ਕੋਰੋਨਾ ਵਾਇਰਸ ਦੇ ਚੱਲਦੇ ਆਸਟਰੇਲੀਆਈ ਮਹਿਲਾ ਕ੍ਰਿਕਟ ਟੀਮ ਦਾ ਅਫਰੀਕੀ ਦੌਰਾ ਮੁਲਤਵੀ

Updated: 13 Mar, 2020 12:37 PM

australia women s tour to sa postponed due to coronavirus

ਸਪੋਰਟਸ ਡੈਸਕ : ਵਿਸ਼ਵ ਸਿਹਤ ਸੰਗਠਨ ਨੇ ਕੋਰੋਨਾ ਵਾਇਰਸ ਨੂੰ ਆਧਿਕਾਰਿਕ ਤੌਰ ’ਤੇ ਵਿਸ਼ਵ ਮਹਾਮਾਰੀ ਐਲਾਨ ਕਰ ਦਿੱਤਾ ਹੈ, ਦੇਸ਼ਾਂ ਨੇ ਆਪਣੇ ਅੰਤਰਰਾਸ਼ਟਰੀ ਬਾਰਡਰ ਬੰਦ ਕਰ ਦਿੱਤੇ ਹਨ। ਅਜਿਹੇ ’ਚ ਜੇਕਰ ਕ੍ਰਿਕਟ ਦੀ ਗੱਲ ਕਰੀਏ ਤਾਂ ਮਹਿਲਾ ਟੀ-20 ਵਿਸ਼ਵ ਕੱਪ ਜਿੱਤਣ ਤੋਂ ਬਾਅਦ ਆਸਟਰੇਲੀਆ ਮਹਿਲਾ ਕ੍ਰਿਕਟ ਟੀਮ ਦਾ ਦੱਖਣੀ ਅਫਰੀਕੀ ਦੌਰਾ ਕੋਰੋਨਾ ਦੀ ਵਜ੍ਹਾ ਕਰਕੇ ਰੱਦ ਹੋ ਗਿਆ ਹੈ। ਜਿਸ ਦੀ ਸੂਚਨਾ ਕ੍ਰਿਕਟ ਆਸਟਰੇਲੀਆ ਨੇ ਸੋਸ਼ਲ ਮੀਡੀਆ ’ਤੇ ਦਿੱਤੀ। ਦਰਅਸਲ ਕ੍ਰਿਕਟ ਆਸਟਰੇਲੀਆ ਨੇ ਟਵਿਟਰ ’ਤੇ ਟਵੀਟ ਕਰਦੇ ਹੋਏ ਲਿਖਿਆ, ਕ੍ਰਿਕਟ ਆਸਟਰੇਲੀਆ ਨੇ ਅੱਜ ਸਵੇਰੇ ਐਲਾਨ ਕੀਤਾ ਹੈ ਕਿ ਦੱਖਣੀ ਅਫਰੀਕਾ ਦੇ ਸਾਡੇ ਅਗਲੇ ਦੌਰੇ ਨੂੰ ਮੁਅੱਤਲ ਕਰ ਦਿੱਤਾ ਗਿਆ ਹੈ। ਦਸ ਦੇਈਏ ਕਿ ਇਸ ਦੌਰੇ ’ਤੇ ਮਹਿਲਾ ਟੀਮ ਨੂੰ ਤਿੰਨ ਵਨ-ਡੇ ਅਤੇ ਤਿੰਨ ਟੀ-20 ਮੈਚ ਖੇਡਣ ਸਨ। ਸ਼ੈਡਿਊਲ ਮੁਤਾਬਕ ਵਨ-ਡੇ ਸੀਰੀਜ਼ ਦਾ ਪਹਿਲਾ ਮੈਚ ਡਰਬਨ, ਦੂਜਾ ਮੈਚ ਪੀਟਰਮਾਰਿਟਸਬਰਗ ਅਤੇ ਤੀਜਾ ਵਨ-ਡੇ ਮੈਚ ਈਸਟ ਲੰਡਨ ’ਚ ਖੇਡਿਆ ਜਾਣਾ ਸੀ ਜਦ ਕਿ ਟੀ-20 ਸੀਰੀਜ਼ ਦੀ ਸ਼ੁਰੂਆਤ 31 ਮਾਰਚ ਤੋਂ ਹੋਣੀ ਸੀ।

Cricket Australia has this morning announced our upcoming tour of South Africa has been suspended until further notice in response to the Coronavirus pandemic. pic.twitter.com/cKvDq843ju
— Australian Women's Cricket Team 🏏 (@AusWomenCricket) March 12, 2020