ਅੰਮ੍ਰਿਤਸਰ/ਵਾਸ਼ਿੰਗਟਨ— ਪੰਜਾਬੀ ਜਿਥੇ ਵੀ ਜਾਂਦੇ ਨੇ ਮੱਲਾਂ ਮਾਰਦੇ ਨੇ, ਪੰਜਾਬੀਆਂ ਨੇ ਦੁਨੀਆਂ ਦੇ ਕੌਨੇ-ਕੌਨੇ ‘ਚ ਆਪਣਾ ਨਾਂ ਕਮਾਇਆ ਹੈ ਤੇ ਸਫਲਤਾ ਦੇ ਝੰਡੇ ਗੱਡੇ ਨੇ। ਹੁਣ ਇਸ ਲਿਸਟ ‘ਚ ਇਕ ਹੋਰ ਨਾਂ ਜੁੜ ਗਿਆ ਹੈੈ, ਉਹ ਨਾਂ ਹੈ ਸੁਖਦੀਪ ਸਿੰਘ ਢਿਲੋਂ। ਢਿਲੋਂ ਪਰਿਵਾਰ ਦੇ ਇਸ ਹੋਣਹਾਰ ਪੁੱਤ ਨੇ ਅਮਰੀਕਾ ‘ਚ ਵੱਡੀ ਸ਼ੌਹਰਤ ਹਾਸਲ ਕੀਤੀ ਹੈੈ। ਬਾਬਾ ਬਕਾਲਾ ਦੇ ਪਿੰਡ ਜੱਲੂਵਾਲ ਦੇ ਜੰਮਪਲ ਸੁਖਦੀਪ ਸਿੰਘ ਢਿਲੋਂ ਅਮਰੀਕਾ ਦੀ ਪੁਲਸ ‘ਚ ਭਰਤੀ ਹੋਇਆ ਹੈ।
ਸੁਖਦੀਪ ਸਿੰਘ ਦੇ ਮਾਤਾ-ਪਿਤਾ ਪਹਿਲਾਂ ਅਮਰੀਕਾ ਗਏ ਸਨ, ਫਿਰ ਸੁਖਦੀਪ ਸਿੰਘ ਵੀ ਅਮਰੀਕਾ ਚਲਾ ਗਿਆ। ਵਿਦੇਸ਼ੀ ਧਰਤੀ ‘ਤੇ ਉਸ ਨੇ ਪੜਾਈ ਕੀਤੀ ਤੇ ਸਖਤ ਮਿਹਨਤ ਕੀਤੀ। ਅੱਜ ਉਸਦੀ ਮਿਹਨਤ ਰੰਗ ਲਿਆਈ ਹੈੈ ਤੇ ਉਹ ਅਮਰੀਕਾ ਦੀ ਪੁਲਸ ‘ਚ ਭਰਤੀ ਹੋਇਆ। ਸੁਖਦੀਪ ਸਿੰਘ ਦੇ ਅਮਰੀਕਾ ਪੁਲਸ ‘ਚ ਭਰਤੀ ਹੋਣ ਦੀ ਖਬਰ ਪੰਜਾਬ ਰਹਿੰਦੇ ਰਿਸ਼ਤੇਦਾਰਾਂ ਨੂੰ ਮਿਲੀ ਤਾਂ ਉਨ੍ਹਾਂ ਦੀ ਖੁਸ਼ੀ ਦਾ ਕੋਈ ਟਿਕਾਣਾ ਨਹੀਂ ਰਿਹਾ। ਪਰਿਵਾਰਿਕ ਮੈਂਬਰਾਂ ਨੇ ਇਕ-ਦੂਜੇ ਦਾ ਮੂੰਹ ਮਿੱਠਾ ਕਰਵਾ ਕੇ ਖੁਸ਼ੀ ਦਾ ਇਜ਼ਹਾਰ ਕੀਤਾ। ਸੁਖਦੀਪ ਸਿੰਘ ਢਿਲੋਂ ਨੇ ਸਖਤ ਮਿਹਨਤ ਨਾਲ ਸਾਬਤ ਕਰ ਦਿੱਤਾ ਕਿ ਜੇਕਰ ਕੁਝ ਕਰਨ ਦੀ ਚਾਹਤ ਹੋਵੇ ਤਾਂ ਇਨਸਾਨ ਉਸ ਨੂੰ ਹਾਸਲ ਕਰ ਹੀ ਲੈਂਦਾ ਹੈ।
ਨਵੇਂ ਸਾਲ 'ਤੇ 2 ਲੱਖ ਤੋਂ ਜ਼ਿਆਦਾ ਸ਼ਰਧਾਲੂ ਹੋਣਗੇ ਸ੍ਰੀ ਹਰਿਮੰਦਰ ਸਾਹਿਬ 'ਚ ਨਤਮਸਤਕ
NEXT STORY 
