ਝਬਾਲ(ਹਰਬੰਸ ਲਾਲੂ ਘੁੰਮਣ) - ਜ਼ਿਲਾ ਤਰਨਤਾਰਨ ਦੇ ਥਾਣਾ ਸਰਾਏ ਅਮਾਨਤ ਖਾਂ ਦੀ ਪੁਲਸ ਵਿਰੁਧ ਗੰਭੀਰ ਦੋਸ਼ ਲਗਾਉਦਿਆਂ ਮੁੱਖ ਮੰਤਰੀ ਪੰਜਾਬ, ਡੀ. ਜੀ. ਪੀ. ਪੰਜਾਬ ਅਤੇ ਮਨੁੱਖੀ ਅਧਿਕਾਰ ਕਮਿਸ਼ਨ ਪੰਜਾਬ, ਚੰਡੀਗੜ੍ਹ ਨੂੰ ਲਿੱਖੇ ਪੱਤਰਾਂ ਦੀਆਂ ਨਕਲਾਂ ਦਿੰਦਿਆਂ ਪਿੰਡ ਰੱਖ ਸਰਾਏ ਅਮਾਨਤ ਖਾਂ ਦੇ ਵਾਸੀ ਇਕ 85 ਸਾਲਾਂ ਬਜ਼ੁਰਗ ਸੁਰਜਨ ਸਿੰਘ ਪੁੱਤਰ ਅਮਰ ਸਿੰਘ ਨੇ ਇੰਨਸਾਫ਼ ਦੀ ਗੁਹਾਰ ਲਗਾਈ ਹੈ। ਕੁਝ ਰਟਾਇਰਡ ਅਤੇ ਡਿਊਟੀ 'ਤੇ ਤਾਇਨਾਤ ਪੁਲਸ ਅਧਿਕਾਰੀਆਂ ਅਤੇ ਮੁਲਾਜ਼ਮਾਂ ਵਿਰੁਧ ਕੱਢੇ ਗਏ ਪੱਤਰਾਂ 'ਚ ਬਜ਼ੁਰਗ ਸੁਰਜਨ ਸਿੰਘ ਨੇ ਦੋਸ਼ ਲਗਾਏ ਹਨ ਕਿ ਉਨ੍ਹਾਂ ਦੇ ਪਰਿਵਾਰ ਦੇ 17 ਮੈਂਬਰਾਂ 'ਤੇ ਪੁਲਸ ਵੱਲੋਂ ਜਿਥੇ ਪ੍ਰਤੀ ਮੈਂਬਰ ਦੋ-ਦੋ ਜਰਨਲ ਸੱਮਗਲਿੰਗ ਦੇ ਕੇਸ ਦਰਜ ਕੀਤੇ ਗਏ ਹਨ, ਜਿੰਨਾਂ 'ਚ ਉਨ੍ਹਾਂ ਨੂੰ ਮਾਨਯੋਗ ਅਦਾਲਤ ਵੱਲੋਂ ਜ਼ਮਾਨਤ ਮਿਲੀ ਹੋਈ ਹੈ। ਉਥੇ ਹੀ ਜਦੋਂ ਉਹ ਦਰਜ ਕੇਸਾਂ ਦੇ ਮਾਮਲਿਆਂ 'ਚ ਘਰੋਂ ਬਾਹਰ ਸਨ ਤਾਂ ਪਿੱਛੋਂ ਪੁਲਸ ਦੇ ਡੀ. ਐੱਸ. ਪੀ. ਰੈਂਕ, ਇੰਸਪੈਕਟਰ ਰੈਂਕ, ਸਬ ਇੰਸਪੈਕਟਰ ਰੈਂਕ ਅਤੇ ਹੋਰ ਮੁਲਾਜ਼ਮਾਂ ਵੱਲੋਂ ਉਨ੍ਹਾਂ ਦੇ ਘਰੋਂ 15 ਮੱਝਾਂ, 5 ਗਾਂਵਾਂ, 2 ਘੋੜੀਆਂ, ਇਕ ਟਰਾਲੀ ਟਰੈਕਟਰ, ਇਕ ਐੱਲ. ਸੀ. ਡੀ. ਤਿੰਨ ਕੋਠੀਆਂ 'ਚ ਲੱਗੇ ਚਾਰ ਇਨਵੈਟਰ, ਇਕ ਜਰਨੇਟਰ, 4 ਵਾਸ਼ਿੰਗ ਮਸ਼ੀਨਾਂ, 2 ਫਰਿਜਾਂ, ਅਤੇ ਘਰ ਚੋਂ ਹੋਰ ਕੀਮਤੀ ਸਮਾਨ ਗਾਇਬ ਕਰ ਲਿਆ ਗਿਆ। ਉਸ ਨੇ ਦੱਸਿਆ ਕਿ ਉਹ ਜਦੋਂ ਜ਼ਮਾਨਤ 'ਤੇ ਰਿਹਾਅ ਹੋ ਕੇ ਆਏ ਤਾਂ ਟਰੈਕਟਰ ਪਿੰਡ ਘਸੀਟਪੁਰਾ ਦੇ ਵਾਸੀ ਇਕ ਪੁਲਸ ਮੁਲਾਜ਼ਮ ਦੇ ਘਰੋਂ ਤਾਂ ਪੰਚਾਇਤ ਦੀ ਹਾਜ਼ਰੀ 'ਚ ਬਰਾਮਦ ਕਰ ਲਿਆ ਗਿਆ ਪਰ ਬਾਕੀ ਸਮਾਨ ਅਤੇ ਕੀਮਤੀ ਪਸ਼ੂ ਪੁਲਸ ਵੱਲੋਂ ਉਨ੍ਹਾਂ ਨੂੰ ਨਹੀਂ ਦਿੱਤੇ ਜਾ ਰਹੇ। ਉਸ ਨੇ ਦੱਸਿਆ ਕਿ ਇਸ ਸਬੰਧੀ ਉਸ ਵੱਲੋਂ ਜਿੰਮੇਵਾਰ ਪੁਲਸ ਅਧਿਕਾਰੀਆਂ ਅਤੇ ਮੁਲਾਜ਼ਮਾਂ ਦੇ ਨਾਂ ਨਸ਼ਰ ਕਰਦਿਆਂ ਪੁਲਸ ਦੇ ਉੱਚ ਅਧਿਕਾਰੀਆਂ ਅਤੇ ਮੁੱਖ ਮੰਤਰੀ ਪੰਜਾਬ ਸਮੇਤ ਮਨੁੱਖੀ ਅਧਿਕਾਰ ਕਮਿਸ਼ਨ ਨੂੰ ਪੱਤਰ ਭੇਜੇ ਹਨ, ਜਿਸ ਦੇ ਚੱਲਦਿਆਂ ਉਸ ਨੂੰ ਖਦਸਾ ਹੈ ਕਿ ਪੁਲਸ ਉਸ ਅਤੇ ਉਸਦੇ ਪਰਿਵਾਰ ਨੂੰ ਝੂਠੇ ਕੇਸਾਂ 'ਚ ਮੁੜ ਫਸਾ ਸਕਦੀ ਹੈ।
ਕੀ ਕਹਿਣਾ ਐੱਸ. ਐੱਸ. ਪੀ. ਡੀ. ਐੱਸ. ਮਾਨ ਦਾ
ਜ਼ਿਲਾ ਪੁਲਸ ਮੁੱਖੀ ਡੀ. ਐੱਸ. ਮਾਨ ਨਾਲ ਸਪੰਰਕ ਕਰਨ 'ਤੇ ਉਨ੍ਹਾਂ ਕਿਹਾ ਕਿ ਉਕਤ ਵਿਅਕਤੀ ਵੱਲੋਂ ਪੁਲਸ 'ਤੇ ਲਗਾਏ ਜਾ ਰਹੇ ਦੋਸ਼ ਬੇ-ਬੁਨਿਆਦ ਹਨ। ਉਨ੍ਹਾਂ ਕਿਹਾ ਕਿ ਇਹ ਕਦੇ ਵੀ ਨਹੀਂ ਹੋ ਸਕਦਾ ਕਿ ਪੁਲਸ ਵੱਲੋਂ ਕਿਸੇ ਦੇ ਪਸ਼ੂ ਜਾਂ ਘਰ ਦਾ ਸਮਾਨ ਗਾਇਬ ਕੀਤਾ ਹੋਵੇ। ਉਨ੍ਹਾਂ ਕਿਹਾ ਕਿ ਦੋਸ਼ ਲਗਾਉਣ ਵਾਲਾ ਵਿਅਕਤੀ ਇਲਾਕੇ 'ਚ ਬਦਨਾਮ ਨਸ਼ਾ ਸਮਲਰ ਵਜੋਂ ਜਾਣਿਆਂ ਜਾਂਦਾ ਹੈ ਅਤੇ ਉਕਤ ਵਿਅਕਤੀ ਪੁਲਸ ਵਿਭਾਗ ਨੂੰ ਬਦਨਾਮ ਕਰਨ ਲਈ ਬੇ-ਬੁਨਿਆਦ ਦੋਸ਼ਾਂ ਦਾ ਸਹਾਰਾ ਲੈ ਰਿਹਾ ਹੈ।
ਮੁੱਖ ਮੰਤਰੀ ਨੂੰ ਖੁਦ ਕਾਰ ਰੋਕ ਕੇ ਕਿਸਾਨਾਂ ਤੋ ਮੰਗ-ਪੱਤਰ ਲੈਣ ਲਈ ਹੋਣਾ ਪਿਆ ਮਜ਼ਬੂਰ
NEXT STORY 
