 ਸੈਕੰਡਰੀ ਟੀਚਰਾਂ ਲਈ 21345 ਰੁਪਏ ਦਾ ਫੰਡ ਜਾਰੀ ਕੀਤਾ ਗਿਆ ਹੈ।

ਵਿਭਾਗ ਤੋਂ ਪ੍ਰਾਪਤ ਨਿਰਦੇਸ਼ਾਂ ਅਨੁਸਾਰ ਅਧਿਆਪਕ ਈ-ਪੰਜਾਬ ਪੋਰਟਲ 'ਤੇ ਜਾ ਕੇ ਆਪਣੀ ਫੋਟੋ ਅਪਲੋਡ ਕਰ ਕੇ ਉਸ ਦਾ ਪ੍ਰਿੰਟ ਲੈ ਕੇ ਸਬੰਧਤ ਅਥਾਰਟੀ ਕੋਲੋਂ ਦਸਤਖਤ ਕਰਵਾ ਕੇ ਆਪਣਾ ਆਈ-ਕਾਰਡ ਬਣਵਾਏ। ਪ੍ਰਿੰਟ ਆਊਟ ਕਢਵਾਉਣ ਅਤੇ ਉਸ ਨੂੰ ਲੈਮੀਨੇਸ਼ਨ ਕਰਵਾਉਣ ਲਈ 50 ਰੁਪਏ ਤੱਕ ਦਾ ਖਰਚਾ ਕੀਤਾ ਜਾ ਸਕਦਾ ਹੈ। ਇਸ ਤਰ੍ਹਾਂ ਪੂਰੇ ਪੰਜਾਬ 'ਚ 101439 ਅਧਿਆਪਕਾਂ ਲਈ 295985 ਰੁਪਏ ਦਾ ਫੰਡ ਆਈ-ਕਾਰਡ ਲਈ ਜਾਰੀ ਕੀਤਾ ਜਾ ਚੁੱਕਾ ਹੈ। ਜਾਣਕਾਰੀ ਅਨੁਸਾਰ ਇਸ ਤੋਂ ਪਹਿਲਾਂ ਸਿੱਖਿਆ ਵਿਭਾਗ ਅਧਿਆਪਕਾਂ ਲਈ ਵਰਦੀ ਜ਼ਰੂਰੀ ਦੇ ਹੁਕਮ ਵੀ ਦੇ ਚੁੱਕਾ ਹੈ ਪਰ ਵਿਭਾਗ ਦੇ ਇਹ ਹੁਕਮ ਹੇਠਲੇ ਪੱਧਰ ਤੱਕ ਲਾਗੂ ਨਹੀਂ ਹੋ ਸਕੇ ਸਨ ਅਤੇ ਹੁਣ ਵਿਭਾਗ ਵੱਲੋਂ ਅਧਿਆਪਕਾਂ ਲਈ ਆਈ-ਕਾਰਡ ਲਾਜ਼ਮੀ ਕੀਤੇ ਗਏ ਹਨ। ਹੁਣ ਦੇਖਣਾ ਹੈ ਕਿ ਵਿਭਾਗ ਦੇ ਨਵੇਂ ਹੁਕਮ ਦਾ ਅਧਿਆਪਕ ਕਿੰਨਾ ਪਾਲਣ ਕਰਦੇ ਹਨ।

1 ਲੱਖ ਦੇ ਕਰੀਬ ਅਧਿਆਪਕਾਂ ਦੇ ਬਣਨਗੇ ਆਈ-ਕਾਰਡ

ਜ਼ਿਲਾ	ਐਲੀਮੈਂਟਰੀ	ਸੈਕੰਡਰੀ
ਅੰਮ੍ਰਿਤਸਰ	3109	4269
ਬਰਨਾਲਾ	796	1304
ਬਠਿੰਡਾ	2123	3318
ਫਰੀਦਕੋਟ	1127	1697
ਫਤਿਹਗੜ੍ਹ ਸਾਹਿਬ	1085	1581
ਫਾਜ਼ਿਲਕਾ	1978	2692
ਫਿਰੋਜ਼ਪੁਰ	1686	1745
ਗੁਰਦਾਸਪੁਰ	2993	3924
ਹੁਸ਼ਿਆਰਪੁਰ	2989	4025
ਜਲੰਧਰ	2745	3812
ਕਪੂਰਥਲਾ	1354	1706
ਲੁਧਿਆਣਾ	3793	5487
ਮਾਨਸਾ	1352	1925
ਮੋਗਾ	1493	2339
ਮੁਕਤਸਰ	1629	2339
ਪਠਾਨਕੋਟ	1134	1486
ਪਟਿਆਲਾ	2941	4191
ਰੂਪਨਗਰ	1243	1798
ਐੱਸ. ਬੀ. ਐੱਸ. ਨਗਰ	944	1266
ਸੰਗਰੂਰ	2436	3858
ਸ. ਸ. ਨਗਰ	1672	2179
ਤਰਨਤਾਰਨ	1620	2390
ਕੁਲ	42242	59197