ਕੋਲੰਬੋ (ਸ਼੍ਰੀਲੰਕਾ) : ਸਟਾਰ ਆਲਰਾਊਂਡਰ ਐਂਜੇਲੋ ਮੈਥਿਊਜ਼ ਖੇਡ ਦੇ ਸਭ ਤੋਂ ਛੋਟੇ ਫਾਰਮੈਟ ਟੀ-20 'ਚ ਜ਼ਿੰਬਾਬਵੇ ਖਿਲਾਫ ਤਿੰਨ ਮੈਚਾਂ ਦੀ ਸੀਰੀਜ਼ 'ਚ ਤਿੰਨ ਸਾਲ ਦੇ ਲੰਬੇ ਵਕਫੇ ਤੋਂ ਬਾਅਦ ਵਾਪਸੀ ਕਰ ਰਹੇ ਹਨ। ਟੀ-20 ਸੀਰੀਜ਼ ਦੋਵਾਂ ਟੀਮਾਂ ਵਿਚਾਲੇ ਚੱਲ ਰਹੀ ਵਨਡੇ ਸੀਰੀਜ਼ ਦੀ ਸਮਾਪਤੀ ਤੋਂ ਬਾਅਦ ਹੋਵੇਗੀ।
ਕੁਸਲ ਪਰੇਰਾ, ਧਨੰਜੈ ਡੀ ਸਿਲਵਾ, ਅਕਿਲਾ ਧਨੰਜੈ, ਨੁਵਾਨ ਤੁਸ਼ਾਰਾ ਅਤੇ ਕਮਿੰਦੂ ਮੈਂਡਿਸ ਵਰਗੇ ਖਿਡਾਰੀ ਵੀ ਟੀ-20 ਟੀਮ ਵਿੱਚ ਸ਼ਾਮਲ ਹਨ। ਟੀਮ ਦੇ ਕਪਤਾਨ ਵਜੋਂ ਲੈੱਗ ਸਪਿਨਰ ਵਨਿੰਦੂ ਹਸਾਰੰਗਾ ਦੀ ਇਹ ਪਹਿਲੀ ਲੜੀ ਹੋਵੇਗੀ। ਸਲਾਮੀ ਬੱਲੇਬਾਜ਼ ਅਵਿਸ਼ਕਾ ਫਰਨਾਂਡੋ ਦੇ ਨਾਲ-ਨਾਲ ਚੋਟੀ ਦੇ ਕ੍ਰਮ ਦੇ ਬੱਲੇਬਾਜ਼ ਨੁਵਾਨੀਡੂ ਫਰਨਾਂਡੋ ਅਤੇ ਜ਼ਿੰਬਾਬਵੇ ਖਿਲਾਫ ਦੂਜੇ ਵਨਡੇ 'ਚ ਪਲੇਅਰ ਆਫ ਦਿ ਮੈਚ ਰਹੇ ਜੇਨਿਥ ਲਿਆਨਾਜ਼ ਨੂੰ ਟੀਮ 'ਚ ਸ਼ਾਮਲ ਨਹੀਂ ਕੀਤਾ ਗਿਆ ਹੈ।
ਇਹ ਵੀ ਪੜ੍ਹੋ- ਪੈਰਾ ਨਿਸ਼ਾਨੇਬਾਜ਼ ਸ਼ੀਤਲ ਸਮੇਤ 26 ਖਿਡਾਰੀਆਂ ਨੂੰ ਅਰਜੁਨ ਐਵਾਰਡ
ਡੁਨਿਥ ਵੇਲਾਲੇਜ਼, ਪ੍ਰਮੋਦ ਮਦੁਸ਼ਨ ਅਤੇ ਜੈਫਰੀ ਵੇਂਡਰਸੇ ਵੀ ਟੀਮ ਤੋਂ ਗਾਇਬ ਹਨ। ਪਿਛਲੇ ਹਫਤੇ ਡੇਂਗੂ ਨਾਲ ਹਸਪਤਾਲ ਲਿਜਾਏ ਜਾਣ ਤੋਂ ਬਾਅਦ ਪਥੁਮ ਨਿਸਾਂਕਾ ਦਾ ਨਾਂ ਫਿਟਨੈੱਸ ਦੇ ਆਧਾਰ 'ਤੇ ਨਾਮਿਤ ਕੀਤਾ ਗਿਆ ਹੈ। ਤਿੰਨ ਟੀ-20 ਅੰਤਰਰਾਸ਼ਟਰੀ ਮੈਚ ਇਸ ਸਾਲ ਦੇ ਅੰਤ ਵਿੱਚ ਟੀ-20 ਵਿਸ਼ਵ ਕੱਪ ਲਈ ਸ਼੍ਰੀਲੰਕਾ ਦੀ ਅਧਿਕਾਰਤ ਤਿਆਰੀ ਦੀ ਨਿਸ਼ਾਨਦੇਹੀ ਕਰਨਗੇ। ਸ਼੍ਰੀਲੰਕਾ ਨੇ 2023 ਵਿੱਚ ਸਿਰਫ ਸੱਤ ਟੀ-20 ਅੰਤਰਰਾਸ਼ਟਰੀ ਮੈਚ ਖੇਡੇ ਹਨ। ਇਸ ਸੀਰੀਜ਼ ਦੇ ਤਿੰਨੋਂ ਮੈਚ ਕ੍ਰਮਵਾਰ 14, 16 ਅਤੇ 18 ਜਨਵਰੀ ਨੂੰ ਕੇਟਾਰਾਮਾ ਵਿੱਚ ਖੇਡੇ ਜਾਣਗੇ।
ਇਹ ਵੀ ਪੜ੍ਹੋ- ਸਿੰਧੂ ਤੇ ਪ੍ਰਣਯ ਕਰਨਗੇ ਬੈਡਮਿੰਟਨ ਏਸ਼ੀਆ ਟੀਮ ਚੈਂਪਅਨਸ਼ਿਪ ’ਚ ਭਾਰਤੀ ਟੀਮ ਦੀ ਅਗਵਾਈ
ਸ਼੍ਰੀਲੰਕਾਈ ਟੀਮ: ਵਨਿੰਦੂ ਹਸਾਰੰਗਾ (ਕਪਤਾਨ), ਚੈਰਿਥ ਅਸਾਲੰਕਾ, ਕੁਸਲ ਮੈਂਡਿਸ (ਵਿਕੇਟਕੀਪਰ), ਸਾਦਿਰਾ ਸਮਰਾਵਿਕਰਮਾ, ਕੁਸਲ ਪਰੇਰਾ (ਵਿਕੇਟਕੀਪਰ), ਐਂਜੇਲੋ ਮੈਥਿਊਜ਼, ਦਾਸੁਨ ਸ਼ਨਾਕਾ, ਧਨੰਜੈ ਡੀ ਸਿਲਵਾ, ਕਮਿੰਡੂ ਮੈਂਡਿਸ, ਪਥੁਮ ਨਿਸਾਂਕਾ, ਮਹੀਸ਼ ਥੀਕਸ਼ਾਨਾ, ਦੁਸ਼ਮੰਥਾ ਚਮੀਰਾ, ਦਿਲਸ਼ਾਨ ਮਦੁਸ਼ੰਕਾ, ਮਥੀਸ਼ਾ ਪਥੀਰਾਨਾ, ਨੁਵਾਨ ਤੁਸ਼ਾਰਾ, ਅਕਿਲਾ ਧਨੰਜੈ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਵਾਰਨਰ ਦੀ ਜਗ੍ਹਾ ਕੋਈ ਵਿਸ਼ੇਸ਼ ਸਪਿਨਰ ਨਹੀਂ, ਗ੍ਰੀਨ ਦੀ ਆਸਟ੍ਰੇਲੀਆਈ ਟੀਮ 'ਚ ਵਾਪਸੀ
NEXT STORY 
