ਲੁਧਿਆਣਾ, (ਰਿਸ਼ੀ)- ਧਾਰਮਕ ਅਸਥਾਨ ਤੋਂ ਮੱਥਾ ਟੇਕ ਕੇ ਘਰ ਵਾਪਸ ਜਾ ਰਹੇ ਮੋਟਰਸਾਈਕਲ ਸਵਾਰ ਦੋ ਭਰਾਵਾਂ ਦਾ ਮੋਟਰਸਾਈਕਲ ਅੱਖ ਦੀ ਝਪਕੀ ਕਾਰਨ ਦੁੱਗਰੀ ਪੁਲ ਦੇ ਉਪਰ ਖੰਭੇ ਨਾਲ ਟਕਰਾਅ ਗਿਆ। ਹਾਦਸੇ ’ਚ ਮੋਟਰਸਾਈਕਲ ਚਲਾ ਰਹੇ 30 ਸਾਲਾ ਨੌਜਵਾਨ ਹਰਪਾਲ ਸਿੰਘ ਨਿਵਾਸੀ ਜਗਰਾਓਂ ਦੀ ਇਲਾਜ ਦੌਰਾਨ ਮੌਤ ਹੋ ਗਈ, ਜਦਕਿ ਪਿਛੇ ਬੈਠਾ ਉਸਦਾ ਭਰਾ ਮਨਜੋਤ ਸਿੰਘ ਜ਼ਖ਼ਮੀ ਹੋ ਗਿਆ।
ਜਾਣਕਾਰੀ ਦਿੰਦਿਅਾਂ ਥਾਣਾ ਦੁੱਗਰੀ ਦੇ ਹੈੱਡ ਕਾਂਸਟੇਬਲ ਸੁਰਿੰਦਰ ਕੁਮਾਰ ਦੇ ਅਨੁਸਾਰ ਪੁਲਸ ਨੂੰ ਦਿੱਤੇ ਬਿਆਨ ’ਚ ਮ੍ਰਿਤਕ ਦੇ ਵੱਡੇ ਭਰਾ ਰਣਜੀਤ ਸਿੰਘ ਨੇ ਦੱਸਿਆ ਕਿ 30 ਜੂਨ ਨੂੰ ਉਕਤ ਦੋਵੇਂ ਘਰ ਤੋਂ ਧਾਰਮਕ ਅਸਥਾਨ ’ਤੇ ਮੱਥਾ ਟੇਕਣ ਲਈ ਗਏ ਸਨ। ਸਵੇਰੇ ਲਗਭਗ 5 ਵਜੇ ਮੋਟਰਸਾਈਕਲ ਤੋਂ ਦੁੱਗਰੀ ਪੁਲ ਤੋਂ ਜਗਰਾਓਂ ਵੱਲ ਆ ਰਹੇ ਸਨ। ਤਦ ਹਰਪਾਲ ਨੂੰ ਝਪਕੀ ਆ ਗਈ, ਜਿਸ ਨਾਲ ਤੇਜ਼ ਰਫਤਾਰ ਮੋਟਰਸਾਈਕਲ ਖੰਭੇ ਨਾਲ ਜਾ ਟਕਰਾਇਆ। ਰਾਹਗੀਰਾਂ ਨੇ ਦੋਵਾਂ ਜ਼ਖ਼ਮੀਆਂ ਨੂੰ ਇਲਾਜ ਲਈ ਡੀ. ਐੱਮ. ਸੀ. ਹਸਪਤਾਲ ਪਹੁੰਚਾਇਆ। ਜਿਥੇ ਸਵੇਰੇ 10.30 ਵਜੇ ਹਰਪਾਲ ਦੀ ਮੌਤ ਹੋ ਗਈ। ਪੁਲਸ ਨੇ ਧਾਰਾ 174 ਤਹਿਤ ਕਾਰਵਾਈ ਕਰ ਕੇ ਪੋਸਟਮਾਰਟਮ ਉਪਰੰਤ ਲਾਸ਼ ਰਿਸ਼ਤੇਦਾਰਾਂ ਦੇ ਹਵਾਲੇ ਕਰ ਦਿੱਤੀ ਹੈ।
ਡੋਪ ਟੈਸਟ ਦਾ ਨਸ਼ੇ ਦੇ ਖਾਤਮੇ ਨਾਲ ਕੋਈ ਸਬੰਧ ਨਹੀਂ : ਹਰਸਿਮਰਤ (ਵੀਡੀਓ)
NEXT STORY 
