ਸੁਲਤਾਨਪੁਰ ਲੋਧੀ (ਸੋਢੀ,ਧੀਰ)— ਸੁਲਤਾਨਪੁਰ ਲੋਧੀ ਤੋਂ 10 ਕਿਲੋਮੀਟਰ ਦੂਰ ਪਿੰਡ ਨਸੀਰਪੁਰ ਵਿਖੇ ਪ੍ਰਵਾਸੀ ਮਜਦੂਰਾਂ ਦੀਆਂ ਝੁੱਗੀਆਂ ਨੂੰ ਅੱਗ ਲੱਗ ਗਈ। ਅੱਗ ਇੰਨੀ ਤੇਜ ਸੀ ਕਿ ਪਿੰਡ ਦੇ ਲੋਕਾਂ ਵੱਲੋਂ ਅੱਗ ਬੁਝਾਉਂਦੇ-ਬੁਝਾਉਂਦੇ ਹੀ 5 ਝੁੱਗੀਆਂ ਸੜ ਕੇ ਰਾਖ ਹੋ ਗਈਆਂ। ਇਸ ਮੌਕੇ 'ਤੇ ਕੋਈ ਵੀ ਫਾਇਰ ਬ੍ਰਿਗੇਡ ਦੀ ਗੱਡੀ ਵੀ ਨਹੀਂ ਸੀ ਪਹੁੰਚ ਸਕੀ। ਮਜਦੂਰਾਂ ਦੱਸਿਆ ਕਿ ਉਨ੍ਹਾਂ ਦੇ ਕੱਪੜੇ ਅਤੇ ਕੁਝ ਨਕਦੀ ਵੀ ਅੱਗ ਨਾਲ ਸੜ ਗਈ ਹੈ ਅਤੇ ਹੋਰ ਵੀ ਨੁਕਸਾਨ ਹੋਇਆ ਹੈ। ਪਿੰਡ ਦੇ ਸਾਬਕਾ ਸਰਪੰਚ ਹਰਜਿੰਦਰ ਸਿੰਘ ਵੱਲੋਂ ਮਿਲੀ ਜਾਣਕਾਰੀ ਅਨੁਸਾਰ ਸਵੇਰੇ ਕਰੀਬ 9 ਵਜੇ ਪਿੰਡ ਦੇ ਬਾਹਰ ਝੁੱਗੀਆਂ 'ਚ ਅੱਗ ਲੱਗਣ ਸੂਚਨਾ ਮਿਲਦੇ ਹੀ ਪਿੰਡ ਦੇ ਲੋਕ ਆਪਣੇ ਆਪ ਹੀ ਅੱਗ ਉੱਤੇ ਕਾਬੂ ਪਾਉਣ ਲਈ ਲੱਗ ਗਏ।
ਕਰੀਬ 2 ਘੰਟੇ ਭਰ ਦੀ ਕੜੀ ਮਸ਼ੱਕਤ ਦੇ ਬਾਅਦ ਪਿੰਡ ਦੇ ਲੋਕਾਂ ਨੇ ਅੱਗ ਉੱਤੇ ਕਾਬੂ ਤਾਂ ਕਰ ਲਿਆ ਪਰ ਉਦੋਂ ਤੱਕ ਝੁੱਗੀਆਂ ਸੜ ਕੇ ਰਾਖ ਵਿੱਚ ਬਦਲ ਚੁੱਕੀਆਂਸਨ। ਇਸ ਦੌਰਾਨ ਝੁੱਗੀਆਂ 'ਚ ਰਹਿਣ ਵਾਲੀਆਂ ਔਰਤਾਂ ਨੇ ਆਨਨ ਫਾਨਨ 'ਚ ਬੱਚਿਆਂ ਨੂੰ ਝੁੱਗੀਆਂ ਤੋਂ ਬਾਹਰ ਕੱਢ ਆਪਣੀ ਜਾਨ ਬਚਾਈ। ਅੱਗ ਇੰਨੀ ਤੇਜੀ ਨਾਲ ਫੈਲੀ ਕਿ ਲੋਕ ਝੁੱਗੀਆਂ 'ਚ ਪਿਆ ਕੁਝ ਵੀ ਨਹੀਂ ਬਚਾ ਸਕੇ। ਮਜ਼ਦੂਰਾਂ ਦੇ ਅਨੁਸਾਰ ਉਨ੍ਹਾਂ ਦੇ ਸਾਮਾਨ ਦੇ ਨਾਲ-ਨਾਲ ਕੁਝ ਨਕਦੀ ਵੀ ਸੜ ਕੇ ਰਾਖ 'ਚ ਬਦਲ ਗਈ ਹੈ। ਇਸ 'ਚ ਸੂਚਨਾ ਮਿਲਦੇ ਹੀ ਥਾਨਾ ਸੁਲਤਾਨਪੁਰ ਲੋਧੀ 'ਚ ਤਾਇਨਾਤ ਏ. ਐੱਸ. ਆਈ. ਬਲਵਿੰਦਰ ਸਿੰਘ ਪੁਲਸ ਪਾਰਟੀ ਦੇ ਨਾਲ ਮੌਕੇ ਉੱਤੇ ਪਹੁੰਚ ਰਾਹਤ ਅਤੇ ਬਚਾਅ ਚ ਜੁੱਟ ਗਏ।
ਵਿਧਾਇਕ ਚੀਮਾ ਨੇ ਪੀੜਤ ਮਜ਼ਦੂਰ ਪਰਿਵਾਰਾਂ ਨੂੰ ਭੇਜੀ ਰਾਹਤ ਸਮਗਰੀ
ਘਟਨਾ ਦੀ ਜਾਣਕਾਰੀ ਮਿਲਦੇ ਹੀ ਹਲਕਾ ਸੁਲਤਾਨਪੁਰ ਲੋਧੀ ਦੇ ਵਿਧਾਇਕ ਨਵਤੇਜ ਸਿੰਘ ਚੀਮਾ ਵਲੋਂ ਪੀੜਿਤ ਮਜਦੂਰ ਪਰਿਵਾਰਾਂ ਨੂੰ ਰਾਹਤ ਸਾਮਗਰੀ ਭੇਜੀ ਗਈ। ਜਿਸ ਨੂੰ ਬਲਾਕ ਕਮੇਟੀ ਮੈਂਬਰ ਬਲਦੇਵ ਸਿੰਘ ਅਤੇ ਰਵਿੰਦਰ ਰਵੀ ਪੀ. ਏ. ਨੇ ਪੀੜਤ ਮਜ਼ਦੂਰ ਪਰਿਵਾਰਾਂ ਨੂੰ ਸੌਂਪ ਦਿੱਤਾ। ਵਿਧਾਇਕ ਚੀਮਾ ਨੇ ਪੀੜਿਤ ਮਜ਼ਦੂਰ ਪਰਿਵਾਰਾਂ ਦੇ ਨਾਲ ਸੰਵੇਦਨਾ ਪ੍ਰਗਟ ਕਰਦੇ ਹੋਏ ਕਿਹਾ ਕਿ ਇਸ ਸੰਕਟ ਦੀ ਘੜੀ 'ਚ ਪੰਜਾਬ ਸਰਕਾਰ ਉਨ੍ਹਾਂ ਨਾਲ ਖੜ੍ਹੀ ਹੈ ਅਤੇ ਉਨ੍ਹਾਂ ਦੇ ਨੁਕਸਾਨ ਦੀ ਭਰਪਾਈ ਕੀਤੀ ਜਾਵੇਗੀ।
ਅਰਮਾਨ ਸੜ ਕੇ ਖਾਕ ਹੋਏ ਪਰਿਵਾਰਾਂ ਦਾ ਰੋ-ਰੋ ਕੇ ਹੋਇਆ ਹਾਲ ਬੇਹਾਲ
ਨਸੀਰਪੁਰ ਪਿੰਡ ਦੇ ਬਾਹਰ ਝੁੱਗੀਆਂ 'ਚ ਬਿਹਾਰ ਦੇ ਖਗੜਿਆ ਜ਼ਿਲੇ ਦੇ ਨੰਦਨ ਪੁੱਤਰ ਮਹਿੰਦਰ ਆਪਣੇ ਸਮੂਹ ਪਰਿਵਾਰ ਅਤੇ ਹੋਰ ਮਜਬੂਰ ਸਾਥੀਆਂ ਦੇ ਨਾਲ ਰਹਿੰਦੇ ਸਨ। ਕੁਝ ਦਿਨ ਪਹਿਲਾਂ ਹੀ ਸਾਰਿਆਂ ਨੇ ਘਰ ਵਾਪਸੀ ਦੀ ਯੋਜਨਾ ਬਣਾਈ ਅਤੇ ਇਸ ਦੇ ਲਈ ਕੁਝ ਪੈਸਾ ਵੀ ਜਮ੍ਹਾ ਕੀਤਾ ਸੀ ਪਰ ਅੱਜ ਝੁੱਗੀਆਂ 'ਚ ਅੱਗ ਲੱਗਣ ਕਾਰਨ ਉਨ੍ਹਾਂ ਦਾ ਕੁਝ ਵੀ ਬੱਚ ਨਹੀਂ ਸਕਿਆ ਹੈ। ਰੋ-ਰੋ ਕੇ ਹਾਲ ਬੇਹਾਲ ਹੋਏ ਮਜਦੂਰ ਪਰਿਵਾਰਾਂ ਨੇ ਕਿਹਾ ਕਿ ਉਨ੍ਹਾਂ ਦੇ ਸਾਰੇ ਅਰਮਾਨ ਸੜ ਕੇ ਖਾਕ ਹੋ ਗਏ ਹੈ ।
ਪੀੜਤ ਮਜ਼ਦੂਰ ਪਰਿਵਾਰਾਂ ਦੀ ਕੀਤੀ ਜਾਵੇਗੀ ਤੱਤਕਾਲ ਮਦਦ: ਡਾ.ਚਾਰੁਮਿਤਾ
ਉੱਧਰ ਘਟਨਾ ਦੇ ਸੰਬੰਧ 'ਚ ਜਦੋਂ ਸੁਲਤਾਨਪੁਰ ਲੋਧੀ ਦੀ ਐੱਸ. ਡੀ. ਐੱਮ. ਡਾ ਚਾਰੁਮਿਤਾ ਨਾਲ ਗੱਲ ਕੀਤੀ ਗਈ ਤਾਂ ਉਨ੍ਹਾਂ ਨੇ ਦੱਸਿਆ ਕਿ ਪੀੜਤ ਮਜ਼ਦੂਰ ਪਰਿਵਾਰਾਂ ਦੀ ਤੱਤਕਾਲ ਮਦਦ ਲਈ ਤਹਿਸੀਲਦਾਰ ਸੁਲਤਾਨਪੁਰ ਲੋਧੀ ਨੂੰ ਨਿਰਦੇਸ਼ ਦੇ ਦਿੱਤੇ ਗਏ ਹਨ। ਨੁਕਸਾਨ ਦਾ ਮੁਆਇਨਾ ਕਰਣ ਲਈ ਟੀਮ ਘਟਨਾ ਸਥਲ ਉੱਤੇ ਪਹੁੰਚ ਗਈ ਹੈ। ਉਨ੍ਹਾਂ ਨੇ ਕਿਹਾ ਕਿ ਇਸ ਪੀੜਤ ਮਜ਼ਦੂਰ ਪਰਿਵਾਰਾਂ ਨੂੰ ਕੋਈ ਵੀ ਸਮੱਸਿਆ ਪੇਸ਼ ਨਹੀਂ ਆਉਣ ਦਿੱਤੀ ਜਾਵੇਗੀ ਅਤੇ ਹਰ ਸੰਭਵ ਮਦਦ ਪ੍ਰਦਾਨ ਕੀਤੀ ਜਾਵੇਗੀ।
ਪੀ. ਆਰ. ਟੀ. ਸੀ. ਨੇ ਜਾਰੀ ਕੀਤੀ ਨੋਟੀਫਿਕੇਸ਼ਨ, ਜਾਣੋ ਕੱਲ੍ਹ ਤੋਂ ਕਿਹੜੇ-ਕਿਹੜੇ ਰੂਟ 'ਤੇ ਚੱਲਣਗੀਆਂ ਬੱਸਾਂ
NEXT STORY 
