ਲੁਧਿਆਣਾ (ਗੌਤਮ)- ਕੋਰੀਅਰ ਜ਼ਰੀਏ ਦੇਸ਼ ਦੇ ਵੱਖ-ਵੱਖ ਹਿੱਸਿਆਂ ’ਚ ਨਸ਼ਾ ਸਪਲਾਈ ਕਰਨ ਵਾਲੀ ਮਹਿਲਾ ਸਮੱਗਲਰ ਦਾ ਭਾਂਡਾ ਭੰਨਦੇ ਹੋਏ ਥਾਣਾ ਸ਼ਿਮਲਾਪੁਰੀ ਦੀ ਪੁਲਸ ਨੇ ਔਰਤ ਸਮੇਤ 2 ਵਿਅਕਤੀਆਂ ਖਿਲਾਫ ਮੁਕੱਦਮਾ ਦਰਜ ਕੀਤਾ ਹੈ। ਮੁਲਜ਼ਮਾਂ ਨੇ ਨਸ਼ੇ ਦੀ ਖੇਪ ਦੇ 9 ਪਾਰਸਲ ਭੇਜੇ ਸਨ। ਸ਼ੱਕ ਪੈਣ ’ਤੇ ਕੰਪਨੀ ਨੇ 8 ਪਾਰਸਲ ਓਡਿਸ਼ਾ ’ਚ ਹੀ ਰੋਕ ਲਏ, ਜਦੋਂਕਿ 1 ਪਾਰਸਲ ਲੁਧਿਆਣਾ ਪੁਲਸ ਨੇ ਜ਼ਬਤ ਕੀਤਾ ਹੈ। ਪੁਲਸ ਨੇ ਦੋਵਾਂ ਖਿਲਾਫ ਨਸ਼ਾ ਸਮੱਗਲਿੰਗ ਕਰਨ ਦੇ ਦੋਸ਼ ’ਚ ਕਾਰਵਾਈ ਕੀਤੀ ਹੈ।
ਪੁਲਸ ਨੇ ਮੁਲਜ਼ਮਾਂ ਦੀ ਪਛਾਣ ਓਡਿਸ਼ਾ ਦੀ ਰਹਿਣ ਵਾਲੀ ਮਰਾਜ ਲੋਜਿਸਟਿਕ ਸ਼ਿਪਰ ਦੀ ਮਾਲਕਣ ਫੁਲਸੀ ਦੇਵੀ ਅਤੇ ਹੈਬੋਵਾਲ ਦੇ ਰਹਿਣ ਵਾਲੇ ਰਾਜ ਕੁਮਾਰ ਵਜੋਂ ਕੀਤੀ ਹੈ। ਪੁਲਸ ਨੇ ਮੁਲਜ਼ਮਾਂ ਖਿਲਾਫ ਗਿੱਲ ਰੋਡ ਸਥਿਤ ਐਮਾਜ਼ੋਨ ਕੰਪਨੀ ਦੇ ਮੈਨੇਜਰ ਮੋਹਿਤ ਗੌੜ ਦੇ ਬਿਆਨ ’ਤੇ ਕੇਸ ਦਰਜ ਕੀਤਾ ਹੈ।
ਇੰਸ. ਬਲਵਿੰਦਰ ਸਿੰਘ ਨੇ ਦੱਸਿਆ ਕਿ ਮੁਲਜ਼ਮਾਂ ਨੂੰ ਕਾਬੂ ਕਰਨ ਲਈ ਪੁਲਸ ਛਾਪੇਮਾਰੀ ਕਰ ਰਹੀ ਹੈ। ਸ਼ਿਕਾਇਤਕਰਤਾ ਨੇ ਪੁਲਸ ਨੂੰ ਦੱਸਿਆ ਕਿ ਉਹ ਐਮਾਜ਼ੋਨ ਕੰਪਨੀ ’ਚ ਬਤੌਰ ਜਨਰਲ ਮੈਨੇਜਰ ਕੰਮ ਕਰਦਾ ਹੈ। ਉਸ ਨੇ ਦੱਸਿਆ ਕਿ ਉਕਤ ਮੁਲਜ਼ਮ ਔਰਤ ਨੇ ਓਡਿਸ਼ਾ ਤੋਂ ਉਨ੍ਹਾਂ ਦੀ ਕੰਪਨੀ ਦੇ ਜ਼ਰੀਏ ਹੈਬੋਵਾਲ ਦੇ ਰਾਜ ਕੁਮਾਰ ਨੂੰ ਪਾਰਸਲ ਭੇਜਿਆ ਹੈ। ਉਨ੍ਹਾਂ ਨੂੰ ਸ਼ੱਕ ਹੈ ਕਿ ਉਸ ਪਾਰਸਲ ’ਚ ਕੋਈ ਨਸ਼ੀਲਾ ਪਦਾਰਥ ਹੋ ਸਕਦਾ ਹੈ, ਜਿਸ ’ਤੇ ਪੁਲਸ ਨੇ ਮੌਕੇ ‘ਤੇ ਜਾ ਕੇ ਪਾਰਸਲ ਦੀ ਜਾਂਚ ਕੀਤੀ ਤਾਂ ਉਸ ’ਚੋਂ 7 ਕਿਲੋ 950 ਗ੍ਰਾਮ ਗਾਂਜਾ ਬਰਾਮਦ ਹੋਇਆ।
ਇਹ ਵੀ ਪੜ੍ਹੋ- ਦੁਸਹਿਰੇ ਵਾਲੇ ਦਿਨ ਹੋ ਗਿਆ ਅਨੋਖਾ 'ਕਾਂਡ', ਅੱਗ ਲੱਗਣ ਤੋਂ ਪਹਿਲਾਂ ਹੀ ਮੂਧੇ ਮੂੰਹ ਡਿੱਗਿਆ 'ਰਾਵਣ'
ਇੰਸ. ਬਲਵਿੰਦਰ ਸਿੰਘ ਨੇ ਦੱਸਿਆ ਕਿ ਜਿਸ ਕੰਪਨੀ ਦੇ ਮੈਨੇਜਰ ਨੇ ਉਨ੍ਹਾਂ ਨੂੰ ਸ਼ਿਕਾਇਤ ਦਿੱਤੀ ਸੀ ਤਾਂ ਉਸ ਕੰਪਨੀ ਦਾ ਡਲਿਵਰੀ ਕਰਨ ਵਾਲਾ ਇਕ ਲੜਕਾ ਨਸ਼ੇ ਦੇ ਪਾਰਸਲ ਸਮੇਤ ਫੜਿਆ ਗਿਆ ਸੀ। ਪਤਾ ਲੱਗਣ ’ਤੇ ਐਮਾਜ਼ੋਨ ਕੰਪਨੀ ਨੇ ਪਾਰਸਲ ਭੇਜਣ ਵਾਲੀ ਉਕਤ ਔਰਤ ਮੁਲਜ਼ਮ ਵੱਲੋਂ ਭੇਜੇ ਗਏ ਪਾਰਸਲਾਂ ਦੀ ਡਿਟੇਲ ਚੈੱਕ ਕਰਨੀ ਸ਼ੁਰੂ ਕੀਤੀ ਤਾਂ ਪਤਾ ਲੱਗਾ ਕਿ ਉਹ ਓਡਿਸ਼ਾ ਤੋਂ ਪਿਛਲੇ ਕਾਫੀ ਸਮੇਂ ਤੋਂ ਵੱਖ-ਵੱਖ ਸੂਬਿਆਂ ਵਿਚ ਪਾਰਸਲ ਲਗਾਤਾਰ ਭੇਜ ਰਹੀ ਹੈ।
ਇਸ ਸਬੰਧੀ ਵੀ ਉਸ ਨੇ 9 ਪਾਰਸਲਾਂ ਦੀ ਖੇਪ ਲੁਧਿਆਣਾ ਅਤੇ ਆਸ-ਪਾਸ ਦੇ ਇਲਾਕਿਆਂ ’ਚ ਭੇਜੀ ਹੈ। ਜਦੋਂ ਜਾਂਚ ਦੌਰਾਨ ਪਾਰਸਲ ਰਸੀਵ ਕਰਨ ਵਾਲੇ ਵਿਅਕਤੀ ਦਾ ਐਡਰੈੱਸ ਪਤਾ ਕੀਤਾ ਤਾਂ ਸਾਹਮਣੇ ਆਇਆ ਕਿ ਉਸ ਪਤੇ ’ਤੇ ਕੋਈ ਵੀ ਵਿਅਕਤੀ ਨਹੀਂ ਰਹਿੰਦਾ ਅਤੇ ਪਤਾ ਫਰਜ਼ੀ ਹੈ।
ਓਡਿਸ਼ਾ ਦੇ ਮੋਬਾਈਲ ਨੰਬਰਾਂ ਰਾਹੀਂ ਚਲਦਾ ਸੀ ਨੈੱਟਵਰਕ
ਜਾਂਚ ’ਚ ਖੁਲਾਸਾ ਹੋਇਆ ਕਿ ਮੁਲਜ਼ਮ ਫੁਲਸਾ ਦੇਵੀ ਕਾਫੀ ਸਮੇਂ ਤੋਂ ਫਰਜ਼ੀ ਪਤੇ ’ਤੇ ਹੀ ਪਾਰਸਲ ਭੇਜਦੀ ਸੀ ਪਰ ਉਸ ’ਤੇ ਡਲਿਵਰੀ ਲੈਣ ਵਾਲੇ ਦਾ ਜੋ ਮੋਬਾਈਲ ਨੰਬਰ ਹੁੰਦਾ ਸੀ, ਉਹ ਓਡਿਸ਼ਾ ਦਾ ਹੁੰਦਾ ਸੀ। ਜਦੋਂ ਕੰਪਨੀ ਡਲਿਵਰੀ ਦੇਣ ਲਈ ਉਸ ਫੋਨ ’ਤੇ ਕਾਲ ਕਰਦੀ ਸੀ ਤਾਂ ਉਹ ਓਡਿਸ਼ਾ ਤੋਂ ਹੀ ਆਪਣੇ ਕਰਿੰਦੇ ਨੂੰ ਕੋਰੀਅਰ ਕੰਪਨੀ ਦੇ ਆਫਿਸ ਤੋਂ ਪਾਰਸਲ ਲੈਣ ਲਈ ਭੇਜ ਦਿੱਤੀ ਸੀ।
ਇਸ ਤਰ੍ਹਾਂ ਕੰਪਨੀ ਡਲਿਵਰੀ ਕਰ ਦਿੰਦੀ ਸੀ। ਕੰਪਨੀ ਨੂੰ ਰਿਕਾਰਡ ਤੋਂ ਪਤਾ ਲੱਗਾ ਕਿ ਔਰਤ ਵੱਲੋਂ ਲਗਾਤਾਰ ਕੋਰੀਅਰ ਰਾਹੀਂ ਪਾਰਸਲ ਭੇਜੇ ਜਾ ਰਹੇ ਹਨ, ਜਿਸ ’ਤੇ ਕੰਪਨੀ ਨੇ ਖੁਦ ਇਸ ਸਬੰਧੀ ਪੁਲਸ ਨੂੰ ਸ਼ਿਕਾਇਤ ਦਿੱਤੀ। ਪੁਲਸ ਮੁਤਾਬਕ ਰਿਕਾਰਡ ਤੋਂ ਮਿਲਿਆ ਮੋਬਾਈਲ ਨੰਬਰ ਚੈੱਕ ਕੀਤਾ ਜਾ ਰਿਹਾ ਹੈ, ਤਾਂ ਕਿ ਮੁਲਜ਼ਮਾਂ ਦਾ ਪਤਾ ਲਗਾਇਆ ਜਾ ਸਕੇ। ਕੰਪਨੀ ਰਾਹੀਂ ਔਰਤ ਵੱਲੋਂ ਭੇਜੇ ਗਏ ਪਹਿਲੇ ਪਾਰਸਲਾਂ ਦੀ ਵੀ ਡਿਟੇਲ ਕਢਵਾਈ ਜਾ ਰਹੀ ਹੈ।
ਇਹ ਵੀ ਪੜ੍ਹੋ- ਬੱਚਿਆਂ ਨਾਲ ਦੁਸਹਿਰਾ ਦੇਖਣ ਜਾ ਰਹੇ ਈ-ਰਿਕਸ਼ਾ ਚਾਲਕ ਨੂੰ ਟਰੱਕ ਡਰਾਈਵਰ ਸਮਝ ਕੁੱਟ-ਕੁੱਟ ਉਤਾਰਿਆ ਮੌਤ ਦੇ ਘਾਟ
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਦੁਸਹਿਰੇ ਦੀ ਸ਼ਾਮ ਵਾਪਰਿਆ ਦਰਦਨਾਕ ਹਾਦਸਾ, ਟਰੈਕਟਰ-ਟਰਾਲੀ 'ਚ ਵੱਜਣ ਕਾਰਨ 1 ਵਿਅਕਤੀ ਦੀ ਹੋਈ ਮੌਤ
NEXT STORY 
