ਦੁਬਈ : ਭਾਰਤੀ ਕ੍ਰਿਕਟ ਟੀਮ ਦੇ ਮੁੱਖ ਕੋਚ ਰਾਹੁਲ ਦ੍ਰਾਵਿੜ ਐਤਵਾਰ ਨੂੰ ਦੁਬਈ ਵਿੱਚ ਕੋਰੋਨਾ ਵਾਇਰਸ ਤੋਂ ਠੀਕ ਹੋਣ ਤੋਂ ਬਾਅਦ ਟੀਮ ਵਿੱਚ ਸ਼ਾਮਲ ਹੋ ਗਏ। ਦ੍ਰਾਵਿੜ ਦੀ ਗੈਰ-ਮੌਜੂਦਗੀ ਵਿੱਚ, ਵੀ. ਵੀ. ਐਸ. ਲਕਸ਼ਮਣ ਭਾਰਤ ਦੀ ਮੁਹਿੰਮ ਦੀ ਤਿਆਰੀ ਦੇ ਪੜਾਅ ਦੀ ਨਿਗਰਾਨੀ ਕਰ ਰਹੇ ਸਨ। ਐਤਵਾਰ ਨੂੰ ਜਦੋਂ ਭਾਰਤੀ ਟੀਮ ਏਸ਼ੀਆ ਕੱਪ ਦਾ ਪਹਿਲਾ ਮੈਚ ਪਾਕਿਸਤਾਨ ਖਿਲਾਫ ਖੇਡੇਗੀ ਤਾਂ ਦ੍ਰਾਵਿੜ ਡਗਆਊਟ 'ਚ ਮੌਜੂਦ ਹੋਣਗੇ।
ਨੈਸ਼ਨਲ ਕ੍ਰਿਕਟ ਅਕੈਡਮੀ ਦੇ ਨਿਰਦੇਸ਼ਕ ਲਕਸ਼ਮਣ ਦੇ ਬੇਂਗਲੁਰੂ ਜਾਣ ਦੀ ਸੰਭਾਵਨਾ ਹੈ, ਜਿੱਥੇ ਉਹ ਭਾਰਤ-ਏ ਟੀਮ ਨਾਲ ਜੁੜ ਜਾਵੇਗਾ ਜੋ 1 ਸਤੰਬਰ ਤੋਂ ਨਿਊਜ਼ੀਲੈਂਡ-ਏ ਦੇ ਖਿਲਾਫ ਸ਼ੁਰੂ ਹੋਣ ਵਾਲੀ ਰੈੱਡ-ਬਾਲ ਸੀਰੀਜ਼ ਲਈ ਤਿਆਰੀ ਕਰ ਰਹੀ ਹੈ। ਲਕਸ਼ਮਣ ਹਰਾਰੇ ਤੋਂ ਦੁਬਈ ਲਈ ਰਵਾਨਾ ਹੋਏ ਸਨ ,ਜਿੱਥੇ ਉਹ ਕੇ. ਐੱਲ. ਰਾਹੁਲ ਦੀ ਅਗਵਾਈ ਵਾਲੀ ਭਾਰਤੀ ਟੀਮ ਦੇ ਕੋਚ ਸਨ।
ਇਹ ਵੀ ਪੜ੍ਹੋ : ਏਸ਼ੀਆ ਕੱਪ 'ਚ ਭਾਰਤ-ਪਾਕਿ ਦੇ ਮਹਾਮੁਕਾਬਲੇ ਤੋਂ ਪਹਿਲਾਂ KL ਰਾਹੁਲ ਨੇ ਦਿੱਤਾ ਵੱਡਾ ਬਿਆਨ
ਭਾਰਤ ਨੇ ਉਦੋਂ ਜ਼ਿੰਬਾਬਵੇ ਨੂੰ 3-0 ਨਾਲ ਹਰਾਇਆ ਸੀ। ਉਹ ਇਸ ਤੋਂ ਪਹਿਲਾਂ ਆਇਰਲੈਂਡ ਟੀ-20 ਦੌਰੇ ਅਤੇ ਇੰਗਲੈਂਡ 'ਚ ਪਹਿਲੇ ਟੀ-20 ਲਈ ਕੋਚਿੰਗ ਸੈੱਟਅੱਪ ਦਾ ਹਿੱਸਾ ਸੀ। ਲਕਸ਼ਮਣ ਨੂੰ ਜ਼ਿੰਬਾਬਵੇ ਦੌਰੇ ਤੋਂ ਬਾਅਦ ਭਾਰਤ ਪਰਤਣਾ ਸੀ, ਪਰ ਪਿਛਲੇ ਹਫ਼ਤੇ ਦ੍ਰਾਵਿੜ ਦੇ 'ਹਲਕੇ ਕੋਵਿਡ ਲੱਛਣਾਂ ਦਾ ਪਤਾ ਲੱਗਣ' ਤੋਂ ਬਾਅਦ ਉਨ੍ਹਾਂ ਨੂੰ ਅਹੁਦਾ ਸੰਭਾਲਣ ਲਈ ਕਿਹਾ ਗਿਆ ਸੀ।
ਭਾਰਤੀ ਖਿਡਾਰੀ 23 ਅਗਸਤ ਨੂੰ ਦੁਬਈ ਵਿੱਚ ਇਕੱਠੇ ਹੋਏ ਸਨ ਅਤੇ ਇੱਕ ਦਿਨ ਬਾਅਦ ਟ੍ਰੇਨਿੰਗ ਸ਼ੁਰੂ ਕੀਤੀ ਸੀ। ਪਾਕਿਸਤਾਨ ਦੇ ਖਿਲਾਫ ਆਪਣੀ ਖੇਡ ਦੀ ਪੂਰਬਲੀ ਸ਼ਾਮ 'ਤੇ ਸ਼ਨੀਵਾਰ ਨੂੰ ਇੱਕ ਬਦਲਵੇਂ ਸੈਸ਼ਨ ਤੋਂ ਪਹਿਲਾਂ, ਆਪਣੇ ਹੁਨਰ 'ਤੇ ਜ਼ੋਰ ਦੇਣ ਦੇ ਨਾਲ ਤਿੰਨ ਦਿਨਾਂ ਦੀ ਸਖਤ ਟ੍ਰਨਿੰਗ ਲਈ।
ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।
ਮੈਨੂੰ ਇਹ ਸਵੀਕਾਰ ਕਰਨ 'ਚ ਹਿਚਕ ਨਹੀਂ ਕਿ ਮੈਂ ਮਾਨਸਿਕ ਤੌਰ 'ਤੇ ਕਮਜ਼ੋਰ ਸੀ : ਵਿਰਾਟ ਕੋਹਲੀ
NEXT STORY 
