ਪੁਣੇ— ਦੱਖਣੀ ਏਸ਼ੀਆ ਦੇ ਇਕੋ-ਇਕ ਏ. ਟੀ. ਵੀ. ਟੂਰਨਾਮੈਂਟ ਟਾਟਾ ਓਪਨ ਮਹਾਰਾਸ਼ਟਰ ਦੇ ਇਤਿਹਾਸ ਵਿਚ ਪਹਿਲੀ ਵਾਰ ਭਾਰਤ ਦੇ 2 ਖਿਡਾਰੀਆਂ ਨੂੰ ਸਿੰਗਲ ਦੇ ਮੁੱਖ ਡਰਾਅ ਵਿਚ ਸਿੱਧਾ ਪ੍ਰਵੇਸ਼ ਮਿਲਿਆ ਹੈ। ਪੁਣੇ ਦੇ ਮਹਾਲੁੰਗੇ ਬਾਲੇਵਾੜੀ ਸਟੇਡੀਅਮ ਵਿਚ 3 ਤੋਂ 9 ਫਰਵਰੀ ਵਿਚਾਲੇ ਹੋਣ ਵਾਲੇ ਟੂਰਨਾਮੈਂਟ ਦੇ ਤੀਜੇ ਸੈਸ਼ਨ ਵਿਚ ਪ੍ਰਜਨੇਸ਼ ਗੁਣੇਸ਼ਵਰਨ ਤੋਂ ਇਲਾਵਾ ਸੁਮਿਤ ਨਾਗਲ ਵੀ ਪੁਰਸ਼ ਸਿੰਗਲਜ਼ ਵਿਚ ਆਪਣੀ ਚੁਣੌਤੀ ਪੇਸ਼ ਕਰਦਾ ਨਜ਼ਰ ਆਵੇਗਾ। ਨਾਗਲ ਨੂੰ ਪਹਿਲੇ ਅਲਟਰਨੇਟਿਵ ਸੂਚੀ 'ਚ ਰੱਖਿਆ ਗਿਆ ਸੀ। ਹੁਣ ਨਾਗਲ ਨੂੰ 20 ਖਿਡਾਰੀਆਂ ਵਾਲੇ ਮੁੱਖ ਡਰਾਅ 'ਚ ਸ਼ਾਮਲ ਕਰ ਲਿਆ ਗਿਆ ਹੈ।
ਇਸ ਤੋਂ ਪਹਿਲਾਂ ਭਾਰਤ ਨੂੰ ਨਵੰਬਰ-1 ਸਿੰਗਲਸ ਖਿਡਾਰੀ ਪ੍ਰਜਨੇਸ਼ ਨੇ ਪੋਲੈਂਡ ਦੇ ਕਾਮਿਲ ਮਾਚਜਾਕ ਦੇ ਟੂਰਨਾਮੈਂਟ ਤੋਂ ਹਟਣ ਦੇ ਬਾਅਦ ਪੁਰਸ਼ ਡਰਾਅ 'ਚ ਜਗ੍ਹਾ ਬਣਾਉਣ 'ਚ ਸਫਲਤਾ ਸਫਲਤਾ ਹਾਸਲ ਕੀਤੀ ਸੀ। ਇਸ ਟੂਰਨਾਮੈਂਟ ਦੇ ਲਈ ਭਾਰਤ ਦੇ ਡੇਵਿਸ ਕੱਪ ਖਿਡਾਰੀ ਤੇ ਦੱਖਣੀ ਏਸ਼ੀਅਨ ਗੇਮਸ ਗੋਲਡ ਮੇਡਲਿਸਟ ਰਾਮਕੁਮਾਰ ਰਾਮਨਾਥਨ ਨੂੰ ਵੀ ਵਾਈਲਡ ਕਾਰਡ ਦੇ ਜ਼ਰੀਏ ਪੁਰਸ਼ ਸਿੰਗਲ ਦੇ ਮੁੱਖ ਡਰਾਅ 'ਚ ਸ਼ਾਮਲ ਕੀਤਾ ਗਿਆ ਹੈ।
ਨਡਾਲ ਦਾ ਦੂਜੀ ਵਾਰ ਆਸਟਰੇਲੀਅਨ ਓਪਨ ਜਿੱਤਣ ਦਾ ਸੁਪਨਾ ਟੁੱਟਾ
NEXT STORY